unnusti, unnusta!?

Nú veit ég auðvitað ekkert hvort þetta er orðað svo að vandlega athuguðu máli hjá fréttastofu Sjónvarps, eða eftir upplýsingum yfirvalda á Keflavíkurflugvelli, en það hljómar nú ankannanlega svo ekki sé meira sagt, að stúlkubarn rétt búin að ná sextánda árinu, sé eða eigi sér unnusta!
Samkvæmt gamalli meiningu þessa orðs, merkir það hygg ég nú að viðkomandi sé heitbundin, trúlof(uð)aður öðrum, eða par sé trúlofað!
Í annars öllum alvarleika þessa máls, þá finnst manni það nú ólíklegt og svolítið skrýtið að það sé tekið fram. En ég ítreka, það er auðvitað ekki ómögulegt.
Að öðru leiti er þetta svo enn eitt dæmið um hve fíkniefnainnflutningur virðist algengur og það í þessu gífurlega magni!

Sextán ára stúlka tekin fyrir kókaínsmygl

Loks mælir Magnús, en meira þarf til!

Eftir að miður góð umfjöllun um einelti á Veðurstofu Íslands hefur átt sér stað í Sjónvarpinu síðan fyrir helgi með tilheyrandi viðbrögðum í þjóðfélaginu, m.a. hér í bloggheimum, birtist loks hinn rólyndislegi Veðurtofustjóri magnús Jónsson í viðtali og hefur tíðindi að færa!
Viss niðurstaða sé komin í málin, ónefndur sviðsstjóri hefur verið færður um set að undangenginni úttekt óháðs skoðunaraðila auk þess sem önnur ráð hafa verið fyrirhuguð til að skerpa á innviðum vinnustaðarins.Það og fleira á að stuðla að betri og væntanlega friðsamari vinnuumhverfi!
Aðspurður um vhí lengi hafi sem raun ber vitni, tekið að bregðast við vandanum, sem vissulega kom ekki upp fyrir helgi, þá útskýrði Magnús það með ýmsum flóknum lögum og reglugerðum er gilda um opinbera starfsemi, sem taka þyrfti tillit til og af vandvirkni!
Held líka að það sé rétt hjá honum, sem þó er alls ekki fullnægjandi skýring á því hví þetta ástand hefur staðið svo lengi og með þessum miklu afleiðingum, allavega 12 starfsmenn sagt upp vegna þessa óánægjuástands og samstarfsörðugleika við einn sviðsstjóra! (að því best fæst ráðið!)
Þá virðast starfsmenn er enn vinna á Veðurstofunni, ekki enn vera sáttir þrátt fyrir þessi viðbrögð er loksins hafa orðið og íhuga sumir uppsagnir ennþá! Magnús óttaðist þó ekki að þjónustan við landsmenn væri í hættu, menn séð það svartara fyrr!
Vonandi mun þó í framhaldinu fleira verða gert svo þessi "él á Veðurstofunni stytti upp um síðir" eins og þau gera öll jafnan,annað gengur bara ekki!

Verslunarfólk. - Til hamingju með daginn!

Hér í nú góða veðrinu fyrir norðan, vil ég senda Verslunarfólki nær og fjær hamingjuóskir með daginn!
Þó ræður kaldhæðnislegur tíðarandin á síðustu árum ekki hvað síst, því að fáir ef nokkrir vinna helst á þessum degi en einmitt verslunarfólk!
Mætti mín vegna alveg breyta þessu til gamals horfs, þ.e. bara loka verslunum sem jóladagur væri! "Klestir og krambúleraðir" ferðalangar yrðu bara að gjöra svo vel að vera fyrirhyggjusamir og kaupa bensín og aðrar nauðþurftir fyrir heimferðina á sunnudeginum!
Já, svo mætti alveg innleiða sjónvarpslausa fimmmtudaga aftur, en það kemur nú veslunarmannahelginni ekkert við!

Virðist samt ætla að verða tíðindalítil!

Jæja, Verslunarmannahelgin að klárast, en sjálfur hátíðisdagurinn, frídagur verslunarmanna rétt í þann mund að hefjast!
Nokkuð svo tíðindalítil þetta árið, allavega hingað til og verður svo vonandi alveg er upp verður staðið!
Flott flugeldasýning nýafstaðin hérna í fagra bænum, með þessu óhappi þó sem væntanlega hefur ekki verið mjög alvarlegt.
Kaupahéðnar og aðrir sem stóðu að "Einni með öllu" þó líklega fúlir út af færri gestum en ella, en nenni nú ekki að fara út í leiðindablaðrið sem staðið hefur yfir um tjaldstæðatakmarkanir og þess háttar, sem kannski hefur átt sinn þátt í lakari aðsókn en vonast var eftir.
Skutla þess í stað bara út þessum "litla kvikyndisskáldskap" mínum!

Í vímu vaða menn elgin,
emda Verslunarmannahelgin.
Og stelpurnar stráka,
stökkva á "Fáka"
Að framleiða barn í belginn!?

Óhapp á flugeldasýningu á Akureyri

Bærilegt!

Hefði auðvitað viljað sigur, en þetta er alveg bærilegur árangur. Nú sér líka fyrir endan á æfingatímabilinu, deildin að byrja eftir viku og sæmilegasta ról á liðinu. Ekkert eiginlegt tap leit dagsins ljós, bara þetta vítaspyrnukæruleysistap gegn portsmouth í Kína, svona til að gleðja gamlan félaga, David James í marki Portsmoth, leyfðu strákarnir honum að verja nokkur víti!

Jafntefli hjá Liverpool

Spurning!

Hmmmm, ekki um of rismikill leikur, þó sæmilegir sprettir sæust.
Það vakti helst athygli mina, að Malouda sem ég vildi fá til rauðs liðs en ekki í þetta himinbláa, sýndi smátakta og skoraði fínt mark. Meiddi sig þó víst í leiðinni.
En spurningin er, verður annaðhvort þessara liða Englandsmeistari næsta vor?
Mitt svar?
Nei, held ekki, Liverpool eða Arsenal!
Jájá, komið nú bara allir M.U. og Chelseaaðdáendur og maldið í móinn!

Van der Sar: Smá sárabót eftir tapið í bikarúrslitaleiknum

Þetta er "EKKI FRÉTT"!

N'u finnst mér fyrir alvöru vera farið að halla undan fæti hjá elskubestaMogga!
Hvenær í dauðanum hefur það fyrr talist frétt, að sól skíni á Akureyri, ég bara spyr?
Hún skín ALLTAF á Akureyri, það vita nú allir, en vilja bara ekki alltaf viðurkenna það En það kemur bara fyrir, að hún gerir það mismikið og svo hitt, að hún fær stundum smá fýuluköst og felur sig þá bakvið Vaðlaheiðina, en það er nú ekkert að marka slík smá frávik í samhengi heildarinnar!
Moggamenn eru því vinsamlegast beðnir að birta ekki svona "No News Nonesense" framvegis, ef þeir vilja ekki verða að eilífu athlagi!
Farin í síðkvöldssólbaðið mitt!

Sólin skín á Akureyri

Bakari hengdur fyrir smið!?

Fylgdist aðeins með þessu bæði í gær í tímatökunum og svo í sjálfri keppninni í dag.
EF fram heldur sem horfir, þá fer Formúlan bara fram úr bullogvitleysisganginum, sem hjólreiðarnar hafa fram til þessa verið hvað fremstar í!
Og já, hér gæti bakari hafa verið hengdur fyrir smið, heimsmeistarinn Alonso, eftir allt saman ekki verið helsti sökudólgurinn!?
En þetta er nú annars farið að ganga út á flest annað en spurninguna hver sé snjallastur að keyra, besta bílinn, snjöllustu áætlunina, að komast fyrstur í mark!
Ætli ekki einhver kvennahneykslismál verði það næsta sem kemur upp!?
Svo alveg grátbroslegt, að í hlut á ekki eitt af liðunum í basli, heldur líkast til besta liðið, sem mesta ruglinu veldur, ásamt reyndar líka næst besta liðinu!

Hamilton biðst afsökunar

Gleðifregn!

Lengi er von á einum Stórmeistara, en loksins birtist hann!
Héðni var á sínum tíma spáð glæstum frama er hann 11 eða 12 ára varð heimsmeistari barna í skák. Framin varð hins vegar kannski ekki eins skjótur og mikill og vonast var eftir, en nú hefur drengurinn náð þessum helsta áfanga í skákinni. Þetta er því sannkölluð GLEÐIFREGN!
Bætist hann þar með í glæstan flokk íslenskra skákmanna og merkilegra margra sem náð hafa þessum titli og ef mér skjátlast ekki er Héðin TÍUNDI skákmaðurinn sem nær þessu!?
Hinir eru:
Friðrik Ólafsson, Guðmundur Sigurjónsson, Jóhann Hjartarsson, Helgi Ólafsson, Jón Loftur Árnason, Margeir Pétursson, Þröstur Þórhallsson, Hannes Hlífar Stefánsson, og Helgi Áss Grétarsson! Stefán Kristjánsson gæti þó líka verið við þröskuldinn, eða jafnvel komin yfir?

Héðinn tryggði sér stórmeistaratitil

Sat heima!

Heima sat í húsi mínu,
hugsaði lítt um þetta glens.
Var ekki í formi fínu,
fyrir Álfaborgarséns!

Fjölmennt á hagyrðingamóti á Borgarfirði eystri