Jamm, Kuldaboli bítur...En til er ráð...!

Húnvetningar og aðrir geta nefnilega nælt sér í eintak af LIMRUROKK, skemmtiskruddunni vænu og fyrr en varir tekur blóðið að renna örar!

Fæst hjá Eymundssonverslununum í Austurstræti í Reykjavík og á Akureyri.
Verslun Tunnunnar á Siglufirði.
Skagfirðingabúð á Sauðárkróki.
Smekkleysu, Laugavegi 35 í Reykjavík.

Svo má líka setja athugasend hérna ef menn vilja hafa samband og fá eintak "Beint frá bónda!"

Annars gefur fregnin manni þetta tilefni til viðbragða!

Nú er fjör á Fróni,
frystir bráðum hér,
eflaust undan jóni,
Einari og MÉR!

24 stiga frost í Húnaþingi

LIMRUROKK er vinsæl þótt ekki sé hún í listabrölti...

Jamm, litla skemmtiskruddan lallar sinn veg og er ekkert síður ef ekki meira létt í lund en einhver "Framsóknarfalleríi!" og nú fæst hún líka í Eymundsson í Austurstræti auk sömu verslunnar í Hafnarstrætinu á Akureyri. Annars staðar fæst hún svo í, Smekkleysubúðinni, Laugavegi 35, Skagfirðingabúð á Sauðarkróki og hjá verslun Tunnunnar á Siglufirði. "Allt í grænum sjó vinir........"

Sýnishorn úr bókinni.

Þótt lífið sé litað af trega,
leiki þig allavega.
Skaltu hafa í huga,
hollráð sem duga,
að ríða nú reglulega.

Veisluréttir á toppnum

Skemmtiskruddan LIMRUROKK!

Góðir hálsar nær og fjær, fleiri "Toppbækur" má nefna sem nú eru að vekja athygli og fá góð viðbrögð!

Árið 2004 gaf ég út mína fyrstu kviðlingabók, Geiravísur, sem fékk ágætar viðtökur.
Nú loksins níu árum síðar kem ég með aðra bók, að þessu sinni eingöngu með limrukveðskap og nefnist hún Limrurokk!
Kennir þar margra grasa, en eins og fram kemur í aðfararorðum bókarinnar, er limruformið mér ansi kært og hefur verið það í áratugi.
Grín og glens um mann og annan, pólitík, íþróttir að ógleymdum “neðanmittismálum” og vina og ættingjayrkingum, er meðal þess sem finna má og þá að mestu á léttvægari nótunum, en broddur og alvarlegri tónn er þó ekki langt undan á köflum.

Eru smíðarnar hátt í tvö hundruð talsins með skýringum þar sem við á og er bókin 112 blaðsíður.
Hönnuður útlits er svo gamall skólabróðir og snillingur, Jakob Jóhannsson.

Bókin kemur út bæði í kiljuformi og innbundin og fæst hjá eftirfarandi söluaðilum:

Smekkleysu á Laugaveginum í Reykjavík.
Eymundsson Akureyri.
Skagfirðingabúð á Sauðárkróki.
Verslun Tunnunnar á Siglufirði.

Einnig má hafa samband við höfund í netföngin:

[e-mail]
eða
[e-mail]

Skuggasund selst best

hvurt þó í hoppandi..!

Já, nú er ég hissa.
Braga hef ég þekkt í um 30 ár og vissi svo sem vel af hans áhuga á vísnagerð, kenndi hann mér m.a. ungum (þó sjálfur væri lítt mikið eldri) þar sem vísur heyrðust í tímum auk þess sem ég hef nú lengi vitað að bróðir Braga, Heimir Bergmann, væri fínt limruskáld, en að hann sjálfur væri "þekktur hagyrðingur" eru ný sannindi fyrir mig, en vissulega forvitnileg!
Ég þarf nú greinilega að pota í karlin, ef hann þá les þetta ekki bara og verður fyrri til?!
Í nettu kæruleysi kasta ég þessu svo fram:

Af Fremri já frægur er Bragi,
fyrir verkin af ýmsu tagi.
En aðeins ókyr
að því ég spyr
Yrkir hann limrur í lagi?!

Limrur fyrir landann komnar á bók

Yndisleg saga!

Þessi bók kom út á íslensku fyri já um tveimur árum eða svo og sló þá í gegn eins og víða um heim.
Mjög skemmtileg lesning, saga full af kímni og galsa, en jafnframt ljúfsár og segir sorglega sögu til að mynda fátæktar á Indlandi og bágrar stöðu kvenna og barna í ofríki og hreinlega ótrúlega ógeðfeldu feðraveldi!
Hvet annars alla til að lesa bókina sem hafa ekki þegar gert það og gera það áður en ákveðið hefur verið að sjá myndina!

Slumdog Millionaire tilnefnd til 11 BAFTA-verðlauna

UPP-SKERU-HÁTÍÐ!

Haha, það mætti nú já aldeilis segja mér það, að svo muni verða og það í ýmsum skilningi, gestir sem mæta munu til dæmis án minnsta vafa uppskera góða og skemmtilega kvöldstund ef að líkum lætur!
Á sjálfur örugglega eftir að næla í bókina hjá Hjálmari, hann keypti nú á sínum tíma bók af mér blessaður, sem m.a. innihélt einmitt slatta af limrum!
En Baldur hinn göldrótti er eins og kannski margur man enn, ekki neinn nýgræðingur reyndar í "uppskurðum", því án mikils vafa er eitt hans allrafrægasta töfrabragð einmitt uppskurður sem hann framkvæmdi í sjónvarpinu um árið til að sýna fram á að einvherjar kraftaverkalækningar af slíkum toga og ættaðar frá Filippseyjum, væru ekki "allar þar sem þær væru séðar"!
Mjög eftirminnilegt er Baldur framkvæmdi þetta og það með miklum tilþrifum, blóði með meiru og allt hvað eina!
N'u er hins vegar stóra spurningin hvort gamla aðferðin eða einvher ný með enn meiri tilburðum verði á "boðstólnum"?
ég hygg svo, að ævisaga Baldurs sé einmitt líka að koma út núna, svo þessi viðburður tengist því eflaust líkt og útgáfa hjálmars á "Gömlu limmunum"!? (flott nafn!)
Hvað er svo betur við hæfi hérna, en einmitt enda þetta á limru og þá með pælingum um hugsanlega STÓRAÐGERÐ!?

Verður með töfranna tækni,
já, tímamótaframsækni
borð á borin,
burtu nýskorin
Heilinn í Hjálmari lækni!?

Læknir verður „skorinn upp“

GEIRAVÍSUR!

-Skruddan skýtur upp kolli á ný.

Þrátt fyrir kreppu sem krafsar og klórar í þjóðina og sannar okkur svo ekki verður um villst, að “Valt sé veraldargengið”, heldur lífið nú samt áfram og hinir föstu punktar í því halda sömuleiðis sínu striki, koma og fara.
Þar með talin er blessuð jólahátíðin með öllum sínum siðum og venjum, skreytingum, gjafastandi og vonandi hjá sem flestum, gleði og friðartími að ógleymdu átinu!?

Ég hef nú eins og sumir hafa orðið varir við, minnt á það áður við upphaf jólamánaðarins, að fyrir nokkrum árum gaf ég út svo frekar lítið bar á, litla bókarskruddu með eigin kviðlingum ýmsum.
Enn á ég nokkur eintök af henni ef ef einhvern skildi nú vanta litla gjöf og ódýra af þessu tagi. Geta þeir sem hugsanlega hafa áhuga, sent mér póst og kannað málið frekar, fengið nánari upplýsingar.
N’u ef svo það eru aðrir sem langar kannski bara í bókina handa sjálfum sér, þá er þeimauðvitað líka velkomið að hafa samband, nema hvað!

[e-mail]
[e-mail]

Fróðleg bók um fjármálin!

Þó vissulega sé of seint í rassin gripið fyrir marga, of seint að byrgja brunnin, þá finnst mér ekki úr vegi að benda á mjög fína bók eftir þann góða og gegna ráðgjafa, Ingólf H. INgólfsson, er varðar hina ýmsustu rangala fjármálaumhverfisins.
"Þú átt nóga peninga" heitir þessi ágæta bók, sem kom út fyrir nokkrum árum og fjallar á fjölbreyttan hátt um fjármál heimilana og fer yfir hin mörgu hugtök á skilmerkilegan hátt sem þar koma við sögu.
Ingólfur hefur ásamt eiginkonu sinni, Barbel Schmit, um langt árabil rekið fjármálaþjónustuna Fjármál heimilana, veitt margvíslega ráðgjöf og haldið mjög vinsæl námskeið fyrir almenning og fyrirtæki.
Þar hefur hið merkilega Veltukerfi ekki síst spilað stóra rullu hvað einstaklinga varðar, en þeir sem vilja kynna sér þetta nánar, geta farið inn á vefsvæði þjónustunnar,

spara.is.

Þarna má líklega nálgast eintak af bókinni sem svo fólk getur líka fundið á bókasöfnum.

Bókin mín GEIRAVÍSUR!

Jæja góðir hálsar, þá eru enn ein jólin að nálgast, Aðventan hafin og landin komin á fulla ferð margur hver í undirbúningnum.
Eitt af mörgu samkvæmt venju, er að huga að gjöfunum, sem margur ku nú þegar vera búin að ákveða eða ætlar að gera fyrr en seinna.En auðvitað eru líka margir sem geyma þetta alveg fram að Þorláksmessu og finnst ekkert betur tilheyra en að gera jólainnkaupin þá!
Sjálfur er ég beggja blands í þessu, vil nú orðið vera búin að flestu löngu fyrir Þorláksmessudaginn!
Núnú, fyrir nokkru lét ég mig loks hafa það eftir langa mæðu, að safna saman ýmsum vísum og kviðlingum sem ég hafði þá soðið saman á löngu árabili og gaf út í lítilli en digri nokkuð svo skræðu, sem ég nefndi Geiravísur!
Gekk þessi útgáfa alveg bærilega, hinn ágætasti rómur gerður að henni og seldist bókin nokkuð vel.
Enn á ég þó góðan slatta af eintökum, sem alveg væri í lagi að losna við.
Vanti eitthvert af ykkur alveg ágæta jólagjöf og ekki of dýra, þá má alveg hafa samband og fræðast meir.
Í netfangið hér að neðan má senda mér póst þar að lútandi.

[e-mail]

Þessa eldgömlu sjálfslýsingu má meðal annars finna í bókinni.

Magnús heitir maður sá,
er mælir nú við ykkur.
Gjarnan stígur stokkin á,
er stækur hrokagikkur!

Guðni, Simmi og sauðkindin!

Ein af þeim bókum sem nú þegar er farin að vekja hvað mesta athygli, en er vart komin út, er ævisaga Guðna Ágústssonar formanns Framsóknarflokksins frá Brúnastöðum!
Og kemur svosem ekki á óvart, Guðni oft á tíðum með hressari mönnum og skemmtilegri og án efa einn allra sérstakasti persónuleikin sem nú situr á hinu háa Alþingi!
Með endemum varð fræg yfirlýsing Guðna til dæmis um árið, eitthvað á þá leið að, "hlutverk konunnar væri helst á bakvið eldavélina"! Hefur kappinn margreynt að sverja þetta af sér, en auðvitað engin tekið mark á því.
Hitt er svo enn skemmtilegra, að enn í dag kemur fólk ekki auga á hina tvöföldu fyndni sem í þessu fólst, að meiningin átti auðvitað að vera FRAMAN VIÐ, ekkert svo mikið að gera á bakvið vélina!
Um helgina vekur svo jens Guð Bloggvinur vor með meiru, athygli á viðtali við höfund ævisögunnar hann Simma, Sigmund ERni Rúnarsson, sem slær því afbragðsgullkorni fram, að hann hafi með skriftunum öðlast betri skilning á hlutskipti sauðkindarinnar!?
Gárungar hafa auðvitað lagt hitt og þetta út af þessu, en mér datt þetta bara í hug!

ER ber nú hann Guðna á góma,
í glæsilegustu mynd.
Í huganum heyri ég óma,
hamingjujarmið í kind!