Meginskýringin!

Já, meginskýringin á þessu er nú einföld!
Að leikhússhróður aukist meir og meir,
mér er létt að skýra, nema hvað!
Máttur er að heita Magnús Geir,
málið ekki flóknara en það!

Drengur sá er nafnið góða ber, heldur ekkert annað en ofursnjall á sínu sviði, þetta bara áframhald á hans afbragðsstarfi og gifturíka hjá Leikfélagi Akureyrar!

Metaðsókn í Borgarleikhúsið

Athugasemdir

[Haukur Nikulásson, 6.8.2009 kl. 20:45]

Já, það er afar vel látið af starfinu hans, greinilega toppmaður hér á ferðinni!

Það eru nákvæmlega svona menn sem treysta mann í þeirri trú að það eigi ekki að niðurgreiða menningu og listir fullorðinna af almannafé. Það þarf bara að bjóða almennilega vöru á þessu sviði eins og öðrum.

Megi hann og leikhúsið áfram dafna með þessum hætti.

[Magnús Geir Guðmundsson, 6.8.2009 kl. 21:57]

Minn ágæti Haukur tónlistarmaður, takk fyrir innlitið.

En ég er nú hins vegar dálítið hræddur um að svipað sé með listviðhorf þitt hérna eins og skyggnið hjá Jóni heitnum Múla forðum, að það sé gott SVO LANGT SEM ÞAÐ NÆR!

Nafna mínum hefur jú vegnað einstaklega vel, virðist hafa sjaldgæft lag og næmni fyrir listinni.En hann myndi örugglega segja þér að samt væri fyrir hannn sem aðra aldrei á fullvissan að róa og dæmið væri aldrei einfalt.Almennt er það svo mín niðurstaða að liststarfsemi svo fjölbreytt og hágæða sem rekin er í landinu, geti ekki til langframa starfað án aðkomu ríkis og sveitarfélaga, nafni minn og örfáir fleiri bara undantekningin sem sannar hugsanlega regluna, Borgarleikhúsið nýtur mikilla fjármuna frá hinu opinbera ekki síður en aðrir. Annars var þetta nú bara sett hér til gamans, ekki til að spinna alvarlega umræðu.