Þorraauglýsing! (Eða eitthvað svoleiðis)

Þótt ýmislegt hafi nú gengið á í tilveru litla Íslands sl. vikurnar og mánuði, hafa landsmenn þó ekki alveg látið deigan síga og haldið sín hefðbundnu og ómessandi blót í tilefni Þorrans. Og mörg slík framundan enn, sem auðvitað þarf ekkert að hvetja mannskapin til að huga að, en lítill kviðlingur, sem já gæti alveg hljómað sem auglýsing varð til með blótin í huga með svona jákvæðum hvatningartón, eða þannig!

Þeysum nú á Þorrablót,
þjórum vel og etum súrt.
Galsa undir gefum fót,
gerumst villt og djömmum klúrt!

Heimafyllerí!

Í reykviskum heimahúsum,
hella menn í sig úr krúsum
öls vel birgir af brúsum,
Nenn' ekki á næsta bar.
Sjálfir og sáttir vér dúsum,
í sælunni heima og BLÚSUM
en aðeins í "Braga nú búsum",
Þar af er sem áður var!

Víða læti í heimahúsum í nótt

Umhugsunarvert já, en ekki ný sannleikur hygg ég!

Moggabloggið reyndar fyrir lifandi löngu orðið vettvangur bölv og ragns, svo heldur er nú þar seint í rassin gripið, að fárast sérstaklega yfir því. Ég er svo reyndar þeirrar skoðunar, að vettvangurinn sem slíkur, bloggsamfélagið, eigi í sjálfu sér litla sök á ef hefðun og orðfæri þeirra sem þar safnast inn, hafi þá í raun vesnað til eða frá.Ætli bloggið sé bara ekki sem svo margt annað nýtt, hrein og klár viðbót við samkvæmislíf fólks og þar sé bara eins og alls staðar, misjafn sauður í mörgu fé, sem kann ekki á stundum að hefða sér eða er eins og margur sagði um bræðurna sem voru í brennidepli í gamlaársdagsuppákomunni við Hótel Borg, að "snapa sér fæting" í þó yfirfærðri merkingu!? Mér segir nú svo hugur um! Og svo held ég raunar líka, að með hegðun og orðbragð margra, röflþörf með ómældum skammti af blótsyrðum og jafnvel grófum persónuaðdróttunum og hótunum, séum við að nokkru komin í hring, aftur til millistríðs og seinnastríðstímans, þar sem óheflaður talsmáti og grófur var nú daglegt brauð úr munni almúgans misupplögðum vegna áfengisdrykkju í sumum tilfellum, atvinnuleysis og almennt bágrar stöðu að einhverju leiti! Gallin við bæði lokanir á tengingar við vissar fréttir, hafa hins vegar haft þær leiðu afleiðingar, að þær bitna líka á saklausum bloggurum sem ekki hafa haft uppi nein stóryrði eða dónaskap í athugasendum sínum, það er ekki gott mál. Sömuleiðis er það stór galli við RITSTJÓrnarvaldið, (þetta er nefnilega ekki ritstýring heldur ritstjórn, eins og ég hef margoft reynt að útskýra fyrir bloggurum sem hafa uppi slíkar ritskoðunarupphrópanir) að þegar tenging hefur verið rofin hjá einvherjum við fregn og þá vegna kvörtunar, þarf viðkomandi bloggari að því er virðist alltaf þurfa að sækja skýringarnar sjálfur er hann telur á sér brotið við aftenginguna og botnar í raun ekkert í hví hún hefur átt sér stað! Í því hef ég sjálfur lent tvívegis og það án þess að hafa haft uppi neinar aðdróttanir, getsakir, blótsyrði eða neitt sem talist getur á skjön við reglur Moggabloggsins, en hef aldrei fengið neinar skýringar og raunar ekki leitað þeirra heldur, því ég er heldur seinþreyttur til vandræða og latur að leggja á mig meira erfiði en ég tel í alvöru þörf á! Nú er auðvitað ljóst, að umsjónarmenn Moggabloggsins hafa engin tök á að fylgjast með öllum þeim þúsundum er blogga og eiga út af fyrir sig fullt í fangi með að fylgjast með tengingum við fréttir einar og sér og kvörtunum síðan þegar þær koma upp. Samt virkar það já svolítið tilviljunarkennt á stundum er tenging er rofin, svo ætla má að rökstuðningur þess sem kvartar þurfi oftar en ekki að vera mikil, nú eða engin til þess að tengingin sé rofin!? En þetta eru nú bara vangaveltur, kannski ekki neinn sérstakur sannleikur, þó málin líti á stundum út í þessa veruna! Moggamenn ættu kannski að taka sig til og koma með skýrar og greinargóðar útleggingar á þessu, svo ég og aðrir getum hætt að vera með slíkar vangaveltur og það sem kannski meira væri, að bloggarar ýmsir hættu að hrópa Ritskoðun!! í tíma og ótíma er þeim þætti að sér eða öðrum bloggurum ósanngjarnt vegið! örlítið svo að meira umburðarlyndi gagnvart ofbeldi,sem "Össur frændi" og svo sem fleiri hafa verið með pælingar um í seinni tíð og vitnað er til í fréttinni. Ofbeldi hefur einfaldlega færst nær og nær okkur frá fleiri en einni hlið til dæmis með stafrænu byltingunni og samruna hennar meira og minna við tölvubyltinguna. Þróunin óhjákvæmilega eða ekki, hefur einfaldlega verið sú, að ofbeldi, kynlíf og fleira, er bara meira og minna ráðandi í flestri eða allri afþreyingu, hvort sem litið er til tónlistar, kvikmynda eða tölvuleikja. Það hefur í sjálfu sér ekki verið vandamál sem slíkt nema upp að vissu marki, en þegar firring vegs jafnframt í þjóðféfélaginu, slíkar þrengingar verða almennt eins og Bankakreppan hefur haft í för með sér, (og ekki sér fyrir endan á) atvinnuleysi, áfengis- og eiturlyfjaneysla með meiru, þá á þetta nú ekki að koma mönnum mjög á óvart held ég! En nú er ég líka sjálfur komin í hring hehe, nefndi þetta jú að hluta hér ofar líka og því farin aðeins að endurtaka mig. Þetta blasirsemsagt við og ætti sem ég segi ekki að koma Iðnaðarráðherranum okkar glaðhlakkalega á stundum neitt á óvart nú sem einhver ný uppgötvun eða sannindi! En eins og má lesa, líkar Moggamönnum ekki svo ílla að fá Össur karlinn sem stuðningsmann sinn við hertari aðgerðum og reglum, er pínu broslegt þó, því ekki hefur hann nú alltaf talist "merkilegur peningur" á þeim bænum gegnum tíðina! Ég var svo líka í þessu samhengi aðeins að hugsa um að bæta við þarflegum pælingum í tengslum við þetta er varðar rökfræði og raunsæi í málflutningi á Moggablogginu á köflum, sérstaklega að því tilefni að mikil læti spunnust og heitar umræður hjá félaga mínum Jens Kristjáni Guðmundssyni varðandi ábendingu hans á tengil er sýndi raunverulegt ofbeldisverk ungra misyndismanna í Úkraníu. Þó held ég að ég geymi það eitthvað, þetta orðið nokkuð gott og langt, en eitt af því sem jafnvel hinir ágætustu rökræðumenn lenda í er þeir í ákafa sínum eru að glíma á "Orustuvelli Orðsins", er að þótt þeir bendi réttilega á veilur hjá einhverjum og núi viðkomandi um nasir, þá þýðir það oft ekki endilega að viðkomandi hafi þar með rangt fyrir sér! En sjáum til með það síðar.

Umræðuhættir á netinu

Ein "Létt og laggóð"!

VAr með einhvern fagurgala og daður við eina ónefnda fegurðardís á dögunum, sem jú tók því ekki ílla, raunar ágætlega, en sagði samt um leið og hún flissaði svolítið íllgirnislega, "Skammastu þín"!
Sá ég þá auðvitað sæng mína útreidda í það skiptið og læddi þessu út úr mér.

Ég er komin í "Krókin",
að karlaumingjasið.
Þar nú ligg með lókin,
lafandi nið'rá við!

Samt þykist ég nú vita, að ég sé ekki versti larfurinn eða lúsablesin í skýrslum hinnar ónefndu, þvert á móti ofarlega á viðurkenningarlistanum, eða það vona ég!?

VARÚÐ! - KLÁMFÆRSLA

Eða hvað?

Ég er óforbetranlegur ærslabelgur á stundum, viðurkenni það, en veit líka sem er, að mörgum finnst það bara ekki svo slæmt og taka hrekkjum og hálfvitagangi mínum vel! Og þó ég jafnvel stelist til dæmis til að "káfa á eða klappa" sumum, til að mynda af mínum yndislegu bloggvinkonum, á helgustu stöðum, þá hafa þær bara ekkert svo mjög kippt sér upp við það, jafnvel bara sagt "gersóvel góurinn"!
Þær kalla nú heldur ekki allt ömmu sína margar hverjar þessar elskur og láta ýmislegt flakka og skiptir þá engu þótt meira að segja líkami eigi í hlut!
Þannig er hún Ásthildur Cesil til dæmis, hin ómótstæðilega vestfjarðavalkyrja, amma og amma og mamma í einum og sama pakkanum, garðyrkjandi og égveitekkihvað!
Fyrir löngu hafði hún til að mynda sagt frá all-svo-vænu "Barmflæði" sínu að gefnu tilefni og lítt eða ekkert roðnað við það og nú fyrir skömmu opinberaði hún svo kinnroðalaust vi annað tækifæri, að hún væri nú aldeilis "Búsældarleg" á fleiri stöðum og ætti auk þess ansi gott "uppfyllingarefni" jafnan í það "Bú" þegar svo bæri undir!
En nánar tiltekið, ef einvher skildi nú svo ólíklega skilja þetta fagurlega og einfalda orðskrúð mitt með erfiðismynum, þá var það önnur og ekki síður yndisleg bloggvinkona mín og sömuleiðis litlu eða engu bersögli en Cesil, hún Heiða HEITA, sem á góðu augnabliki í einni sinna dýru færsla, færði lesendum sínum "loðna píku og pinna" að gjöf, svona rétt til að viðkomandi færsla þætti ekki, aldrei þessu vant, vera "þurrpíkuleg"!
Haha, já ekki amaleg hún elskan mín hún Heiða, en frú Cesil lét sér nú fátt um finnast og kvittaði fyrir sig í athugasend með því að láta alla vita, að hún þyrfti nú ekkert á slíkum "gjöfum" að halda, hún ætti sko sína eigin vænu og velloðnu píku og fagran lim í hana við höndina!

Ég segi það já og skrifa, þessar dömur eru gjörsamlega óborganlegar og á þennan hátt þvílíkt freistandi kynbombur, að það hálfa væri helmingi meir en nóg hahaha!
En, ég gat auðvitað í framhaldinu ekki stillt mig um að senda "Skeyti" vestur í Kúluríkið, en var samt ekki brattari en svo að viðurkenna í leiðinni, að efast um að innihaldið þyldi dagsljósið frekar en þangað.
En seisei, kvinnan glæsta var söm við sig, hennar vegna væri þetta nú ekki mikið mál!
Hér kemur það því, stutt, en víst þykir þetta einhverjum um of og því er fyrirsögnin eins og hún er!

Að sköpulagi skarti ríku,
þú skvísan gerðir ljóst.
Sért lostafull með loðna píku
og ljúffeng risabrjóst!

Jamm, dæmi nú hver fyrir sig og segi sína skoðun ef vill!
SVo get ég bætt veimur litlum "skektum" við, sem ég skellti einmitt inn hjá Heiðu minni og gætu nú alveg líka fallið í "klámkramið" líttgóða hjá einvherjum!?
Annars vegar hafði bloggskutlan verið frá skriftum vegna veikinda, en var mætt á ný með látum þar sem "Reið" og fleira gott kom við sögu. (eða kannski var það vöntun á slíku!?) Allavega, hún mætt og í stuði, þannig að ei gátum vér setið á strák vorum!

Heiða litla, hýr og rjóð,
heilsu aftur nú er góð.
Mér því vill hún, alveg óð,
einum ríða, "gömlum skrjóð"!

Hins vegar var það svo stuttu síðar, að hún auglýsti fjálglega eftir "Vel rökuðum ástarpungum" og bað jafnframt um uppskrift!
Og uppskriftirnar fékk hún og það fleiri en eina og fleiri en tvær haha! Enenen, auðvitað vildi "klámdrottningin" uppskriftir til "bakstursrugls",heldur ALVÖRu haha! Skammaðist hún því í færslu á eftir sem hennar var von og vísa og kallaði liðið FÍFL!
Ég hafði nú lítt til að skammast mín fyrir, en sagði þó og hafði um leið skýringu á "æsingnum" í henni!

Frussaðu á fíflið mig,
fúslega mín kæra.
En greddan er að gera þig,
gjörsamlega æra!

VAlt er guðsmannsgengið!

Seint verður sagt um Sr. Gunnar Björnsson, að aðsópslítill maður hafi hann verið.Ætla reyndar ekkert að rifja upp þau fyrri mál né sögur af framgöngu hans sem ég man, það væri að æra óstöðugan, en hvernig sem á þetta mál er litið eða önnur þar sem persóna Gunnars hefur átt í hlut, eða hún verið þáttur í deiluefnum, þá er þetta mjög dapurlegt allt saman.
Ókeypis fátt er fengið
sem freistar, hugsa nú ég.
Og valt er guðsmannsgengið,
götunni frameftir veg

Séra Gunnari veitt lausn frá embætti tímabundið

Allir að flokka!

Já, styð Þórunni heilshugar í þessu og hef verið afskaplega ötull talsmaður flokkunar á sem mestu af heimasorpinu eftir að tunna var fengin til þessa heimilis í apríl á sl. ári.
Maður verður miklu meðvitaðari um hverju þetta skiptir þegar flokkunin hefst í fernur, annan pappír og umbúðapappa, plast, áldósir o.s.frv., magnið alveg rosalegt og það hlýtur bara að vera að minnsta kosti skömminni skárra að þetta sé endurnýtt út í heimi, þótt það kosti auðvitað siglingu með sinni tilheyrandi mengun. En ætli sú sigling færi ekki fram hvort eð er!
svo finnst mér þetta bara svolítið gaman auk þess að hafa já pínulítið betri samvisku en ella.
Að vísu má spyrja sig hví maður þurfi að greiða sérstaklega fyrir að vera svona "Vænn", þ.e. afnotagjald fyrir tunnuna, en ég víla það nú ekki svo mikið fyrir mér, bara fáir "Brynjólfar" á ári, þó ég hafi nú heyrt og hugsað sjálfur sem svo, að það ætti alveg eins að borga OKKUR fyrir að samþykkja að nota tunnurnar og leggja á okkur "erfiðið" að flokka, sem jú endurvinnslufyrirtækin hafa sinn arð af í veraldlegum rekstri sínum!

Grænt líf ódýrara

Sigfús er ekkert "Blávatn"!

Já, hérna býsna hljómar góður,
hollráð fín af reynslu gefur
Og sitthvað lært af sinni móður,
Sigfús "Rússajeppi" hefur!

Fyrir þá sem kannski ekki vita, þá hefur Sigfús varnartröllið okkar góða í handboltalandsliðinu, lengi gengið undir þessu skemmtilega viðurnefni, Rússajeppinn!

Allir fái tækifæri til að spila

Táraflóð!

Gefa blóm er gömul venja,
glöð þá jafnan dama verður.
Þarna fór því fyrst að grenja,
fyrir alvöru hún Gerður!

Fallegt já eins og það kom fyrir, en ykkur að segjaþá hefði ég nú frekar haft þetta öfugt, gefið frúnni vöndin, nema kannski svona eina "út fyrir bæin", eins og þar stendur!

Ólafur gaf Þorgerði blómvöndinn

Samur við sig!

Michael Schumacher er tvímælalaust einn af mestu afreksíþróttamönnum seinni ára, í flokki með Tiger Woods, Michael Jordan, Bubka,Izendaeévu m.a.
En fyrir mér og mörgum fleiri kemur nú þessi lýsing ef rétt er, ekki beinlínis á óvart, maðurinn einfaldlega margoft orðið uppvís að helst til leiðinlegu hátterni og miður aðlaðandi, því miður!
En bara hægt að snúa þessu upp í smá grín, fyrst ekki fór nú verr!

Hérna sérstök engin er,
ástæða menn gapi.
SVona bara er Schumacher,
í sínu besta skapi!

Schumacher ók á gangandi vegfaranda