Sautjánþúsundasti Akureyringurinn aftur, en nú barmstærð Bæjarstýru á dagskrá!

Í beinu framhaldi af skensi mínu í gær um hægfara fjölgun Akureyringa, sem þó var þá fagnað að væru orðnir 17000, þá spannst aðeins meir í kjölfarið er nýjasta tölublað staðarritsins VikuDags, kom inn um lúguna hérna!
Ónefnd kona fór þá að lesa fregn í blaðinu einmitt um þennan viðburð og skoða meðfylgjandi mynd af bæjarstýrunni ennvarandi, Sigrúnu björk Jakobsdóttur, afhenda ánægðum foreldrum gjöf í tilefni dagsins. Spurði ég til gamans hvernig freyjan væri á myndinni og fékk þá það svar, að hún væri bara hversdagsleg, í gallabuxum að því er virtist og bol. SVo sagði konan upp úr einu hljóði:
"Hún er með ansi hreint mikil brjóst!"
Ég varð nú að viðurkenna, að ég hafði nú séð Sigrúnu er hún var að byrja í stjórnmálunum, en hafði ekki spáð neitt í brjóstin, þó ég sem kraftmikill karlmaður, gerði það auðvitað stundum!
En konan dróg hvergi úr "umfangi" málsins, svo að útleggja mátti það þannig!
(veit að sumum mun þykja þetta á mörkum velsæmis, en harkið af ykkur!)

Já, Bæjarstýrunnar barmur,
bústin er mjög og varmur
bols besta er snið,
svo blasi hann við.
Ei trosnaður túttugarmur!

Skemmtilega að orði komist!

Ég hef lengst af ævinnar, hlustað mikið á útvarp, sem barn til dæmis vanin á það af móður minni blessaðari, að hlusta alltaf á mörgunstund barnanna!
Hlusta nú orðið bara þegar tími og þolinmæði er til og þá mest á Rásir eitt og tvö auk Sögu stundum. Hef aldrei verið neinn aðdáandi Bylgjunnar, opna þó endrum og eins fyrir hana, líkt og ég gerði sem snöggvast fyrir hádegi í dag.
Þá var þar ónefndur útvarpsmaður að segja frá því, að ekki yrðu fleiri miðar á "Heimsfrumsýningu" Simpsonbiómyndarinnar, gefnir að sinni. Spjallaði svo aðeins meir um myndina og sagði svo þessa einstöku snilld:
"En semsagt, myndin verður heimsfrumsýnd víða um land...."!?
Já, stundukm er meira að segja hægt að skemmta sér við að hlusta á Bylgjuna!
SVo má bæta því við, að íþróttafréttamaður hjá RÚV, notaði orðalag um áframhaldandi veru sænska fótboltamannsins Slatans Ibrahimovich, hjá Inter Milan, sem ég hef ekki heyrt áður í slíku samhengi. Sagði eitthvað á þá leið, að liðið og leikmaðurinn hefðu náð áframhaldandi "kjarasamningi" Skemmtilegt!

"Ég er hýr og..."

"Ég er hýr og ég er rjóð, Lúk er komin heim.´Ég er hýr og ég er rjóð, Lúk er komin heim! Öllum kvíða og angist er, aftur vikið burt frá mér, því Lúk er komin heim"!
Heyrið þið ekki og sjáið Kristjönu Lúkasarmömmu kyrja þetta með smá breytingu frá upprunanum, sem væri hún Mjöll Hólm!?
Læt hins vegar öðrum um að tjá sig um málið að öðru leiti!

Lúkas kominn heim

Hin vinsæla en umdeilda Ellý Ármanns!

Sjónvarpsþulan og spákonan með meiru, Ellý Ármanns, er býsna lunkið sprund verð ég að segja!Að minnsta kosti gengur henni vel að halda athygli fólks á sér og vílar fátt fyrir sér í því, samanber síðasta uppátækið, að birtast99% nakin framan á nýjasta hefti tímaritsins Ísafoldar!Birtist hún þar í slíku gyðjulíki auðvitað í kjölfar þess, að hún hefur með enn einu tiltækinu markað sér bás sem erótísk örsöguskáldkona, við gríðarmiklar undirtektir hér á Moggablogginu! En eins og við mátti búast, eru nú ekki allir alls kostar sáttir við þessa miklu fyrirferð stúlkunnar og hafa gagnrýnt hana með ýmsum hætti, hér og þar! ER eflaust hægt að samsinna þeirri gagnrýni að einhverju leiti allavega, en ég læt nægja að horfa á hina kímilegri hlið málsins!

Hvers á gyðjan að gjalda,
glöð þó vilji hún tjalda.
Því sem guð henni gaf,
glæsileik af
án brókar og brjóstahalda!?

Guðrún Gunnars varð að Páli Óskari!

Hlustaði með morgunverkunum á Laufskálaviðtal á Rás eitt sem Lísa Páls tók við Hjört Magna Jóhannsson Fríkirkjuprest. Sá ágæti guðsmaður hefur sem kunnugt er verið lagin við að vekja á sér athygli, bæði með kröftugum predikunum í útvarpsmessum og með stórum orðum um Þjóðkirkjuna, sem hann var kærður fyrir, en svo sýknaður fyrir á dögunum.
Í sjálfu sér ekki í frásögur færandi þetta viðtal, nema hvað að í þættinum kynnti kvinnan Lísa lag eftir VAlgeir Skagfjörð í flutningi eiginkonu hans, Guðrúnar Gunnarsdóttur.
En viti menn, allt annað lag fór í gang, sjálfur sjarmörinn Páll Óskar með útgáfu af What A Wonderful World með íslenskum texta, Þetta er yndislegt líf!?
Strákurinn Palli hefur nú ekki beinlínis verið uppáhald sumra "Eldheitra" boðbera orðsins og annara sem telja sig fara eftir því sem kunnugt er, því fannst mér þetta nú svolítið fyndið um leið og að vera klaufalegt.
Og Og þetta var ekki síður óheppilegt vegna þess, að þátturinn var ekki í beinni útsendingu, því Sr. Hjörtur og Lísa ræddu eftir að söng Páls lauk, að þau hjónin störfuðu eitthvað fyrir söfnuðinn!?
Missti hins vegar af lokum þáttarins, getur því alveg vel verið að Palli hefði átt að hljóma í lokin?
ÁRin sem býr í mér, getur hins vegar ekki annað en skríkt út af þessum mistökum!

"Clintarinn" fanst mér nú flottastur!

Iss, vinur minn Clint sem Blondie í spagettivestrum Leones var langflottastur, jafplandi sína smávindla!
Annars alveg stórmerkilegt hvað menn finna sér til dundurs!
Þegar mönnum dettur svo næst í hug að banna brennivínið á pöbbunum,það hlýtur bara að koma að því, er fyrir bjórdrykkunni haha,(og ef marka má "heilbrigða" bjórdrykkjumenn, þá koma "Bremmsbullurnar" óorði á bjórinn eins og rónarnir komu því áður á brennnivínið!?) þá hjóta menn um allan heim að skjóta á fundi eða fínni ráðstefnu til að rýna í allar helstu bækur og biómyndir til skemmtunar fyrir sig og kannski fleiri!?

Reykbókmenntir

Bull eða besta mál?

Daily Star er nú ekki áreiðanlegasti miðill í heimi.
En af þeim takmörkuðu kynnum sem ég hafði af poppgyðjunni okkar, þá kæmi mér nú ekki á óvart, að þetta gæti nú samt verið rétt!
En að stelpurófan Brittny fengi hér frið, það er nú önnur saga, þó "neðannekt" þyki nú ekki tiltökumál hér!

Björk býður Britney til Íslands

Þetta fer mest í taugarnar á mér í dag!

1. Hitinn er "bara" 50% lægri í dag en í gæ, 10 í stað 20 stig!
2. Allt of mikið klæddar konur í návist minni, þannig upplifir maður hitalækkun!
3. Menn sem berja dýr, eins og lesa má á bloggi gurrihar!
4. Að sumir aðrir "stórbloggarar" telji sig betur komna á eyju, voru svosem á henni fyrir!?
5. Sprekið í stóra garðinum mínum, það virðist endurnýjast daglega!?
6. Ónefnt útvarpskona á Bylgjunni, sem bara býður Sjálfstæðismönnum og/eða Valsmönnum í heimsókn, hvenær hefur slíkt fólk þótt sértakt!?
7. Glórulausir ökumenn, þeim vonda "þjóðflokki fer sífelt fjölgandi!
8. Íslensk karlaknattspyrna, spyrjið mig ekki hvers vegna!
9. Þorsti, það er að segja Lífsblóms míns. Kann bara ekki að vökva það lengur!
10. George Bush, en það er nú bara orðin gömul klisja!

"Krónu-Krydd"!"!

Peningar, peningar, peningar!!
Um það snýst málið góðir hálsar, nákvæmlega ekkert annað!
En skildi Mel B. svo líka koma með tilkynningu í kjölfarið um að hún sé aftur byrjuð með Fjölni!?

Kryddpíur saman á ný