Halló Siv, ég tek lýsi!

Jahá, ég tek sko lýsi, það má hin góða og velklædda Siv vita sem og aðrir landsmenn, einkum og sér í lagi Omega 3 gerðina og hef gert um nokkuð langt skeið!
Samt gæti ég verið skárri í hjartatetrinu og þá kannski sérstaklega HLÝRRI á stundum!
En mikið rétt, þessar fjárans transfitusýrur og annar viðbjóður er grasserandi og við því ber að sporna!
En ég tek nú lýsið með fleira í huga en endilega hjartað!

Á hverjum degi karlinn ég,
kátur tek mitt lýsi.
ER það hefðun hyggileg,
svo hold og andi RÍSI!

Mikilvægt að allir taki lýsi

"GRÍS"!?

VAr það ekki, "Tottararnir" nær því einum færri að jafna allavega einu sinni?
Skemmtilegur leikur!
Var ekki óþarfi hjá dómaranum að reka Dawsongreyið út af?
Rangt eða´rétt?
Einn Spursmaður tautaði "hneyksli" í mín eyru áðan!
En svona er fótboltinn!

Tvö frá Ronaldo og Man.Utd lagði Spurs

"Að láta verkin tala"!

Já mikil óskö, meiri áhersla á umhverfis- og húsafriðunarmál, en sem frægt varð hafði nú blessaður karlinn hann Villi nú samt svo mikin áhuga einmitt á vþí tvennu og það leynt og ljóst!
bið ég nú bara háttvirta íbúa Reykjavíkur að rifja upp glæsta frammistöðu hans varðandi húsbruna í Austurstræti, að ég tali nú ekki um aðferðarfræði hans við að útrýma rónagreyjum úr sömu götu og væntanlega nágreni með "Bjórkælisbanninu mikla"!
Þá var hann nú sjálfur Borgarstjóri vel að merkja og "gladdi" eigin flokksmenn ekki síst með þessum skörungsskap í húsafriðunar- og umhverfismálum!
En með REIruglinu öllu aman ttoppaði hann þó þau afrek sem kunnugt er, sem þó hann og aðrir Sjálfstæðismenn keppast nú við að gleyma,eða hvað?
Allavega í takt við nýja borgarstjóran og ferska, á að snúa vörn í sókn og...
"Láta verkin tala"!
Það tókst Vilhjálmi meira að segja að endurtaka þrisvar í örstuttu útvarpsviðtali í fréttum í dag og er þó ekki eins og að hann hafi nú ekki gert slíkt fyrr!?
Annars hef ég tillögur varðandi húsa- og umhverfismálin, sem hikstalaust verði samþykktar strax og þá ekki hvað síst til að auka trúverðugleika nýja og ferska borgarstjórans og hins síglaða og framkvæmdaglaða nýja formanns Borgarráðs.

Að flugvöllurinn verði friðaður til að minnsta kosti 100 ára!
Að rónar verði einfaldlega BANNAÐIR í Austurstræti!

Áhersla á umhverfis- og húsverndarmál

Ég er stoltur!

Já, ég er að sönnu stoltur og ánægður með mína menn frá Bítlaborginni!
Þar hefur jafnan náungakærleikur og gæska ríkt gagnvart hinum minni máttar og þeim sýnd tilhlýðileg og sjálfsögð virðing innan vallar sem utan!
Það sýndi sig svo sannarlega í dag sem aldrei fyrr, er Rauði herinn tók á móti öðru liði með glæsilegt nafn, Havang & Waterlooville!
Með já alveg fádæma kurteisi og kærleik hins sanna gestgjafa, leyfðu lærisveinar Benitez sér að gefa H&W færi á forskoti og það ekki einu sinni nei heldur tvisvar og skoruðu meira að segja fyrir þá líka í seinna skiptið!
Hvar annars staðar er boðið upp á slíkt nema á Anfield, ég bara spyr?
Svo eru menn hissa þó þetta sé enn og verði áfram líka sigursælasta og vinsælasta liðið á Englandi að minnsta kosti!
En bara einn galli á gjöf Njarðar.
Arnar og Co. á Sýn klikkuðu alveg rosalega á því, buðu ekki íslensku þjóðinni upp á þá sönnu gleði að fá að sjá þetta mikla sjónarspil frá Anfield beint!?
Það voru og eru mikil mistök, en svona þekkja menn nú góðhjartaða liðið frá Liverpool vel!
En næst þegar þetta gerist líklega eftir svona 28 ár eins og núna, að utandeildarlið mætir aftur á Anfield klikka menn örugglega ekki!
Giska á að það verði Dagenham eða Kidderminster sem koma þá!

Liverpool lenti í basli, Arsenal vann 3:0

"Ökutímatónlist" Lay Low komin út!

Já, þá mun hún loksins vera komin út, platan hennar Lay Low með tónlistinni úr leikritinu Ökutímar, sem Leikfélag Akureyrar hefur sýnt við mjög góðar undirtektir frá því fyrir áramót.
Mörgum orðum þarf vart að fara um hana Lovísu E. Sigrúnardóttur, hún sló eftirminnilega í gegn með fyrstu plötunni sinni, Please Don´T Hate Me árið 2006 og skyggði á flesta aðra það árið!
margir hafa því beðið eftir framhaldinu, sem nú birtist með þessum nokkuð óvenjulega hætti, 13 laga plötu þar sem 5 laganna eru frumsamin, en önnur öll eftir hina brjóstgæðamiklu söng- og leikkonu Dolly Parton!
En það sem gerir auðvitað þessa útgáfu enn sérstakari er að Lay Low ákvað eftir að hafa kynnst starfsemi Aflsins, systursamtaka Stígamóta á Akureyri, að allur ágóðin af sölu plötunnar skildi renna til þeirra!
Afskaplega rausnarlegt svo ekki sé sterkara að orði kveðið, hjá stúlkunni og eiginlega alveg einstakt!

Allir eru því kvattir til að fá sér eintak, sem senn stuðlar að uppbyggingu góðs málefnis og gleður kaupandan með ljúfu innihaldinu!

Framsóknarmennska lífshættuleg!

Ja, annað verður nú ekki skilið á formanninum, en að svo sé og almennt virðist nú LÍF flokksins sja´lfs sem aldrei fyrr vera í hættu!?
"Fatakaupafarsi" og fleira í þeim dúr nei ekki til að hressa upp á garminn nema síður sé!
O g þegar "jaðrar" já við mannsbana er víst fokið í flest skjólin.

Að vonum já Guðni er gramur,
það glögglega vitna hans orð
Nú flokkurinn verði seint samur,
sokkin í innanhúsmorð!

Átök framsóknarmanna í Reykjavík hafa jaðrað við mannvíg

Svonasvonasvona Vilhjálmur!

Jæja, þá er lokið "Skemmtiþætti Óla Skans og Villa Vill" í ráðhúsinu, þar sem fjöldi manns lét sig ekki vanta bæði innan dyra og utan, enda annars eins atburður í sögu borgarinnar allavega, vart verið betur auglýstur í seinni tíð!
Jamm, mikið fjör og mikið gaman, hávaði og læti bara sem á góðum leik væri, en á þessum mikla tímamótadegi er Villi karlinn er aftur komin við stjórnvölin (að vísu núna "bara" sem næsthæstráðandi í bili a.m.k.) er hann ekkert glaður, nei finnst bara hryggilegt að "krakkaskarinn" hafi haft svona hátt og púað!
Hann hefði greinilega betur heyrt í hinni skörulegu og skýrmæltu Stebbu Skara, sem einu sinni var varaþingmaður D, en var svo reyndar felld með stæl af ungu strákunum í prófkjöri!
Hún færði nefnilega í spjalli við Moggan (og sjá má hér að neðan í fréttum mbl.is) að þessi hávaðalæti hafi nú ekkert verið svo merkileg, eiginlega bara ekkert að merka þau og engin ástæða til að tala um of um þau! Svona sé bara unga kynslóin, hafi hátt og láti ekki að stjórn, þ.e.a.s. sú er fylgir öllum öðrum að málum en D! Sagðist hún viss um að helmingurinn hefði verið úr eim góða flokki þarna í salnum og það hefði auðvitað hagað sér vel og bara klappað á "réttum stöðum"!
En blessaður karlinn villi heyrði ekki í henni og er því bara hryggur á sjálfan "hátíðisdaginn"!
Og ekki bara út af þessu, heldur er hann í öngum sínum hve hinn glæsilegi nyji borgarstjóri hans er grátt leikin, allir séu svo vondir við hann og það ekki bara í dag, fullt af vondu fólki sé að níðat á honum á blogginu!
Í aðra röndina finnst mér gaman að heyra að Vilhjálmur að því er virðist, fylgist svo vel með í þessum "vonda heimi", ekki bara vegna þess hve hann er umsvifamikill og önnum kafin maður að ég hefði haldið, heldur vegna þess ekki síður að kappinn er komin mjög nærri eftirlaunaaldrinum og ég þekki bara sárafáa sem eru á þeim aldri og liggja í blogginu!?
En ég þekki heldur ekki marga yfir höfuð!

Vilhjálmur Þ: Hryggilegt

ÆÆÆ!

Síðast þegar ég spurði, 16 - 8 fyrir Frakka!

Með augum örlítið vættum,
aumur þetta ég letra.
Handboltaleiðindum hættum,
hugsum um eitthvað betra!?

EM: Níu marka tap gegn Frökkum

Minningabrot um Meistarann!

Nú þegar Meistarinn fallin er frá,
fyllist hugur minningabrotum.
Svo mörg þau magna upp já,
myndir frá örlagalotum!

Barnsáugu leiftrandi ljós-
lifandi námu svo bjart
STórbrotið stemma við ós,
stríðið hvítt og svart!

Nei, norðlenski drenghnokkinn á sjöunda ári gleymir ei svo glatt þessum hræringum sem urðu með einvígi Fischers og Spassky árið 1972, sem svo auðvitað hafa verið margendurvaktar og haldið við með reglubundnum hætti upp frá því. Hann hafði þá líka lært manngangin fyrir löngu, eða um fjögra ára gamall, svo þetta skákhafarí allt saman varð honum sem og svo mörgu öðru ungviðinu, mikið ævintýri!
Það er með ljufsárum hætti sem maður horfir nú á eftir þessum einum af allramestu afreksíþróttamönnum 20. aldar, erindi hans með sína snilligáfu að vopni var augljoslega löngu lokið, en heimurinn og þá auðvitað alveg sérstaklega hans eigið heimaland, Bandaríkin, léku hann grátt og það miklu verr en hann átti nokkurn tíman skilið! Nöturlegt að þetta mesta veldi heims skildi ekki vera löngu búið að gera upp sakir við þennan jú erfiða son á löngum köflum, en langt því frá sá meinti glæpamaður sem myndin af hálfu yfirvalda var dregin upp til að fordæma hann!
En svo varð ekki og nú hefur hann kvatt þetta jarðlíf.
Megi hann hvíla í friði!

Skákmenn minnast Fischers

Niðurlæging að hætti (sænska) hússins!

Hvílíkur og annar eins andskotans aumingjaskapur er þetta!
ER nokkuð hægt að orða hlutina einfaldar eða betur en þannig!?
Og hvað varð nú um blessað leynivopnið?

Svíar sigruðu