Jafntefli eða útisigur!

Ég hallast nú bara helst að því já fyrirfram!
Bæði lið hafa sýnt vissa veikleika á sl. vikum í deildinni, munurinn þó helst að MU hafa haft mikla heppni með sér öfugt við Chelsea og reyndar Liverpool líka á stundum!
Terry og Ballac koma endurnærðir, sem Evra gjörir jú líka, en það er alltaf spurningarmerki með endurkomu vegna meiðsla eins og hjá Ferdinand og það í svo mikilvægan leik líka sem þennan!Þess má svo geta, að einna meiðsla hjá frábærum leikmanni er ekki getið, Michael Essien,litla "Skriðdrekans", en hann spilar víst ekki mikið meir á þessu tímabili ef þá nokkuð?
En, tilfinningin er annars þessi semsagt, hallast mest að jafntefli, en hef jafnframt á tilfinningunni að þeir bláu séu allt eins líklegir til að vinna!?

Ar annars auðvitað ekki sáttur við framgang toppliðsins í gær gegn SToke, en samt, líkt og með fyrri leikin, þá samgleðst ég í aðra röndina vini mínum J'oa, þeim allraharðasta Stokefylgismanni sem þekkist af íslensku bergi!
Þetta þýðir hins vegar bara, að vel verður lúskrað á Everton um næstu helgi í deildinni og ekki bara þá heldur strax á eftir í bikarnum líka!
Ferguson gamli og fylgismenn hans skulu ekki láta sig dreyma um að einhverjar taugar séu að bresta, eitthvað annað og meir þarf að koma til svo ílla fari hjá Rauða hernum!

Og það er já líka mín sterka tilfinning í dag!

Lykilmenn tilbúnir í slaginn í dag

Rétt hjá Máa!

Eins og hlutirnir hafa þróast hygg ég að þetta sé helsti kosturinn í dag, sem hann á raunar alltaf að hafa verið varðandi spurninguna að ganga í ESB, stjórnvöld setji mikla vinnu í gang um markmið og greiningu á því sem til boða stæði, síðan væri það þjóðarinnar að ákveða hvað gera skildi, samþykkja eða hafna! Hugmynd sumra og þá helst innan D flokksins, að kjósa eigi fyrst um hvort yfir höfuð eigi að kanna málin, eins og ég hef skilið það, finnst mér hins vegar ekki koma til greina og bara til þess að tefja og þæfa hlutina! Mái karlinn auðvitað ekki í sumra augum maðurinn sem hlusta á mikið á eftir þátt hans í bankahruninu, (hvert það svo var nákvæmlega?) en hann er hérna að segja okkur staðreynd sem vart verður litið framhjá. Og þetta með vextina, þá er það sömuleiðis staðreynd sem öskrar beinlínis á okkur, þeir eru alltallt of háir og við þá verður ekki lifað til langframa!

Þjóðin á að kjósa um aðild

Heimafyllerí!

Í reykviskum heimahúsum,
hella menn í sig úr krúsum
öls vel birgir af brúsum,
Nenn' ekki á næsta bar.
Sjálfir og sáttir vér dúsum,
í sælunni heima og BLÚSUM
en aðeins í "Braga nú búsum",
Þar af er sem áður var!

Víða læti í heimahúsum í nótt

Semsagt, "Gamalt vín á nýjum belgjum"!?

Æ, fyrirbærið Framsóknarflokkurinn er að verða með þeim furðulegu í pólitíkinni, slær jafnvel FF við á köflum!
En sem ég hef margsagt áður, gerjun, átök, erjur og jafnvel klofningur, er stjórnmálaflokkum eðlilegt, öðruvísi þróast þeir ekki eða taka nauðsynlegum breytingum, það er gömul saga og ný og alls ekki neitt séríslensk!
En mikið rétt, liðsmenn B hafa á sl. mánuðum verið alveg sérstaklega góðir í að glutra tækifærum til að marka sér stöðu, olnbogarými í ljósi þess hve ástandið er rafmagnað og erfitt fyrir núverandi stjórnarflokka.
En kannski er það einmitt þetta sem heillaði dáðadrengin Guðmund STeingrímsson að ganga í flokkin, hann sér kannski tækifæri til framtíðar, þó ég viðurkenni nú samt að mér finnist þetta ansi hreint römm taug í honum líka og kannski ekkert mjög líklegt að flokkurinn geti á ný endurreist sig og öðlast traust þjóðarinnar!?
Nú sumir telja reyndar að Guðmundur eigi von á sjótri stöðu til áhrifa í flokknum, veit ekki um það, en veit að hann er drengur góður og sannar það í dag með því að ætla ekki að nýta sér þann rétt sem hann þó enn hefur, að taka sæti á alþingi sem réttkjörin varamaður S!
Fær stórt prik hjá mér fyrir það og sýnir að siðferðisvitund hans er í góðu lagi!
Annars svo bara þetta til gamans, ef raunin yrði nú sú,að "Afturhvarf til fortíðar" kæmi flokknum aftur á skrið!

Þó hljómi kannski hreinlega sem lýgi,
held ég samt að fortíðin nú kenni.
Að Framsókn stæði traust og vel að vígi,
ef væri formaðurinn ennþá DENNI!?

Nýtt fólk í Framsókn viðrar gömlu gildin

Frumhlaup eða framsýni?

Ég get nú sjálfur ekki alveg gert mér grein fyrir því!
Hef lengi haft mætur á Guðmundi Steingrímssyni, fundist hann fyrst og síðast mjög geðþekkur og skemmtilegur strákur með hæfileika á mörgum sviðum, t.d. í tónlist og á ritvellinum. Þá virtist hann ásamt til dæmis sínum gamla vini, Degi B. Eggertssyni m.a. ungra manna og kenna, eiga bjarta framtíð í S og vera einn þeirra sem væru líklegir til að gegna þar forystuhlutverki í innan ekki langs tíma!
En engin veit sína ævina og sannarlega ekki þá pólitísku, eins og þessi tíðindi sanna!
Í því öldu´róti sem staðið hefur sl. mánuði þar sem S hefur staðið í stórræðum sem annar stjórnarflokkanna, er það vel skiljanlegt að maður með miklar hugsjónir eins og Guðmundur hefur, og sterkar tilfinningar í til dæmis virkjanna- og stóryðjumálum, hafi farið að hugsa sinn gang og svo ákveðið að segja sig úr áhöfninni.
En mér finnst nú öllu erfiðara að skilja hví Guðmundur stekkur strax á annað skip í stað þess að staldra við og sjá hverju fram vindur og hvðí þá hann skuli velja B!?
Endurreisn já, að Framsókn verði þá aftur gamli bændaflokkurinn kannski sem faðir hans Teingrímur og áður afi hans, Hermann Jonasson, lifðu og hrærðust í og áttu mikin þátt í að móta stefnu sem formenn?
VArla gerir Guðmundur ráð fyrir því, það er auðvitað ljóst, en varla á hann þá heldur von á að flokkurinn umbreytist frá því að hafa stóryðjuna og virkjanirnar á oddinum, eitthvað minna en til dæmis Samfylkingin sem hann er nú að yfirgefa?
Og hvað með fortíðina, bara þá sem næst er, ábyrgð B á ástandinu sem nú ríkir og glæpsamlegum ákvörðunum satt best að segja eins og farsinn og aumingjahátturinn varðandi lögin á öryrkja, fjölmiðlafrumvarpsruglið og fleira?
Hefur eða verður uppgjör hjá flokknum gagnvart því farið fram eða er partur af einhverri uppbyggingu og er yfir höfuð einhver uppbygging í sjómáli með flokkin, á hann sér einvherja framtíð?
Margar spurningar sem vakna vegna þessa skrefs Guðmundar að ganga í B já, beina leið eftir úrsögn úr S!

fyrir aðeins fáum mánuðum var Guðmundur aðstoðarmaður DAgs B. í borginni, hvað ætli Dagur sé að hugsa núna og fer hann kannski líka fyrr eða síðar!?

Guðmundur í Framsóknarflokk

Ekki seinna vænna!

Nei, sannarlega er jólin eru að syngja sitt síðasta í dag á Þrettándanum, að koma að smá léttum kveðskap um sveinka tvo, sem bæst hafa í hóp hinna þrettán gömlu!
Vinkona mín góða, hún Kolbrún Stefáns, kolbrunerin.blog.is átti nú kveikjuna að fyrri samsuðunni hér að neðan, en rétt fyrir áramótin varð henni að yrkisefni í blogggrein hann BANKASKELLIR! Í framhaldi af því kom bloggarinn og kratinn Gísli Baldvins með létta túlkun á þessum sveinka, sem Kollu fannst svo að ég yrði örugglega að bæta við. Og ég brást ekki kalli glæsikonunnar, sem “hlýðin hundur” væri, en lagði auðvitað út af hennar eigin orðum um sveinka í leiðinni!

Aldeilis þá háðskur hrellir,
hinn nýji sveinki, Bankaskellir.
Og peninganna púka fellir
svo þeim er um og ó!
En komu hans ei Kolla grætur,
kankvís í það skína lætur.
Að henni finnist SVeinki sætur.
-Ekki nema það þó!-

En svo aðeins um hinn sveinkan, sem nú ku vera komin á stjá eða á leiðinni.

En athygli nú að sér kippir,
annar sveinki, skæður já.
Nefndur er hann KORTAKLIPPIR,
Kölskaglott er fési á!

Við skulum nú samt vona, að sem fæstir séu að fá eða eigi von á “Heimsókn” frá honum!

Umhugsunarvert já, en ekki ný sannleikur hygg ég!

Moggabloggið reyndar fyrir lifandi löngu orðið vettvangur bölv og ragns, svo heldur er nú þar seint í rassin gripið, að fárast sérstaklega yfir því. Ég er svo reyndar þeirrar skoðunar, að vettvangurinn sem slíkur, bloggsamfélagið, eigi í sjálfu sér litla sök á ef hefðun og orðfæri þeirra sem þar safnast inn, hafi þá í raun vesnað til eða frá.Ætli bloggið sé bara ekki sem svo margt annað nýtt, hrein og klár viðbót við samkvæmislíf fólks og þar sé bara eins og alls staðar, misjafn sauður í mörgu fé, sem kann ekki á stundum að hefða sér eða er eins og margur sagði um bræðurna sem voru í brennidepli í gamlaársdagsuppákomunni við Hótel Borg, að "snapa sér fæting" í þó yfirfærðri merkingu!? Mér segir nú svo hugur um! Og svo held ég raunar líka, að með hegðun og orðbragð margra, röflþörf með ómældum skammti af blótsyrðum og jafnvel grófum persónuaðdróttunum og hótunum, séum við að nokkru komin í hring, aftur til millistríðs og seinnastríðstímans, þar sem óheflaður talsmáti og grófur var nú daglegt brauð úr munni almúgans misupplögðum vegna áfengisdrykkju í sumum tilfellum, atvinnuleysis og almennt bágrar stöðu að einhverju leiti! Gallin við bæði lokanir á tengingar við vissar fréttir, hafa hins vegar haft þær leiðu afleiðingar, að þær bitna líka á saklausum bloggurum sem ekki hafa haft uppi nein stóryrði eða dónaskap í athugasendum sínum, það er ekki gott mál. Sömuleiðis er það stór galli við RITSTJÓrnarvaldið, (þetta er nefnilega ekki ritstýring heldur ritstjórn, eins og ég hef margoft reynt að útskýra fyrir bloggurum sem hafa uppi slíkar ritskoðunarupphrópanir) að þegar tenging hefur verið rofin hjá einvherjum við fregn og þá vegna kvörtunar, þarf viðkomandi bloggari að því er virðist alltaf þurfa að sækja skýringarnar sjálfur er hann telur á sér brotið við aftenginguna og botnar í raun ekkert í hví hún hefur átt sér stað! Í því hef ég sjálfur lent tvívegis og það án þess að hafa haft uppi neinar aðdróttanir, getsakir, blótsyrði eða neitt sem talist getur á skjön við reglur Moggabloggsins, en hef aldrei fengið neinar skýringar og raunar ekki leitað þeirra heldur, því ég er heldur seinþreyttur til vandræða og latur að leggja á mig meira erfiði en ég tel í alvöru þörf á! Nú er auðvitað ljóst, að umsjónarmenn Moggabloggsins hafa engin tök á að fylgjast með öllum þeim þúsundum er blogga og eiga út af fyrir sig fullt í fangi með að fylgjast með tengingum við fréttir einar og sér og kvörtunum síðan þegar þær koma upp. Samt virkar það já svolítið tilviljunarkennt á stundum er tenging er rofin, svo ætla má að rökstuðningur þess sem kvartar þurfi oftar en ekki að vera mikil, nú eða engin til þess að tengingin sé rofin!? En þetta eru nú bara vangaveltur, kannski ekki neinn sérstakur sannleikur, þó málin líti á stundum út í þessa veruna! Moggamenn ættu kannski að taka sig til og koma með skýrar og greinargóðar útleggingar á þessu, svo ég og aðrir getum hætt að vera með slíkar vangaveltur og það sem kannski meira væri, að bloggarar ýmsir hættu að hrópa Ritskoðun!! í tíma og ótíma er þeim þætti að sér eða öðrum bloggurum ósanngjarnt vegið! örlítið svo að meira umburðarlyndi gagnvart ofbeldi,sem "Össur frændi" og svo sem fleiri hafa verið með pælingar um í seinni tíð og vitnað er til í fréttinni. Ofbeldi hefur einfaldlega færst nær og nær okkur frá fleiri en einni hlið til dæmis með stafrænu byltingunni og samruna hennar meira og minna við tölvubyltinguna. Þróunin óhjákvæmilega eða ekki, hefur einfaldlega verið sú, að ofbeldi, kynlíf og fleira, er bara meira og minna ráðandi í flestri eða allri afþreyingu, hvort sem litið er til tónlistar, kvikmynda eða tölvuleikja. Það hefur í sjálfu sér ekki verið vandamál sem slíkt nema upp að vissu marki, en þegar firring vegs jafnframt í þjóðféfélaginu, slíkar þrengingar verða almennt eins og Bankakreppan hefur haft í för með sér, (og ekki sér fyrir endan á) atvinnuleysi, áfengis- og eiturlyfjaneysla með meiru, þá á þetta nú ekki að koma mönnum mjög á óvart held ég! En nú er ég líka sjálfur komin í hring hehe, nefndi þetta jú að hluta hér ofar líka og því farin aðeins að endurtaka mig. Þetta blasirsemsagt við og ætti sem ég segi ekki að koma Iðnaðarráðherranum okkar glaðhlakkalega á stundum neitt á óvart nú sem einhver ný uppgötvun eða sannindi! En eins og má lesa, líkar Moggamönnum ekki svo ílla að fá Össur karlinn sem stuðningsmann sinn við hertari aðgerðum og reglum, er pínu broslegt þó, því ekki hefur hann nú alltaf talist "merkilegur peningur" á þeim bænum gegnum tíðina! Ég var svo líka í þessu samhengi aðeins að hugsa um að bæta við þarflegum pælingum í tengslum við þetta er varðar rökfræði og raunsæi í málflutningi á Moggablogginu á köflum, sérstaklega að því tilefni að mikil læti spunnust og heitar umræður hjá félaga mínum Jens Kristjáni Guðmundssyni varðandi ábendingu hans á tengil er sýndi raunverulegt ofbeldisverk ungra misyndismanna í Úkraníu. Þó held ég að ég geymi það eitthvað, þetta orðið nokkuð gott og langt, en eitt af því sem jafnvel hinir ágætustu rökræðumenn lenda í er þeir í ákafa sínum eru að glíma á "Orustuvelli Orðsins", er að þótt þeir bendi réttilega á veilur hjá einhverjum og núi viðkomandi um nasir, þá þýðir það oft ekki endilega að viðkomandi hafi þar með rangt fyrir sér! En sjáum til með það síðar.

Umræðuhættir á netinu

Nú, Katrín auðvitað eða Þormóður! VArla Óli Stef?

Það finnst mér nú liggja í augum uppi, hún fyrirliði hins frábæra kvennafótboltaliðs landsins, sem spilar í úrslitum EM í Rinnlandi næsta sumar og hann TRÖLLIÐ í Júdó, komst í 16 manna úrslit á OL...!
ER manninum nú alvara, að þessi komi helst til greina, en varla neinn handboltahetjanna, SILFURDRENGJANNA frá Ol!?
Nei, kannski ekki alveg, en eftir allt húllumhæið fyrir ári með þetta kjör, er bara erfitt að taka það alvarlega eða á einvhern hátt hátíðlega!
Auk þess vita svo allir sem vilja vita, að...

....ÓLAFUR STEFÁNSSON ER ÍÞRÓTTAMAÐUR ÁRSINS 2008,

fyrst ekki var hægt að tilnefna alla drengina.
Hef nú annars fyrir margt löngu skrifað um þetta og bent á frábæran árangur Ólafs í heild á árinu, allir titlar unnir sem hægt var að vinna á Spáni og svo Meistaradeildartitill auk silfursins á Ol!
Hann ætti því einnig að vera sterkur kandidat sem handknattleiksmaður ársins í heiminum, myndi maður halda!?

Hver verður íþróttmaður ársins?

ÁRAMÓTAMOÐ!

Senn liðið er örlagaárið,
Er Íslandi kreppuna færði.
J’a, bölvaða bankafárið,
Sem blessaða þjóðina ærði!

Upp úr það auðvitað stendur
Og ugglaust skyggir á flest.
Almúgans Gunna og Gvendur,
Gráta það saklaus jú mest!

En alla þunglyndisþanka,
Þau reyna að forðast um stund.
Hugs’ekki um helvítis banka,
Hnípin og döpur í lund!

Nú kveðja örlagaárið,
Enn með vonu og yl.
Burt hverfi bévítans fárið,
Brátt heyri já sögunni til!

Penan setjum punktin hér,
Párið núna endi fær.
Árs og friðar óskum vér,
Öllum bæði nær og fjær!

Magnús Geir.

Gott flugeldaveður í kvöld

Gæti trúað að þetta hafi talist bærilegt, ekki satt!?

Þessu beini ég auðvitað alveg sérstaklega til allra annara en sem halda með Liverpool auk vinkvenna minna hér á blogginu líka haha! En áfram þusa ég samt sömu þuluna, þetta er áfram bara tröppugangur, enn langt þar til kemur að efsta þrepinu, en líkurnar aukast auðvitað á árangri, að staðan verði sú sama eftir um fimm mánuði þegar lokaskrefið upp efstu tröppuna hefur verið stígið! Góður leikur, glæsilegur sigur hjá geysisterku liði, sem þó enn var án markaskorarans Torres! Og Keene kom heldur ekki við sögu,merkilegt! Efast svo um að Chelsea nái sigri á Fulham á eftir!
En önnur tíðindi úr ensku gleðja mig líka,

Leeds vann!
Til lukku með það Addi og Einar Bragi!

Liverpool gjörsigraði Newcastle