Slæmt tap, en eins og forðum var sagt, "Fall er fararheill"!

Jamm, ekki burðugur fyrsti leikur LFC og einhvern vegin í sama anda og leikirnir sumir hverjir á undirbúningstímabilinu! Neistan og fítonskraftin sem einkenndi liðið leik eftir leik á seinni hluta sl. tímabils sérstaklega, virðist vanta, en hann á nú eftir að koma góðir ha´lsar og skiptir þá ekki máli þótt Alonso hafi horfið á braut. Hef ekki ´trú á öðru, þangað til annað kemur auðvitað í ljós!
En dómaralarfurinn, átti hann ekki að reka Brassan af velli líka í vítinu?

Tottenham lagði Liverpool á White Hart Lane

Furðuleg leikjaniðurröðun!

Já, það finnst mér nú og eiginlega fáranlegt að slíkum leik sé komið á aðeins nokkrum dögum fyrir stórkeppnina. Nú gæti þetta reyndar reynst "einn af þeim léttu", en ég býð ekki í ef til dæmis ein eða fleiri stelpnanna myndi nú meiðast þarna á laugardaginn!
Get ekki ímyndað mér að slík leikjatilhögun kæmi til greina í karlaboltanum, leikur í undankeppni HM um tíu dögum fyrir upphaf úrslitakeppni EM!?
En þetta er allt saman mjög spennandi, ekki vantar það. Um 5000 manns mættu á karlaleikin í fyrrakvöld, vináttuleikin við Slóvaka, allavega sá fjöldi ætti að mæta á morgun!

Mikið áreiti betra en ekkert

Komin í "Fésbókarfárið"!

Jájá, bara svona rétt að láta ykkur vita sem hafið e.t.v. ekki frétt af því enn, komin með skráningu í þeim suðupotti!
En ekkert merkilegra en þessi fátæklega síða hérna, á enn eftir margt ólært, en ef einhver vill spjalla, til dæmis einhver af gyðjunum mínum í vinahópnum, þá er það hægt með því að tengjast þar líka. Svo hefur eitthvert bull hrokkið upp úr mér þarna líka og sumt verið fært héðan þangað,en kannski ekki mjög merkielegt.
Þó má smá vísukorn fylgja með he´rna sem ég setti hjá ekki minni manni en skáldinu Hallgrími Helga, sem virðist reyndar eiga allt of marga vini fyrir svo þúsundum skiptir! En eftir að ég hafði samþykkt hans vinabeiðni, kom þessi litla staka.

Það nú alveg segi satt,
um svip minn breiddist gleðiljómi.
Að komast undir Hallgríms hatt,
heiður bæði er og sómi!

Ágætis byrjun!

Jamm, svo ég vitni nú beint í frumburð Sigurrósar í fullri stærð án þess að það komi annars málinu við, fínn upphafsleikur, góður bolti á köflum, hraður leikur, fín mörk og sanngjarn sigur auðvitað þegar upp var staðið!
Mu voru að vísu að væla þarna í seinna marki Chelsea vegna Evra, en minni nú á að fyrir svona einu eða tveimur árum fór einmitt engin annar en Sir Lexi mikin í að allt of mikið væri gert af að stoppa leikin er leikmenn hefðu orðið fyrir smá hnjaski! (eins og Bjarni Fel orðaði það jafnan!) Að vísu meiddi hann sig í hausnum, sem getur auðvitað verið hættulegt svo jafnan ber að stöðva þá, en dómaranum hefur verið ljóst að ekki var um alvarlegt tilfelli að ræða, sem líka kom á daginn! (sá franski reyndar "vankaður" í vítakeppninni, en varla út af þessu) Þetta jafnaðist líka rækilega út ef þá ástæða er til slíks, er Rooney jafnaði, kolólöglegt mark!

En aðdáendur enska boltans, veislan hafin enn einn gangin,

Góða skemmtun!!!

Chelsea vann Góðgerðaskjöldinn í vítakeppni

Meginskýringin!

Já, meginskýringin á þessu er nú einföld!
Að leikhússhróður aukist meir og meir,
mér er létt að skýra, nema hvað!
Máttur er að heita Magnús Geir,
málið ekki flóknara en það!

Drengur sá er nafnið góða ber, heldur ekkert annað en ofursnjall á sínu sviði, þetta bara áframhald á hans afbragðsstarfi og gifturíka hjá Leikfélagi Akureyrar!

Metaðsókn í Borgarleikhúsið

Léttur og kátur hann "Lexi"!

Ei hrópuðum vér "Alrauðliðar" í þeim her beinlínis húrra yfir fregnum gærdagsins, brotthvarfi Sabi Alonso, en það er gömul saga og ný, að ef hjarta leikmannsins sem í hlut á, er farið að slá í annara þágu þá sé besta lausnin að þeir fari.
En eins og svo oft áður sannar "Lexisörinn" hérna að hann er með mikla kímnigáfu,að jaðrar við met í þetta skitpið! (karlinn hefur jú svo gaman að setja slík) Sérstaklega fyndið að lesa þetta um "að nú muni anstæðingarnir þekkja Liverpoolliðið.." o.s.frv., sem þá væntanlega þýðir að MU og Chelsea, helstu keppinautarnir, eru þá "óþekkt stærð" enn ef þetta á að ganga upp!?
Við sjáum bara hvað setur, undirritaður verður ekki með neinar yfirlýsingar að svo stöddu, enda hafa fæst orð jú minnsta ábyrgð.

Ferguson afskrifar titilvonir Liverpool

Jú, kannski list, en varla Kirkjulist?

Ég held nú varla!
Hitt er svo aftur allt annað mál, að konur hafa mætt í kirkjur af hinum og þessum tilefnum, lítt eða nánast ekki klæddar, og það án þess að einvher hafi endilega fengið þær til þess.
Hefur þá sumum og já einkum karlmönnum orðið mikið um, en þó varla eins og að ég held honum j'oni Bjarnasyni úrsmið hér á árum fyrr á Akureyri, sem l´lýsti svo upplifuninni!

Í kirkjuna ég kom og sá,
konu sem var næstum ber.
Munaði eigi miklu þá,
að maður bæði fyrir sér!

Lögsóttur vegna erótískra mynda í kirkju

Gjamm hins gjaldþrota!

Gjammar úr greni sínu,
gamall syndarefur.
Sjálfur saklausra pínu,
á samviskunni hefur!

Alveg með ólíkindum hvernig þessi uppgjafa gamli stjórnmálamaður getur leyft sér að ásaka aðra um hitt og þetta þegar hann sjálfur er einn Höfuðpauranna í sömu atburðarás, en þetta er sama gamla sagan um að sjá bjálkan í auga náungans, en ekki flísina í sínu eigin!
Gjaldþrota málflutningur!

Algjör þáttaskil með hruninu segir Björn Bjarnason

Ekkert slúður!

http://visir.is/article/20090801/IDROTTIR0102/785133232

Nei, allt frá því á sl. ári hefur þetta verið til umræðu og ég skrifaði þá um þetta nokkrar línur, þar sem ég fullyrti að ef Villa færi frá VAlencia og úr landi, þá kæmi aðeins eitt lið til greina, LIVERPOOL!
Síðan þá hafa endalausar fregnir verið af hugsanlegum vistaskiptum leikmannsins innan Spánar, en Chelsea var á sínum tíma orðað við hann auk fleiri ónefndra liða.
Manna á meðal nærri Liverpool hefur þetta svo oft verið í umræðunni, nú síðast fyrir stuttu í tengslum einmitt við hugsanlegt brotthvarf Sabi Alonso til Real Madrid. Lýsti fyrrverandi varnarjaxl LFc, Mark Lawrenson því til dæmis yfir að Alonso ætti bara að drífa sig ef hugur hans væri ekki lengur með félaginu, eins og nú hefur komið á daginn og þá væri einmitt lag fyrir Liverpool að reyna að næla í Villa til að spila frammi með Fernando Torres, Steven snillingur Gerrard færi þá aftur á miðjuna í sína kjör- og uppáhaldsstöðu!
SEmsagt ekki út í bláin, en samt ekkert í hendi, Alonso ekki farin og óvíst hvort VAnencia lætur Villa.
Hann sagðist þó í Álfukeppninni fyrr í sumar vera búin að gera upp við sig hvað hann vildi og ekki fór hann til Real Madrid eða Barscelona eins og leit út fyrir. Kannski vildi hann bara vera áfram heima, eða fara til Liverpool!?

Þar með er ekki öll sagan sögð!

Eins og þessi frásögn er sett upp hjá mbl með slíkri fyrirsögn, er þessi samanburður ekki nákvæmur. Allir læknarnir eru langt því frá ríkisstarfsmenn, auk þess sem sumir þeirra eru það bara að hluta eins og flestir sérfræðingar eða margir, eru með stofu út í bæ, en vinna jafnframt á sjúkrahúsum. Þá eru þeir margir með sitt í einkahlutafélögum, greiða ærið misjafnt útsvar eða ekki, (líkt og reyndar svo fjöldamargir aðrir) þannig að þessi tekjumynd er ekki alls kostar góð og raunar ekki mjög sanngjarnt að miða laun lækna við laun forsætisráðherra. Hins vegar er það ekkert óeðlilegt markmið í sjálfu sér, að laun lækna frá ríkinu sem og annara háttlaunaðra, séu ekki meiri en hans. Og ég hef auk þess lýst þeirri skoðun áður í því ástandi sem nú ríkir, að allir verði að taka ábyrgð og þar eru læknar auðvitað sem aðrir engin undantekning.

265 læknar með meiri tekjur en forsætisráðherra