Þrír útisigrar vekja athygli¨!

Þetta byrjar bara með nokkrum látum og þrír útisigrar auk auðvitað sigurs Sunderland á Tottenham, vekja mesta athygli. Mest auðvitað tap "Íslendingafélagsins" West Ham, vond byrjun svo ekki sé fastar að orði kveðið!
Ýmsir hafa spáð Newcatle velgengni eftir slakt tímabil og meiðslaríkt í fyrra, þessi sterku úrslit í Bolton lofa góðu um það! Blackburn vann svo þriðja útisigurinn, ansi athygliverðan, snéru leiknum við og unnu eftir að hafa lent undir gegn liði Garreth Southgate, sem ýmsir telja að eigi að geta staðið sig í vetur.Svo er að sjá hvort mínir menn í Liverpool ætla strax að standa undir væntingum gegn Aston Villa í Birmingham, leikurinn nýhafin!
Í 1. deildinni vinna Stoke góðan útisigur í Cardiff, á Robbie Fowler og Co.! VEkur það mesta athygli mína þar.

West Ham tapaði fyrir Manchester City á Upton Park

Ballið að byrja!

J'a, risatóra ballið sem hefst jafnan í fyrri hluta ágúst á Bretlandseyjum, Úrvalsdeildin í fótbolta, er að hefjast eftir nokkrar mínútur!
Um heim allan ´sitja nú því milljónir á milljónir ofan og bíða þess í ofvæni að flautað verði til leiks í fyrsta leiknum, Sunderland gegn Tottenham á Stadium Og Lighjt í Sunderland!
Og þar munu bræður berjast að öllum líkindum, Roy Keene sem framkvæmdastjóri heimaliðsins og Robbie Keene, sem leikmaður gestanna!
Mín spá:

2-1!

Sú spá þó nokkuð byggð á óskhyggju, minn gamli vinur og félagi, gústi, gallharður Sunderlandaðdáandi!
En við miklu er búist af Tottenham í vetur, enda liðið gríðarlega vel mannað. Sunderland hins vegar nokkuð óskrifað blað!

Morgunblaðið með sérblað um ensku knattspyrnuna í dag

Rétt missti af enn einu metinu!

til viðbótar fréttinni, þá má segja frá því, að undramaðurinn rétt missti af enn einu metinu sem hann átti kost á, að spila einstakan hring á lægsta skori sögunnar í risamóti!
Og hann átti sannarlega gott tækifæri á metinu, en rétt missti um það bil 5 metra pútt á 18. fyrir fugli!
Virðist fátt geta stöðvað hann þessa dagana, að vinna þetta PGA mót í fjórða skiptið!

Woods lék frábært golf á PGA-meistaramótinu

Svolítið um samkynhneigð!

Jæja, þá er hin árlega þjóðhátíð samkynhneigðra, Hinseigin dagar, að bresta á!
Ekkert vafamál að mikið verður um dýrðir, dans, söng og gleði.
Horfði á þá félaga Heimi Má Pétursson sjónvarpsmann með meiru og Palla poppstjörnu, Pál Óskar Hjálmtýsson, í Kastljósinu í kvöld spjalla við Sigmar Guðmundsson. Voru þeir auðvitað hressir og kátir og hlökkuðu til morgundagsins þegar gangan mikla verður farin niður Laugaveginn. Veit nú ekki hvernig dagsránni verður háttað, en man að fv. Félagsmálaráðherra, Árni magnússon, hélt einu sinni ræðu við miklar og góðar undirtektir. Á ég því ekki von á öðru en að núverandi Félagsmálaráðherra, frú Jóhanna Sigurðardóttir, verði allavega á svæðinu, ef hún tekur þá ekki til máls, því hún er jú sjálf samkynhneigð og því sérstakur áfangi í hugum samkynhneigðra án efa að eiga ráðherra í sínum röðum!
Sjálfur er ég gagnkynhneigður og það gegnheill, en átti því láni að fagna að kynnast samkynhneigð strax í barnæsku, tveimur bræðrum er þá voru reyndar nokkuð drykkfeldir og annar þeirra nokkuð villtari meðan hinn var alltaf ljúfur sem lamb,þannig að fordóma eða þaðan að síður andúð hef ég aldrei gengið með.Þess vegna hef ég líka getað gagnrýnt baráttu samkynhneigðra af sanngirni og nokkurri þekkingu, leyft mér hiklaust að vera ósammála í nokkrum atriðum.
Ætla nú ekki að fara djúpt ofan í það, eiginlega engin ástæða til nú þegar hátiðisdagar eru, en til að mynda sú skoðun sumra samkynhneigðra allavega um að barneignir séu sérstök mannréttindi, sem minnihlutahópum jafn sem öðrum á að vera sjálfsögð, hef ég ekki tekið undir.
Og svona í lokin af því í Kastljósinu var aðeins spilað úr þjóðhátiðarlagi ársins með Palla, þá velti ég því fyrir mér hvers vegna lagið er alltaf í þessum vélræna poppbúningi ár eftir ár? ERu allir jafn hrifnir að hafa þetta alltaf svona? Á bágt með að trúa því, samkynhneigðir ekkert öðruvísi en aðrir hvað það varðar, að þar er tónlistarsmekkur fólks líka fjölbreyttur, þótt auðvitað viti ég að t.d. diskótónlist og ýmsar stjörnur þar, hafi náð sérstakri hylli og hetjuímynd fyrir baráttu samkynhneigðra! (Donna Summer og Michael Jackson m.a. auk poppgoða á borð við Madonnu og fleiri)

Lækjargötu lokað vegna Hinsegin daga

Faðmlagafræðsla!

Bolungarvík (nú eða Bolungavík, svo ég styggi nú engan!) er um margt merkilegur bær og þar er mannlífið gott þrátt fyrir ágang í atvinnulífinu.
Ekki fannst mér heldur skemma fyrir þegar ákveðið var að ráða bassaleikarann góðkunna og tónleikahaldarann með meiru Grím Atlason í stól bæjarstjóra, en þar voru margar flugur slegnar í einu höggi! Ekki nóg með að bærinn eignaðist þannig hæsta bæjarstjóra landsins, Grímur tröll að vexti, á þriðja metra, heldur fjölgaði í bænum við þetta í hátt í tíu! Grími fylgdi nefnilega eiginkonan glæsta og ljóngáfaða, Helga Vala Helgadóttir og fjöldi barna sem eru a.m.k. sex!
Nú, svo gerast forsetar bæjarstjórnar vart sætari né sniðugri, en Soffía VAgns, ein hinna fjölmörgu Vagnsbarna (Hrólfur harmonikkusnillingur m.a. eitt þeirra líka) sem einmitt kom þessari merku Ástarviku í gang ef ég man rétt!
Námskeiðið núna í faðmlögum vekur forvitni og áhuga hjá mér, ég tala nú ekki um ef Soffía kæmi þar við sögu!?

Ástarvikan enn er frétt
og aldeilis til gagns.
Ef fræðslan í að faðma nett,
fæst hjá Soffíu Vagns!

Ástarvika haldin í fjórða sinn í Bolungarvík

Áhyggjuefni!?

ER happ úr hendi að sleppa,
hlutabréf saman nú skreppa?
Einhver ókyr,
eflaust nú spyr.
Já, er nú að koma KREPPA!?

Gengi krónu og hlutabréfa lækkar

Einkar athyglisvert!

N'u virðist aldeilis glest ganga Skagamönnum í hag, boltinn þar aftur komin á skrið og nú fær atvinnulífið á staðnum þessar ánægjulegu fregnir! Að vísu ekki komið til að góðu, en kannski verður þetta einhvers lags huggun harmi gegn, ef hægt er að orða það þannig, ef stóru útgerðarfyrirtækin sjá sér svona frekar hag í að byggja upp á minni stöðunum, telja það betra í þessum annars ólgusjó sem samdrátturinn í þorskinum óneitanlega veldur! En þetta er auðvitað misjafnt milli fyrirtækja og Skaginn auðvitað alla tíð áður verið annað höfuðvígi HBGranda, þ.e. Haraldur Böðvarsson. Heimamenn óttuðust að vísu er sameiningin við Granda varð, að það myndi þýða samdrátt þar, en það virðist semsagt ekki hafa orðið, stefnir alveg öfugt samkvæmt þessu, reksturinn og umsvifin minnka í reykjavík!

HB Grandi ætlar að flytja fiskvinnslu frá Reykjavík til Akraness

Snilld Guðjóns!

Hvað er eiginlega hægt að segja um þetta?
Í liðinu eru að stórum hluta bara strákar á barnsaldri auk "gamalla jaxla" á borð við bjarna og Þórð Guðjónssyni, Dean Martin og Kára Stein! Hinir ýmsu "spekingar" voru flestir sammála fyrir mót, að botnbarátta yrði hlutskipti Skagamanna, en svei mér, snilld Guðjóns er enn einu sinni að sanna sig, auk þess auðvitað sem má ekki gleymast, að góð sending kom úr austri í tveimur leikmönnum frá SErbíu!(minnir að þeir komi þaðan!)
Og svo bara þetta að lokum!

N'u er skriður á Skagamönnum,
skora þeir mörkin í hrönnum.
Ei grenja meir, gnístandi tönnum,
Guðjóns synir í bönnum!

Skagamenn, Blikar og Fylkismenn sigruðu

Baráttuglaði hugsuðurinn Jens!

Blogggarpurinn Jens Guð, hlífir sér ekki ef hann kemst í ham og honum finnst réttlætiskennd sinni misboðið!
Sést það til dæmis vel núna síðustu dagana varðandi uppistandið á Veðurstofunni, þar sem Jens hefur hvergi dregið af sér, þannig að sumum þykir nóg um! Auðvitað er hann stundum heldur of kappsfullur, dansar á ystu nöf eða fer jafnvel fram af, en kemur þó hygg ég oftar en ekki standandi niður.
Skutlaði þessum línum í hann.

Jens minn, þú stendur í ströngu,
ert stöðugt í baráttugöngu.
Með kjafti og klóm
og kraftmiklum róm
Að greina hið rétta frá röngu!

Jóhannes í Bónus lætur vaða!

Heimahéraðssjónvarpsstöðin N4, flytur að öllu jöfnu fréttir alla virka daga á heila tímanum , þ.e. frumflutning og svo endursýningar, frá kl. 18.15!
Nú í kvöld brá hins vegar svo við, að engar fréttir voru heldur bara eitt viðtal, við sjálfan Bónuskappann Jóhannes Jonsson!
Hefur Jóhannes nýlokið við að reisa sér glæsihýsi í Vaðlaheiðinni og fór viðtalið þar fram.
En um það sem slíkt var nú samt minnst fjallað, heldur spjallað við kaupmanninn um heima og geyma, m.a. veru hans um nokkurra ára skeið á Akureyri, viðfangsefnin ýmisleg þar og áform og svo um það sem mest hefur verið í deiglunni síðustu daga, hátíðin "Ein með öllu" um Verslunarmannahelgina og "Stóra tjaldstæðamálið" en Jóhannes hefur ásamt öðrum kaupmönnum og fleirum, staðið að framkvæmdinni.
Er skemmst frá því að segja, að þungt var í honum hljóðið varðandi hátiðina og gagnrýndi hann bæjaryfirvöld harðlega fyrir aldurstakmarkið sem sett var á tjaldsvæðin, sem og að allt of mikill seinagangur væri í hvort og hvenær hægt yrði að hefjast handa við að byggja um upp nýja Hagkaupsverslun og "Hljómskálagarð" (eins og hann orðaði það) á svæðinu þar sem íþróttaleikvangurinn er núna! Fyrrverandi bæjarstjóri Kristján Þ. Júlíusson, hefði bent sér á að þessi möguleiki væri opin, eftir að pólitísk ákvörðun hefði verið tekin um að leggja íþróttastarfsemina þar niður!
Teljast það sjálfsagt fyrir einhverja tíðindi, að bæjarstjóri úr röðum Sjálfstæðismanna, hafi lagt slíkt til fyrir Bónusjöfurinn, en nú eru víst aðrir tímar en áður runnir upp, sem kunnugt er flestum! Ekki jafnt viðkæmt lengur að eiga samskipti við hann eftir að fyrrverandi formaður hvarf til annara starfa í Seðlabankanum!
En á hinn bógin eru þetta þó ekki svo miklar fréttir, því Kristján hafði áður leikið þennan leik, að reyna að koma vellinum í burt og gefa kaupmönnum tækifæri að fá landið til verslunarbygginga. Það gerði hann fyrir tæpum áratug eða svo og áttu þá uppbyggendur Glerártorgs í hlut. Þeim áformum var hins vegar harðlega mótmælt sem frægt varð, enda mikil mótstaða við að leggja völlin niður, líkt og staðreyndin er sannarlega enn í dag!

Sigrún björk í skotlínunni!

Eins og fram hefur komið og flestum er væntanlega kunnugt, var það fyrst og síðast vilji hins nýja og unga bæjarstjóra, Sigrúnar Bjarkar Jakobsdóttur, sem réði því að tjaldsvæðabannið umdeilda á fólki á aldrinum 18-23 ára, var sett á, aðeins fáum dögum fyrir hátíðina.Könnuðu nefnilega fjölmiðlar á svæðinu, N4 og/eða bæjarblaðið VikuDagur auk RÚV, skoðanir bæjarfulltrúa á málinu og kom þá í ljós að einungis þrír þeirra af ellefu, tveir auk bæjarstjóra sjálfs, voru í raun sammála banninu!
Kallaði Jóhannes það fljótfærnislega ákvörðun og dapurlegt að hún skildi hafa verið tekin! EFast hann jafnframt um að hann setji peninga aftur í hátiðina, en 80% starfsfólks hans væri á þessum aldri, en hefði semsagt ekki fengið aðgang að henni!
Seinagangur og viss "gamall Kaupfélagsandi" voru þau orð sem hann svo m.a. hafði um völlin, orðin ansi langeygður eftir að komast þangað til að reisa nýju Hagkaupsbúina, sem hann sagði að yrði í grundvallaratriðum eins og sú sem fyrir er.
Í sambandi við hið síðara sérstaklega, er þó rétt að geta þess, að í hópi núverandi bæjarfulltrúa eru ekki svo margir innfæddir akureyringar, þannig að ég held nú að þeir þekki ekki þennan meinta anda. Forystumenn flokkanna í bæjarstjórn eru t.a.m. bæði "innflytjendur"
Annars hafði Jóhannes margt annað gott um bæjarlífið að segja, lofaði og prísaði m.a. aðstæður hér t.d. Hlíðarfjallið, sundlaugina og skautahöllina. Synd væri að halda öðru fram en að hér væri ekki gott að búa!
SVo verður bara spennandi og fróðlegt að sjá, hversu mikil viðbrögð viðtalið hlýtur, Jóhannes jú áhrifamikill maður á fleiri en einn hátt sem dæmin sanna!