Færsluflokkur: Trúmál og siðferði

Hvers eru menn að spyrja og hví í ósköpunum?!

Þær spurningar hafa farið í gegnum hugan undanfarna daga og fram til þessa og ekki að ófyrirsynju!
Er það virkilega einhverjum vafa undirorpið, að vitneskja guðsmanna sem annara stétta um glæpssamlegt athæfi sem þetta og sjúklegt, verður ekki hafið yfir lífsnauðsyn og lög í krafti einhverrar stéttarkvaðar er nefnist þagnarskylda?!
Þessi umræða öll og viðbrögð kirkjunnar, einstakra þjóna hennar sem og sum frá Hr. Karli einnig, eru eiginlega bara einu orði sagt sorgleg og ekki til að viðhalda virðingu stofnunarinnar, heldur öfugt, að draga úr tiltrú á hana og svipta trausti!

þar með talið er þessi yfirlýsing finnst mér, því það er alveg með ólíkindum að einn afturhaldssinnaður boðberi guðsorðsins, að mestu með einangraða sýn á kenninguna og ónútímalega, skuli með skoðunum sínum hafa áhrif að kalli á viðbrögð yfirmanns hans!
Og raunar má spyrja, hví er verið að ynna þennan herramann í Skálholti, Geir Waage um álit á hvernig kirkjan og hennar fulltrúar, prestar, eigi að hefða sér og bregðast við er einstaklingar bera upp sjúklegt eða glæpsamlegt athæfi er varðar kynferðismisnotkun gagnvart börnum eða konum?
Er hann einhver sérfræðingur öðrum fremri í kennisetningunni eða hvað lítur að hefðun og framkomu presta?

Gátu fjölmiðlar ekki alveg eins spurt "Eldpredikaran" Jón Val eða biskup kaþólskra á Íslandi um þetta í ljósi þess að viðbrögðin voru AUÐVITAÐ gefin fyrirfram?!

Botna lítið í þessu öllu saman, en upp úr stendur að líkt og með málefni samkynhneigðra eru vinnubrögð og meðhöndlun íslensku þjóðkirkjunnar á kynferðisbrotum sinna eigin fulltrúa eða annara, henni lítt til vegsauka og framkoman við Guðrúnu Ebbu dóttur fv. biskups Ólafs, til vansa!


mbl.is Velferð barnsins hefur forgang
Tilkynna um óviðeigandi tengingu við frétt

Karlmenn eru heimskir, veiklyndir, vitlausir....Margir hverjir!

Satt að segja dapurlegt mál og ekki batnaði það nú þegar hinn "Djúpvitri spekingur" en í raun ekki slæmi strákur, Raggi Sót, mætti í Kastljósið í gærkvöldi og hafði uppi varnir fyrir vitleysuna að hluta til, þ.e. að þetta væri bara gömul saga og ný, en auðvitað hefði viðkomandi ekki átt að vera að flækjast með þetta vissa krítarkort! Veit nú ekki hvort ég er hins vegar alveg sammála yfirlýsingunni hjá kvennréttindakonunum, hversu margir ættu að "fjúka" vegna þessa, en viðbrögðin eru mjög skiljanleg samt og skömmin við þetta auðvitað ómæld! Annars get ég svo endurtekið þá skoðun mína, sem ég hef oft látið í ljós, að að sækja slíka staði sem hér um ræðir, lýsi bara bágu standi á viðkomandi einstaklingum og afstöðu þeirra til kynlífs og kvenna já að líkum almennt!
mbl.is Femínistar segja KSÍ hafa brugðist
Tilkynna um óviðeigandi tengingu við frétt

Jú, kannski list, en varla Kirkjulist?

Ég held nú varla!
Hitt er svo aftur allt annað mál, að konur hafa mætt í kirkjur af hinum og þessum tilefnum, lítt eða nánast ekki klæddar, og það án þess að einvher hafi endilega fengið þær til þess.
Hefur þá sumum og já einkum karlmönnum orðið mikið um, en þó varla eins og að ég held honum j'oni Bjarnasyni úrsmið hér á árum fyrr á Akureyri, sem l´lýsti svo upplifuninni!

Í kirkjuna ég kom og sá,
konu sem var næstum ber.
Munaði eigi miklu þá,
að maður bæði fyrir sér!


mbl.is Lögsóttur vegna erótískra mynda í kirkju
Tilkynna um óviðeigandi tengingu við frétt

"Guðsmannaglíma"!

Það var einmitt á prestastefnu fyrir nokkuð mörgum árum frekar en á kirkjuþingi að ég held, sem klerkar landins glímdu við þá spurningu hvenær einstaklingurinn taldist í raun og sann látin, annað hvort er hjartað hætti að slá eða þegar heilin starfaði ekki lengur. Einvherjar umræður held ég að hafi skapast og skoðanir eitthvað verið skiptar, man þó ekkert um niðurstöðu sérstaka nema hvað að til varð vegna þessa afbragðsvísa, sem mér hefur þó ekki enn öðlast vitneskja um hver orti.
Væri vel þegið ef einhver sem slæddist hingað inn og vissi, léti nafn höfundarins flakka!

Klerkar vita hvorki né,
hvort það muni standast.
Að dauður maður dauður sé,
daginn sem hann andast!?


mbl.is Prestastefna hafin
Tilkynna um óviðeigandi tengingu við frétt

Hvernig í ósköpunum skildi standa á því!?

ER von að maður spyrji, eftir að óteljandi greinar eftir sjálfskipaða trúarsérfræðinga eða kristinholla stríðsmenn bloggsins, hafa birst á blogginu og meðal annars bölvað og bannfært hið kvennfjandsamlega bókstafstrúarríki Saudi Arabíu!?
Kannski er svarið líka að finna í Kóraninum eins og öllu hinu vonda sem á að eiga sér stað?
mbl.is Kona í ríkisstjórn Sádi-Arabíu
Tilkynna um óviðeigandi tengingu við frétt

Blessuð sé minning hans!

Hann bæði skírði mig og fermdi, sem og marga í minni fjölskyldu.
Afskaplega hlýr og góður maður Sr. Birgir, sem heiður var að kynnast og ég mun alltaf minnast með virðingu.

Með Sr. Birgi nú fallin er frá,
Fjárhirðir Drottins einn mestur.
Hann sómamaður að sönnu var já,
ssöngvari góður og prestur!


mbl.is Andlát: Birgir Snæbjörnsson
Tilkynna um óviðeigandi tengingu við frétt

Aulagrín!

Einkum og alveg sérstaklega í ljósi þess að forsvarsmanni tiltækisins og VAntrúar, finnst þetta sjálfum svo fyndið!
Og auðvitað liggur þorri landsmanna í hláturskasti yfir þessu eðalgríni líka, eða hvað?
Í minni sveit hafa þeir menn sem sí og æ hafa haft þörf fyrir að koma eigin gríni á framfæri, sagt brandara í bunum, en hlegið svo sjálfir hæst ef þeir hafa þá ekki bara verið einir um það, ekki þótt merkilegir peningar og svo er nú einnig um þetta tiltæki!
Auðvitað bara til þess gert auðvitað að vekja athygli á sjálfum sér, en fyndið er þetta nú ekki!
Hins vegar hef ég almennt skilning á ýmsu sem aðrir trúarhópar en sem tilheyra kristni eða sem ekki eru í þjóðkirkjunni, hafa sett fram varðandi yfirgang í skólum og fleira slíkt, sem og að ég er yfir höfuð mótfallin og hef andúð á öllu ofstæki og "HIðeinasannaog rétta" áráttu, sem einkennir svo margan "Frelsaðan" eða "Sanntrúaðan" manninn!
Vonandi nær hin nýja vitundarvakning sem virðist nú öðlast meiri hylli, í þá átt að finna málamiðlun til sátta milli trúarbragða , svo framtíð heimsins verði bjartari, fljótt svo mikilli útbreiðslu, að einn góðan veðurdag muni fólk hætta þessum átökum, yðki bara sína trú af hógværð og láti aðra sem aðhyllast annað bara í friði!
mbl.is Svarthöfði á vegum félagsmanna í Vantrú
Tilkynna um óviðeigandi tengingu við frétt

Gleðilega páska!

Kæru vinir nær og fjær og þeir sem þetta lesa, gleðilega og gifturíka hátíð!

Á páskunum ei pukrast neitt,
prúður er á flestan hátt.
Elska friðin yfirleitt,
umgengst fólk í góðri sátt!


Söm við sig!

Þetta á nú ekki að koma neinum á óvart, þannig hefur Kaþólska kirkjan verið í sinni stefnu um allar aldir, munurinn bara sá að þessi ákveðni einstaklingur fæst ekki brendur á báli, eða dæmdur til slíks af sérstökum rannsóknarrétti eins og forðum daga!
En eins og lesa má, verður hann væntanlega gerður útlægur úr samfélaginu þarna og nagar sig sjálfsagt í handarbökin að hafa farið í viðtalið! (og það þótt leynilegt ætti að heita!)
Líklegra held ég að geti gerst, að yfirvöld í Kína og Burma muni umsnúast eða deilan í Palestínu leysist, frekar en að kaþólska kirkjan breyti um stefnu frá sinni túlkun á biblíunni gagnvart samkynhneigð og fóstureyðingum til dæmis líka!
Það er og verður boðskapurinn, að samkynhneigð sé ekkert annað en kynvilla og hún eigi ekki heima í húsi kk!Með ótuktarskap er bara hægt að orða þetta svona!

Kenningu stöðugt vill styrkja
og stendur við hana nú
hin rótgróna kaþólska kirkja,
að kynvilla skoðist sem TRú!

Fólki er alveg frjálst að leggja sína túlkun á innihaldið!


mbl.is Vatíkanið vísar samkynhneigðum presti á dyr
Tilkynna um óviðeigandi tengingu við frétt

Þoldi ekki dagsljósið, eða hvað?

"Það sem þér viljið að aðrir gjöri yður, það skulið þér og þeim gjöra"! Þannig hljómaði það nokkurn vegin minnir mig hjá Kristi og ef einhver trúheitir boðberi hans hefur séð rautt og stolið gripnum, þá er nú íllt í efni finnst mér!Nú fer engum sögum af trúhneigð listamannsins sjálfs, en mikið hefði nú erið "gaman" ef hann væri Islamstrúar, svo orð Jesú hefðu átt eða ættu fyllilega við! En eins og fram hefur komið, vilja þeir sumir "synir Múhameðs" reyndar ganga mun lengra er þeim hefur þótt guð þeirra niðurlægður og þarf ekki að fara fleiri orðum um það! Eftir stendur varðandi þetta listaverk, var ekki nóg að hafa frelsaran í hundlíki þó ekki væri verið að undirstrika kynið svona hressilega?
mbl.is Skúlptúr af Kristi í hundslíki hvarf skömmu eftir afhjúpun
Tilkynna um óviðeigandi tengingu við frétt

Næsta síða »

Um bloggið

Pælt um heima og geima

Höfundur

Magnús Geir Guðmundsson
Magnús Geir Guðmundsson
Áhugamaður um flesta hluti.

Nýjustu myndir

  • wmftcs
  • mgg
  • ...mg2_251805
  • ...mg2_251804
  • ...mg2

Heimsóknir

Flettingar

  • Í dag (29.3.): 0
  • Sl. sólarhring: 1
  • Sl. viku: 2
  • Frá upphafi: 0

Annað

  • Innlit í dag: 0
  • Innlit sl. viku: 2
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband