Bull eða besta mál?

Daily Star er nú ekki áreiðanlegasti miðill í heimi.
En af þeim takmörkuðu kynnum sem ég hafði af poppgyðjunni okkar, þá kæmi mér nú ekki á óvart, að þetta gæti nú samt verið rétt!
En að stelpurófan Brittny fengi hér frið, það er nú önnur saga, þó "neðannekt" þyki nú ekki tiltökumál hér!

Björk býður Britney til Íslands

Athugasemdir

[Jens Guð, 26.6.2007 kl. 23:09]

  Ég ætla ekki að geta í hvað stendur á bakvið frétt Daily Star.  Hinsvegar man ég eftir þekktum bandarískum leikara sem dvaldi um tíma á Norica hóteli.  Ég veit ekki hvað hann heitir en man eftir honum í hlutverki vonda kallsins í nokkrum kvikmyndum.  Hann er með ljóst krullað hár og með hörkulegan svip.  Ég er ekki klár á því hvort íslenskir fjölmiðlar sögðu frá dvöl hans hér.  Eða hvort hann var hér til að leika í kvikmynd.

  Nema hvað,  þessi náungi kom á kvöldin á Classic Rock,  sportbar í Ármúla.  Hann sagði okkur sem sátum með honum á Classic Rock að það væri erfitt að vera þekktur á Nordic hóteli.  Útlendingarnir þar hópuðust að honum.  Vildu eiginhandaráritanir og myndatökur af sér með honum.  Á Classic Rock var aftur á móti enginn að "bögga" hann með slíkum óskum.  Þar kippti sér enginn upp við návist hans og hann bara féll inn í hópinn.

  Ég man líka eftir því fyrir tveimur áratugum eða svo þegar Eric Clapton kom inn í plötubúðina Grammið.  Hann var einn á ferð og enginn að abbast upp á hann.  Það var flott og áreiðanlega óvenjulegt fyrir hann.  Hann spurðist fyrir um íslenskan blús.  Afgreiðslumaðurinn,  Siggi frá Blönduósi,  benti honum á hljómleika með Vinum Dóra.  Síðar fréttum við að hann hefði kíkt á þá hljómleika og heilsað upp á Gumma "Hendrix" Pétursson gítarsnilling.  Beðið um símanúmer hans.  En mér skilst að Gummi hafi ekki heyrt meira frá honum.  En það fylgdi sögunni að enginn hafi ónáðað Clapton á þeim hljómleikum.

  Ég sá líka liðsmenn Rammstein á hljómleikum Ham á Gauknum.  Í troðningnum við sviðið lenti ég innan um þýsku rokkarana.  Það skipti sér enginn af þeim.