Nauðgun á tónlist í auglýsingum!

Eitt af því sem fer einna mest í taugarnar á mér í neyslu- og fjölmiðlasamfélaginu okkar, er það virðingarleysi sem stundum birtist í auglýsingum. Í þetta sinn er ég þó ekki að hugsa um berar stelpur á bílhúddum, eða ílla samin slagorð, heldur þann dónaskap sem íslenskri tónlist er sýndur með því að troða henni með ofbeldi undir áróðursblaðrið!
Í kvöld heyrði ég til dæmis ónefnt símafyrirtæki auglýsa sig og sitt og hvað skildi nú hafa hljómað undir? Glaðvært tölvupoppsglamur sem sæmir slíkum auglýsingum?
Ó nei!
Heldur hljómaði stúfurinn eða stemman sem Hinn Íslenski Þursaflokkur gerði vinsælt hjá alþjóð um árið líkt og fleiri forn kvæði og stemmur, "Vera mátt góður"!?
N'u getur vel verið að Egill Ólafs sé skrifaður fyrir þessu litla lagbroti (hef ekki hugmynd) og SENA eigi útgáfuréttin og aftur gefið símafyrirtækinu leyfi fyrir þessu, en mér er alveg sama, þetta er bara ömurleg meðferð og hreinlega barasta nauðgun!
En í auglýsingabransanum virðist bara ekkert heilagt, engin lína dregin neins staðar í þessum efnum að því er virðist!?
Veit að þetta er ekkert nýnæmi né einsdæmi, en gat ekki setið á mér núna!

Ein mesta heimsins hetja!

Ekki minnsti vafi er á því, Nelson Mandela er einn af merkilegustu einstaklingunum sem enn í þessum heimi lifa!
Ætti skilið að fá styttur reistar af sér eða önnur heiðursmerki víðar!

Hér á landi, hugnast mér,
honum mætti reisa vörðu.
Mandela, sem maður er,
merkastur á okkar jörðu!

Stytta af Mandela afhjúpuð í Lundúnum

LANDSMENN, TAKIÐ EFTIR!

HÚN Á AFMÆLI Í DAG, 29. ÁGÚST 2007!
HÚN ER 145 ÁRA Í DAG

HÚN AKUREYRI!!!

Á þetta skal minnt, ef þá nokkur sála hefur dirfst að muna ekki eftir því!

HÚN LENGILENGILENGILENGI LIIIIIIIIFI...

...HÚRRA!!!

Bestir á Englandi í dag!

Held að engum blöðum sé um að fletta, að Liverpool séu sterkastir á Englandi í dag!
Úrslitin hefðu alveg eins getað orðði 10-0!
Þó var engin Gerrard, Carragher, Alonso, Torres, Pennant, Voronin eða Torres í liðinu!
Að vísu var mótspyrnan ekki mikil að sönnu, en alveg greinilegt að leiðin liggur ekkert nema upp á við að því er virðist hjá Liverpool!

Stórsigur hjá Liverpool

Stór stund!

Já, sannarlega stór stund fyrir Selfyssingin glaðværa og tilfinningaríka, Véstein Hafsteinsson, en ekki síður mikill viðburður í íslenskri frjálsíþróttasögu!
Innilega til hamingju Vésteinn!
og sömuleiðis til Öllu systur ef hún les þetta,
Til lukku með bróa!

Lærisveinn Vésteins heimsmeistari í kringlukasti

Dolli og Golli!

Heimsmeistaramótið stendur já nú sem hæst þarna í Osaka í Japan og ég hef aðeins fylgst með.
Það sem þó hefur vakið athygli mína og ánægju ekki síður, er að tveir af þeim Íslendingum sem þarna eru staddir eru strákar héðan að norðan, "Sá litli og STóri"
Annars vegar er það Adolf Ingi Erlingsson, sjálfur Dolli dropi, sem er þarna að lýsa fyrir hönd Sjónvarpsins, því sem sýnt er einmitt beint þessa dagana, en hins vegar er það Kjafrtan Þorbjörnsson, sjaldan kallaður annað en Golli, sem þarna er m.a. að ljósmyndast trúi ég fyrir Moggann!Dolli er gamall skólafélagi eins bræðra minna úr Oddeyrarskólanum, en Golli er aftur á móti gamall kunningi minn og "þræll" en fljótlega eftir að ég byrjaði að starfa fyrir gamla Dag heitin, hóf Golli sinn glæsta ljósmyndaraferil, varla meira en 17 ára eða svo!Fékk hann oft að taka fyrir mig myndir já og á ókristilegum tíma gjarna, blessaður drengurinn!
En annars má hrósa RÚV fyrir framtakið, færa þennan stærsta viðburð frjálsra íþrótta á árinu inn í stofu til okkar!

Öruggt hjá Isinbajevu í stönginni

Læt mér fátt um finnast!

Jújú, girgitt Nielsen og kannski nokkrar fleiri danskar flottar kannski og já "léttari" en sumar íslenskar, en látum þetta nú ekki slá okkur út af laginu, allavega geri ég það ekki!

Að fleiri grömmin finnist þeim í,
fráleitt tel ég nú löst.
Nei, engin fær mig ofan af því,
-ISLENSKE DAMERNE FÖRST!-

Íslenskar konur þyngri en þær dönsku

Sagan endalausa!

Enn einn "Hrókurinn" sem hrekkur fyrir borð í endalausri áfalla- og hrakningarsögu George W. Bush!Nú á maður að fara varlega í að alhæfa, en að minnsta kosti í seinni tíma sögu Bandaríkjanna, hafa forsetarnir varla verið ófarsælli, að maður tali nú ekki um óvinsælli! (Nixon undanskildum kannski!)
Alla óreiðuna frá 11.09.2001 þarf ekki að tíunda né alla hryllings- og hörmungarsöguna varðandi Írak, sem enn sér ekki fyrir endan á!
FArið hefur fé betra en Hr. Bush, en ekki lítur þó út fyrir annað en hann sitji út sitt kjörtímabil, enda þjóðin svo skynsöm" að velja hann aftur!

Dómsmálaráðherra Bandaríkjanna segir af sér

Jæja, þá getið þið hætt að grenja Unitedmenn!

Eftir þennan "stórglæsilega" sigur á lánleysingjunum í Tottenham, hlýtur sigurganga bara að vera að hefjast og rennblautum vasaklútum verði þar með hent í rusladallinn, eða hvað!?
Eða kannski bara í þvottakörfuna til öryggis, ef á þyrfti að halda síðar!

Man.Utd. lagði Tottenham, 1:0

Sunnudagur sviptinga!

Sumir dagar eru viðburðaríkari en aðrir og það má segja um þennan annars veðursæla sunnudag, víðast hvar á landinu!
Þetta óhuggulega Stuðlamál, stórt rútuslys fyrir austan, árekstur í Hvalfjarðargöngunum, að ég tali nú ekki um "uppgötvunina miklu um sanna fegurð kvenna" sem ég blogga einmitt um hér að neðan, allt allt hendir þetta á stuttum tíma í dag og maður já veit ekki hvað á sig stendur veðrið!
Og tapið í kvennalandsleiknum, bætir svo gráu ofan á svart!

Tveim bjargað úr eldsvoða á Stuðlum í Reykjavík