Heimur helvítis!

Það setur auðvitað að manni vissan óhug þegar maður verður meir og meir var við slíkan ljótleika sem þetta er, í næsta nágreni við sig! Sjálfur á ég t.d. bróðurdóttur sem vinnur sem afgreiðslustúlka í verslun, þetta heðfi alveg getað verið hún sem varð fyrir þessari óskemmtilegu lífsreynslu!

Ógæfusálir á sveimi,
sífelt eru fleiri og fleiri.
Í þessum helvítis heimi,
hræðslunnar meiri og meiri!

Þrír handteknir í verslun á Akureyri; einn með barefli

Vondar fréttir fyrir England!

Alveg makalaust hve gengið hefur verið framhjá þessum afburða trausta og góða leikmanni!
En Hr. McClaren stjóri enskra telur hann síðri en terry, Ferdinand, Woodgate og hinn símeidda Ledley king, þannig að svona verður þetta bara að vera og skiptir engu hversu Carragher leikur frábærlega með Liverpool! Held þetta geti reynst ílla fyrir landsliðið enska, en hins vegar hið besta mál áfram fyrir rauða liðið, drengurinn búin að vera mjög sterkur í fyrstu tveimur leikjunum sem búnir eru!

Carragher endanlega hættur með enska landsliðinu

Góð ferð til Frans!

Í fáum orðum sagt, góð og árangursrík ferð, gott og glæsilegt mark, eigin marki haldið hreinu fyrir seinni leikin og leiðin sýnist greið í riðlakeppnina!
Og haha, "bara" sex breytingar frá leiknum við Aston Villa, Benitiz ætlar greinilega að halda uppteknum hætti frá allavega hluta sl. tímabils og breyta liðinu mikið á milli leikja. Munurinn núna sýnist hins vegar sá, að hann hefur úr fleiri góðum og jafnari leikmönnum að velja!

Liverpool sigraði Toulouse í Frakklandi

Össur og ég!

Mér hefur lengi þótt svolítið vænt um Össur!
Hann er líka nokkuð líkur mér í útliti og fleiru, við blöðrum mikið stundum og getum báðir sett saman hendingar, sem ég er þó öllu virkari í! Margir hafa til dæmis komið auga á vissan svip með okkur og kvarta ég svosem ekkert yfir því auk þess sem okkur báðum getur orðið á að haga okkur misvel!
Þessar fregnir koma annars nokkuð á óvart, á enn eftir að melta þetta betur, sem ég hygg að eigi við marga bæjarbúa líka!

Og..!
Össur er ágætisgæi,
þótt ílla stundum sér hagi
á svipin sem slíkur,
sagður er líkur
Magga í meira lagi!

Iðnaðarráðherra mælir með nýyrðinu aflþynna

Enenen....!

....elskurnar mínar til sjávar og sveita, um heim allan..
ELVIS LIFIR!!!
Hvaða della er það, að halda því fram að hann hafi þann 16. ágúst 1977, fundist látin á heimili sínu í Graceland, 461 Ocean Bouleward í Memphis, út úr dópaður inn á klósetti!?
Tja ég veit ekki, en það veit ég, að um heim allan eru til þúsundir ef ekki milljónir, sem enga trú leggja á að Elvis sé í raun og veru dáin og hafi verið það í nú brátt 30 ár!
En hvað um það, þá er þetta svosem ágætt uppátæki, í þágu góðs málefnis, en þótt Lisa stelpan sé og hafi alltaf verið sæt, lík föður sínum, þá fékk hún svo sannarlega ekki sönghæfileika hans í vöggugjöf!
En nútímatæknin lætur ekki að ´sér hæða, auðvitað langt síðan menn fóru að skeyta saman lifandi og látnum röddum, en nú til dags er líka leikur einn að laga svo til þá röddina sem miður hljómar, að vart er um sömu að ræða og áður! Sjalfsagt einhverjum slíkum brögðum beitt til að "raddfegra" Lisu!?

Lisa Marie Presley syngur með föður sínum

Ekki er á allt kosið!

Óli Kristjáns var fyrr á tíð skemmtilegur og sókndjarfur vinstri bakvörður hjá FH og örugglega einn sá hávaxnasti í faginu!
SEm þjálfari bæði hér og í Dannmörku hefur honum líka vegnað ágætlega og hér orðar hann hlutina skemmtilega!

Ekki segist Óli H.,
óskadráttinn sinn nú fá.
Fjölni eða Fylki já,
frekar vildi "lenda á"!

Enginn óskadráttur en fínn samt

Bolir og fleiri flíkur!

Það er örugglega orðin gömul uppátektarsemi, að líkja fólki á einn eða annan hátt við flíkur, eða lýsa fólki misgóðu með slíkum nafngiftum.Beint eða óbeint, Bubbi fann að líkindum upp Jakkalakka um árið yfir vissa gerð karlmenna og konur geta verið algjörar "dúllur" eða "Blúndur" eftir atvikum!
Svo er það nútíminn, til eru "Hnakkar" "Úlpur" og svo "Hnakkamellur" sem frægt varð!
Og "Blir" líka, samanber bloggfyrirbærið sem kallar sig því nafni og hefur með ýmsum klækjum komið sér á topp vinsældalistans hjá Moggablogginu!
Kíkti eitt skipti snöggt inn á það, en stökk jafnharðan út aftur, ekki fyrir minn smekk! Einn frekar stór galli við Moggabloggið, að nafnleynd skuli leyfð.

Nei, ekki nýr sannleikur!

Hversu lengi hefur maður ekki heyrt að offita yfir höfuð sé ekki til góðs eða til vinsælda höfð!
Annars svolítið fyndið að þetta komi frá Texas, þar er karlpeningurinn allavega þekktur fyrir þykkt hold undir sínum vaðmálsskyrtum og gallabuxum kúrekanna og rándýrum jakkafötum olíubarónanna!
Spikfeitar T-beinssteikur enda óvíðar vinsælli en þar til átu, að sagan segir!
Víðar myndast þó auðvitað "varadekkin" og þá ekki síður vegna bjórdrykkju en síáts.
Þ

Kúluvömbin óholl hjartanu

Kynlíf á fótboltaleik!

Pistill á síðu félaga vors, Jens Guð, Kynlíf í sjálfrennireiðum frá í gær, rifjar upp gamla minningu frá fyrr tíð, sem sannar að "Náttúran" lætur ekki að sér hæða og krefst jafnvel að henni sé sinnt og það í votta viðurvist undir berum himni!
Það átti sér semsagt stað á Íþróttavellinum á Akureyri fyrir allavega um 20 árum, að "Leikfimi líkamamlegrar ástar" átti sér stað meðan ef ég man rétt á leik Þórs og Þróttar frá Neskaupstað stóð!
og það sem meira er, ég varð óafvitandi vitni af upphafinu, sem þó virtist bara vera saklaus ærsl ungs manns í ungri stúlku. Ég kannaðist nefnilega við hana og mitt í hláturskviðum hennar er stráksi var að því er sýndist í stríðni að kitla hana, kallaði hún á mig og bað mig að "Taka hann af sér"!
Ei sinnti ég því, enda leikurinn byrjaður og hann áhugaverðari en einhver ærslalæti í krökkum!
En þegar leik lauk og áhorfendur tóku að streyma úr stúkunni og út af vellinum, sáu menn óvænta sýn, parið í "fullum gangi" í grasbrekkunnji!
SAklausi leikurinn orðin að fúlustu alvöru!
Eitthvað sögðu blöð frá þessari "ástarglímu" í brekkunni, en engum sögum fer af að parið hafi ekki í friði fengið að ljúka sér af!?

Þetta á að snúast um að spila fótbolta, ekki satt?

ER nú að verða leiður á þessum endalausu fréttum/ekki fréttum af drengnum! Íslenskir fjölmiðlar eiga ekki að vera endalaust að eltast við þessa "Sport Spunalækna" sérstaklega þessa í Englandi. Staðreyndirnar eru þessar, hann er meiddur, getur ekki æft, þannig að meðan svo er gerist ekki neitt! En þegar hann nær sér og vonandi sem fyrst, þá skýrist það hvort í raun og veru það sé vilji hans og Arnórs pabba, sem líka er umboðsmaður hans, að þreyja Þorran á Spáni upp á von og óvon, sitja á bekknum og spila kannski nokkrar mínútur stundum, eða söðla um! Ekki endilega sala. Setjum svo að Eiður nái sér fljótlega, en ákveði að best sé að færa sig um set, þá þarf það ekki endilega að þýða sölu frá Barcelona. Allavega kæmi mér ekki á óvart þótt Eggert Magnússon hafi hugleitt þann möguleika, að semja einfaldlega um það við spænska liðið að fá samlanda sinn AÐ LÁNI, í það minnsta fyrsta kastið og sjá svo til hvernig mál þróuðust! Það gæti alveg orðið besta lausnin fyrir alla, í það minnsta fyrsta kastið og ef Eiður vill enn reyna að sanna sig hjá Barcelona, en sér ekki betri möguleika nú en að fara til Englands? Þetta snýst jú um að fá að spila og eins og fyrr sagði, er kannski ekki mjög spennandi að sitja á bekknum í óvissu um hvort hann fái að spila nema kannski fáar mínútur,eða e.t.v. ekki einu sinni komast á tréverkið!

Eiður Smári: Hef ekki hafnað neinum tilboðum