Algjörlega sanngjarn sigur..

og ekkert kjánakjaftæði með það MU-menn!
Miðað við svo hástemdar yfirlýsingar og útbelgt sjálfstraust margra MU aðdáenda fyrir leikin, þá er þetta líka enn sætari sigur og nú röfla menn ekki mikið um sundbolta í bili að minnsta kosti!
En ekki nóg að vinna þennan leik,nú þarf að byggja ofan á, fá stig mega tapast fleiri á næstunni til að missa ekki t.d. hið sterka Chelsealið of langt frá.
Synd að Javier skildi fá rautt í restina, skyggði á, en ekkert við því að gera!

Sanngjarn sigur Liverpool á Manchester United

Arfavitlaus og vond tölfræði og samanburður!

Æ, kveinka mér hreinlega undan að lesa þetta! Skil ekkert í því að stofnun eins og Hagstofan skuli standa í því að klambra þessu saman, vitandi vits hefði ég haldið, að gæti ekki innifalið réttar tölur og samanburð?! Ef ég væri í stuði, gæti ég setið hérna lengi og kafað í gömul gögn sem ég á um þessi efni í víðum skilningi, en nenni því ekki auk þess sem ég hef svo oft gert það áður. Tvennt þó. Strax er tekið fram, að í þessar tölur vanti alveg sala yfir netið, en samt er hérna fram og til baka reifaður mismunur á "hljóðritun" og talað eins og um staðfestan samdrátt sé að ræða í sölu þeirra?! Síðast þegar ég vissi er lag eða heil plata áfram hljóðrit þótt ekki hefði verið um þrykkingu á plast að ræða með tilheyrandi plasthylki og bæklingi með. Hér er því aðeins um eðlis- og formbreytingu á sömu vöru að ræða, tónlist á stafrænu formi og meðan menn hafa ekki tölur um sölu hennar yfir netið eða öðrum leiðum en í gegnum verslanir sömuleiðis, er bara ekki hægt að vera með fullyrðingar um samdrátt og það þótt færri plasthylki hafi selst. Svo er þa hins vegar þessi stórfurðulegi heildsölusamanburður og tölur í því sambandi! Það er hrenlega út í hött að gera slíkan samanbuðr eða treysta slíkum tölum að þeirri einföldu ástæðu, að framundir þetta hefur framleiðsla, útgáfa og sala á íslenskri tónlist meira og minna um margra ára skeið, verið á SÖMU HENDI, sömu aðilar hafa meira og minna verið allt í kringum borðið, átt upptökuverin, útgáfurnar, verið dreifingaraðili/heildsali og smásali, að því ógleymdu að vera líka að stærstum hluta eigandi útgáfuréttar! Ósköp lítið eða í raun ekkert því að marka þær tölur sem og flestar í fréttinni.

Niðurhal af netinu hefur áhrif

Hringhenda um Sigga Sig.

Frá því í byrjun ágúst hef ég líka verið að láta ljós mitt skína á Fésbókinni. Þar á ég nokkra vini sem ég hef upphaflega vingast við hér á Moggablogginu, m.a. mótorhjólameyjuna mildu að vestan hana Rannveigu Höskuldsdóttur.
Hjá henni um daginn var fyrirbæri sem kallar sig Sigga Sig og gerði fyrst garðin frægan hér á blogginu, svona aðeins að "vísnast og klæmast" við Veiguna og ekki mjög vandvirknislega svo ég lét mitt álit í ljós. Karlfyrirbærið kom með hnoð handa mér sem ekki verður hér birt, en fékk þess í stað eftirfarandi. Hvort sem það var hringhendunnar vegna eða annars, þá steinþagnaði SS eftir hana og hefur ekki gelt síðan!

Margur heldur mig já sig,
monti belgdur, versti dóni.
En löngu geldur Siggi Sig,
seint þó veldur miklu tjóni!

"Frábært" fjórða tap í röð!

Tja, hvað getur maður mikið meir sagt, forysta í hálfleik en eins og þetta spilaðist voru úrslitin ekki ósanngjörn, þótt alltaf sé fúlt að fá á sig mark á síðustu mínútum sem skilja á milli feigs og ófeigs!
En um helgina verður alltallt annað upp á teningnum er ég nær viss um og guttarnir í rauðu búningunum munu brosa sínu breiðasta!
Til upprifjunar er um að ræða viðreign við hið sæmilega lið Manchester United á Anfield!

Liverpool og Arsenal að vinna

Vor í lofti, en vetur til fjalla!

Jamm, aldeilis blíðan í bæ vorum sl. daga, en til fjalla halda þó ungir menn og konur, rétt út úr bænum eða upp í Hlíðarfjall og leika sér m.a. á snjóbrettum!
Er því vart nema von, að manni verði að orði:

Vorið er komið og grundirnar gróa,
greyveturinn er alveg í klessu.
SAmt er nú úti alltaf að snjóa,
ekkert bara skil ég í þessu?!

Framsóknarfáranleiki!

Að lyftast við lýginnar eyki,
leggi já allt að veði.
Er Framsóknarfáranleiki,
FJANDANUM einum til gleði!

Þetta er á allan hátt ömurlegt og sýnir stjórnmálin í sinni alverstu mynd!

Mun ekki biðjast afsökunar

Óveðursský?

Fyrir þá sem ef til vill eru ekki með það á hreinu hvað þessi myndlíking táknar, þá merkir "óveðurský sé að myndast yfir einhverju" að vá sé fyrir dyrum með neikvæðum afleiðingum í einhverri mynd!
Þessi fregn er nú afskaplega mikið í "kjaftakellingastíl" verð ég nú að segja og það alveg óháð því hver afstaðan til eða frá er til aðildarumsóknarinnar að ESB!Stíllinn minnir mig eiginlega bara á "Ólygin sagði mér.." kálfin til dæmis sem mig minnir að hafi lengi verið í DV og afsprengi á borð við "Veröld/fólk" á mbl.is er svo að hluta til.(eða með svipuðum brag að hluta, kjaftasögur af frægu fólki o.s.frv.)
Finnst mér það ekki samboðið svo stóru og afdrifaríku máli, að blaðið sé að vitna í "einvherja sem vilja ekki láta nafna sinna getið" og sem síðan aftur vitna í enn aðra ótilgreinda í Brussel.
Í góðu lagi mín vegna að blaðið taki hreina og ótvíræða afstöðu með eða á móti ýmsum málum, það gera nú flest alvöru dagblöð út í hinum stóra heimi, en þá á líka að gera það tæpitungulaust og heiðarlega, en ekki með tortryggnishætti og í "Gróustíl".

Óveðursský yfir aðildarumsókn

"Æ, farðu að leggja þig Lexi"!

Voða er nú orðið hvimleitt hve mikið framboð er af alls kyns viðtölum og villurugli í þessum annars stórsnjalla fótboltaþjálfara!
Bara þrír aðrir í sögu MU eru Giggs lítt eða ekki siðri og betri ef eitthvað er, Schmeikel,Keene og Cantona!Og alltaf finnst mér jafnleiðinlegt hve hlutur varnarmanna er fyrir borð borin í slíkum pælingum, MU hefði aldrei staðið sig eins vel fyrir nokkrum árum nema vegna afbragðsframistöðu miðvarðaparsins Bruce og Palisters í mörg ár.
Giggs auðvitað frábær leikmaður, sem hefur átt magnaðan feril með miklum sigrum, en um tíma gekk honum ekkert sérstaklega og hefur ekkert verið svo áberandi á mörgum tímabilum.Spilaði til dæmis ekkert svo mikið allavega framan af sl. ´timabili, en kom sterkur inn er á leið.
Úr öðrum liðum í sögu Úrvalsdeildarinnar væri hægt að nefna engu síðri leikmenn á borð við tony Adams og Paul Gasgoigne og leikmenn sem nú eru á ferðinni á borð við Lampard og Gerrard, eru meiri alhliðaleikmenn heldur en Ryan Giggs.
Framistaða Giggs sl. vikur er bara að villa karlinum sýn, sem auk þess heldur áfram að bulla um dómara og margt fleira!

Ferguson: Giggs bestur í sögu ensku úrvalsdeildarinnar

Ferlegt!

Í einu orði sagt! Í raun ekki mikill munur á liðunum, en þegar hinir rauðu gátu ekki einu sinni skorað í tveimur bestu færum sínum í restina til að bjarga allavega andlitinu, þá þýðir nú lítið að kvarta meir yfir úrslitunum.
Svona er bú boltin og ekki virðast í augnablikinu miklar líkur á meistarabaráttu líkt og í fyrra frá "Strákunum úr Bítlaborginni", en við sjáum nú hvað setur.

Chelsea efst eftir sigur á Liverpool

"Ég græt fyrir Gústa"!

J'a, Sunderland grátlega nærri tímamótasigri á MU, en félag það heldur áfram að reddast m.a. á klaufaskap annara og heppni, frekar en eigin getu og yfirburðum í leikjum! Í þetta skiptið nægði það þó bara til að næla í eitt stig, sem er merkilegt út af fyrir sig. Nú spyrja margir eflaust hvort MU hafi nokkuð efni á að hvíla "Gamlingan" Giggs, um leið og margir stuðningsmenn munu örugglega skýra úrslitin vergna fjarveru hans og fleiri, en það dugir auðvitað ekki. Aðdáendur Sunderland eru ekki mjög margir hérlendis, en einn sá allrafrægasti hér norðan heiða er hann Gústi frændi minn og vinur og hefur hann fyrir sitt dæmalausa trygglyndi við félagið sjálfur verið kallaður "Sunderland" um langt skeið! Hann er kannski ekki "langt niðri" vegna endisins á leiknum, en svekkelsi og það skiljanlega situr nú örugglega í honum!

Sjálfsmark í uppbótartíma bjargaði Man.Utd