Lítil skemmtisaga af gömlum góðkunningjum!

Tveir gamlir kunningjar mínir, Leifur og Haraldur, eru báðir menntaðir stýrimenn, fóru saman á sínum tíma í Stýrimannaskólan og kláruðu báðir með ágætiseinkun.
Sömuleiðis höfðu þeir farið snemma á sjóin, voru vel reyndir er þeir ákváðu að fara í stýrimanninn eins og sagt er.
Nú, nokkru fyrir lokaprófin höfðu þeir ákveðið að fagna áfanganum og skella sér saman til ónefndrar hafnarborgar, þar sem glaumur og gleði yrði við völd, sannarlega "Vín og villtar meyjar"!
Fjögra daga pakkaferð keyptu þeir og er vélin tók á loft voru þeir þegar "komnir í gírinn" eins og stundum er sagt og sjóara hefur löngum verið siður að sögn!
segir nú annars fátt af þeim fyrr en farið er að kvölda fyrsta daginn. ER nú stefnan sett á ákveðin klúbb sem Haraldur, eða Halli eins og hann ef jafnan kallaður, öllu "sjóaðari" en Leifur í utanfaraefnum, þekkir frá fyrri heimsókn til hinnar lifandi hafnarborgar. Þar muni þeir finna góðar en jafnframt "hreinlegar" gleðimeyjar í góðu úrfali og eigi svo mjög dýrar!
En þegar á staðin góða er komið og félagarnir nýstignir út úr leigubílnum er ekið hafði þeim, kemur á daginn að staðurinn er lokaður vegna breytinga! ERu nú góð ráð dýr og ekki annað að sjá í stöðunni en að finna sér annan leigubíl og finna nýjan stað. Kvöldið er svo sem ungt enn og veðrið gott, svo þeir ákveða að rölta þó bara fyrst um sinn, jafna sig á þessum vissu vonbriðgum með staðin góða.Eftir ekki langa stund er þeir koma að götuhorni einu, kemur fyrir það og streymir framhjá þeim dágóður hópur glaðværs fólks, sem greinilega er á leið á einvhern stað skammt frá. Þeir Leifur og Halli horfa á eftir fólkinu, en ákveða svo bara að halda í humátt á eftir og sjá hvert ferðinni er heitið.
Og eftir aðeins nokkuð hundruð metra gang blasir við líflegt og ljósum prýtt diskótek, sem hópurinn, sem félagarnir hafa nú séð að eru í langmest ungar stelpur á þeirra aldri, hverfur óðar inn í!
ER ekki að orðlengja það, að félagarnir tveir snarast inn á eftir og þrátt fyrir að diskóglamrið sé nú ekki þeirra "tebolli" í tónlistinni voru þeir farnir að skemmta sér vel fyrr en varir. Blönduðu þeir sér skjótt í hóp stúlknanna er þeir höfðu fylgt eftir og komast eftir stuttan tíma í gott samlæti með tveimur þeirra. Kemur upp úr krafsinu að þær eru reyndar systur, Sandra, sem er tveimur árum eldri og Birgit. Leifi og þeirri yngri verður vel til skrafs og sömuleiðis Halla með Söndru. Er nokkuð er liðið á nótt og halla fer í lokun hafa þeir þessir gömlu kunningjar mínir árætt að bjóða systrunum með heim á hótelið, orðnir góðglaðir vel og staðráðnir í að "láta þetta happ ekki úr hendi sleppa"!
Sandra sú eldri reynist strax meir en fús og ljóst að henni leist vel á strákin Halla, en birgit, sú yngri og auljóslega minna lífsreyndari, er meir hikandi en stenst ekki fagurt bros og fortölur íslenksa sveinsins Leifs!
ER á hótelið var komið hverfa nýútskrifuðu stýrimennirnir með sína systurina hvor inn í sitt herbergi, sem þó eru samliggjandi og eins og á mörgu hótelinu með sameiginlegum inngangi á milli þeirra.
Svo fer að Birgit er reyndar fús í hlý atlot, kossa og kél, en er Leifur reyndi að afklæða stúlkuna sem karlmennskan bauð honum, var hún alls ófáanleg til að ganga lengra og dugðu þá engir íslandstöfrar né önnur ráð til!
Innan úr herberginu hinu megin fóru hins vegar að heyrast hljóð sem bentu til meiri "líkamsæfinga" svo ekki varð misskilið.
Afundin af þrjósku hinnar saklausu birgit hafði Leifurgengið að millidyrunum og opnaði þær svo nóg til að sjá vel inn um þær.
Blasti þar við honum velskapaður bakhluti hinnar fögru Söndru sitjandi ofan á félaga hans og var já á "fleygiferð"! Fór ekkert á milli mála að þarna voru glímutök ástarinnar í öllu sínu veldi og stutt yrði í að hámarkinu yrði náð!
En Leifur blessaður var ekkert að taka tillit til þess, heldur hrópaði ergilega í átt til félaga síns í rúninu:
"Ertu ekki búin að ná þessu ennþá asninn þinn, þú ert ekki lengur UNDIRMAAAÐUUUR"!!!

Hátíð BLÚSSINS nálgast!

Nú þegar aðeins er um ein og hálf vika í fimmtu alþjóðlegu blúshátíðina í Reykjavík, er ekki úr vegi að birta hér dagskrána eins og hún liggur nú fyrir. Sjaldan eða aldrei hefur þetta verið veglegra svo fólk ætti ekki að láta happ úr hendi sleppa, heldur flykkjast á þennan góða og merka menningarviðburð! Sérstaklega vil ég mæla með jöfrinum magic Slim og hans kumpánum, á einar þrjár plötur með honum, sem ekkert annað eru en fjör og frísklegheit, mikill gleðigjafi hann magic Slim! Um yardbirds þarf nú ekki mikið að fjölyrða, ein af helstu sveitunum í bresku blúsbylgjunni á seinni hluta sjöunda áratugarins og fóstraði meðal annara gítargoðin Eric Clapton, Jimmy page og Jeff Beck! Góða skemmtun gott fólk, en gangið hægt um gleðinnar dyr svona rétt fyrir páskahátíðina, njótum tónlistarinnar í ósvikinni GLEÐIVÍMU!

BLÚSHÁTÍÐ Í REYKJAVÍK 2008 Þriðjudagur 18. mars Hilton Nordica Hotel kl. 17, setning í samstarfi við Rás 2 • Blúslistamaður heiðraður • Blúsdjamm Stórtónleikar á Hilton Nordica Hotel kl 20 • Magic Slim and the Teardrops frá Bandaríkjunum •Jolly Jumper & Big Moe frá Noregi • Margrét Guðrúnardóttir og bandið hans pabba. Ásgeir Óskarsson trommur, Tómas Tómasson bassi,Björgvin Gíslason . Hver er pabbi? Klúbbur Blúshátíðar á Rúbín frá kl 22 • Blúsjamm nánar síðar • Ungir og upprennandi blúslistamenn Miðvikudagur 19. mars Stórtónleikar á Hilton Nordica Hotel kl 20 • The Yardbirds • Nordic all star's blues band•KK, Björgvin Gíslason, Pétur Östlund, Krister Palais , Jolly Jumper & Big Moe frá Noregi, og fl • Bláir Skuggar: Sigurður Flosason, Þórir Baldursson , Jón Páll Bjarnason ,Pétur Östlund . Klúbbur Blúshátíðar á Rúbín frá kl 22 • Blúsjamm nánar síðar Ungir og upprennandi blúslistamenn Skírdagur 20. mars Stórtónleikar á Hilton Nordica Hotel kl 20 5 ára afmælishátíð. Deitra Farr, Vinir Dóra, KK, Blúsmenn Andreu, Maggi Eiríks, Björgvin Gíslason, Bergþór Smári og fl. • Tena Palmer frá Kanada & Gras • Ungir og upprennandi blúslistamenn Klúbbur Blúshátíðar á Rúbín frá kl 22 • 5 ára afmælishátíð og blúsjamm nánar síðar. Ungir og upprennandi blúslistamenn og fl. Föstudagurinn langi 21. mars • Sálmatónleikar kl 20 Fríkirkjan í Reykjavík Deitra Farr, Borgardætur, Tena Palmer & Riot kaupa miða Hljóð Jón Skuggi http://www.blues.is/dagskra2008.htm http://blues.blog.is/blog/blues

Mér líður eins og ég hafi misst góðan vin. - Stikklað á stóru um Jeff Healey. (1966 - 2008)

Eins og Agli forðum, er mér nú eiginlega tregt tungu að hræra, mér líður eiginlega svipað og að hafa misst góðan vin minn núna þegar fregnir hafa borist af andláti kanadíska tónlistarsnillingsins Jeff Healey!
Þökk sé gamla félaganum honum Hemma, þá hef ég fylgst með ferli hans frá upphafi er fyrsta platan og sveitar hans, Jeff Healey Band, See The Light, kom út 1988 og raunar mun fyrr, því sem dyggur lesandi og áskrifandi af gítartímaritum á borð við Guitar Player, hafði Hemmi karlinn sagt mér og fleiri félögum frá þessum mjög svo sérstaka strák frá Toronto,sem hafði verið blindur frá um eins árs aldri, en væri með þennan rosalega flotta og frábæra gítarstíl, sem fælist í að hann væri með hljóðfærið í kjöltunni og styddi fingurgómunum þannig ofan á hálsinn. Þannig spilandi hefði hann hrifið hvern eldri gítarjöfurinn af öðrum upp úr skónum, t.d. blússnillinga á borð við B.B. King, Robert Cray, Albert Collins og Stevie Ray Vaughan, svo nokkrir séu nefndir! (menn sem hann svo átti eftir í flestum eða öllum tilvikum eftir að spila með á sviði auk fjölmargra annara þekktra höfðingja!)
Jeff Healey fæddist 25. mars 1966, því merka ári og var því rétt tæplega 42 ára er hann lést.
Aðeins um eins árs gamall, greindist í honum mjög sjaldgæft krabbamein er varð til þess að fjarlægja varð augun. Angi af sama meiði mun nú aftur hafa skotið upp kollinum m.a. í fótum, sem þó á tímabili virtist hægt að stemma stigu við, en því miður tókst það ekki svo meinið dró hann til dauða.
Þessi fötlun kom þó síður en svo í veg fyrir að strax um þriggja ára aldur var hann byrjaður að læra að spila á gítar og varð fljótt ljóst að drengurinn barnungi var gríðarlega hæfileikaríkur!
Eins og halda mætti, þá var það reyndar ekki blindunnar sérstaklega vegna sem það kom til og þróaðist að hann spilaði með gítarinn í kjöltunni. Mun þetta upphaflega að sögn byrjað þannig að Jeff litli réð lítið við að halda á hljóðfærinu svo ungur sem hann var, svo gítarinn var lagður ofan á stól eða tvo til þæginda.
Þannig hins vegar þróaðist þetta já hjá honum, að hann vandist að setja fingurna beina á gítarhálsinn, sem svo í fyllingu tímans gerði stílinn og færnina svo afbragðs sérstaka!
Frá fyrstu hendi var nánast allra handa tónlist haldið að sveininum unga, sem var svo aðeins sex ára gamall er hann kom fyrst fram á sviði. Strax þá og raunar alla tíð upp frá því, var fjörlegur sveifludjass ogtar en ekki kenndur við New Orleans m.a. frá árunum milli 1920 og 1930, honum mjög hugleikin og var þar ekki hvað síst í uppáhaldi meistari Louis Armstrong!
Frá barnæskunni til dauðadags safnaði hann gömlum 78 snúninga plötum frá þessum tíma og síðar og voru þær orðnar upp undir 30000 talsins!
Það var eiginlea aldrei spurning hjá hinum unga Jeff hvað hann vildi í lífinu, verða tónlistarmaður og ekkert annað.
Hann öðlaðist gríðarlega breiðan og mikilvægan reynslugrunn á unglingsárunum með ófáum hljómsveitum af mjög mörgu tagi, prófaði nánast allt, blús, djass, kántrí, reggae sálarpopp, þungarokk o.s.frv. Og ekki bara sem gítarleikari, heldur þróaði hann sína mjög svo ágætu söngrödd, sem sannarlega var mjög góð þótt hún væri kannski ekki sú litríkasta eða breiðasta.
Þarna á unglingsárunum kynnist Healey sömuleiðis útvarpsmennsku í BBC Canada, þar sem hann kynnir löndum sínum heim djassins. Hann hefur svo um langt skeið séð um þætti sem kölluðust My Kind Of Jazz, þar sem saffnið hans góða var meira og mina undirstaðan.
Um 1984 kynnist Healey svo félögunum sem stofnuðu svo með honum tríóið Jeff Healey Band, þeim Joe Rockman bassaleikara og tom Stephan trommara. Jafnt og þétt byggja þeir upp aðdáendahóp á næstu árum og hinn mjög svo sérstæði gítarleikari eykur orðstír sinn meir og meir.
1988 hafa þeir svo nælt í plötusamning við Aristarisan og gáfu út frumburðinn See The Light. Mun hún hafa selst í um 300000 eintökum strax í Kanada einum og náði svo með tímanum platínusölu í bandaríkjunum,, yfir milljón eintök seld!
Af þeirri plötu varð gríðarlega vinsæl ballaðan Angel Eyes eftir þann merka tónlsitarmann John Hiatt, sem enn í dag má heyra á sumum útvarpsstöðvum leikið reglulega.
Fyrir mér voru þó flest önnur lög plötunnar merkilegri, t.d. frábærar túlkanir á Blue Jean blues ZZ Top og gítarklassíkinni hans Freddie King (sem allir alvöru gítarleikarar verða að geta spilað!) Hide Away!
margir minnast svo Healey og kynntust honum líka fyrst úr kvikmyndinni Roadhouse með Patrick Swazy í aðalhlutverki þar sem þeir léku sjálfa sig eiginlega sem hússveit vafasamrar vegabúllu! Mynd sem ég minnist nú lítt fyrir utan Healey og félaga, en á plötunni sem kom út með tónlistinni úr myndinni voru ein fjögur lög með þeim, m.a. titilag myndarinnar svona nokkurs konar, roadhouse blues úr smiðju Jim Morrisons og félaga í The Doors.
Önnur platan, Hell To Pay, kom 1990, mun meira rokkdæmi má segja en See the Light auk þess sem hún ksartaði gestunum frægu, Bítilnum George Harrison og leiðtoga Dire Straaits, Mark Knopfler. Frábær túlkun á klassík Harrisons, While My Guitar Gently Weeps, náði mikilli hylli af plötunni, en sjálfum fannst mér nú reyndar enn betra nýtt lag sem Knopfler lagði til, hið blúsaða I think I Love You Too Much, afbraðsstykki og eitt af mínum uppáhalds með Healeytrióinu!
Feel This hét svo þriðja paltan sem kom 1994 og mörgum finnst framúrskarandi. Enn sýndi trióoið með Healey á fullu, ný blæbrigði og áhrif, allt frá Hendrix til hip hop! Túlkinarplatan Cover To Cover kom svo ekki löngu síðar, ári eða svo, mjög fín um margt að mínu áliti!
En ný smíð leit hins vegar ekki dagsins ljós aftur fyrr en fmm árum síðar, Get Me Some, skífa sem hérlendis vakti hygg ég enga athygli og var heldur ekki svo ég viti flutt inn, frekar en svo tónleikaplatan Live At Montreaux 1999, sem sett var á markað 2005? Í þær báðar hef ég hins vegar nælt frá Þýskalandi og Bandaríkjunum, sem og aðra tónleika með djassbandinu sem hann starfrækti og gaf út tvær plötur að auki með, the Jazz Wizards! Þar er það blásturinn sem ræður já mest ríkjum, en á unglingsárunum skólaði hann sig sjálfur í að blása í trompetta, kornet og klarinet, sem hann leikur á af hjartans list á þessum þremur plötum.
Ogan á eigin spilamennsku, rak hann svo fleiri en einn klúbb (þar sem hin sveitin sem hann starfrækti sl. árin J.H. blues Band kom fram eins og T.J.W.) að ég hygg og stofnaði eigin útgáfufyrirtæki, H.O.R.
Svo þótti hann afskaplega aðlaðandi og góður persónuleiki í alla staði, alveg laus við álag frægðarinnar, sem svo mörgum í hans sporum hefur stígið til höfuðs!
Sérlega sárt er svo merkur maður fellur frá svo langt um aldur fram, en eins og gamall góðkunningi minn sagði svo viturlega í skeyti til mín í dag og vitnaði þar í gamla speki, "Þeir sem guðirnir elska deyja ungir" og það sannast nú vel með Jeff Healey!

Blessuð sé minning hans!

Jeff Healey látinn

Kona með höfuðfat, á bíl með hund í aftursæti...

...spurði mig og mína góðu móður er við komum út úr Bónus síðdegis í dag, hvort hún ætti ekki að keyra okkur heim!?
En ég heyrði það ekki og skildi ei móður vora er hún var að reyna að segja mér þetta.
Þekktum við konuna? Ei sagðist´móðir vor gera það, tók annars helst eftir höfuðfatinu og hundinum og ég veit það ekki.
VAr þetta kannski Huldukona?
Veit það ekki heldur, en hún má alveg gefa sig fram og segja mér það.
Viltu það?

Smekkleysa!

Jamm og þá er ég ekki að tala um hið ágæta útgáfufyrirtæki með meiru, heldur þessi vinnubrögð og afskaplega kléna útskýringu á þessu sem hér má lesa að hálfu hlutaðeigandi!
Því trúir ekki nokkur heilvita maður, að viðkomandi hafi ekki vitað hvað þeir voru að gjöra, en eins og í frægri farsimaauglýsingu frá sl. ári reyna menn auðvitað og það fullkomlega meðvitað, að ganga eins langt og þeir geta í auglýsingaskyni!
Múnurinn núna er hins vegar sá, að hér fara menn yfir strikið, en Jón gnarr dansaði á línunni!
SVo er löglegt að auglýsa farsíma, en ekki bjór!
Eitthvað á þessa leið hafa menn sjálfsagt lagt þetta niður fyrir sér!

Vel skal hampa vorum bjór,
vegna tímamóta.
Landvættina legg'í flór
og lögin "óvart" brjóta!

Ölglaðar landvættir í auglýsingu