"Sósíal-Feminismi" að taka yfir hjá Sjallakellum!?

Ja, mér þykir allavega nokkuð svo týra hvað þessa samþykkt þeirra varðar. Hingað til hefur það verið einstaklingurinn ekki kynið hæfileikar hans og atgervi, sem málið hefur snúist um í orði kveðnu allavega hjá þessum "Borgaraflokki Íslands", sem svo auðvitað hefur lengst af hefur þýtt að karlar með sínu kappi og fjármagni, hafa verið nær einráðir og allsráðandi í flokknum. Sjálfstæðismenn hafa svo almennt farið hörðum gagnrýnisorðum um tilraunir og aðferðir annara flokka í þessa átt, fléttulistar og fleira varðandi prófkjör ekki fengið góða umsögn, hvað þá hin annars réttlætanlega "jákvæða mismunun" í þágu kvenna svo karlaveldinu hefur nokkuð verið ógnað sem betur fer, til dæmis í Noregi.

Flokkurinn er auðvitað í vondum ma´lum, minni á þingi en nokkru sinni í sögunni, svo eitthvað þarf að gera og kannski er þetta angi til þess og kvinnurnar skynja?
á hins vegar eftir að sjá, að þetta gangi átakalaust í gegn, þótt flokkurinn hafi auðvitað smátt og smátt viðurkennt sjálfsagt réttlæti í ýmsu, sem auðvitað er ekkert annað en sósíalismi, tilvist leikskóla til dæmis og önnur samfélagsverkefni á opinbera vísu, þá eiga margir Sjallakallarnir örugglega eftir að reka upp ramakveinið vegna þessa og mótmæla, það er næsta víst!

En kvinnurnar í D sjá þarna já líka ástæðu til að fagna framistöðu þingflokksins varðandi Icesaveniðurstöðuna. Gott ef hægt er að gleðjast yfir litlu, en manni skilst nú að óánægjan með hjásetu þingmannanna flestra (utan tveggja "hetja" minnir mig) hafi vakið meiri viðbrögð á hinn vegin og valdið úrsögnum þrjóðernisíhaldsmanna í hrönnum? En afleiðingar til eða frá með þetta örgumleiðamál allt saman, á þó enn eftir að koma í ljós í mun stærra og mikilvægara samhengi en snertir D flokkin einan og sér!

Vill jöfn kynjahlutföll á framboðslistum

Eiður með allt á hreinu!

Hans er hugurinn greiður,
"Háloftabolti er leiður"
En hlaupa í EYÐUR vill Eiður,
öllu það meiri er seyður!

Það segir nú samt sína sögu, að Erik þessi Olsen, kallaður "Drillo" að norska liðið skuli enn eiga möguleika og áður hafi hann komið því á HM. Hann kunni greinilega margt fyrir sér sem skili svo árangri, burtséð frá skemmtanagildi!

Eiður: Feginn að spila ekki hjá Drillo

Fjörugt jafntefli, frú Klingenberg spákvinna klikkaði!

Það má nú segja, mun fjörugari og skemmtilegri leikur en ég átti von á og við hefðum nú átt að vinna bara held ég!
En spákonan þessi Sigríður já í Hafnarfirði, sem spáði Nossurunum naumum sigri, flaskaði semsagt, ekki skárri í þessu frekar en hver annar giskarinn og það þótt möguleikin á að hafa rétt fyrir sér hafi verið ærin, einn á móti þremur!
þarna fengu þeir norsku greinilega lítið fyrir sinn snúð!

Norðmenn sluppu fyrir horn

Simmi!

Fátt hefur nú meir verið rætt eða frekar verið milli tanna lýðsins sl. daga, en "Sjóið hans "Simma" og það bara skyggt á Icesave ef eitthvað er!
En sem jafnan fyrr hef ég nú efast og ekki látið berast með straumnum í hans "Hvítvínskneifefnum"!raunar haft þetta um málið að segja:

Þótt myndskeið mikið nú trekki,
marga held ég að blekki.
Svo mikið Simman ég þekki,
að "Svartur á hvítu" var ekki!

Vegna þess að sanngirni viðgengst lítt í fótbolta og...

...að klaufagangur skelfilegur já SKAUT UPP KOLLINUM hjá Arsenal, urðu úrslitin svona, heppnin bara ekki með öðru liðinu og svo er það dýrt að gera mistök!
Mínir menn frá Bítlaborg ekki nægilega sannfærandi enn, en sigurinn gegn bolton skipti þó öllu, sem og að Torres og Gerrard virðast ætla að halda uppteknum hætti frá sl. tveimur tímabilum að skora vel og þá er nýji maðurinn Glen Johnson áfram að sanna gildi sitt með marki og sprækum töktum!
Spennandi vetur framundan, en Chelsea virðast sterkastir í augnablikinu og Tottenham fylgja þeim sem skuggin þótt sigrarnir séu missannfærandi hjá þeim.

Manchester United lagði Arsenal, 2:1

En samt munu segja víst já!

Þetta er auðvitað bara lymskusnautt lýðsskrum þessara herramanna, legg til að þeim verði boðin ís reglulega til kælingar!
Sjálfir, eða öllu heldur annar þeirra er á myndinni er, hefði kinnroðalaust skrifað undir annan og enn verri samning ef örlögin hefðu ekki tekið í taumana og önnur ríkisstjórn tekið við í vetur.

Þessu nú eigi gefum við gaum,
gaspri með lýðskrumsins keim.
Hræsni er bara, helvíti aum,
í herrunum báðum tveim!

Gegn hagsmunum Íslands

Grautfúlari gerast þeir vart, fótboltadagarnir!

Nei, það er erfitt að ímynda sér!
Þessi leikur alveg skelfing að tapa og byrjunin á tímabilinu bara afar slæm.
Mér svíður þó enn meir tapið hjá stelpunum okkar fyrr í dag, ætti að setja þessa rússnesku "dómaratruntu" strax í svona tíu leikja bann hið minnsta!

Jájá, ég er ekki mjög glaður núna ofan á annað persónulegra angur, sem ég þó væli ekkert upphátt yfir hér!

Núna er hugarins hagur,
heldur dapur og sár.
Fúll var fótboltadagur,
já, fjandanum verri og grár!

Aston Villa skellti Liverpool á Anfield

Þetta er orðið verulega spennandi og er afar sögulegt!

Kannski er fólk almennt fyrst núna að gera sér grein fyrir því hvað þetta er virkilega frábært hjá kvennalandsliðinu, að vera komin þarna í úrslitakeppni EM í Finnlandi!
Auðvitað ekkert gefið og víst að riðillinn er svakalegur, en hvað sem því líður og hernig sem fer, þá er maður óumræðilega stoltur af þessum stelpum
Og kannski vinna þær bara á morgun, hver veit? En möguleikin er líka á tapi, jafnvel slæmu, en fyrirfram kemur það auðvitað ekki til greina.

Áfram Ísland og allir við sjáinn kl. fimm á morgun, 17.00!

EM: Sama þó Íslendingar skori fjögur mörk

Endurtekið efni?

Já svei mér þá, axlarbrotnaði blessaður forsetinn ekki einmitt líka þarna um árið er hann reið út með Sveini Eyjólfs og fleirum? Og gott ef ekki ást hans til Doritar var þá ekki nýtilkomin líka?
En hvað sem því líður, þá óskum vér Ólafi auðvitað góðs og skjóts bata og bætum þessu við!

Ó- hér setti að mér not,
eflaust skolfið hefur grundin.
En endurtekin axlarbrot,
Ólafs dæmast "Skilorðsbundin"?!

Forsetinn í aðgerð í morgun

Rugl!

Þetta segir að mínu viti bara það, að meginþorri landsmanna hefur það enn gott, en jafnframt að sumir eru haldnir slíku sýndar- eða falsstolti, að frekar flytja þeir úr landi eða liggja á bótum, frekar en að taka svo niður fyrir sig, fara í slíkt "Skítajobb" eins og að vinna í sláturhúsi!Þetta gilti líka um fiskvinnsluna nú seinni ár og gerir kannski enn sums staðar á landinu!?
Ég ætla rétt að vona þó, að einhverjir af þeim sem dönsuðu villt í kringum gullkálfin í góðærinu svonefnda, lifðu jafnvel um efni fram þótt góðar tekjur hefðu, en sitja nú í skuldasúpu og með þá lifsreynslu að hafa mist vinnuna, hafi brotið obb af oflæti sínu í einhverjum tilfellum. En þó nú séu þúsundir á atvinnuleysisskrá er þetta samt enn staðreyndin og því ekki að undra þótt maður segi einfaldlega, RUGL!

Íslendingar vildu ekki vinnu í sláturhúsinu