Plöturýni, Haré! Haré með Högna Lisberg.

Margræður Högni. Hinn færeyski Högni Lisberg mun nú staddur hér á landi að kynna nýjustu plötuna sína, Haré! Haré!, þá þriðju í röðinni og þá tvímælalaust margræðustu til þessa. Högni var áður trommari hinnar flottu Clickhaze, sveitarinnar sem færði heiminum upphalega til kynningar álfadrottninguna Eivöru Páls! Ég hef að undanförnu aðeins verið að rýna í þessa plötu Högna og mynda mér skoðun og verð að segja að gripurinn er ekki móttekin fljótt né auðveldlega. Hún er nokkurs konar suðupottur ýmissa áhrifa hygg ég að megi segja, en nokkuð áberandi er að Högni er svolítið allavega að hverfa aftur til Clickhazeáranna, töluverð skýrskotun í lagasmíðunum til hins svonefnda breska trip hop, sem ekki hvað síst mótaðist á Breistolborgarsvæðinu með góðum sveitum á borð við Massive Attack, portishead og kröftum á borð við hinn litríka Tricky! En sömuleiðis finns mér gæta sterkra áhrifa frá hippatímanum og blæbrigða heimstónlistar og þá ekki hvað síst frá austurlöndum, þaðan sem nafnið á plötunni mun ættað held ég, einhver skýrskotun kannski í Bahæjatrú? Trip hop var nú aldrei mjög mikið í náðinni hjá mér þótt krafturinn á köflum í Massive Attack og viss hrífandi og og seyðandi hjá Portishead hafi stundum náð í gegn. Ég hef því heldur ekki verið beinlínis í skýjunum yfir þessari plötu Högna, en viðurkenni að afskaplega mikið og vel er í verkið lagt, metnaður augljós í allri vinnslu. Treysti mér því vart að taka einhver lög út, en vil þó vekja athygli á að eitt laganna og sömuleiðis fínt, Burstin' Bubble, hefur öðlast sérstakt gildi fyrir okkur Íslendninga. Gjöf. Högni ákvað nefnilega fyrir skemmstu, sem góðum vini og gesti margsinnis á Íslandi, að færa BB þjóðinni að gjöf, en lagið fjallar einmitt um efnahagsóróan sem ríkir nú víða um lönd, en boðar jafnframt að lífið bjóði samt upp á fleir en "Grill & græðgi", eins og það er orðað! Veit ég, að á tonlist.is að minnsta kosti, er hægt að sækja lagið og hala niður með einföldum hætti. En semsagt, ég er ekki í skýjunum, en vönduð plata og flott er þetta með vel í meðallagi góðum árangri. Ef ég gæfi stjörnur, sem ég geri þó ekki og gerði aldrei á mínum um níu ára ferli sem tónlistarblaðamaður með meiru, þá lagi úrskurðurinn líklegast nærri því að vera þrjár og hálf af fimm mögulegum!

Svara skal kalli!

Vissulega þessi þjóð,
þarf í mörgu að vasast.
Gríðarmagn nú gefi blóð,
svo geti áfram slasast!

Fólk hvatt til að gefa blóð

Feðganna fimmtudagsblús!

Já, það má nú aldeilis segja það um fimmtudaginn 30. apríl, 2009, að hann verði feðgunum Reyni Traustasyni og Jóni Trausta Reynissyni að líkum mjög minnistæður, því báðir voru þeir dæmdir í Hæstarétti í dag!
Fyrr í dag var sagt frá því að Reynir hefði sem ritstjóri og ábyrgðarmaður Mannlífs árið 2006, gerst sekur um að brjóta bann við auglýsingum á áfengi í blaðinu og svo kemur þessi fregn um son hans og blaðakonuna varðandi nektarbúlluna!
Þetta lætur örugglega nærri að vera einsdæmi gæti ég trúað, að feðgar séu í sitt hvoru málinu dæmdir sekir í Hæstarétti!?
Ekki vorkenni ég Reyni frænda mikið, en dómurinn um búlluna er mikið umhugsunarefni og þarf frekari pælinga við.

Mörg er mannsins kvöl
og meiriháttar synd.
Brennivín er böl,
í BERSTRÍPAÐRI mynd!

Ummæli um Goldfinger dæmd ómerk

"Guðsmannaglíma"!

Það var einmitt á prestastefnu fyrir nokkuð mörgum árum frekar en á kirkjuþingi að ég held, sem klerkar landins glímdu við þá spurningu hvenær einstaklingurinn taldist í raun og sann látin, annað hvort er hjartað hætti að slá eða þegar heilin starfaði ekki lengur. Einvherjar umræður held ég að hafi skapast og skoðanir eitthvað verið skiptar, man þó ekkert um niðurstöðu sérstaka nema hvað að til varð vegna þessa afbragðsvísa, sem mér hefur þó ekki enn öðlast vitneskja um hver orti.
Væri vel þegið ef einhver sem slæddist hingað inn og vissi, léti nafn höfundarins flakka!

Klerkar vita hvorki né,
hvort það muni standast.
Að dauður maður dauður sé,
daginn sem hann andast!?

Prestastefna hafin

Gengur þó hægt fari!

Þannig lítur það allavega út.
Svo má líka orða þetta svona.

Góðir hlutir gerast hægt,
gegnumsneitt í samningsátt.
Það manni sýnist mikilvægt,
svo myndast geti um þá sátt!

Áframhaldandi viðræður

Kosningablaður og kviðlingur til Ólínu!

Eins og allt stefnir í nú, eru úrslit kosninganna þau allramest sögulegustu líkast til á lýðveldistímanum að minnsta kosti.
D geldur sitt mesta afhroð frá upphafi.
Í fyrsta skipti ná tveir flokkar sem allavega í margra skilningi teljast til vinstri, meirihluta.
Í fyrsta skipti svo ég man a.m.k. bæta heilir þrír flokkar bæði úr stjórn og stjórnarandstöðu við sig fylgi auk þess sem nýtt framboð, Borgarahreyfingin nær glæstum árangri líka, fimm mönnum á þing.
Í fyrsta skipti í manna minnum er D ekki stærsti flokkurinn á þingi, Samfylkingin orðin langstærst.
Þetta eru svona nokkrir punktar sem koma í hugan nú síðla nætur og eru ásamt sjálfsagt fleirum, merkilegir sem kosningarnar sjálfar auðvitað í öllu sínu veldi!
Tvennt þykir mér annars svo heldur leitt við úrslitin, örlög Frjálslynda flokksins, sem bæði hafði og hefur haft um margt ágæta stefnu, en eyðilagði að líkum mest fyrir sér sjálfur með miklum innbyrðisdeilum og öðru rugli. Ekki vantar þó heldur gott og frambærilegt fólk í flokknum, m.a. hana Kollu vinkonu mína og aðra hana frú Cesil fyrir vestan að ógleymdum Jens Guð svo nokkur séu nefnd. Því ekki loku fyrir það skotið að enn geti flokkurinn átt sér líf og endurkomu aftur á þing. Hitt er svo árangur B, sem sannarlega er á skjön við afhroð D. Raunar óskiljanlegt hví flokkurinn bætir við sig í ljósi fortiðar hans og óljóss tilgangs fyrir þjóðina, en aðrir spakari en ég kunna kannski að útskýra þetta betur!

Ólína fékk þessa kveðju frá mér er ljóst var í hvað stefndi og skoðast hún sem nokkurs konar svar við lítilli spurnarvísu hennar sjálfrar frá því á kosningadagsmorgninum!

Fallin dómur, fagurt ómar,
fyllsti sómi er.
Þýður rómur, þinn senn hljómar,
þing svo ljoma fer!

Ólína: Kvótakerfið og ESB brenna á fólki

Hahaha, svo var Ferdinand að kvarta yfir því að United "Fengi aldrei vítaspyrnur"!?

Nú fengu þeir allavega eina og á SILFURFATI ekki satt?
Áreiðanlega úrslitaatriði í augum margra, ekki síst Spurs aðdáenda, en skal nú ekki fullyrða alveg samt, eftirleikurinn sannarlega flottur og kannski hefði hann í einvherri mynd komið hvort sem er, Tottenham alveg einstakir sérfræðingar í að glutra niður hálfunnum leikjum sýnist manni á stundum. Og raunar hefðu þeir getað verið með meira forskot í leikhléi, en svona fór um sjóferð þá hjá þeim, en kvartanir um vítaþurrð væntanlega ekki háværar á næstunni á Old Trafford!?

United skoraði 5 mörk á 22 mínútum og fór á toppinn

Sumarkveðja!

Jamm, þjóðtrúin segir það vita á gott fyrir framhaldið ef vetur og sumar frjósa saman, er á nokkrum stöðum gerði um landið.
Ég er líka bara bjartsýnn fyrir sumarið og held að það verði gott fyrir flesta landsmenn og það í víðum skilningi!

Nú hagurinn já hlýtur bara að vænkast,
er hérna skín af gleði sólin rík.
Og horfandi á allar grundir grænkast,
þú gleymir næstum allri pólitík!

Innilegustu sumarkveðjur til allra bloggvina og annara sem kunna að lesa!

Frost á Suðurlandi og Vestfjörðum

Endurtekið veisluefni!

SAnnarlega já frá Stanford Bridge um daginn, en nú bara full af klúðri hjá þeim Rauðu, sem fyrir ólánsskap voru ekki búnir að klára dæmið í fyrri hálfleik, höfðu þá yfirburði og áttu að skora ein fjögur allavega!
Nú er þetta því enn betur og þægilegrar kannski í höndum MU, þó dettur mér enn ekki í hug að telja möguleikana úti, af og frá!
En synd að svona mörg mistök í einum leik skuli eiga sér stað, fleiri held ég bara en í tíu leikjum til samans þar á undan!?

Liverpool í toppsætið - Arshavin með fernu fyrir Arsenal

Þokkalegur!?

Íllskufullur, fellandi,
ffroðusullið gellandi
Björn já bulluvellandi,
bloggar drullu hellandi!

Þvermóðska Jóhönnu gerði hana að forsætisráðherra