Jájá, Espresso, hratt, allt of hratt!

17 ára stelpuhnátan hefði nú átt að vita þetta, áhrifin eru jú HRÖÐ og skiptir ekki máli hvort skammturinn er ein- eða tvöfaldur! Nafnið nefnilega engin tilviljun. En það er sem ég segi, hef alla tíð sagt og mun alltaf segja: BRAGI ER LAAAAAANGBEEEEEESTUR!!! Og dirfist ekki að halda öðru fram!

Á sjúkrahús eftir of mikið af espresso

"Allt er svo stórt í Texas"!

Fyrirsögnin er gamall frasi um Texas og víst er að þar er nú margt allavega stórt, flott og mikið, enda búa þar nú helstu olíufurstar Bandaríkjanna! (hver man ekki eftir DAllas!?)
En í texas eru líka margir af flottustu tónlistarmönnunum að mínu mati og sem í uppáhaldi hafa verið, t.d. ZZ Top, Vaughanbræður, Stevie Ray og Jimmie, Jimmy thackery, Ronnie Earl og margir fleiri blús og rokktónlistarmenn! Og í Texas eiga stelpurnar líka að vera flottastar og "fírugastar"!

En skuggahliðarnar eru já margar, m.a. vegna þessarar íhaldsemi og trúarofstækis!"Auga fyrir auga og tönn fyrir tönn" gildir svo sannarlega, aftökur að meðaltali 8 á ári sl. 25 ár, segja nú sitt um það!

Menning og trúarbrögð sögð skýra aftökugleði Texas-búa

Bara hið besta mál að mótmæla!

Stefán Pálsson er náungi sem ég hef alltaf haft lúmskt gaman af, er skemmtileg manngerð, svona blanda af mennta/gáfumanna tegund og skólastráksstaula, sem ekki alltaf er með lífið og tilveruna á hreinu!
Er líka skemmtilegur bloggari, þótt mér hafi fundist sumt sem hann skrifar í pólitísku skyni, ekki alltaf sanngjarnt né að mínu skapi, en það er nú aukaatriði!
Ég er og hef alltaf verið hlyntur borgaaralegum og ákveðnum mótmælum, þar sem gagnrýnin er vel og skilmerkilega fram sett!
Eins og flestum landsmönnum, fannst mér sömuleiðis og finnst enn, Íraksstríðið og allt sem því hefur fylgt, meiriháttar slys umvafið mistökum á mistök ofan. Og meðan skilgreiningin á hvað við í raun og veru þurfum á að halda varðandi varnir og eftirlit um og við landið, er ekki enn á tæru, t.d. varðandi yfirtökuna á ratsjárstöðvunum, finnst mér líka gagnrýnin umræða og mótmæli sem þessi, fullkomlega eiga rétt á sér og vera beinlínis nauðsynleg!
Við búum jú í lýðfrjálsu landi, þar sem flest sjónarmið og skoðanir eiga rétt á að heyrast og ef Stefán fer ekki að hlekkja sig við vélbyssu, eða ráðast á hermenn með "alvæpni ættuðu úr safni Orkuveitunnar" þá er ekki ástæða til annars en að kvetja þá sem vilja, til að mæta og mótmæla!

Hernaðarandstæðingar mótmæla varnaræfingu

Bara fyrir Brad?

Læt mér standa á sama, auk þess sem ég er ekki kona sem fraukan girnist! En Brad er sjálfsagt ánægður með þetta, þótt það komi ekki beinlínis fram í fréttinni!

Angelina Jolie ekki mig,
ýkja mikið heillar, það er ljóst.
Enda vill nú, út af fyrir sig,
aðeins karli sínum "GEFA BRJÓST"!

Angelina fórnaði ærslunum

Hver er sinnar gæfu smiður!

Hversu oft hafa ríkjandi ensku meistararnir tryggt sér sigur á síðustu mínútum, jafnvel sekúndum, í leikjum sínum gegnum tíðina? Ótal sinnum!Slíkt er líka einkenni á meistaraliðum, þau gefast aldrei upp, eiga auðvitað sína slæmu leiki, en vinna þá jafnvel og einmitt með þeim hætti að skora sigurmark á síðustu stundu! Þannig unnu t.d. Man Utd. t.d. sigra á Liverpool og Fulham á útivöllum á sl. tímabili, skoruðu sigurmörk í blálokin í leikjum þar sem andstæðingarnir voru mun betri, en báru ekki gæfu til að skora.En í fyrsta leik tímabilsins í dag, snérist þetta að luta við, mótherjarnir í Reading héldu einu stigi, þrátt fyrir að spila nær helming síðari hálfleiks einum færri! Fyrirsögnin kviknaði er úrslitin voru ljós og "re´ttlætinu hafði ekki verið fullnægt" eins og Logi Ólafsson orðaði það fannst mér nokkuð skrýtilega er Man Utd fékk hættulega aukaspyrnu á lokasekúndunum, einmitt til að endurtaka margleikin og ofansagðan leik.
Réttlæti er nefnilega ekki til í fótbolta sem og mörgum fleiri íþróttum. Og í þessum leik voru heimamenn sannarlega sinnar eigin gæfu smiðir!
Hahneman markvörður auðvitað mikil fyrirstaða, en Utd getur samt fyrst og fremst bara kennt sjálfu sér um, þ.e. leikmenn liðsins, að sigur vannst ekki!

Tíu leikmenn Reading héldu jöfnu á Old Trafford

Skref í áttina!

Enn einn áfanginn hjá Kára og Co. en eins og jafnan er tekið fram, þá er þetta bara yfirstígin áfangi á lengri leið.
Og svo vil ég láta þetta koma fram!

Þótt staðreynd sé í ótal ár,
einhverjum hafi tapað krónum.
Þá er minn frændi Kári klár
og kannski bara skyldur ljónum!?

ÍE finnur stökkbreytingar sem valda öllum tilfellum glákuafbrigðis

Bloggvinkona beitt órétti!

Ég er núna rétt búin að vera bloggari í tvo mánuði, auk þess sem ég hef fylgst sæmilega með Moggablogginu nokkuð lengur.
En það var nú ekki fyrr en í gær, sem ég í fyrsta skipti sá bloggfærslu sem fengið hafði "Rauða spjaldið" einhver hefði tilkynnt um óviðeigandi tengingu við frétt! Margt hefur þó borið fyrir augu fyrr sem manni hefur vægast sagt þótt vera á mörkunum, ef þá ekki bara yfir þeim er tengjast velsæmi, en engin kippt sér upp við það og "klagað"!
En semsagt í gær sá ég þetta fyrst og trúði þá vart eigin augum!
Í hlut átti nefnilega nýjasta bloggvinkona mín, hún Helga Guðrún Eiríksdóttir úr Skagafirðinum, en er nú fróm og flott blaðakona í veldi Betu drottningar töff stelpa sem auðvelt er að verða skotin í, sem er nú alveg nógu merkilegt út af fyrir sig, nema hvað að hún fær þetta "ofbeldi" yfir sig fyrir litlar sem engar sakir!
Jújú, fregnin var ekkert gleðiefni, um Íslendingin sem sýkst hafði af Hermannaveikinni, en skemmtilega orðafléttan hennar Helgu Guðrúnar í myndrænum gletnisstíl með svolitlu "náttúruívafi", var augljóslega EKKERT að gera lítið úr henni, BARA ALLS EKKERT!
Ég er bara alveg gáttaður á þessu og velti fyrir mér hvort Helga Guðrún eigi einhverja óvini, eða hvort einhver þurfi að hefna sín á henni?
Kíkið sjálf!

http://blekpenni.blog.is/blog/blekpenni/entry/283275/

Sætur sigur!

Þegar sigurmark er skorað á lokamínútum leiks er sigurinn oftar en ekki sætari! Og þegar það er víst eins glæsilegt og raun bar vitni, þá gerist þetta varla betra svona!
Þetta var jafnframt fyrsti sigurinn undir stjórn Benitiz í upphafsleik á keppnistímabilinu.
Vonandi er það vísbending um það sem koma skal í framhjaldinu!
Vinnusigur, eins og það kallast í fræðunum, verður þetta þó að teljast líka, þurfti mikla baráttu til að brjóta gott lið Aston Villa á bak aftur!

Gerrard tryggði Liverpool sigur með glæsimarki

Má ekki skemma fyrir þessum merkilega degi!

Fiskidagurinn á Dalvík með öðlingin J'ulíus Júlíusson í broddi fylkingar er einhver sú merkilegasta fjöldasamkoma sem um getur hérlendis, ég bara fullyrði það!
Alveg öfugt við flestar ef ekki allar aðrar slíkar, þá eru það bæjarbúar sem bjóða heim og "blæða" á gestina, engin borgar ekki krónu fyrir að troða í sig hinum ýmsu kræsingum!
Og eins og Júlíus held ég sagði í einu viðtali í dag aðspurður um hví þetta væri svo, að "Það þurfa ekki allir að græða" en vissulega græddi bærinn samt, en gróðinn væri bara í formi góðrar ímyndar m.a. ekki peninga.
Í kringum þennan merkisdag hefur svo ekki heldur verið ófriðarandi líkt og því miður er oftast raunin með slíkar samkomur, en þessi leiðindaatburður sl. nótt svertir þó örlítið þá mynd. Vonandi verður hann ekki til að skemma fyrir upp á framtíðina, slíkt endurtaki sig ekki á þessum eða í kring um þennan merkisdag!

Gengu í skrokk á manni á Dalvík

VAlsstúlkur rokka!

Enn einnn glæsiárangurinn á sviði kvennaboltans, fyrirfram var talið að þetta gæti farið á hvorn vegin sem væri.
Til lukku Valsstúlkur!

Valskonur í 16-liða úrslit eftir stórsigur á KÍ