Kaldhæðnislegt, ekki satt!?

Já, finnst ykkur það ekki að minnsta kosti í aðra röndina?
Það hygg ég að fleiri en einn og fleiri en tveir Íslendingar hafi upplifað þegar þeir hafa skýrt frá því hvaðan þeir koma, að svarið til baka hafi verið í formi annarar spurningar "Er það í x-fylki?" eða í svipuðum dúr! Bandaríkjamenn hugsa nefnilega margir ekki lengra en út fyrir fylkið sem þeir búa í og ferðalag út úr því ku vera líkt og fyrir okkur að fara til útlanda!
En auðvitað vita þeir að heimurinn er stærri og sumir þeirra hafna jafnvel landi sínu er þeim finnst tilveru sinni og framtíð ógnað, eins og virðist hér vera á ferðinni!?
Og kannski er það ekki tilviljun að þetta fólk leitar til Finnlands, landið lenti minnir mig fyrir skömmu á toppnum yfir hagsælustu og bestu staðina til að búa á í heiminum, eða eitthvað í þá áttina!
Og þar lenti Ísland í öðru sæti, svo kannski koma Kanarnir hingað næst!?

Bandarísk fjölskylda óskar eftir pólitísku hæli í Finnlandi

Kemur mér ekki á óvart!

Hef til dæmis ekki enn fundið í heild umsækjandalistan um starf upplýsingafulltrúa Utanríkisráðuneytisins, sem hálf blaðamannastéttin sækist víst eftir, enda Ingibjörg Solrún aðlaðandi kona með yndislegt bros!
Kannski búið að ráða í starfið?

Ísland aftarlega í opinberri stjórnsýslu á netinu

Frjálslyndrafjör!

Alltaf gaman að heyra af FF! Þar skafa menn sjaldnast utan af hlutunum og þar eru bráðskemmtilegir kappar innan um!

Í hinum Frjálslynda flokk,
fjör er mikið og stuð.
Þar spertir stíga á stokk,
strákar eins og Jens Guð!
Já, bulla og blaðra út í eitt
og bara um helst ekki neitt!

Óánægja með forustu Frjálslynda flokksins

Kveðja til Jenfo!

"Ofurbloggbombunni" Jenfo, Jenný Önnu Baldursdóttur, sendi ég áðan þessa litlu kveðju í tilefni þess að hún fagnar 11 mánuða skilnaði sínum frá Bakkusi gamla Kóng!
Ég hef nú stundum strítt konugreyinu og farið í taugarnar á henni, bæði að ásettu ráði og óvart, en þessa sendingu hefur hún væntanlega tekið vel!?

Þótt stundum sé í kellu kurr
og kannski það um of.
Heima ennþá "hangir þurr",
hamingjunni sé lof!

Vatn á millu United?

Mér er nú að mestu sama um allt þetta sjónarspil, það hefur eiginlega legið í loftinu eftir að Chelsea mistókst í annað skiptið á tveimur árum að yfirvinna Liverpool í því augnamiði að hreppa eina titilinn sem á vantaði, Meistarabikarinn, að svona færi fyrr eða síðar! Og það held ég alveg burtséð frá litlum eða miklum deilum á milli Mourinhos og eigandans, Romans Abramovich!
En auðvitað verður viss sjónarsviptir af portúgalanum, hann auðvitað litríkur og skemmtilegur persónuleiki!
Velti því svo fyrir mér hvort þetta hafi ekki verið röng tímasetning svona rétt fyrir stórleikin við United, sigur í honum myndi létta mikilli pressu og ef til vill færa aukin byr aftur í seglin fyrir Chelsea!
En grunar hins vegar já að þetta verði frekar vatn á myllu United, leikmennirnir í bláu búningunum verð enn undiráhrifum frá brotthvarfinu, ekki með fulla einbeitingu!
En við sjáum hvað setur!

Mourinho fær feitan tékka

Af hógværð skildu menn hæla sér!

Eins og hver annar þegn í þessu landi, gleðst ég í hvert sinn sem tekst að hemja í einhverju þá vá, sem fíkniefnasala og neysla sannarlega er!
Rík ástæða er líka til þess nú, í þessu tilfelli fyrir austan, sem enn á þó eftir að skýrast betur!
Hinir tveir yfirmenn löggæslumála sem stígið hafa fram og þá sérstaklega sá æðri, finnst mér þó spenna bogan örlítið hátt er hann leynt og ljóst fjölyrðir um hversu vel hann og hans menn hafi nú staðið sig í þessu mikla máli í samráði við Evrópulögregluna! Ekki laust við að í máli hans örli á smá stærilæti yfir afrekinu og gott ef ekki bara grobbi!
Þannig fannst mér hann nú hljóma blessaður og einnig svolítið líka sá yngri er hefur með lögreglumál að gera, hljómuðu strax sigri hrósandi, í stað þess að greina frá málum af hógværð!
Eldra yfirmanninum er kannski vorkun, hann staðið í mikilli orrahríð sl. misseri vegna Baugsmála og hefur mátt sæta þungum ásökunum þar, því kannski ekki nema von að hann grípi tækifærið nú með kastljósið á sér til að "rétta sinn hlut"!?

Spyrjum að leikslokum!

En hvðí er ég að nöldra þetta, þegar menn eiga að gleðjast yfir að líkast til stærsta smygl til landsins á fíkniefnum hafi verið stöðvað?
Jú, ég vil spyrja að leikslokum, minnugur þess að því miður hafa fleiri en eitt og fleiri en tvö tilfelli af svipuðum toga eða öðrum yfirgripsmiklum misferlum, farið úrskeiðis með slæmum afleiðingum í meðferð lögreglu og síðar saksóknara!
En það er vissulega gleðiefni út af fyrir sig, að komið hafi verið í veg fyrir innflutningin á þessu mikla magni fíkniefnanna, því einu og út af fyrir sig ítreka ég já og því ber að fagna!
En svo er það bara eftirleikurinn, að lög og rétti verði með tilhlýðilegum hætti komið yfir þá sem fyrst og síðast eiga sök og þeir hljóti dóm sem nemur glæp þeirra!
Þá fyrst fyrir alvöru geta menn lyft glösum og barið sér á brjóst, en ekki fyrr!

Lögregluaðgerðum að mestu lokið í Fáskrúðsfirði

Arsenal sannar sinn styrk, United skrönglast áfram!

Ég sagði það við upphaf ensku deildarinnar, að ég ætti frekar von á Arsenal og Liverpool sem sterkustu kandidötunum fyrir þetta tímabil, öfugt við undanfarin ár er Chelsea og Man Utd. hafa skipað tvö efstu sætin.
byrjunin á deildinni hefur í stórum dráttum staðfest það og í kvöld undirstrikaði Arnsenal mína trú, vann glæstan sigur á hinu geysisterka liði Sevilla, núerandi UEFA bikarhöfum!
Man Utd. heldur hins vegar áfram uppteknum hætti frá deildinni, vinnur lágmarkssigra, þar sem Ronaldo og Rooney komu inn aftur en breyttu nú litlu öfugt við það sem æstir aðdáendur hafa haldið fram. ronaldo gat víst ekkert í leiknum, en gerði samt það sem þurfti, skoraði gott mark sem dugði til sigurs á lánlausum leikmönnum Sporting Lisabon, sem átt hefðu skilið allavega eitt sig!
Önnur athygliverð úrslit voru sigur Rangers á STuttgart og tap Inter fyrir Fenerbache!

Gott hjá bresku liðunum í kvöld

Þróttur og þessi tvö fara upp!

Fjölnir missti þarna af möguleika á að gulltryggja sér sæti í Úrvalsdeildinni, en þótt þetta stórtap hafi átt sér stað, hygg ég að Ása hans Arnars Guðlaugs sómamanns og lærisveinum hans, takist að stíga lokaskrefið bara í næstu umferð!
Grindvíkingar hafa verið nokkuð sveiflukenndir í síðustu umferðum, en sönnuðu þarna held ég að þeir hafa á að skipa besta liðinu í deildinni, hvort þeir svo sanna það endanlega í lok móts eða ekki!?

Grindavík á toppinn í 1. deild

Framtíð íslensks kvennabolta björt!

Alveg frábær árangur hjá þessum ungu fulltrúm okkar í kvennaboltanum, búnar já að tryggja sér farseðil í milliriðil og stelpunum nægir held ég jafntefli í síðasta leiknum í riðlinum gegn Úkraníu til að vinna hann!
Að vísu gekk ekki eins vel hér heima í sumar hjá næsta aldursflokki fyrir ofan í U19 í EM, en þessi árangur nú bætir það upp og rúmlega það!

Aftur stórsigur hjá U17 ára kvenna

Hillary er skásti kosturinn!

Fyrirfram og frá sjónarhóli heimsins, trúi ég því að Hillary yrði skásti kosturinn sem næsti forseti Bandaríkjanna, auk þess sem blað yrði brotið í sögu heimsveldisins, kona yrði í fyrsta skiptið forseti!
Það er auðvelt að hrífast af henni, hefur mikla persónutöfra, eins og eiginmaðurinn fór nú langt á auk þess að hafa mikla andlega burði að því er virðist!
En þótt margt myndi eflaust breytast og þá vonandi flest til batnaðar, samband Bandaríkjanna til dæmis batna gagnvart öðrum ríkjum svo friðvænlegrar að vonum myndi horfa, þá er samt ekki ástæða til að hefja frúna alfarið til skýjana sem nýr Frelsari í kvennlíki væri!
Sú staðreynd að Hillary er með sitt höfuðvígi í New York, þar sem hún er Öldungadeildarþingmaður og þar sem gyðingar standa hvað sterkast í landinu, gefur ekki endilega ástæðu til bjartsýni hvað varðar að því er virðist eilífðarósóman er viðgengst í Palestínu!
Og ef mál reyndar þróast svo, að Duuliani verði hennar andstæðingur í forsetakosningum (að því gefnu auðvitað eins og ég hef lagt út af hingað til, að hún sigri í forvali Demokrata) er alveg gefið að hún þurfi að hafa sig alla við og stíga varlega til jarðar í öllu er varðar deilur Ísrael og Palestínu, hann jú fyrrum gríðarlega vinsæll borgarstjóri í New York!
En fyrirfram semsagt er það heillandi tilhugsun að frú Hillary nái takmarkinu stóra, örugglega bera margir til hennar von í brjósti um friðsamari og betri Bandaríki ef hún yrði kosin forseti!

Clinton og Giuliani njóta enn mests stuðnings