Rakstursvísa - Að gefnu tilefni!

Um þetta þarf ekki að hafa mörg orð, hjá félaga Jens Guð hafa menn látið gammin geysa svo um munar um yrkisefnið!

Kona, verði þinn vilji,
vösk máttu nota öll tól.
SVo óþarfa hár ei hylji,
himneskt þitt munaðarból!

Gleður mitt gamla hjarta!

Ósjaldan eru fregnir af börnum og unglingum neikvæðar, þau stela bílum, kveikja í einhvers staðar, viljandi eða óviljandi eða það sem oftar enn verra er, þau verða fyrir ofbeldi af ýmsu tagi, til dæmis kynferðislegu!
Og stundum heyrum við líka af smá óknyttum og hnupli.
en svona afreksfréttir, eins og þessi og sú af unga drengnum hér nyrðra á sl. ári sem bjargaði systkini í eldsvoða, eru alveg gríðarlega gleðilegar og gefandi! Gæfa þessara ungu einstaklinga, að öðlast að bjarga lífi annara, verður einfaldlega aldrei metin að verðleikum!

Þrír piltar komu eldri konu til bjargar

Skild´ann vera skyldur?

Já, skildi þessi Duxbury vera í sömu fjölskyldu og Mike, sá er eitt sinn var bakvörður hjá Man. Utd?
Dettur sú annars lítt merka tilgáta í hug varðandi þetta lið þarna í Manchester sem nú telst vera "litla liðið" þar í borg þessa stundina!
En "Kexbaróninn kjaftgleiði" og fyrrverandi formaður hjá VAl og KSÍ, er hann að gefa eftir, aldurinn farin að segja til sín, eða West Ham batteríið orðið of mikið fyrir hann?
Veit ekki, gefur sínar skýringar jú, en enen..?

Duxbury tekur við daglegum rekstri af Eggerti

Á flugi með Freddy!

Let´s Hide Away And Dance Away
A Bonanza Of Instrumental
Þetta eru nöfn á tveimur LP plötum með hinum óviðjafnanlega gítarsnillingi Freddy King, sem komu út með honum fyrir nær hálfri öld!
Snemma á síðasta áratug voru þessar tvær skífur svo gegnar út aman á einni geislaplötu og eignaðist ég hana fljótlega eftir það frá Bandaríkjunum.
Ölleru þetta ósungin lög, hans frægustu flestar perlur þarna á borð við Hide Away (hans í raun eða Hounddog Taylor, nú eða einvhers annars skiptir mig litlu!) Stumble, San-Ho-Zay, Just Pickin´og mörg mörg fleiri! (þessi nefndu reyndar öll af fyrrnefndu skífunni)
Hef alla tíð talið þessa útgáfu með þeim merkari í safninu mínu dágóða af blúsplötum, dreg hana alltaf annars lagið fram auk annarar seinni tíma með gítargoðinu, tónleikaplötuna Texas Cannonball, sem Freddy gerði í samstarfi sínu við píanóleikarann þekkta Leon Russel!
Á þessu hrissingslega haustkveldi, var það einu sinni sem oftar við hæfi og ekki að spyrja að því, fór á flug með meistaranum, sem mér finnst eiginlega merkilegri en allir aðrir frá þessum tíma er sköpuðu sér nafn í Twang og Surfgítarspilinu svokallaða, sem Freddy King tilheyrði nú ekki, allavega ekki beinlínis í sínum blúsgítarstíl.Hann líka svartur, en flestir ef ekki allir hinir sem frægir urðu fyrir gítareinleik á þessum tíma voru bleiknefjar á borð við Link Wray, Duane Eddie, roy Buchanan, Dick Dale og fleiri!

Merkur náungi Branson!

Inn í þessa stuttu frásögn af Richard Branson, vantar auðvitað að plötuútgáfa hans sem líka ber nafnið Virgin, hefur verið með þeim umfangsmeiri öll þessi þrjátíu ár auk V2 undirútgáfunnar. Hef þó ekki spáð í hve ungur hann var, en á sama tíma og búðirnar opnuðu gaf hann út fyrstu plötuna, sem svo sannarlega lagði grunninn að komandi velgengni,
Tubular Bells með Mike Oldfield!
Punktur er því nú settur aftan við merkan þátt í tónlistarsögu Breta, en eins og svo margur annar Íslendingurinn hef ég átt góða stund í slíkri verslun, á Oxfordstræti í hjarta Lundúna!

Branson selur Virgin tónlistarverslanirnar

Klerkur í klípu!

Fyrir hönd finnskra kvennpresta og kvennréttindasinna, mætti kannski orða þetta svona!

Skýlaust það skoðun er mín,
Skrattans þetta er grín.
Klerkur er karlrembusvín,
sem kann ekki að skammast sín!

Finnskur prestur kærður fyrir að sniðganga kvenprest

En það er fleira!

Athygliverð þessi herferð já hjá Tjöllunum, en hygg samt að fleira megi nú tína til.
Hvað til dæmis með allt sem fólk hefur í vösunum dagin út og inn? Nefni sérstaklega farsímana, hvort sem bannað er svo að nota þá eða ekki á sjúkrahúsunum! Langt síðan ég heyrði fyrst kenningar um að þeir gætu verið smitberar, en þeir ekki nefndir í fréttinni!

Hálsbindi bönnuð á breskum sjúkrahúsum

Að verða of miklir yfirburðir!?

Engum blöðum er um að fletta, að Woods hefur með tilkomu sinni og afrekum í golfinu sl. áratug eða svo, breytt þessari íþrótt um margt til hins betra og lyft henni á æðra plan!
En nú held ég að fleiri en ég spyrji sig, hvort yfirburðir hans séu ekki á góðri leið ef ekki mjög nálægt því, að verða of miklir, ef hægt er að tala um slíkt þegar meiriháttar afreksmenn eru annars vegar!?
Örugglega skiptar skoðanir á því, hans fjölmörgu aðdáendur um heim allan, fussa sjálfsagt bara ef þeir lesa svona pælingar, en ef fram heldur sem horfir, að þú getir nánast gengið út frá því sem gefnu, að tiger vinni að minnsta kosti annað hvert stórmót eða fleiri , nú eða bara fleiri en eitt og fleiri en tvö í röð, þá er ég nú hræddur um að spennan minnki nú heldur og vinsældirnar líka!
En næst á dagskrá í golfheiminum, er Forsetabikarinn eftir hálfan mánuð, þar sem tiger og Co. í bandariska landsliðinu kljást við andstæðinga frá öllum öðrum heimsálfum en Evrópu, en við Evrópu spila kanarnir vitaskuld við í ryderkepppninni!

Woods landaði 660 millj. kr. í Atlanta

Meistaravonir Vals glæðast, KR að bjarga sér eftir allt saman?

Mér þykja þetta nokkuð óvænt úrslit, ekki síst hjá Blikum og FH!
N'u eru rauðhvítu Valsmennirnir léttir í lundu, allt í einu komnir í "Dauðasjéns" að næla í titilinn! VErða þó fyrst að sigra Skagan og svo auðvitað FH-inga sjálfa í næsta leik!
Gríðarlega mikilvægur sigur hjá KR, gætu reddað sér eftir allt saman!?
Framarar falla varla úr þessu, hef ekki ´trú á því, þrjóskan í Ola Þórðar sér til þess!

Meistararnir töpuðu fyrir Blikum - KR enn á botninum

Heldur snemmt!

Já, heldur þykir manni snemmt að vetra taki og ennþá ekki komið eiginlegt haust!

Hrollkalt fyrir austan er,
allt nú þakið mjöllu.
Já, sumarlok í september,
sýnist mér á öllu!

Afar óvenjulegt að snjó festi sunnanlands um miðjan september