Bloggfærslur mánaðarins, júní 2009

Ísgerður hin ljúfa!

http://visir.is/article/20090629/LIFID01/370748196

Gat nú bara ekki stillt mig um að stelast til að vísa á þessa litlu frétt á visir.is.
Gladdi mig að lesa þetta, stúlkan líka ekki bara ljúf, heldur gáfuð, falleg og fróm. Mun áreiðanlega taka þetta nám með trompi af öllu forfallalausu og verður svei mér komin á þingið fyrr eða síðar!

Þess má svo annars geta, að Ísgerður er frænka mín, en það er að sjálfsögðu aukaatriði og hefur ekkert með færsluna að gera!?


Omar er minn maður, Blússnillingurinn frá Texas!

Ég hef ekki verið of duglegur við að setja á blað línur um eitt af mínum helstu hugarefnum og sálar hvað mest upplífgandi, blúsinn og rokkið í bland, en þetta er smá bragarbót á því, um merkan mann og nnýjasta verk hans! Omar Kent Dykes er sannarlega einn af mínum uppáhalds í blúsnum og hefur verið það meira og minna í yfir tuttugu ár, eða frá því ég uppgötvaði hann fyrst með plötunni með íhugula nafnið (og sem svo sannarlega getur átt við litla Íslandið okkar bæði fyrr og nú!) Hard Times IN The Land Of Plenty! Omar er upprunnin eins og svo margur góður krafturinn frá Mississippi, en hefur hygg ég lengst af síns ferils gert út frá blúsborginni frægu með meiru, Austin í Texas! Hann fellur því sannarlega og hefur tilheyrt Texasblúsnum, sem oftar en ekki er litaður af rokki og melódiskum laglínum og mætir t.d. Suðurríkjarokkinu sumpart á miðri leið m.a. Omar er í dag með virtari mönnum og vinsælli í sínum geira og þá ekki hvað s´síst í Evrópu, þangað sem hann fer reglulega í tónleikaferðir og hefur hljóðritað eina fína tónleikaplötu. Undir eigin nafni og sveitar sinnar The Howlers eru plöturnar komnar vel á annan tuginn, en sú fyrsta kom út minnir mig 1980 og nefndist Big Leg Beat!án Howlers eru skífurnar einnig nokkrar auk þess sem garpurinn, söngvarinn og gítarleikarinn, hefur gert skífur í samfloti með öðrum. 2007, kom einmitt ein afburðagóð slík út frá honum í samfloti með ekki ómerkari snilling en Jimmie Vaughan, fyrrverandi gítarleikara í The FAbulous Thunderbirds og og bróður annars látins snillings og enn frægari reyndar, Stevie Ray Vaughan! Á þessari plötu heiðruðu þeir minningu hetjunnar fornfrægu Jimmie Reed og nefndist platan On The Jimmie Reed Highway! Skemmst frá að segja, einkar vel heppnað verkefni þar sem ýmsir fleiri félagar og vinir komu við sögu, m.a. Kim Wilson (söngvari og munnhörpuleikari úr T-birds) söngkonan LouAnn Barton (sem "heimsfræg" varð á Íslandi og vinsæl fyrir að syngja Gevaliakaffiauglýsingalagið Shake A Hand fyrir vel rúmum áratug og sjálfsagt margir muna enn!) og gítaristinn og upptökustjórinn með meiru, Brendan O'Brien (einnig meðlimur í TEXMEXsveitinni skemmtilegu Texas Torrnados) Nú tveimur árum síðar er sumpart sporgönguskífa þessarar nýbúin að líta dagsins ljós undir nafninu Big Town Playboy, eftir samnefndu lagi eftir Eddie Taylor, sem einmitt var góður félagi Reed!Munurinn þó sá, að annars vegar er þessi nýja þó aðeins skráð á Omar og lögin sem við Reed eru kennd aðeins tvö hygg ég. SAma meginsveit er þó þarna og sömuleiðis Jimmie, LouAnn og O'Brien! Svo eru þarna gestir ekki ómerkari en t.d. Laxy Lester og aldna munnhörpuhetjan James Cotton m.a. líka. Þá hefur Omar sama háttin á og síðast, lætur sér nægja að syngja, en það er eins og með góð vín að sagt er, hann batnar bara með aldrinum og röddin ekki bara svona "Úlfsómandi" (eða Wolfman, eins og Kaninn kallar slíka dimmraddaða en "gólandi" söngvara) eins og hún var framan af. Og svei mér, big town Playboy er litlu síðri en forverinn, bara algjör og endalust ánægja fyrir gallharðan blúsunnanda á borð við mig! Enn ein gæðaplatan frá Omari, en aðrar sem nefna má og eru afbragðs líka, eru t.d. Monkey Land, Wall Of Pride, Southern Style og Boogie man, þar sem hann er ásamt The Howlers (súð síðastnefnda jafnframt sú nýjasta með þeim) og einherjaskífurnar Blues Bag og Muddy Spring Road! Má tvímælalaust mæla með þessum plötum öllum fyrir þá er hafa ánægju af rótartónlist og rokki ýmis konar, en þær flestar ef ekki allar og fleiri góðar til, má hygg ég fá í gegnum póstverslun Amazon til dæmis. Omar Kent Dykes Big Town Playboy 1. Big town Playboy 2. Upside your head 3. Can´t judge nobody 4. Think 5. Mary, Mary 6. No More Doggin´ 7. Hello Mary Lee 8. Close together 9. Dream girl 10. Since I Met Your Baby 11. Man down There 12. King Bee

"Hetjurnar deyja alltaf ungar"!

Sögusafnir um veikindi af ýmsu tagi höfðu lengi verið á kreiki auk margs annars miður góðs hvað "Jacko Wacko" varðaði, svo þetta kemur ekki alveg á óvart.
Svo kaldhæðnislega vill til, að ég er sjálfur ný búin að rifja upp þær minningar, að ekki þótti nú beinlínis sniðugt að hrífast af tónlist hans á þeim árum er stjarna hans reis upp fyrir alla aðra með útkomu Thriller 1983 - 4. En rokkboltarnir sýndu honum þó smá umburðarlyndi og dáðust í raun af honum í laumi, ekki síst vegna þess að hann fékk til liðs við sig gítargoð úr rokkinu á borð við Steve Vai og síðar nafna hans Stevens!Og vart hef ég gert það og sent félaga mínum bubba pistil um það og aðra tónlist sem hreif á ungsómsárum en ekki mátti fyrir nokkurn mun tala upphátt um, en poppgoðið hefur snarlega safnast til feðra sinna!
Af ýmsum ástæðum sem þarf nú ekki að tíunda, þá munu ýmsir vart gráta mikið þessi tíðindi, en víst er að með Michael Jackson er fallin frá ein skærasta poppstjarna í það minnsta á ofanverðri tuttugustu öld, ef ekki bara allra tíma!? Og ekki man ég betur, en Thriller sé enn ein söluhæsta ef ekki söluhæsta hljómplata allra tíma!?
mbl.is Lát Jacksons staðfest
Tilkynna um óviðeigandi tengingu við frétt

Sér er nú hver eyðslan!?

Ég verð nú bara að segja það í ljósi þess að að líkindum er um besta hægri bakvörðin í deildinni er að ræða og að summan til greiðslu verður ekki meiri en um rúmar 10 m. fyrst skuldin á Peter Crouch var enn ekki fullgreidd. Ef að likum lætur mun þessi drengur verða mikill styrkur fyrir Liverpool, haldi hann áfram að sýna þann styrk og getu sem vaxið hefur gríðarlega hjá honum sl. árin.
mbl.is Benítez ver ákvörðun sína um eyðsluna í Johnson
Tilkynna um óviðeigandi tengingu við frétt

Og fellur þá í fimmta sinn?

Hann hefur allavega "afrekað" það að falla niður úr úrvalsdeildinni með fjórum liðum að ég man, Crystal palace, Wimbledon, Ipswich Town og Charlton Athletic. Svo spilaði hann eitthvað með Barnsley ef ég sömuleiðis man rétt, en í neðri deild.
Eins og málum er háttað þarna, er kappin úr Vestmannaeyjum, í það minnsta að taka áhættu á falli, allt í óvissu í hafnarborginni núna og einhver flótti brostin á marga af betri leikmönnum eða þeir á leiðinni að yfirgefa skútuna að fregnum að dæma.
En við sjáum hvað setur og vonandi er þetta rétt ákvörðun hjá fyrirliða íslenska landsliðsins!?
mbl.is Hermann tók tilboði Portsmouth
Tilkynna um óviðeigandi tengingu við frétt

Auðarstaka!

Vinkona mín góð, lipur og léttfætt, hún Auður H. Ingólfsdóttir, hélt upp á þjóðhátíðardaginn með snaggaralegri fjallgöngu upp nágranafell sitt er kennt er við höfn, þar sem hvergi verður hvassara undir!
Gönguna upp Hafnarfjallið fór hún með vinkonu einni í ekki allt of góðum veðurskilyrðum, svo ég skildi þessar línur eftir hjá henni.

Kvalin, köld og loppin,
kannski segja má,
hafi tölt á toppinn,
telpan Auður H.?

Þeir sem annars þekkja til Auðar, vita að hún er mikil náttúrukona, meðal annars fv. forsvarsmaður Landverndar!

aingolfs.blog.is


Þarna má spara!

Nokkuð einfalt reiknisdæmi má setja upp í huganum og það varlega!
Að því bara gefnu að 9000 ríkisstarfsmenn hafi 400000 á mánuði (þeir eru þó fleiri og upphæðirnar hærri) þá mætti spara rúnlega FJÓRA MILLJARÐA aðeins með því að kípa 10% af laununum!
"Matarholurnar" leynast víða og þetta er bara sem fyrr sagði mjög varlega reiknað!
Allir verða jú að leggjast á eitt og þessi lækkun væri síst of mikil hjá þessum hópi!
mbl.is 9000 ríkisstarfsmenn með yfir 400 þúsund í laun
Tilkynna um óviðeigandi tengingu við frétt

Kúlulánsvísa með meiru!

Já, hygg nú að þessi viðbrögð sem orðið hafa, t.d. hjá annars hinum ágætu fjöldasamtökum, Indefende, séu allt of hörð og ætli bara hinu allraversta að gerast!Sömuleiðis heldur hinn nýji formaður B áfram að slá um sig með yfirdrifnum hætti og heyrðist í umræðum gærdagsins.

Sigmundur mér sýnist án,
sóma fljótt á litið.
Kafrjóður um kúlulán,
kjaftar frá sér vitið!

tvær aðrar vísur mega svo fljóta með hérna. Ég hef áður birt vísu um hinn guðhrædda og mjög svo séryrta bloggara, Óskar Helga Helgason. Honum finnst stundunm ástæða til að yrða á mig og þá ekki hvað síst núna vegna þess að ég er ekki alveg á sömu línu og margur varðandi Icesaveábyrgðina m.a. og er hann sjálfur þar meðtalin. Inn á bloggi minnar elskulegu vinkonu, Láru Hönnu, vildi hannfrá mér svör við ýmsu, sem hann fékk og svo þetta líka.

Þótt eflaust hafir innan- já borðs,
eðalhjarta úr gulli.
Óskar minn Helgi, hagur til orðs,
hættu nú þessu bulli!

Og síðan um Lafðina sjálfa Láru Hönnu, datt þetta út úr mér er ég kom inn á síðuna hennar og hún aldrei þessu vant "inni".

Sefur nú á sinni kinn,
svífandi í draumalandi.
Lára Hanna litla skinn,
lúin mjög af næturstandi!


mbl.is „Þarf ansi mikið að ganga á“
Tilkynna um óviðeigandi tengingu við frétt

Bara tylliástæða!

http://visir.is/article/20090617/LIFID01/464995874 Jamm, það held ég nú góðir ha´lsar, að sé nú málið, en ekki það sem kemur fram í frásögninni á visir.is og ég er að stelast hérna til að vísa á! Málið er auðvitað það, að Davíð sjálfur, drengurinn knái, hefur aldrei og mun aldrei ráða við að spila með tvo stóra bolta, bara einn! Annars er það svo heldur mikið í lagt, að tala um "ný brjóst" á kvinnunni, eins og þarna er gert í frásögninni,þetta eru jú sömu yndin eftir sem áður þó fyllingar og fleira kannski hafi nú verið fjarlægt, umfangið e.t.v. komið nálægt hinu upprunalega núna? Hins vegar skil ég ekkert í dömunni fögru, að flækjast þetta í Ammrikkunni til þess arna, ætti sem og aðrar slíkar bara að skutlast sem snöggvast hingað til lands, yrði bæði ódýrara nú fyrir þær og svo fengju þær miklu betri þjónustu þykist ég vita sumstaðar!

Er það svo?

Lýðveldi er visst skipulag sem þegnar viðkomandi þjóðar hafa í flestum tilvikum komið ´sér saman um. (þó vissulega séu dæmi um utanaðkomandi þrýsting eða þvingun í ´þá átt) Ég vil trúa að Kjartan Magnússon telji Bandaríkin lýðveldi í sínu stóra samhengi, fáar þjóðir munu þó skulda meira en þau og það þótt hagkerfið sé það umfangsmesta í heimi. Borgarfulltrúin var kannski með dýpri meiningu í þessu, að frekari órói í þjóðfélaginu og vandræði vegna efnahagskreppunnar, geti leitt af sér hættu á uppreisn eða byltingu, veit ekki, en slíkt þyrfti hygg ég fyrir alvöru að gerast svo hægt sé að tala um raunverulega lýðveldisógnun. Kannski var hann bara að rugla saman hugtökum,talaði um lýðveldi, en meinti hins vegar hið stóra og dýra hugtak sem í flokki hans felst, eða nafni hans öllu heldur, sjálfstæði!? En hvað um það, til hamingju með daginn kæru lesendur og já sannarlega 65 ára afmæli lýðveldisins!
mbl.is Lýðveldið veikara en nokkru sinni
Tilkynna um óviðeigandi tengingu við frétt

Næsta síða »

Um bloggið

Pælt um heima og geima

Höfundur

Magnús Geir Guðmundsson
Magnús Geir Guðmundsson
Áhugamaður um flesta hluti.

Nýjustu myndir

  • wmftcs
  • mgg
  • ...mg2_251805
  • ...mg2_251804
  • ...mg2

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband