Glæstur sigur og nú eiga PÚLLARAR leik!

Nei ekki að spyrja að Arsenal, sagði það líka eftir að liðið tapaði um daginn fyrir Aston Villa, að enn væri þó ekki ástæða til að afskrifa lærisveina Arsene Wenger og þeir sönnuðu það í dag! En liðið er auðvitað brothætt, mikil meiðsli hrjáð lykilmenn, svo tap eða jafntefli í næsta leik gegn e.t.v. mun lakara liði, kæmi ekki á óvart.
En nú eiga Gerrard og hans félagar í "Bítlaborginni" aldeilis leik, möguleika á að ná aftur efsta sætinu af Chelsea, sem félagið náði um skamma hríð eftir viðlíka sigur á þeim "Bláu" á Stanforrd Bridge!
Líkt og gegn Fulham verður þó dæmið að líkum ekki auðvelt, West Ham, sem verður andstæðingurinn á Anfield annað kvöld örlítið að rétta úr kútnum og vann sinn fyrsta leik um sl. helgi eftir langt hlé. En ekkert nema sigur er á dagskrá, þó vissulega myndi jafntefli nægja til að taka toppsætið, því það yrðu aftur sterk skilaboð um stefnu beina á titilinn, sem og gott innlegg í "Sjálftraustsbankann"!

Arsenal sigraði á Stamford Bridge

Sjaldan er góð vísa...!

Nei, þessi vísa sjaldan of oft kveðin að fara varlega er víða hálkan leynist.

Hálka er víða á vegum,
vörumst því óþarfa fát.
Höldum, hæfi- já legum,
hraða og ökum með gát!

Víða er hálka á vegum

Sinnaskipti!?

Krónan okkur kannski meir,
nei króar ekki inni.
Ef og þegar gerist Geir,
Gjaldeyrisskiptasinni!?

En þetta er nú aðeins farið að minna á EES, sem Geir og aðrir D menn í forystu, vildu ekki sjá fyrr en tilneyddir!
ESB aðild og hugsanleg upptaka annars gjaldmiðils er allavega komin í umræðuna á þeim bæ fyrir alvöru, en fyrst og síðast vegna þess að menn neyðast til þess í ástandinu sem hefur skapast á umliðnum vikum og auðvitað líka, að flokkurinn er í mikilli klípu og hefur misst traust margra kjósenda sinna eða virðist vera að gera það samkvæmt endurteknum skoðanakönnunum undanfarið!
Þessi frásögn, boðuð fundaherferð flokksins um landið og svo orð fv. varaformannns í fréttum fyrr í dag, Friðriks Sophussonar, um að flokkurinn yrði að taka umræðu að alvöru um upptöku annars gjaldmiðils einhliða m.a. sýnir svo ekki verður um villst, að menn eru orðnir mjög órólegir og óttast framhaldið!

Allt opið í gjaldeyrismálum

DO og dömurnar!

Minn ágæti félagi og gamli gókunningi hann Húnbogi Valsson, kom í athugasend hér að neðan við færsluna um léttklæddu mótmælameyjarnar, með skýringuna á því hví Davíð Oddson frestaði komu sinni á fund fjárlaga- og viðskiptanefndar, þar sem hann átti þó að mæta og gera grein fyrir máli sínu, m.a. svara því hví bölvaðir "Tjallarnir" beittu hryðjuverkalögunum.
Dömurnar blöstu semsagt við úr gluggum SEðla (bleðla) bankans og því þyrfti ekki fleiri vitnanna við!

VArð já Dabbi dolfallin,
er dýrðar- birtust sprundin.
Þannig glápðti greykallin,
gleymd'að mæta á fundin!

Gleðiefni eða glapræði?

Þá eru semsagt komin á býsna ströng lög já um gjaldeyrisviðskipti.
Hlustaði nú lítt á umræðurnar í gærkvöldi, en heyrði þó að ítrekað kom fram að setning laganna væri eitt af skilyrðunum fyrir láninu frá alþjóða gjaldeyrissjóðnum.
Gott og vel, en það sem vekur hins vegar athygli og er nú satt best að segja svolítið fyndið í öllum táradalnum, er að viðbrögð fólks sem leitað er til og sjá má m.a. hér á mgl. eru furðulega misjöfn og í nokkurri mótsögn að því er virðist!?
Vilhjálmur Egilsson, forkólfur samtaka atvinnulífsins, talaði mjög fyrir þessu láni frá Gjaldeyrissjóðnum og taldi það mjög brýnt. (Vilhjálmur líka fv. starfsmaður sjóðsins til skamms tíma)
Í morgunfréttum RÚV kallaði Vilhjálmur lögin í tengslum við lánið aftur á móti hræðileg og taldi m.a. að menn myndu leggja sig alla fram um að fara á svig við þau!?
Lilja Mósesdóttir hagfræðingur á bifröst, talaði hins vegar mjög á móti láninu, m.a. á fundui í Iðnó,en lætur hafa eftir sér hér á mbl. fyrr í morgun, að lögin séu fagnaðarefni!? Að vísu segir hún líka að höft sem í þeim felist séu hagfræðinni ekki að skapi, skattlagning verið betri, en semsagt setning laganna góð út af fyrir sig!
Ég veit ekki með ykkur sem þetta kunnið að lesa, en mér þykir þetta svolítið ruglingslegt. En kannski vildi Vilhjálmur bara lánikð og svo frítt spil fyrir sína menn eins og ekkert hefði í skorist? Lilja ekki lánið en önnur úrræði og þá kannski svipuð lög um gjaldeyrisviðskiptin, en óháð lántökum?
Spyr sá sem ekki veit!

Lög um gjaldeyrismál samþykkt

En hvað um þeirra eigin "Lífsins LOÐFELD"!?

Já, ég bara spyr, hví þessa tepru, af hverju voru þær eiginlega að þvælast í þessum nærbrókum einum, er hinn sanni staður og uppsretta hlýinda og skjóls er einmitt kjörið sýnidæmi og tákn fyrir þessa baráttu!
(auk velgróina handarkrika líka mætti ætla!)
En nei, skýringin kannski augljós, inngrip í náttúruna sjálfsagt átt sér stað að hætti og venju ungra nútímakvenna í þágu "snyrtimennsku" meðal annars!?
Og krikar sömuleiðis lítt áberandi loðnir heldur gæti ég best trúað, en eit samt ekki, hef ekkert séð þessar píur og mun ekki gera!
En samt hafa þær áreiðanlega glatt augu margra þarna að drepast úr kulda, þó ég velti því líka fyrir mér hve lengi þær héldu "Skinnsýninguna" út?
Það fylgdi ekki sögunnni að ég fékk best séð.
En, svona ímynda ég mér að ástand mála hafi þróast við sprang hinna léttklæddu erlendu meyja um Lækjargötuna!

ER birtust þær á brókunum,
blessuð stelpugreyin.
Lifnaði yfir "Lókunum,
Lækjargötumegin!

Í eigin skinni á Lækjartorgi

Hann var góður þessi, Hr. Alex!

Dæmigert fyrir þennan annars sigursæla mann í sínu starfi, að líta nú ekki í eigin barm, eða sér nær!
Rooney þarf nefnilega ekkert að horfa á liðsmenn annara liða til að "læra slíka list" sem þessa, hann hefur horft og mun sjálfsagt áfram bara horfa til ´félaga síns sunnan úr Evrópu og heitir víst Ronaldo! Þeim afburðaknattspyrnumanni hefur nefnilega oft tekist vel upp í slíku og það kunnugt öllum fótboltaáhugamönnum.
En Alex karlinn mundi auðvitað aldrei viðurkenna það, þó hann hafi nú svosem ekkert verið feimin að "Dúndra" í sína leikmenn hinu og þessu þegar honum hefur boðið svo við að horfa.
En svo má heldur ekki gleyma, að leikvangurinn Old Trafford þar sem M.U. á heima, er oft kallaður "Leikhús draumanna" svo það er kannski ekkert undarlegt þótt þar sé eitthvað leikið í þeim stílnum annars lagið og þá um of!

Rooney baðst afsökunar

Sunnudagssíðkvöldssamsuða!

Þótt nú sé kolsvört krepputíð
og kuldi utanhús.
Innandyra undurþýð,
og ákaflega fús
Magga gleður, meyja blíð,
með yndislegum BLÚS!

Og svo ein lítil og létt til viðbótar.

Einn bræðra minna margra er búin að vera slappur upp á síðkastið og lítils megnugur hvað vinnu snertir. Eitthvað var hann svo að reyna að sýnast brattur eða þannig, en ég fann mig knúin að gera á því bragarbót!

Líkist fúnu flaki,
fyrrum spræki pjakkur.
Bogin er í baki,
beyglaður og ksakkur!

Frekar fúlt já á Anfield, en sigur Stoke gleður!

Svipað dæmi og var upp á teningnum hjá Liverpool gegn Stoke á sama velli, nema hvað að mistök dómara voru ekki með í spilinu nú, að eins klaufagangur heimamanna að skjóta alltaf í markvörðin, eða þá hitta ekki markið! (svona næstum því alltaf!)
Og meira súrt en ella, því sigur hefði þýtt endurheimt toppsæti, því Chelsea gerði ekki betur gegn Newcastle.
Rosalegt fall hjá Arsenal já, en ég er nú samt langt því frá tilbúin að afskrifa þá strax, gætu alveg náð sér aftur á strik og þá orði ðóstöðvandi!
SAmkvæmt mínu viti á fótbolta getur Grétar ekki átt markið, ef annar samherji hans kemur síðast við boltan, allavega var reglan alltaf þannig hér áður fyrr!
Hins vegar er málið nokkuð flóknara þegar boltin hefur viðkomu í andstæðingi, þá er það alltaf spurningin hvort stefna boltans breytist svo afgerandi, að mark hefði ekki orðið nema vegna snertingarinnar og þá er auðvitað um sjálfsmark að ræða. En oft er já erfitt að skera úr um slíkt!
Glæstur sigur hins vegar hjá Bolton!
Ánægjulegustu úrslitin komu hins vegar á Brittaniavellinum, Stoke vinnur þarna sinn fjórða sigur í síðustu fimm leikjum eða svo, gleður það mig mikið fyrir hönd vinar vors,hans j'oa! SVei mér ef liðið heldur svona áfram, vinna sigra á heimavelli og þá ekki síst gegn liðum í neðri helmingi deildarinnar, en kroppa líka stig og stig af sterkari liðunum bæði heima og að heiman, tekst því að halda sæti sínu og kannski vel rúmlega það!

Arsenal steinlá og toppliðin Chelsea og Liverpool töpuðu stigum

LJÓTT!

Handtaka unga mannsins var augljóslega ekki eftir settum lögum og reglum ef marka má fregnir fyrr í dag um þriggja vikna tilkynningaskildu varðandi afplánun. Hann hafði neitað að greiða sekt vegna brot í Saving Icelandaðgerðum að því manni skilst, því settur inn en sleppt áður en þeirri afplðánun lauk vegna plássleysis!
Ljótt er það já, en þessi viðbrögð eru þó sínu verri og alvarlegra mál!
Þar á móti má hins vegar líka álasa yfirvöldum harkalega fyrir að fara ekki að eigin reglum einhverra hluta vegna og þannig kynda undir óánægju, sem svo virðist hafa að þessari fregn að dæma, farið ílla úr böndunum!?

Mótmæli við lögreglustöðina