Eivor, Ó Eivor!

Vildi bara enn og aftur tjá ást mína á færeysku álfameyjunni Eivor Pálsdóttur!
Tónleikarnir komnir á fullt á Miklatúninu og miklumiklumiklu meira spennandi en "Bankabraukið" í gærkvöldi!
Blíð sem engill, en kraftmikil sem kjarnorkuver syngur hún svo dásamlega á víxl, leitun að slíkri náttúrurödd sem hennar nú um stundir!

Ljúf stemmning í miðbæ Reykjavíkur

Heimsins mestu hlaupagikkir!

Ekki kemur þetta nú á óvart, ekki heldur langt síðan sagt var frá einvherri rannsókn sem sýnir að líkamsbeiting Kenýamanna og sjálfsagt fleiri Afríkumanna er á einvhern hátt betri á hlaupum, eða eitthvað í þá áttina.
Engir eru svo betri í langhlaupum en Kenýamenn, vinna oftar en ekki flest ef ekki öll verðlaun á heims- og Olympíuleikum og það bæði í karla- og kvennaflokkum, þó ég haldi reyndar að Eþópíumenn séu líka mjög sterkir.

Að þeir séu fráir á fæti,
fræknir sýna hér enn.
Í forystu storma um stræti,
stæltir Kenýamenn!

Annars til hamingju með daginn Reykjavík og góða skemmtun við ykkur sem ætlið svo í kvöld að streyma út um strætin, gott fólk! (eins og Bubbi Kóngurmyndi orða það!)

Kenýamenn sigursælir í Reykjavíkurmarþoni

Misjafnt!

æææ, voðalegt gervipoppsgrugg er þetta búið að vera!
Jújú, 20000-30000 á Laugardalsvellinum og einhver stemning, en Palli, Nylon, nýja strákabandið og Múgison ekki mjög "lífræn" verð ég að segja, vélrænan ræður ríkjum, þótt múgison og Todmobile núna síðast þegar þetta er skrifað, séu skárri en hin. Sólin, Helgi Björns og Co. líka búin að koma fram, en heyrði bara hluta af "Halló, ég elska þig" sem var bærilegt.
Bubbi, Bo, Stuðmenn og Garðar Cortes eftir.
Lengi getur gott batnað, eða var það öfugt, lengi getur vont versnað...?
Sjáum til!
Klukkutíma síðar!
Lengi getur slæmt skánað, Bubbi karlinn reif þetta upp og já eftir að strákurinn Garðar Thor Cortes hafði sungið sérlega vel Granada! Og nú voru gestir á vellinum líka orðnir um 40000 að sögn Palla og vildi hann meina að met væri slegið, en mig minnir nú að mun fleiri hafi verið taldir þarna fyrir tveimur eða þremur árum er bubbi og Egó spiluðu á Menningarnótt á Miðbakkanum í Reykjavík!? En aldrei fleiri á Laugardalsvellinum, jújú, mikil ósköp!
Og síðast komu Stuðmenn og Bo held ég, en gafst upp áður en yfir lauk. Það sem hafði batnað að mun, fór aftur versnandi!en sjálfsagt hefði ég skemmt mér mun betur, verandi á staðnum.
Og því miður reyndist skensið mitt frá því í morgun ekki rétt, Sigurður E hvergi sjáanlegur! En meira fjör á morgun á Menningarnóttinni, Miklatúnið með Vonbrigði (sem voru frábærir í Kastljósi í kvöld!) Mínus, Ljótu hálfvitunum, Megasi og Mannkornum meðal annara og verður útvarpað beint á Rás tvö.

Aldrei fleiri á Laugardalsvelli

Alveg ágæt frétt, en..

... ég velti því hins vegar fyrir mér hvort ákvörðun verði ekki líka TEKIN um að TAKA höfund þessarar fyrirsagnar í bakaríið!?

Ákvörðun tekin um stofnun Listmenntaskóla Íslands tekin á næsta ári

En hvað með hina "Bubbana"!?

Þetta er svo bara byrjunin, Menningarnóttin tekur svo við með risatónleikum Rásar tvö, Mannakorn með meiru, eiginlega meir spennandi tónleikar fyrir mína parta!
En Palli, Nylon, Stuðmenn, Bo og Bubbi karlinn verða semsagt þarna, en ég spyr já, en hvað með aðra "Bubba" sem þarna verða líka á svæðinu gæti ég´trúað, skildu þeir ætla að láta ljós sitt skína og er ég þá sérstaklega með einn í huga?

Kaupþing úr kistunni fé,
"Konsert" lætur í té
svo stigi á stokk,
með Stuðmannaflokk
Söngvarinn Sigurður E!?
Hef það fyrir satt, að Sigurður Einarsson stjórnarformaður Kaupþings, sé nefnilega fínn söngvari, en skal þó ekki fullyrða neitt um það, hef ekki heyrt hann syngja!
En enn velti ég því fyrir mér og spyr í forundran Einar bárðar.
Hví ertu ekki farin að huga að tónleikum með Sarah Brightman!?

Undirbúningur Kaupþingstónleika í fullum gangi

Tónlistarviðburður - Jóhanna Gunnarsdóttir læknir syngur á Græna hattinum!

Tónlistarunnendur norðan heiða og þótt víðar væri leitað, vinsamlegast glennið upp glyrnur og takið eftir!

Það er ekki svo oft sem ég verð spenntur fyrir tónlistarviðburðum hér í bæ, en er það nú heldur betur þessa dagana!
EFtir slétta viku verða nefnilega ansi hreint merkilegir tónleikar haldnir á Græna hattinum með söngkonu sem vissulega hefur látið í sér heyra annað veifið gegnum tíðina auk þess að spila listavel á pianó, en hefur samt allt of lítið gert af því og með löngum hléum á milli!
Hér er ég að tala um Húsavíkurmærina Jóhönnu Gunnarsdóttur, sem á sínum tíma tók tvívegis þátt í Söngkeppni framhaldsskólanna, fyrst 1995 er hún lenti í fjórða sæti og 1998, er hún lenti í þriðja sæti ásamt systur sinni Sigurveigu og vinkonunni Láru Sóleyju Jóhannsdóttur og vakti í bæði skiptin verðskuldaða athygli fyrir fagra og agaða söngröddina!
Munu tónleikarnir hefjast stundvíslega kl. 20.30 og verður aðgangseyrir kr. 1000.
Sér til fullþingis við tónlistarflutningin mun Jóhanna hafa trió skipað afbragðstónlistarmönnum og reyndum.
Fyrrnefnd Lára Sóley Jóhannsdóttir, vinkona úr gömlu heimahögunum á Húsavík, spilar á fiðlu, en stúlkan sú er vægast sagt sprenglærð í klassiskum fræðum með meiru hér heima og í Bretlandi, þar sem hún snéri til baka frá fyrir um ári. Hefur hún m.a. leikið einleik með Sinfóníuhljómsveit Norðurlands svo eitthvað sé nefnt.
Margot Kíís er fædd og upprunnin í Eistlandi, en fluttist hingað eins og fleirra tónlistarfólk frá Eistrasaltslöndunum, til að kenna Íslendingum söng og hljóðfæraslátt. Hefur hún búið á Íslandi í um sjö ár og er nú m.a. kennari á Akureyri. Leikur hún á pianó í trióinu.Plata með söng hennar mun svo vera að koma út.
Stefán Ingólfsson er síðan þriðji meðlimurinn í trióinu hennar Jóhönnu og spilar hann á bassa. Hefur hann víða komið við í hljómsveitabransanum, en mér er hann einna minnistæðastur í blúsbandi með feðgunum Pétri Tyrfings og Gumma gítarsnillingi syni hans, tregasveitinni m.a.
Yfirskriftin á tónleikunum er einfaldlega Sumartónleikar og mun þar kenna ýmisa grasa á efnisskránni, djass í léttari kantinum, poppballaða auk klassiskra íslenskra laga sem flestir eða allir munu þekkja. Erlendu lögin munu svo mörg eiga það sammerkt að hafa heyrst í kvikmyndum eða koma úr söngstykkjum. (sem gildir reyndar líka um þau íslensku!)

Jón Ásgeir Sigurðsson útvarpsmaður látinn!

Jón Ásgeir Sigurðsson, útvarps- og fréttamaður til margra ára hjá Ríkisútvarpinu, er látin langt fyrir aldur fram!
Jóns minnist ég fyrst sem fréttaritara Útvarps í New York, en þar var hann um árabil og flutti oft mjög góða og ígrundaða pistla og það líka gagnrýna, um bandariskt þjóðfélag. Ekki munu þeir stundum hafa verið öllum að skapi, en Jón lét engan bilbug á sér finna. Heimkomin m.a. frá námi vestra, byrjaði hann að vinna sem starfsmaður á RÚV og gerði hygg ég allar götur síðan, m.a. sem dagsrárgerðar- og fréttamaður. ERu mér margir þættir hans minnistæðir um ýmis mál, djúp og skýr röddin sömuleiðis eftirminnileg. Jón Ásgeir var svo virkur í félagsmálum, var um langt skeið formaður starfsmannafélags ríkisútvarpsins held ég.
EFtirlifandi eiginkona hans er Margrét Oddsdóttir, sem fram til þess að RÚV ohf. var stofnsett fyrr á þessu ári, var yfirmaður innlendrar dagskrárgerðar á rás eitt!

Læt mér fátt um finnast!

Nei, minntist ekki meints dauða Elvis Aaron Presley í dag, spilaði ekki lög með honum ekki einu sinni Jailhouse Rockklassíkina, né sönglaði It´s Now Or Never!
En ég gerði annað.
Spilaði Whole Lotta´Rosie AC/DC mér til mikillar ánægju með....

...ALVES!

Þrjátíu ár frá andláti Elvis Presley

Betur má ef duga skal!

Þegar fjöldi barna í brýnni þörf er slíkur, held ég nú að þessi upphæð sé ekki nema til skamms tíma svo dugi!
Hamingjan má svo vita hvað þetta þjóðfélag þeytings og ofurkeyrslu, geymir svo mörg börn sem einhverja hjálp þurfa, í meira eða minna mæli!?
En 150 millur eru betri en engar, en betur má ef duga skal og það gildir víst um margt fleira!

Eru 150 milljónir nóg?

En hvað?

Já, ég bara spyr, en hvað var annars í gangi?
Þetta auðvitað hið ágætasta "lögfræðitorf" sem hér má lesa, Héraðsdómur fær skömm í hatt fyrir að taka ekki á tilfærslunni, skal gjöra svo vel að segja af eða á hvort svo skuli vera eður ei, konan skuli fara eða vera á sínum stað!
En ég endurtek, en hvað með "Rót vandans"? Hvað gerði hjúkkan og við hvern? VAr fórnarlambið karl eða kona?
Klappaði hún á rass?
N'u eða kleip?
Káfaði í klof?
Eða kitlaði??
Ég er að spyrja fyrir hönd þúsunda ekki satt!?VArð reyndar sjálfur "næstum því" fyrir kynferðislegu áreiti á sjúkrahúsi, en það kemur nú þessu ekkert við!

Hæstiréttur fellir úr gildi frávísun dómkröfu í héraði