"Sósíal-Feminismi" að taka yfir hjá Sjallakellum!?

Ja, mér þykir allavega nokkuð svo týra hvað þessa samþykkt þeirra varðar. Hingað til hefur það verið einstaklingurinn ekki kynið hæfileikar hans og atgervi, sem málið hefur snúist um í orði kveðnu allavega hjá þessum "Borgaraflokki Íslands", sem svo auðvitað hefur lengst af hefur þýtt að karlar með sínu kappi og fjármagni, hafa verið nær einráðir og allsráðandi í flokknum. Sjálfstæðismenn hafa svo almennt farið hörðum gagnrýnisorðum um tilraunir og aðferðir annara flokka í þessa átt, fléttulistar og fleira varðandi prófkjör ekki fengið góða umsögn, hvað þá hin annars réttlætanlega "jákvæða mismunun" í þágu kvenna svo karlaveldinu hefur nokkuð verið ógnað sem betur fer, til dæmis í Noregi.

Flokkurinn er auðvitað í vondum ma´lum, minni á þingi en nokkru sinni í sögunni, svo eitthvað þarf að gera og kannski er þetta angi til þess og kvinnurnar skynja?
á hins vegar eftir að sjá, að þetta gangi átakalaust í gegn, þótt flokkurinn hafi auðvitað smátt og smátt viðurkennt sjálfsagt réttlæti í ýmsu, sem auðvitað er ekkert annað en sósíalismi, tilvist leikskóla til dæmis og önnur samfélagsverkefni á opinbera vísu, þá eiga margir Sjallakallarnir örugglega eftir að reka upp ramakveinið vegna þessa og mótmæla, það er næsta víst!

En kvinnurnar í D sjá þarna já líka ástæðu til að fagna framistöðu þingflokksins varðandi Icesaveniðurstöðuna. Gott ef hægt er að gleðjast yfir litlu, en manni skilst nú að óánægjan með hjásetu þingmannanna flestra (utan tveggja "hetja" minnir mig) hafi vakið meiri viðbrögð á hinn vegin og valdið úrsögnum þrjóðernisíhaldsmanna í hrönnum? En afleiðingar til eða frá með þetta örgumleiðamál allt saman, á þó enn eftir að koma í ljós í mun stærra og mikilvægara samhengi en snertir D flokkin einan og sér!

Vill jöfn kynjahlutföll á framboðslistum

Athugasemdir

[Jón Valur Jensson, 6.9.2009 kl. 14:50]

Já, Sjálfstæðisflokkurinn þokast enn lengra frá ábyrgðar- og varðveizlustefnu (conservatisma) og nær kratisma og femínisma. Ágætt fyrir þá sem vilja taka við á mið- og hægrivæng stjórnmálanna.

[Magnús Geir Guðmundsson, 6.9.2009 kl. 15:31]

Sæll minn ágæti Jón Valur og þakka þér fyrir innleggið!

Fyrir pólitíska áhugamenn sem engra hagsmuna eiga að gæta er þetta athyglisvert, en hvort þetta muni komast inn í stefnuskrána hjá flokknum, það er aftur annar handleggur og ég er ekki alveg farin að sjá, eins og lesa má í pistlinum.

[Anton Þór Harðarson, 6.9.2009 kl. 15:42]

skrýtið finnst mér þegar fólk vill láta kynfæragerð sína ráða hvort það kemst inná þing eða ekki, síðan er sama fólk alfarið á móti vændi, sé ekki annað en þetta sé nokkuð sami hlutur, jú að nýta sér kynfærin til framdráttar

[Magnús Geir Guðmundsson, 6.9.2009 kl. 15:48]

Ágæti Anton, mér þykir þú heldur grófur í þessari samlíkingu, athæfi í nauðungarskyni eða undir oki ofbeldis í yfirgnæfandi tilfellum, á ekkert sammerkt með aukinni þáttöku og áhrifum kvenna í samfélaginu, þetta viðhorf þitt í meira lagi grunnhyggið og þér ekki til framdráttar!

[Anton Þór Harðarson, 6.9.2009 kl. 15:56]

sæll Magnús

ég bara verð að játa að ég tel konum engan vegin til framdráttar, að nýta sér kyn sitt til að komast til áhrifa, við höfum fullt af dæmum um að konur komast jafn langt og karlar, hafi ´þær löngun og getu til.

Þess vegna tel ég samlíkinguna alveg eiga rétt á sér, þar sem í þessu tilfelli ætla konur sér að komast í sæti á lista, vegna kyn síns en ekki getu

[Magnús Geir Guðmundsson, 6.9.2009 kl. 16:13]

Það segir ekkert um að þessar ágætu konur í D ætli einungis og bara að fá sæti vegna þess að þær eru konur, það er bara þín ályktun sem næsta víst er að sé röng.En eins og oft hefur verið bent á við svipaðar umræður, þá gæti ég alveg eins haldið því fram í ljósi sögunnar, að konur séu bara heimskari og verr til þess fallnar að hafa áhrif og stjórna, eða hlýtur það Anton minn ekki að vera skýringin á því að konur hafa verið og eru enn, mun áhrifaminni í D til dæmis en karlar?

Sannleikurinn er nú svo líka sá, að þótt konur hafi vissulega náð miklum árangri í jafnréttisátt, t.d. í launamálum, þá þarf sífelt að vera á verði til að varðveita þann árangur, það margoft komið fram og virðist launajafnréttið ætla að verða eilífðarbarátta í mörgum greinum.Leitt að þú skulir ekki átta þig á hve samlíkingin er smekklaus, en það verður þá bara að vera þitt vandamál!

[Axel (IP-tala skráð) 6.9.2009 kl. 17:04]

Ég reyndar tek undir með Antoni, fannst þetta frábærlega orðað hjá þér.

Í dag er ekki erfiðara fyrir konu að ná völdum en fyrir karmann, hafi hún til þessi vilja og getu. En fyrir það fyrsta hafa mun færri konur, eða lægra hluta kvenna áhuga á pólitík heldur en karlar. Almennt held ég að karlmenn séu sæknari í vald heldur en konur sem leiðir af sér það að mun fleiri karlmenn reyna að komast í slík embætti.

[Ólína Kjerúlf Þorvarðardóttir, 7.9.2009 kl. 10:45]

Innlitskvitt - og kær kveðja.

[Magnús Geir Guðmundsson, 7.9.2009 kl. 19:25]

Bestu þakkir mín góða og fagra vinkona, hef verið allt of latur í bloggvinaheimsóknum undanfarið, þar með talið til þín, en bæti úr því!

[Jón Valur Jensson, 7.9.2009 kl. 22:27]

Hverjum þykir sinn fugl fagur.