Verður hann "ristaður"?

Hann hlýtur að verða merktur í bak og fyrir blessaður, "Troðið mér ekki um tær og ristar" á portugölsku!
Og vonandi mun "ekki rista djúpt" er andstæðingarnir munu tækla hann!
Þennan annars góða en viðkvæma já dreng og það í mörgum skilningi!

Rooney með gegn Sporting

Bara í örfáar mínutur!

Jamm, FERGUSONADRÁTTARVÉLIN hafði vart numið hægra framhjólinu við toppinn, þegar Rauða ungherjasveitin ruddist upp og ýtti henni til hliðar!
Að vísu bara jafntefli í hörðum leik, þar sem dómarar reyna enn að hjálpa andstæðingunum með furðulegum vítaspyrnudómum, en á langri baráttuleið,var þetta líkast til ágæt niðurstaða í einni orustunni.
Málið snýst jú um að sigra í stríðinu sjálfu, jafnglími í einni og einni orustu ekki óeðlileg!

Það verður nú varla lengi!?

Já, þrátt fyrir að virka sem gömul og þungglamaleg dráttarvél af FERGUSONSGERÐ já, orðin nokkuð svo slitin og reynt sé að hefta för hennar, þá hefur henni tekist með herkjum, hvæsi og fnæsi, að komast upp á toppinn einn gangin til!
En svona meir vegna klaufaskapar keppinautana verður að segjast, þannig að veran á toppnum verður varla nema til skamms tíma!
SVo er gamla maskínan líka heppin enn, sem jú fylgir þeim oftast ná á toppinn og sigra, en það ætti nú heldur ekki að ganga til lengdar, gamli Ferguson ætti bara fyrr en síðar að fara að setjast í helgan stein!
Hinir yngri og sprækari munu ella með látum koma honum frá!

Arsenal í toppsætið eftir 1:3 sigur á Tottenham

Mikil vonbrigði!

Já mikil vonbrigði, þeir báðir hefðu haft fullt erindi og Siggi Palli hefur allavega einu sinni náð inn á 2. stigið!
Leit svo vel út hjá köppunum, þannig að þetta er eiginlega bara grátleg niðurstaða!

Heiðar Davíð einu höggi frá því að komast áfram

Blóðugt!

Ég er komin af bændum í báðar ættir, þó sérstaklega móðurmegin.
Er þessi fregn já sorgleg og missir bændanna sannarlega blóðugur, svo sterklega sé til orða tekið!
Hið gríðarmikla vatnsveður síðustu daga hfur greinlega silað inn í með ána, hvað sem svo öðru líður með ástæður þessa slyss!

Um 100 kindur drukknuðu í Kálfá

Heimsmeistarar í vatni!

Jájá, þetta höfum við alltaf vitað líkt og með kvinnurnar, kjötið, loftið og bara flest annað, að íslenska vatnið er best í heimi!
Enenen, framundan eru í senn spennandi og víðsjárverðir tímar, "Bláa gullið" er dýrmætust flestra auðlinda og verður æ dýrmætara nú á komandi árum og áratugum!
Allt sem snýr að eignarétti og lögum í kring verður að vera sem best úr garði gert og menn verða hreinlega að reyna að finna hinn gullna meðalveg til sátta!
Rimman um vatnalögin á sl. ári ef ég man rétt var ekki gæfuleg!
En með þessi í sjálfu sér ánægjulegu tíðindi, er ekki hægt annað en að fara góðum orðum.
En hvað skildi annars "Aðdáandi Jóns númer eitt" Hannes Hólmsteinn vera að hugsa núna!?

Og að lokum til ritara fréttarinnar.
Menn fylgja ekki í fótspor, heldur FETA!
En menn geta fylgt í kjölfarið eða á eftir!

Íslenska vatnið sigraði í alþjóðlegri samkeppni

Þungarokkið þeysir aftur af stað á Rás tvö!

Jæja góðir rokkhálsar, þá er að líkum merk stund að renna upp að nýju á Rás tvö, þungarokksþáttur aftur komin á dagskrá, eftir áralangt hlé!
Metal upp á engilsaxnesku (einhverra ókunnra hluta vegna) er nafnið "Frumlega" á þættinum og umsjónarmaður hans verður Arnar Eggert Thoroddsen blaðamaður á Mogganum og sem séð hefur um það í sumar, að dæma erlendu plötu vikunnar á rás tvö!
Ég er nú orðin svo gamall að muna nær 25 ár aftur í tímann þegar "Skagatröllið" knáa, Siggi Sverris, byrjaði með slíka þætti og afbragðsgóða! Sá hann um þá um árabil og nefndust þeir þá bárujárn! Nokkuð snemma fór að gæta ýmissa annara spekinga á sviði þungarokks í þættinum, man þar eftir Guðmundi Hannes Hannessyni gítarleikara síðar í Bootlegs (og GÓÐVINI dR. Gunna!) LOvísu Sigurjónsdóttur frá Sauðárkróki, mikilli þungarokksdömu og svo síðast en ekki síst, Finnboga Marinóssyni, sem seinna tók alfarið við kyndlinum af Sigga minnir mig og nefndist þátturinn þá FM!Þau Guðmundur og Lolla, komu þó líka eitthvað við stjórn þáttarins á mismunandi tímum! Veit ekki með þau tvö, en finnbogi hefur eftir að hann fluttist hingað norður og setti upp sína ágætu ljósmyndastofu, Dagsljós, aldeilis komið við sögu aftur í útvarpsmennsku, var með fínan rokkandi morgunþátt á stöð sem mig minnir að hafi heitið ljósvakinn! (kann þó að misminna um það nafn!)
Ekki löngu eftir að Siggi byrjaði með þáttinn, varð ég þess heiðurs aðnjótandi, strákstaulinn blautur á bak við eyrun, að verða fyrsti svona utanaðkomandi gesturinn í þættinum, en koma í þáttin með óskalög, voru verðlaun í nýrri getraun þáttarins!
Gerði ég mér sér ferð suður til að vera í þættinum og varð þetta upphafið af ágætum kynnum okkar Sigga!
En semsagt, nú er sagan komin í hring einhverjum 24 eða 25 árum eftir að hún hófst, aftur þungarokksþáttur að byrja á rás tvö!
Bloggvinir mínir Jens Guð og Kiddi Rokk, hafa farið fögrum orðum um Arnar Eggert og hans þekkingu á viðfangsefninu, dreg það ekkert í efa, þótt ég hafi líka heyrt raddir úr hinni áttinni og neikvæðari um drenginn.
En vonandi verður þetta bara hið besta mál og þátturinn sé komin til að vera allavega í vetur!
Hann hefst nú á eftir kl. 22.10!

Haust á hraðferð!

Haustið nú með hraði lítum,
hitasumrið liðið frá.
Í Húnaþingi húfum hvítum,
háu fjöllin skarta já!

Fjöll í Húnaþingi hvít eftir úrkomu dagsins

Bragi!

Haha, frekar fyndið að lesa um slíkar fagnandi viðtökur til handa gamla bassaplokkaranum úr Sykurmolunum m.a. og afgreiðslumanninum í Japís!
Á tónlistarblaðamannsferli mínum kom ég oft í Japís þar sem Bragi og Einar Örn unnu. Bragi var alltaf svo hógvær og lítillátur er ég átti við hann orðastað og heldur erfitt almennt að ráða í hann!
Þannig hef ég líka svo sannarlega upplifað þær bækur sem ég hef lesið eftir hann, hef eiginlega lítið botnað í þeim satt best að segja!
Leikritin hans þó auðskildari, en nokkur slík hafa verið flutt eftir hann á Rás eitt!

Þetta virðist safarík saga,
um salinn fór ánægjukliður.
En sjálfur í bókum hans Braga,
bara skil hvorki upp né niður!

Íslenskir höfundar njóta góðs af Bókmenntahátíð

SVíar eru "Séní"!

Veit að ég fer í taugarnar á mörgum með þessari fyrirsögn, en í henni er bara mikill sannleikur og því ekki til dæmis tilviljun að við vinnum þá nánast aldrei í íþróttum, þeir líka góðir í flestu eða öllu!
Hins vegar í snillinni sem hérna birtist, er kannski líka falin innbyggtg vandamál. Viljum við eða höfum við vit á að láta þessa bílamaskínu hafa vit fyrir okkur!?
Munu mestu ökuglannarnir fá sér nýjan Volvo í haust, að maður tali nú ekki um hina "Stabílistu Stúta"?
Efast nú aðeins um það, nema að einhverjir VITRINGAR hafi frá fyrstu hendi VIT fyrir VITLEYSINGJUNUM og plati þá bara til að fá sér Volvo!?
Best væri nú ef hugmyndir sem heyrst hafa og held ég frá Mercedes, að sjálfstýringarbúnaði með GPS tækni eða annari slíkri, verði komið í gagnið, þá gætu STútarnir líka kannski komist samviskulaust á milli staða auk fleira fólks á borð við blinda kannski!?

Volvo-bílar hafa vit fyrir ökumönnum sínum