"Glöggrakompaníið!"

Eftirfarandi lét eldpredikarinn Jón VAlur Jensson flakka á bloggsíðu sinni fyrr í dag, sem viðbrögð við afsökunarkröfu Steingríms J. á hendur Vigdísi Hauksdóttur "íslenskufræðingi" er hún hafði dylgjað um meint hagsmunatengsl hans og venslafólks við sölusamning ríkisins og Reykjanesbæjar.
Má þarna með sanni segja að skilningur á hugtakinu "Glöggskyggni" nái alveg nýjum og óþekktum hæðum?!
Engum sögum fer svo enn af hvort þingkonan hafi beðið þau sómahjón Kristínu og Ólaf Hergil afsökunnar, glöggskyggnina kann að skorta til þess?

"Ótrúlega ósvífinn er Steingrímur J. á þingi í dag, þar sem hann krefst afsökunarbeiðni Vigdísar Hauksdóttur alþm. sem bendir á hagsmunatengsl fjölskyldu ráðherrans við kaup ríkisins á tveimur jörðum á Rosmhvalanesi (Reykjanesskaga), þar sem systir hans og mágur eiga 16 komma eitthvað í tvimur jörðum þar, sem Steingrímur ætlar að láta ríkið kaupa. Ráðherrann er augljóslega hagsmunatengdur, en kann ekki að skammast sín og reynir að smyrja skömmum á glöggan þingmanninn Vigdísi"

Hljóta að vakna pólitískar spurningar

Já, en það sem mig langar að vita...

..er nú annað frá hinum málgefna Jóni Gerald,

HVER KOSTAÐI "KOST?"

Skilaboð til Samkeppniseftirlitsins

Arfavitlaus og vond tölfræði og samanburður!

Æ, kveinka mér hreinlega undan að lesa þetta! Skil ekkert í því að stofnun eins og Hagstofan skuli standa í því að klambra þessu saman, vitandi vits hefði ég haldið, að gæti ekki innifalið réttar tölur og samanburð?! Ef ég væri í stuði, gæti ég setið hérna lengi og kafað í gömul gögn sem ég á um þessi efni í víðum skilningi, en nenni því ekki auk þess sem ég hef svo oft gert það áður. Tvennt þó. Strax er tekið fram, að í þessar tölur vanti alveg sala yfir netið, en samt er hérna fram og til baka reifaður mismunur á "hljóðritun" og talað eins og um staðfestan samdrátt sé að ræða í sölu þeirra?! Síðast þegar ég vissi er lag eða heil plata áfram hljóðrit þótt ekki hefði verið um þrykkingu á plast að ræða með tilheyrandi plasthylki og bæklingi með. Hér er því aðeins um eðlis- og formbreytingu á sömu vöru að ræða, tónlist á stafrænu formi og meðan menn hafa ekki tölur um sölu hennar yfir netið eða öðrum leiðum en í gegnum verslanir sömuleiðis, er bara ekki hægt að vera með fullyrðingar um samdrátt og það þótt færri plasthylki hafi selst. Svo er þa hins vegar þessi stórfurðulegi heildsölusamanburður og tölur í því sambandi! Það er hrenlega út í hött að gera slíkan samanbuðr eða treysta slíkum tölum að þeirri einföldu ástæðu, að framundir þetta hefur framleiðsla, útgáfa og sala á íslenskri tónlist meira og minna um margra ára skeið, verið á SÖMU HENDI, sömu aðilar hafa meira og minna verið allt í kringum borðið, átt upptökuverin, útgáfurnar, verið dreifingaraðili/heildsali og smásali, að því ógleymdu að vera líka að stærstum hluta eigandi útgáfuréttar! Ósköp lítið eða í raun ekkert því að marka þær tölur sem og flestar í fréttinni.

Niðurhal af netinu hefur áhrif

Meginskýringin!

Já, meginskýringin á þessu er nú einföld!
Að leikhússhróður aukist meir og meir,
mér er létt að skýra, nema hvað!
Máttur er að heita Magnús Geir,
málið ekki flóknara en það!

Drengur sá er nafnið góða ber, heldur ekkert annað en ofursnjall á sínu sviði, þetta bara áframhald á hans afbragðsstarfi og gifturíka hjá Leikfélagi Akureyrar!

Metaðsókn í Borgarleikhúsið

Krónan er dauð, en kemur samt að gagni!? - Örlítið röfl um hagfræði og hana Evrópu.

Já, fyrirsögnin hljómar mótsagnakennd, en ég hygg nú að flestir þekki "Hjálp að handan" frásagnir og margur geti sagt sögur af góðri reynslu sinni af slíku líka! (frá heimsóknum til Einars heitins á Einarsstöðum til dæmis) En vegna síðustu orðanna í fréttinni sem höfð eru eftir Friðrik Má um krónuna, íll áhrif hennar í bankahruninu, en sýnilega "gagnsemi" hennar í hagfræðilegu samhengi dagsins í dag, vaknaði þessi fyrirsögn og þessar hugleiðingar. Fyrir ótal árum var ég annars eitthvað að kúldrast við að læra hitt og þetta, þar á meðal nokkuð í bæði rekstrar- og þjóðhagfræðum. Veit hins vegar ekki alveg hvort allir þeir sem lesa þetta hér á mbl eða viðtalið við Friðrik Má í poppírsútgáfunni, en svona í fáum orðum á mannamáli, þá má til dæmis nefna að verg landsframleiðsla eru öll þau verðmæti er ksapast í landinu óháð því síðan hvort þær nýtast svo innanlands eða hverfa úr landi með einum eða öðrum hætti. (álverin eru til dæmis fyrirtæki sem eru í eigu erlendra aðila sem flytja hagnaðin úr landi en skapar samt tekjur fyrir þjóðarbúið vegna orkusölu og launagreiðsla) En þegar ég segi "öll verðmæti" þá er það reyndar ekki alls kostar rétt, þannig var það allavega að landsframleiðslan tók fyrst og fremst til verðmætasköpunnar á markaði, vöru og þjónustu, þannig var það minnir mig og er kannski enn. Svo er það hins vegar verg þjóðarframleiðsla, sem eru þá eingöngu tekjurnar sem verða til og haldast í viðkomandi landi auk reyndar ef ég man rétt, verðmæta er eignir erlendis skapa á svipaðan hátt og er um að ræða hjá útlendingum hér sem eiga eignir og hagnast af þeim. Það mun vissulega vera rétt hjá Friðrik, að uppsveifla hafi oft orðið hröð eftir að botni kreppu hafi verið náð og sjálfsagt eru málin krappari á Írlandi en hér. Ég fór hins vegar að rifja það upp núna líka, að þó vissulega kunni uppsveiflan eftir núverandi kreppu að verða sem hann og félagar í Seðlabankanum spá og vonast eftir,en þó krónan muni ef til vill hjálpa svo "dauð sem hún er" í því, meiri gjaldeyrir muni fást vegna aukings útflutnings á kosnað innflutnings, þá er það nú staðreynd, að alltaf að minnsta kosti frá síðari heimstyrjöldinni, hefur þurft meiriháttar aðstoð að utan til að rétta hlutina af!Hergróðin sem slíkur, fyrst með komu Bretanna og síðar Kananna, skaut Íslandi nánast í einni svipan inn í þáverandi nútíma á vesturlöndum. En eftir stríðið þurfti mun meira þurfti til og þá nokkuð sem ekki svo mjög er talað um í dag, en skipti sköpum fyrir okkur sem og einar 15 aðrar Evrópuþjóðir, hin svonefnda Marshallaðstoð og nefndist eftir þáverandi utanríkisráðherra USA!Síðar eru það svo inngangan í EFTA og líkast til EES, sem miklu hafa ráðið um þróun (þrátt fyrir allt) velmegunnarríkisins Íslands og séð til þess að samdráttarskeið hafa breyst með hraði oft á tíðum í uppsveiflu. því er það vægast sagt fyndið, að nokkur hópur manna er bloggar mikið og hefur býsna hátt vegna hugsanlegrar inngöngu landsins í ESB í náinni framtíð og líka vegna Icesave m.a. og kalla sig þjóðernissinna (en mætti alveg eins nefna þjóðREMBUsinna!?) hafa sumir allavega kennt samningnum um EES um bankahrunið, en gætu frekar í sannleika sagt miklu frekar skrifað það með slíkum hætti á marshallaðstoðina!
Endurreisn Evrópu, stofnun Evrópuráðsins sem svo varð að Efnahagsbandalagi Evrópu og enn síðar að myndaði Evrópubandalagið er varð svo Evrópusambandið árið 1993, hefði aldrei orðið með slíkum hætti að líkum nema einmitt vegna hennar!
"Í upphafi skildi endin skoða" það ágæta orðatiltæki, mætti því alveg viðhafa yfir viðkomandi einstaklinga sem jafnan sjá rautt er minnst er á ESB og Ísland nú!

Og svo að lokum sé aftur vikið að upphafinu he´rna,orðum Friðriks Más, þá skulum við bara vona að hann hafi rétt fyrir sér, þó svolítið kaldhæðnislegt já sé hvernig hann metur krónuna enn til gagns í ljósi þess að hefði hér til dæmis Evra verið gjaldmiðillinn í október sl. þá hefðu að líkum atburðarrásin sem þá varð, ekki átt sér stað og þetta ömurlega Icesavemál allavega verið allt öðruvísi vaxið! En það er auðvitað flóknara mál þó, þar sem vítavert stjórnarfar og raunar stjórnleysi markaðarins réð för!

Hraður vöxtur eftir kreppu

Væntanlega, sennilega!?

Þannig rökstyður einn aðaltalsmaður hins nýja stjórnmálaafs, Borgarahreyfingarinnar, mál sitt um að þessi samningagjörð sé til skammar, skuldbindingin muni "Væntanlega" falla með mesta þunga á þjóð'ina og að hinar "svokölluðu eignir Landsbankans, séu sennilega ekki til"!?
Þór Saari ku vera hagfræðimenntaður ef mig misminnir ekki? En hvar hann hefur lært þá hagfræði að eignir sem sennilega séu ekki til, beri samt að einvherjum furðuástæðum ávöxt svo nemur heilum 50 milljörðum íslenskra króna, ja, það má hamingjan ein vita!
En kannski útskýrði Þór það líka í ræðunni, veit það ekki, en miðað við þessar tilvitnanir úr henni, röksendarfærslurnar sem hann setur fram fyrir skoðunum sínum, þá hllýtur það að hafa verið með svipuðum "bravör", eða hvað?
Enenen og það skal kyrfilega undirstrikað, að rétt eins og Sigurjón Þ. Árnason fv. bankastjóri Landsbankans, gæti haft rétt fyrir sér um að eignirnar séu svo miklar að þjóðin muni ekki þurfa að greiða krónu, þá gæti Þór jú líka haft rétt fyrir sér.
Annar þeirra, en ég segi ekki hver, virðist þó líklegri til að vita meir um málið en hinn, sem þó aftur og ítrekað þýðir samt ekkert endilega að sá muni hafa rétt fyrir sér!
Eða hvað?

Samið af sér með skammarlegum hætti

Fjölyrt um óvissu, samt fullyrt um svartnætti!?

Í hverri greininni á fætur annari bæði hér á blogginu og víðar, þar sem Icesavesamkomulaginu er mótmælt og það gagnrýnt harðlega, sé ég alltaf sömu rökvilluna skjóta upp kollinum.
Eiríkur Bergmann bætist hér í þann hóp og kemur það mér nokkuð á óvart.
Hann sem fleiri gagnrýna hart samkomulagið á grundvelli óvissu um eignastöðu Landsbankans ytra, en fullyrðir samt um allt hið versta í stöðunni, áhættu alla öðru megin og samþykktin sé gerð í "veikri von" stjórnvalda um sem hagstæðasta eignastöðu!?
Þetta gengur auðvitað ekki upp, að tala um óvissu í málinu og þar með sé það rök fyrir að svartnætti bíði!
Ég hef ekki hugmynd um hvort ég lifi morgundaginn af eða ekki, en það gefur mér hins vegar ekki ástæðu til að ætla að ég snúi þar með upp tánum frekar en hitt!
Hins vegar virðist þó frekar en hitt nú í Icesavemálinu, vera einvher ástæða allavega til að ætla að eignastaðan sé sterkari en Eiríkur trúir eftir að fréttist af þeim 50 milljörðum sem upp hafi safnast í tekjum eftir setningu hryðjuverkalaganna.(væntanlega vaxtagreiðslur og afborganir af lánum sterkra lánþega að því er virðist m.a., sem þó því miður hafa þó ekki ávaxtast frekar)
Og það er hans eigin fullyrðing byggð á þessari rökvillu sýnist mér, að hann talar um undirskrift í veikri von, því bæði Jóhanna og Steingrímur hafa þvert á móti talað um góðar vonir sínar um mat eignanna.
Um flóknari spurningar varðandi þennan samning m.a. lagahliðina, spurningar um munin á landsrétti og þjóðarétti sem Eiríkur fjallar m.a. hér um líka og svo enn dýpri lagalegar spurningar eða álitamál varðandi samningsgerðina og prófessor Stefán Már Stefánsson hefur nefnt varðandi neyðarétt, ætla ég hins vegar ekkert að fjölyrða um né segja neitt af eða á varðandi. Niðurstaðan á alþingi var bara, (sem margur virðist hreinlega hafa gleymt núna í umræðunni að því er virðist) að fara skildi þessa pólitísku samningaleið og við það situr!
Og loks svo aðeins meir varðandi áhættuna og fullyrðingu Eiríks sem margra annara um skuldaklafa, ánauð og ég veit ekki hvað, þá er bara eins og reifað var í upphafi, órökstuddar svartnættisfullyrðingar bæði vegna óvissunnar, en líka vegna þess að jafnvel þótt eignasöfn og aðrar eignir bankans dyggðu ekki til nema í mesta lagi fyrir 75% þessara rúmu 600 milljarða og það yrði upplýst til dæmis 15. þ.m. um leið og hryðjuverkaósómanum verður aflétt, þá hafa stjórnvöld enn þessi sjö ár til góða bæði til ávöxtunnar eignanna og/eða sölu þeirra, finna eða fá að líkum enn hagstæðari lán og fleira til eflaust!

Óskiljanleg ákvörðun stjórnvalda

Ég hef á tilfinningunni...,

að þvert á móti lítil innistæða sé fyrir þessari yfirlýsingu D flokksins! En hvað finnst þér? Mér finnst ég sjálfur allavega ekki mjög ósáttur (ef þessi drög eru þá alveg rétt, sem einvher hefur því miður lekið svona óheppilega í Moggan?) þegar lesið er í rólegheitum og í raun ekkert sem kemur á óvart, þessi útfærsla eða einhver lík henni einvhers staðar verið tíunduð fyrr, sem hugsanleg lausn eða hluti af henni. Lengi verið ljóst að ef við hreinlega höfnuðum ekki ábyrgð alfarið á Icesave, þá myndi einhver hluti lenda á ríkinu/þjóðinni. Alþingi ákvað hins vegar að semja við Tjallan og það hefur legið fyrir um nokkra hríð. Enn er ekki ljóst hvers virði eignir Landsbankans teljast, hversu mikið þær duga til að greiða þessa milljarða alla, en eins og þetta dæmi lítur út og fyrirkomulagið er t.d. á láninu, þá finnst mér ekki ástæða til þeirra hávaða og láta sem orðið hafa og upphrópananna, enn eru engin endanleg fastmæli bundin og góðar líkur á að það gæti orðið lítið sem ekkert er þetta kostaði okku.
Þess vegna hefði verið betra ef menn héldu ró sinni og biðu eftir frekari upplýsingum, ekkert lægi á með umræðu,en fjárans lekin, hvaðan sem hann nú er upprunnin,veldur nú slíku sem stundum fyrr!
SEtja fyrir hann!

Ekkert innihald fyrir yfirlýsingum

Svo halda menn að Pönkið hafi ekki verið merkilegt og áhrifamikið!?

Það er nú eitthvað annað!

En Lydon heitir karlinn, ekki Lyndon að eftirnafni síðast þegar fréttist hafði hann allavega ekki breytt því, en Rotten er og var hans alræmda Pönktímabilsheiti!
En þetta er svo bara snilld!

Stóraukning í smjörsölu þökkuð Johnny Rotten

Rétt hjá Máa!

Eins og hlutirnir hafa þróast hygg ég að þetta sé helsti kosturinn í dag, sem hann á raunar alltaf að hafa verið varðandi spurninguna að ganga í ESB, stjórnvöld setji mikla vinnu í gang um markmið og greiningu á því sem til boða stæði, síðan væri það þjóðarinnar að ákveða hvað gera skildi, samþykkja eða hafna! Hugmynd sumra og þá helst innan D flokksins, að kjósa eigi fyrst um hvort yfir höfuð eigi að kanna málin, eins og ég hef skilið það, finnst mér hins vegar ekki koma til greina og bara til þess að tefja og þæfa hlutina! Mái karlinn auðvitað ekki í sumra augum maðurinn sem hlusta á mikið á eftir þátt hans í bankahruninu, (hvert það svo var nákvæmlega?) en hann er hérna að segja okkur staðreynd sem vart verður litið framhjá. Og þetta með vextina, þá er það sömuleiðis staðreynd sem öskrar beinlínis á okkur, þeir eru alltallt of háir og við þá verður ekki lifað til langframa!

Þjóðin á að kjósa um aðild