Hóhóhó, það eru að koma jól og félagi Jens er í fréttunum!

Í hátt á annan áratug höfum við hugsuðurinn og þúsundþjalasmiðurinn Jens þekkst, bæði gegnum tónlistarbrölt beggja af ýmsu tagi og af fleiri ónefndum ástæðum!
VArð mér snemma ljóst að í brjósti hans hafði snemma hreiðrað um sig lítill stríðnispúki eða ári, sem alltaf annars lagið varð að láta á sér kræla! Það hefur hann einmitt að eins gert varðandi þessi skrif hans um birgittu, en þó allsalls ekki með þeim hætti að vera særandi eða persónulegur á neinn hátt! Ýmsir hafa þó reynt að blása þetta upp, gert risastóran úlfalda úr mýflugu satt best að segja, en það hefur nú ekki komið að sök frekar en flest sem Jens hefur strákskapast með!
En svona er þetta bara, sumir eru viðkvæmari en aðrir og það alveg úr öllu hófi fram!
Hér var Jens svo ekki heldur að tala um neitt sem hann hefur ekki vit á, er sjálfur á fullu að markaðssetja slík krem og selja!
Og Birgitta blessunin tók þessu auðvitað létt og af skynsemi, enda ekki nema von, fær góða auglýsingu út á þetta stúlkan svona mitt í því að hún er að basla í útgáfu á fyrstu plötunni sinni undir eigin nafni fyrir jólin!

Fannst Birgitta Haukdal of gul

Brittney Spears!

Stelputetrið Brittney Spears á víst ekki sjö dagana sæla núna eftir sína "léttklæddu" uppákomu á MTV verðlaunahátíðinni, ef ég man rétt!
Kannski ætti hún bara að þiggja þetta meinta boð sem Björk "okkar" á að hafa sent henni, skreppa til Íslands og fá afnot af íbúð hennar til hvíldar og kraftasöfnunar!? Veit annars ekkert meir en sagt var í upphafi um þetta, kannski búið að kveða þetta í kútinn sem rugl eða "ekki frétt"?
En hvað sem því líður, þá held ég að Brittney nái eitthvað að jafna sig og birtist svo bara til dæmis í jólagleðinni framundan, fjörug og frísk!?

Brittney Spears er spes,
spúsa það ég les.
Fési hún til hlés,
nú heldur fram í Des.!?

Haust á hraðferð!

Haustið nú með hraði lítum,
hitasumrið liðið frá.
Í Húnaþingi húfum hvítum,
háu fjöllin skarta já!

Fjöll í Húnaþingi hvít eftir úrkomu dagsins

Dundur í dagsins önn!?

Alveg er það stórmerkilegt með þessa Hollywoodleikara og poppstjörnur eins og Madonnu, hvað einhverjir sérstrúarsöfnuðir veita þeim skjól,s vona mitt á milli annara skemmtana!Vísindakirkjubrallið er annað dæmi, þar sem m.a. Tom Cruise ´dundar sér við bænir væntanlega og hefur tamið sér sérstæðar uppeldisaðferðir á börnum sínum skilst mér!Annars hélt ég að Madonnuspíran væri katólsk (eða kaþólsk?) enda ítölsk blessunin að uppruna ekki satt?

Madonna fer til Ísraels ásamt félögum í kabbalah hreyfingunni

Tíðindi tvenn og þrenn, með örlitlu tuði í bland!

Hálsbólga!

Í fyrsta skipti í örugglega 3 eða 4 ár, er hálsbólga að rembast við að ná fótfestu í mér!
Þetta eru já svo merkileg tíðindi, að ekki er hægt annað en greina frá! Og hef reyndar ekki einu sinni fengið kvef í háa herrans tíð!

Soundspell í póstinum!

Eyfirski afdalaættaði grínistinn Þorsteinn Briem, faðir unga söngdrengsins ótrúlega, Alexsanders, gerði sér lítið fyrir og sendi mér glænýja skífu með stráknum og félögum hans í Soundspell! Algjört rugl að senda slíkum asna sem mér plötur, skil bara ekkert í manninum, en á skífuna verður vel hlustað og svo orð sett niður hér á þessari "merku" bloggsíðu!

Meiri músíkgleði!

Vinur minn til óteljandi ára, hann Gústi Sunderland, kom svo fyrir stuttu með fangið fullt af geislaskífumolum handa garminum mér, sem smátt og smátt eru að sýjast inn í taugakerfið, með vaxandi ánægjuáhrifum! ERu þær með Álfadrottningunni Eivoru, Smashing Pumpkins og sænsku "Íslandsvinunum" í Peter bjorn og John!
Bættust þær í hóp annara góðra skífa með bæði Incubus og annara Svía (og meir rokkaðari!) Hellakopters,s sem hin magnaða kjarnorkukvinna Gústa útvegaði oss af sinni afburða góðmennsku og greiðasemi!
tónlistarleg hamingja mín er því töluverð í augnablikinu, þó önnur hamingja sé minni! (nema í boltanum auðvitað!)

...Og svo að óréttlæti heimsins!

Jájá, græðgin ræður ríkjum, örykjar og einstæðar en æðislegar mæður hafa það sítt og ríkisstjórnir allra tíma eru vondar, en nenni ekki að nöldra meir um það, enda lítil sem engin tíðindi!
En Grímseyjarferjan er auðvitað hneyksli, segi það og skrifa, en það eru ekki mikil tíðindi lengur, ja, nema kannski að ég skuli lýsa því yfir!

Og loks er það Saxi!

Saxafónleikarinn svakalegi fyrir austan, Einar Bragi, sækir um að gerast bloggvinur, er rokin að samþykkja umsóknina!

Læt mér fátt um finnast!

Jújú, girgitt Nielsen og kannski nokkrar fleiri danskar flottar kannski og já "léttari" en sumar íslenskar, en látum þetta nú ekki slá okkur út af laginu, allavega geri ég það ekki!

Að fleiri grömmin finnist þeim í,
fráleitt tel ég nú löst.
Nei, engin fær mig ofan af því,
-ISLENSKE DAMERNE FÖRST!-

Íslenskar konur þyngri en þær dönsku

Össur og ég!

Mér hefur lengi þótt svolítið vænt um Össur!
Hann er líka nokkuð líkur mér í útliti og fleiru, við blöðrum mikið stundum og getum báðir sett saman hendingar, sem ég er þó öllu virkari í! Margir hafa til dæmis komið auga á vissan svip með okkur og kvarta ég svosem ekkert yfir því auk þess sem okkur báðum getur orðið á að haga okkur misvel!
Þessar fregnir koma annars nokkuð á óvart, á enn eftir að melta þetta betur, sem ég hygg að eigi við marga bæjarbúa líka!

Og..!
Össur er ágætisgæi,
þótt ílla stundum sér hagi
á svipin sem slíkur,
sagður er líkur
Magga í meira lagi!

Iðnaðarráðherra mælir með nýyrðinu aflþynna

Bara fyrir Brad?

Læt mér standa á sama, auk þess sem ég er ekki kona sem fraukan girnist! En Brad er sjálfsagt ánægður með þetta, þótt það komi ekki beinlínis fram í fréttinni!

Angelina Jolie ekki mig,
ýkja mikið heillar, það er ljóst.
Enda vill nú, út af fyrir sig,
aðeins karli sínum "GEFA BRJÓST"!

Angelina fórnaði ærslunum

Hlýindahjal!

ER þetta ekki dæmigert, Verslunarmannahelgin ekki fyrr liðin með sínu misjafna veðri, en hlýna fer á fullu hér nyrðra!
En ætla samt ekki að grenja neitt sérstaklega út af vþí, öðru nær, fagna þessu bara og er glaður auk þess sem gráturinn og svekkelsið hefur nú alveg verið nóg hjá ýmsum öðrum ónendum á svæðinu síðustu daga!
N'yt bara lífsins í blíðunni þegar hún gefst!

Nú aftur er hafið hlýindaskeið,
hamingju ekki ég leyni.
Já, hérna er Geiri, góðri á leið,
að glrillast sem skanki á teini!

Svandís og miðjan!

Síðastliðið föstudagskvöld ræddi aldni útvarpsjöfurinn Jonas Jónasson í þætti sínum Kvöldgestum, við eitt af margra mati helsta nýstirnið í íslenskum stjórnmálum, Svandísi Svavarsdóttur. (Gestssonar fv. ráðherra, formanns Alþýðubandalagsins m.m.)
Alveg ágætisspjall eins og svo oft hjá J'onasi, nema hvað eins og stundum áður hjá Svandísi og mörgum fleiri stjórnmálamönnum, sem temja sér að tala og hugsa hratt, þá varð henni aðeins á í orðaflaumnum er henni var mikið niðri fyrir um stjórnmálaumhverfið í dag. Sagði hún eitthvað á þá leið, að "henni þætti augljóst að miðjan í íslenskum stjórnmálum hefði færst til hægri"!?
Nú er ég hvorki innvígður né innmúraður í pólitíkinni, þótt ég hafi haft áhuga á henni frá blautu barnsbeini, því getur einhver merking sem ég kem ekki auga á, verið til í dæminu og fleiri tekið svona til orða?
En ég spyr mig samt, hættir miðja ekki að vera miðja ef hún færist til? Eða tja, hvernig getur miðja ef hún er miðja eiginlega færst til?
Spyr sá sem svo sannarlega ekki veit!