Leiðindaleikur semsagt í uppsiglingu!?

Hinn fyrrum frækni sóknarmaður og já einn af einmitt skemmtilegri fótboltamönnum þjóðarinnar frá upphafi, sætur alltaf og síðhærður, virðist já með þessu vera að boða daufan leik ef marka má þessi ummæli, en við sjáum hvað setur.
Annars verð ég að segja, að ég skil ekki alveg núorðið valið á liðinu og á þá við allan hópin, svo margir lítt reyndir þarna inni og eru afskaplega misjafnlega í sveit settir hjá sínum liðum. Og þrátt fyrir svakaleg forföll frá leiknum við Holland, þá breytist nú lítið svo undrun mín minnki. Fyrr í morgun taldi mbl upp fimm breytingar á liðinu jafnframt því að birta byrjunarliðið í dag gegn makedoniu. Þær breytingar eru þó enn fleiri, sex, því nafn Stefáns Gíslasonar vantaði í upptalninguna þar.
Hann, Eið Smára og Hermann fyrirliða, er erfitt að missa út, allir orðnir mjög reyndir þótt Stefán sé nokkuð á eftir hinum tveimur hvað það varðar.
En leikmenn á borð við Gunnar Heiðar, Veigar Pál og ég tala nú ekki um Jóhannes Karl, komast bara að einvherjum ástæðum ekki í hópin? Veigar víst verið meiddur og ekki fengið að spila mikið hjá Nancy í Frakklandi og upp og niður gengið hjá hinum tveimur. (sem ég veit ekki betur að gefi samt kost á sér) Það gildir bara hins vegar um svo marga fleiri í hópnum, orðið fyrir meiðslum og margir verið út og inn í sínum liðum.
Þá vekur það athygli við valið á byrjunarliðinu, að fastamaður í nú besta liðinu í Svíþjóð, Ragnar Sigurðs hjá Gautaborg, er ekki valin í stað Hermanns í miðvarðarstöðuna, heldur Sölvi Geir, sem alls góðs er jú maklegur, en hefur nú ekki sömu reynslu og ég hafði haldið getu líka á borð við Ragnar!? En Óli Jó, sá ágæti og skemmtilegi landsliðsþjálfari, hefur auðvitað sínar ástæður fyrir þessu vali og við það situr auðvitað!

Pétur Pétursson: Reynum að drepa leikinn niður

Hvers vegna hið ómögulega gat ekki orðið hugsanlegt - Nokkrar meginástæður!

Strax eftir að ljóst varð að MU færi í úrslitin, ærði ég dálítið óstöðugan sem stundum fyrr og hélt því blákalt fram að nánast engu máli mundi skipta hvort liðið mætti Chelsea eða Barcelona, gegn hinu fyrrnefnda væru möguleikarnir kannski 10%, en gegn hinu síðarnefnda nákvæmlega 0.0 eða ENGIR!

Nú svo fyrir nokkru og hér má sjá aðeins neðar á síðunni, ærði ég óstöðugan aftur, en kannski örlítið meir, með því m.a. að rifja upp hinn makalausa heppnissigur MU á Nou Camp fyrir áratug, jafnframt því að nefna nokkrar ástæður já, sem HUGSANLEGA gætu breytt hinu ÓMÖGULEGA í veruleika, sigur fyrir MU!
En sem betur fer, að ég tali nú ekki um hvernig leikurinn varð svo í kvöld, gerðist slíkt ekki, enda getur auðvitað hið ómögulega ekki gerst, liggur það ekki í eðli málsins!?

Afskaplega auðveldur, sanngjarn og SANNFÆRANDI sigur Barcelona, svo einfalt er nú það!

En nokkrar ástæður voru fyri því að ég leyfði mér að vera svo djarfur að halda þessu fram og raska þannig ró ansi margra óstöðugra sála, er létu svo sitt ekki eftir liggja við að skamma "Boðbera hinna válegu tíðinda"!

-Tveir fyrrum Arsenalmenn væru í liði Katalóníuhersins, Henry og Silvinio, báðir þrautreyndir og þekktu lítt til minnimáttarkenndar sem háir svo mörgumsem spilað hafa við MU í ensku deildinni og oftast tapað,vissu hvað þyrfti til sigurs.
Henry svo auðvitað oft leikið MU varnir grátt og skorað hátt í tíu mörk gegn félaginu.
-Auk hans Messi Cavi og Etaoo, að ekki sé nú talað um Inijesta, væru einfaldlega of margir leiknari en miðju- og varnarmenn MU, spilaði stóra rullu og það sannaðist líka rækilega í kvöld.
-Carlos Puyol fyrirliði yrði með, sem ekki var á móti Chelsea, hann er jafn mikilvægur Barcelona og t.d. Maldini var AC MILAN.
-Að sú staðreynd að herramaðurinn hugljúfi, Sir Bob Paisley, hafði afrekað að vinna Evrópukeppni meistaraliða þvívegis, það gæti ekki gerst með hinn oft á tíðum hrokafulla AF að jafna það! (og það þótt ofursnjall hann sé!)

En langlanglangveigamesta átæðan fyrir því að útilokað væri að MU ynni titilin í þriðja sinn í kvöld og sú sem raunar ein og sér nægði til að ég fullyrti um að MU gæti ekki unnið, var auðvitað og að sjálfsögðu....

....BORGIN, VÖLLURINN, RÓM!!!

Og hvers vegna, jú á þessum velli sigraði Liverpool tvívegis í þessari keppni og það í seinna tilvikunu sjálft heimaliðið AS Roma 1984 auk þess svo síðar að hafa unnið glæsta sigra í sömu keppni á báðum liðum borgarinnar, ASR og Lazio!

Kæru aðdáendur Manchester United, þið hljótið að skilja þetta, ykkur var aldrei ætlað að sigra í leiknum.

Það var einfaldlega útilokað!

Leitt í sjálfu sér svo fyrir okkur Íslendinga, að Eiður Smári fékk ekki tækifæri að spila, en eins og með úrslitin verða menn að horfast í augu við sannleikan í hans efnum, hann var og er bara ekki nógu góður líkt og MU í þetta skiptið, en hamingjuóskir fær hann auðvitað samt sem Evrópumeistari!

Að lokum er það svo bara þannig MU aðdáendur, að "Þú getur ekki alltaf fengið það sem þú vilt"
og engu máli skiptir þar hversu góður þú telur þig vera!

Barcelona Evrópumeistari

Hvernig hið "Ómögulega" gæti orðið hugsanlegt!?

Ég hélt því blákalt fram fyrir nokkru er jóst var að annað hvort Barcelona eða Chelsea færu í úrslitin, að þar með væri nokk svo klárt hverjir myndu þar með hampa meistaradeildarbikarnum, annað hvort þeirra liða! Og í tilfelli Eiðs og félaga taldi ég möguleika MU einfaldlega vera 0,0,
ENGA!
En eins og þar stendur og já alveg sérstaklega með MU, þá verða ólíkindi stundum að engu, einhverra hluta vegna og hið ómögulega verður allt í einu ekki svo lengur, heldur lýgileg mótsögn!
Sigur MU fyrir tíu árum á Bæjurum er sannleikstákn um það.
Þeir alrauðu frá Munchen voru einfaldlega miklu betra liðið mestallan leikin og "Super" mario Basler skoraði gott mark fyrir þá nokk fljótlega minnir mig. Ótrúlegt klúður í allavega tvígang varð til þess að munurinn jókst ekki, en svo þekkja fótboltaunnendur hvernig síðustu mínúturnar þróuðust sem lygasaga. Tvö mörk til sigur með nánast augnabliksmillibili frá minnir mig Trinidadbúa (og gott ef ekki Tobacobúa líka?) annars vegar og Norsarabarnsfési hins vegar tryggði að bikarinn fór í öfuga átt en til stóð!?

Með þetta í huga, þá er já hugsanlegt að sagan geti endurtekið sig með samblandi af þessum ótrúlega einbeitingarskorti og klaufagang sem Bæjarar gerðu sig auðvitað öðrum þræði seka um þarna fyrir tíu árum (og gott ef ekki var einmitt á heimavelli Barcelona, Nou Camp?)
En líkurnar hljóta að minnka ef þessir tveir snillingar verða með og í góðu formi.
Alveg gildir það sérstaklega um Henry auðvitað, en fáir hafa fíflað Mu varnir eins yndislega og hann með Arsenal í sannarlega ófáum tilvikum og skorað mörg glæsimörkin!
Eitt eftirminnilegasta markið hans gegn Mu er þó tvímælalaust er hann tók landa sinn Fabian Bartes svo svakalega í bólinu í leik á Highbury, er sá fyrrnenfdi var einu sinni sem oftar að sýna stæla með boltan í teignum, að það fyndnara hefur vart sést né meir niðurlægandi!
En hann Eddi stóri í markinu hjá Mu núna, myndi nú ekki gera slíkar fimleikaæfingar ogallra síst í slíkum leik sem þessum, en kannski missir hann boltan fyrir tærnar á Henry eða Etoo eftir eitt af sínum frægu misheppnuðu úthlaupum, hver veit?
En skárra væri nú ef þessir tveir yrðu já með, ella væru einir fimm byrjunarliðsmenn B ekki með, alveg nóg að gefa Mu í forgjöf að þrjá af fjórum varnarmönnunum muni vanta!

Henry og Iniesta klárir í slaginn gegn United

Þóra enn sú besta!?

Sigurður Ragnar kvennalandsliðsþjálfari hefur um skeið átt við það "jákvæða vandamál" að stríða að þurfa að gera upp á milli margra mjög góðra markvarða í stöðurnar tvær í landsliðinu. En með fullri virðingu fyrir til dæmis þeim Söndru og Maríu B. þá held ég að Þóra, þegar hún er líkt og núna, í sínu besta formi og einbeitir sér að boltanum, enn líkast til þeirra best og fremst, auk þess auðvitað að vera ótvírætt reyndust.
Ég man enn eftir sögulegu jafntefli Íslands við Bandarísku stöllur þeirra fyrir nokkrum árum ytra, er þær síðarnefndu voru allavega Olympíumeistarar ef ekki heimsmeistarar líka!?
Leikurinn endaði minnir mig 0-0 og var frammistaða Þóru slík, að Kanarnir voru orðlausir á eftir!
Því ekki spurning, að verði þóra áfram í þessu formi fram að útrslitakeppni EM í Finnlandi í sumar, þá verði hún í markinu og gæti leikið stórt hlutverk í hugsanlegum góðum árangri!
Um leið kemur svo upp í manni enn og aftur eftirsjá mikil í systur hennar Ásthildi, en endir hennar ferils var eitt af fleiri leiðum dæmum þar sem okkar bestu fótboltakonur hafa hætt allt of snemma! (sú afbragðssnalla Rakel Ögmundsdóttir kemur líka upp í hugan í þessu sambandi)

Þóra B. í toppformi með Kolbotn

Góðar fréttir, slæmar fréttir, engar fréttir!?

Ja, það er nú það, en hvort sem það mun ráða einhverju um þennan leik á laugardaginn, þá verður það annað hvort góð eða slæm frétt á að Andrei var með, spurningin bara í hvorra augum það verður, nú ef það þá mun nokkru skipta.En hann gæti sem best orði örlagavaldur, skorað sigurmarkið til dæmis, en líka jú vissulega skorað og það kannski fleira en eitt mark, en dyggði samt ekki til?
Nema hvað, að í stærra samhengi fór ég að pæla í þessu og svo fréttinni, sem ég vísa á hér fyrir neðan. Þessi makaleysa var nefnilega nánast það eina auk úrslitanna í kvennadeildinni í gær, sem í íþróttafréttum Rúv voru í hádeginu áðan!
Ekki laust við að maður staldri já við og spyrji, Hverslags "Frétt" var þetta eiginlega ef þá um það var að ræða og átti þetta virkilega erindi í hádegisfréttatíma útvarps Reykjavíkur, sem kenna vill sig við gæði og hefur reyndar staðið vel undir gæðakröfum í áratugi!?
Íþróttafréttamannin sem í hlut átti, Ásgeir Erlendsson, hef ég þó kunnað vel að meta hingað til, tek það fram.

Að lokum til forsvarsmanna Moggabloggsins, vil ég ítreka.
Hvenær á að henda út bloggflokknum "Landsbankadeildin", sú deild ekki lengur til og því ekki við hæfi að setja þetta við þann flokk.
http://ruv.is/heim/frettir/frett/store64/item265576/

Arshavin með Arsenal á Old Trafford

Æ, sama árans svekkelsið!

EFtir mjög góðan árangur Þórs/KA stelpanna á sl. sumri og svo sigurinn frábæri á dögunum í deildarbikarnum, hélt maður já að svona stórskellir væru farnir að heyra sögunni til. En því miður, hrikaleg byrjun á mótinu og liðið kemur þarna heldur betur harkalega niður á jörðina eftir sigurinn á Stjörnunni.
En ég gvona nú að hér gildi hið fornkvðena, að "Fall sé fararheill", verði það og leiðin liggi ekkert nema upp á við eftir þessi ósköp!
Annars er hér svo ábending til forráðamanna Moggabloggsins, að henda verður út þessum Landsbankadeildarflokk, deildirnar eru núna víst kenndar við og kostaðar af gosdrykkjaframleiðanda!

Stórsigur Breiðabliks á Þór/KA

VAr þetta ekki bara sanngjarnt þegar upp var staðið?

Þetta snýst jú um það að skora mörk og Chelsea nýtti bara ekki mörg færi til að bæta við! Dómarinn hefur svo bara metið það þannig kannski þarna þegar Amelka vippaði í heindina á einum, að það hafi verið með ráðum gert?
En geta menn ekki verið sammála um að betra liðið hafi þrátt fyrir allt farið áfram og þetta hefði bara verið sanngjarnt!?
Úrslitaleikurinn verður vonandi skemmtilegur, en þar mun annað liðið örugglega sigra og það ekki frá Englandi!?

Iniesta skaut Barcelona í úrslitaleikinn

Þessi niðurstaða þýðir, að varla þarf að spila úrslitaleikinn!?

Enenen, ekki misskilja þessa fyrirsögn, MU unnu jú góðan sigur nú, litaðan að vísu af endemisklaufaskap og einbeitingarskorti Arsenaldrengja. En þessi úrslit þýða, að næstu Evrópumeistarar verða anna hvort Barcelona eða Chelsea!
Að vísu ætti MU kannski svona 10% sjéns í þá bláu eins og þeir eru sterkir núna, en varla meira en kannski 3% í "El Barca" eins og þeir leika hvað best og sýndu t.d. svo stórkostlega á móti Real Madrid um sl. helgi!
Þannig er það bara eins og það lítur út blákalt metið í dag!
Og ef það hefði verið LFC sem MU ætti að mæta, þá væru möguleikarnir einfaldlega 0,0% og undir það hljóta allir góðir og sanngjarnir fótboltamenn að taka af skilningi og raunsæi!?

En aumingja Arsene, hann hefur greinilega aldrei heyrt orðatiltækið góða, að "Fæst orð hafi minnsta ábyrgð" karlgreyið, fullyrti að hans menn myndu leika stórkostlega og sigra!

ÆÆÆ, ég get ekki sagt annað og vorkennt honum í aðra röndina!

Man Utd. í úrslitaleikinn eftir 3:1 sigur á Arsenal

STuð, stuð, stuð!

Hvað getur maður annað sagt, ótrúlegur leikur og enn ein staðfestingin á gildi þessa dásamlega leiks sem fótboltinn er!
Maður getur ekki verið svekktur svo mjög þrátt fyrir hvernig þetta gekk fyrir sig og möguleikan sem myndaðist, það gengur einfaldlega ekki að tapa 1-3 á heimavelli, en jú það munaði ótrúlega litlu að þriggja marka forskoti yrði náð!
En til hamingju með þetta ALLIR fótboltaaðdáendur!

Chelsea komið í undanúrslit

Skellur!

Hóhó það má nú segja góðir hálsar og ekki beinlínis það sem búast mátti við fyrirfram eða þegar staðan var strax orðin 1-0 eftir fáar mínútur!
En svona erðetta bara, þýðir ekkert að grenja Björn bónda heldur safna liði, eða eins og ég segi alltaf, "Þetta er ekki búið fyrr en það er búið"!
Nú reynir hins vegar mjög á og auðvitað er Chelsea með pálman í höndunum eftir kvöldið!
Svipað er nú komið með Live og Man. Utd. er þeir steinlágu einmitt heima fyrir þeim fyrrnefndu 1-4 og því er spurningin núna hvort sálfræðileg áhrif verða eins mikil á þá fyrrnefndu nú og urðu á þá síðarnefndu, hvort þetta muni hafa áhrif á næsta deildarleik gegn Blackburn á á laugardaginn!?
Fyrirfram leikur sem ætti að vinnast, en nú gæti þessi tapleikur setið í mönnum, sjáum til!

Frækinn sigur Chelsea á Anfield - Barcelona burstaði Bayern