HÆTTUR - Farinn

Hættur er já Herra Blair,
sem hæstráður í ríki sínu.
Fer nú brott og flýtir sér,
í "Friðarleit" til Palestinu!?

Blair formlega tilnefndur sem erindreki í Miðausturlöndum

Sýn 2.

Jæja, þá er þetta að nokkru að minnsta kosti komið á hreint!
Sýn 2 hefur göngu sína 4. ágúst, enski boltinn byrjar svo á fullu viku síðar!
Nýjir áskrifendur þurfa að borga 4000 kall fyrir mánaðaráskrift, en hinir sem bæta við sig Sýn 2 frá 2400!?
Þar liggur einmitt fyrsta spursmálið, sem á eftir að koma betur í ljós, er þetta bara grunngjald, fyrir móðurstöðina, hækkar svo verðiðmeð hliðarrásunum?
Hvernig tilboð fáum við þessir dyggu viðskiptavinir 365, sem erum í klúbbnum M12? (hef keypt Sýn í 10 ár!)
Enska 1. deildin verður þarna líka og það væntanlega Meistaradeildin líka, annars finnst mér það svolítið loðið með hana, allavega er því haldið fram að gamla Sýn verði áfram á fullu, hvernig sem það mun líta út!?
Enn nokkrum spurningum ósvarað með þetta áður en ég tek ákvörðun!

Neinei, ekki Bítlarnir!

Já, svo það fari nú ekkert á milli mála, fyrst endurkoma Zeppelin er enn einu sinni komin í hámæli, að það er engin, ég endurtek, ENGIn, von til að bítlarnir snúi aftur!
Of margir, tveir af fjórum, fallnir frá til að það væri raunhægt, sem það var svo ekki mikið heldur meðan John Og George voru enn á meðal vor!
Mér þætti líklegra að Elvis kæmi aftur!

Endurkoma Zeppelin?

Í Fréttablaðinu í dag er skýrt frá því að hinar þrjár eftirlifandi rokkhetjur er skipuðu goðsagnasveitina Led Zeppelin, þeir Robert Plant söngvari, Jimmy Page gítarleikari og John Paul JOnes bassaleikari, hafi hug á að koma saman á ný undir merki sveitarinnar í sumar til minningar um stofnanda plötufyrirtækis þeirra, Atlantic.
Er meiningin að þessir tónleikar geti svo markað upphaf frekari starfsemi, jafnvel tónleikaferðar víða um heim!Nánast frá því að hljómsveitin hætti eftir fráfall trommuleikarans sérstæða, John Bonhams, hefur orðrómur alltaf annars lagið komið upp um endurkomu og/eða endurreisn, en einungis svo hægt sé að tala um hafa þeir tvívegis að ég man eftir, komið aftur fram sem Zeppelin, á Live Aid með Genesismanninn fræga með meiru, Phil Collins við trommusettið og svo á einum afmælistónleikum Atlantig. Við hin og þessi verkefni hafa þeir þrír og þá ásamt syni Bonhams, Jason, unnið saman (Jason með þeim á afmælistónleikunum áðurnefndu t.d.) en Endurkoma með stóru E, hefur þó líklega sjaldan verið meir til umræðu en kannski nú!
Þarf ekkert að orðlengja það, að þúsundir myndu fagna slíkri endurkonu, en sjálfur veit ég ekki, þetta líkt og með bara t.d. Spice Girls (skammast mín þó hálfpartin að nefna þær í sömu andrá!) snýst eða mun á endanum snúast mikið eða mest um peninga, sem auðvitað flestir hlutir gera, en kannski bara allt of mikið!
En við sjáum hvað setur!

Gott að búa í Kópavogi...Og gaman!

Já, það er bæði gott og gaman að búa í Kópó!
Þar slást menn um lóðir og hesthús, en hjóla svo og hafa það gott nektarbúllur bæjarins á kvöldin, allavega gera sumir það!
Hér í begurðarbænum nyrðra hafa stóru félögin tvö óteljandi rimmur háð sem þessa. Þar tóku mínir menn í Þór í lurgin á KA-dúllurunum, en ALLTAF og sér í lagi inni á vellinum! Um það sáu hetjur og harðjaxlar á borð við Nóa björns, Árna Stef og Bjössa Vidda sællar minningar!
En svona aulabrögðum utan vallar hjá hinum almenna stuðningsmanni, man ég ekki eftir! Nema að einu sinni tók aðkomumarkvörðurinn Óli Gott sig til og var með smá uppsteit, en pilturinn sá spilaði um hríð með bláa liðinu hér í bæ! Hins vegar hafði hann lítið upp úr krumlukrafsinu svona utan vallar,var bara hent úr stúkunni! Var hann þá sömuleiðis hættur að spila í bænum fyrir nokkru, kíkti sísvona í heimsókn og æsti sig aðeins!

HK fánarnir skornir niður

Bull eða besta mál?

Daily Star er nú ekki áreiðanlegasti miðill í heimi.
En af þeim takmörkuðu kynnum sem ég hafði af poppgyðjunni okkar, þá kæmi mér nú ekki á óvart, að þetta gæti nú samt verið rétt!
En að stelpurófan Brittny fengi hér frið, það er nú önnur saga, þó "neðannekt" þyki nú ekki tiltökumál hér!

Björk býður Britney til Íslands

Lengi von á einum!

Ég er og hef verið og mun alltaf verða grjótharður Liverpoolaðdáandi!
Það eru forréttindi að vera það og ég var svo ungur þegar það hófst, að mér er fyrirmunað að rifja það upp hvernig það atvikaðist!
En í seinni tíð er ég ekki eins "heitur" en fylgist þó grant með og veit hvað klikkan slær í félaginu svona að mestu leiti! Les svo auðvitað hina frábæru heimasíðu Liverpoolklúbbsins að sjálfsögðu reglulega!
Þessi hugsanlegu og kannski kaup á Fernandio Torres, hafa oftar en einu sinni áður verið í deiglunni og nú hygg ég að það sé "núna eða aldrei"!
Annars væri ég hrifnari ef Argentínumaðurinn Cevez og Frakkin Florent Malouda yrðu keyptir, stórlið á borð við Liverpool hefur ekki síður þörf fyrir skapandi sóknarspilara en "Stormsentera" á borð við Torres!
En víst er að sumir "púlarar" eru að verða svolítið óþolinmóðir í biðinni erftir fregnum af leikmannakaupum.

Ekkert tilboð frá Liverpool í Torres

Nú er ég hissa!

Já, nú er ég steinhissa, hef ekki svo ég muni, heyrt áður að það hafi gerst, að tveir leikmenn í kvennafótboltaleik, hafi verið vísað af velli, úr sama liði og það með einungis 7 mínútna millibili!
Hlýtur að vera nánast einsdæmi, ef ekki bara í fyrsta skipti sem það gerist!?
Önnurþeirra var já Gréta Mjöll Samúelsdóttir, íþróttafrétta- og Framsóknarmanns og Ástu B. Gunnlaugsdóttur markamaskínu með Blikum á árumáður m.m., en sjálf er Gréta í landsliðinu nú og hefur gert garðin frægan sem söngkona!

Tvær Blikakonur reknar af velli á sjö mínútna kafla

Þetta fer mest í taugarnar á mér í dag!

1. Hitinn er "bara" 50% lægri í dag en í gæ, 10 í stað 20 stig!
2. Allt of mikið klæddar konur í návist minni, þannig upplifir maður hitalækkun!
3. Menn sem berja dýr, eins og lesa má á bloggi gurrihar!
4. Að sumir aðrir "stórbloggarar" telji sig betur komna á eyju, voru svosem á henni fyrir!?
5. Sprekið í stóra garðinum mínum, það virðist endurnýjast daglega!?
6. Ónefnt útvarpskona á Bylgjunni, sem bara býður Sjálfstæðismönnum og/eða Valsmönnum í heimsókn, hvenær hefur slíkt fólk þótt sértakt!?
7. Glórulausir ökumenn, þeim vonda "þjóðflokki fer sífelt fjölgandi!
8. Íslensk karlaknattspyrna, spyrjið mig ekki hvers vegna!
9. Þorsti, það er að segja Lífsblóms míns. Kann bara ekki að vökva það lengur!
10. George Bush, en það er nú bara orðin gömul klisja!

MERGJAÐUR MASSI!

Hvað getur hugsanlega hreyft við gamlinganum mér sílalegum á sumarkveldi?
FEngið mig til að standa upp úr letinnar ljúfa sessi og sperra eyru?
Hvað getur skafið skítin úr eyrum og skrapað fitu af beinum?
FEngið hárin til að rísa og búk til að brjálast!?
Ekkert nema, ekkert nema...
ALVÖRU MASSI, METAL MASSI,

MÍNUSMASSI!!!

Viðurkenni, að ég var ekki nema svona kurteislega hrifin af frumburði Mínus, Hey Johnny árið 1999.
VAr og er reyndar enn alltaf leiðinlega gagnrýnin á íslenskt rokk og auðvitað ekki að ófyrirsynju, afskaplega misjafnt hvernig til hefur tekist og þá sérstaklega hvað hljóðvinnsluna snertir!
En með "Halldór Laxness" tóku Krummi "Boson" og félagar mig einfaldlega með trompi, líkt og þeir gerðu við svo marga fleiri gamla harðhausa víða um heim!
Auðvitað var stíllinn breyttur, mýkri laglínur komu þar inn á kostnað -Beint-að-augum-Harðkjarna- en það var örugglega nauðsynleg þróun hjá genginu frá tveimur fyrstu plötunum! (Jesus Christ Bobby númer tvö!)
Nú eins og flestir vita, fylgdi svo meiri vegsemd með "Halldóri" tónleikar víða um heim og platan svo endurútgefin með betrumbótum.
Síðustu tvö árin allavega hafa menn svo beðið með eftirvæntingu þess að heyra hvernig næsta skref yrði,hvort þeir gætu yfir höfuð fylgt eftir og bætt við þar sem H.L. skildi við!
Einn maður hefur alltaf í viðtölum nánast lofað öllu fögru með fjórðu plötunni, sagt að það yrði alvöru gegnumbrotið fyrir strákana, engin annar en sjálfur Bo Krummapabbi, skallapoppari Íslands númer eitt og hjartaknúsari, Björgvin Halldórsson!
Veit nú lítið um fögnuð heimsbyggðarinnar, en veit bara að nokkurn vegin það sem segir hér í upphafi gerðist með nýju plötunni, Nothing Whalekinn, er hún kom í hendur og undir geislan fyrir um þremur vikum eða svo!
Áfram grípandi laglínur sem á H.L. en skerpa og viss hráleiki aftur meiri líkt og á fyrstu tveimur plötunum.
ER einfaldlega mun betri plata og heilsteyptari en ég átti von á, já bara hreint út sagt Meiriháttar MASSI!
Nenni ekki að tíunda einhver sérstök lög eða kryfja texta, hlusta bara og hlústa skekin af kjarnakraftinum!
Bil sem nemur pólitisku kjörtímabili, hefur því reynst þess virði og vel það og ég gæti trúað, að þeim sem fannst of mikil "mýkt og væl" vera komið í spilið á H.L. séu sáttari núna!

Niðurstaða: FULLT HÚS!