Þar hafa menn það!

og þetta á ekki að koma neinum í raun neitt á óvart, allavega fullyrti ég sjálfur fyrir löngu að ekki væri möguleiki á að ábyrgðin yrði feld.
Og forsetin mun ekki hafna lögunum,ég tel nú engar líkur á því.
Upp úr í umræðunni stendur svo hræsnin og lýðskrumið í D liðum sérstaklega og vil ég þar nefna Pétur Blöndal sem gott dæmi, mannin sem alla tíð hélt uppi áróðri fyrir þeim fjárglæframöguleikum, sem urðu raunin og eru rætur bankahrunsins og þar með þessum Icesaveleiðindum!
En nú þýðir lítið annað en að bíta á jaxlin og bölva í hljóði, taka staðreyndunum eins og þær blasa við og takast á með vilja og fullum krafti í komandi glímu!

Alþingi samþykkti Icesave

Framfram Magga!

Veit að margur í FF er ég þekki eða kannast við, taka því að líkum ekki fagnandi, en hin skarpa, skelegga skýrtmælandi Magga Sverris, á aðdáun mína töluverða og yrði mjög gaman að sjá hana taka slagin og keyra svo galvösk inn í kosningabaráttuna. Gæti styrkt SAmfó verulega í borginni ef vel tekst til og fært henni atkvæði sem ella færu annað.

Kýla á þetta Magga!

Margrét Sverris íhugar framboð

Árni og agúrkurnar!

Hinn "Sívinsæli" sunnlendingaþingmaður Árni Jonsen skemmtir þingheimi og landsmönnum öllum reglulega með athæfi sínu og orðum.
Í þinginu í dag mætti hann með gúrku í ræðustólin til að leggja þunga í mál sitt varðandi stöðu garðyrkjubænda, gúrkan íslenska væri auðvitað sú besta í heimi, en nú væri hætta á að ræktunin legðist af vegna hás orkuverðs.
Vona ég að eftir ræðu sína hafi þingmaðurinn knái ekki hent gúrkunni góðu, heldur annað hvort komið henni í viðeigandi geymslu eða bara etið hana!
Ljótt ef örlög hennar yrðu svo bara að eyðileggjast!

Árni Jonsen, afbragðsskýr,
áður dæmdur skúrkur.
Ærlegur nú hugsar hýr,
um "Heimsins bestu gúrkur"!

Segja gróðurhúsabændur sitja við sama borð og aðra

Framsóknarfáranleiki!

Að lyftast við lýginnar eyki,
leggi já allt að veði.
Er Framsóknarfáranleiki,
FJANDANUM einum til gleði!

Þetta er á allan hátt ömurlegt og sýnir stjórnmálin í sinni alverstu mynd!

Mun ekki biðjast afsökunar

Óveðursský?

Fyrir þá sem ef til vill eru ekki með það á hreinu hvað þessi myndlíking táknar, þá merkir "óveðurský sé að myndast yfir einhverju" að vá sé fyrir dyrum með neikvæðum afleiðingum í einhverri mynd!
Þessi fregn er nú afskaplega mikið í "kjaftakellingastíl" verð ég nú að segja og það alveg óháð því hver afstaðan til eða frá er til aðildarumsóknarinnar að ESB!Stíllinn minnir mig eiginlega bara á "Ólygin sagði mér.." kálfin til dæmis sem mig minnir að hafi lengi verið í DV og afsprengi á borð við "Veröld/fólk" á mbl.is er svo að hluta til.(eða með svipuðum brag að hluta, kjaftasögur af frægu fólki o.s.frv.)
Finnst mér það ekki samboðið svo stóru og afdrifaríku máli, að blaðið sé að vitna í "einvherja sem vilja ekki láta nafna sinna getið" og sem síðan aftur vitna í enn aðra ótilgreinda í Brussel.
Í góðu lagi mín vegna að blaðið taki hreina og ótvíræða afstöðu með eða á móti ýmsum málum, það gera nú flest alvöru dagblöð út í hinum stóra heimi, en þá á líka að gera það tæpitungulaust og heiðarlega, en ekki með tortryggnishætti og í "Gróustíl".

Óveðursský yfir aðildarumsókn

Ég er hugsi og mér er spurn...,

...eru samtökin Indefence í raun bara hópur tækifærissinna sem vilja ná athygli, stjórnað að mestu af fylgjendum stjórnarandstöðuflokkanna?
Þessi stíll og áróðursaðferð við að vekja á sér athygli og sinni tilvist sem og fleira er áður hefur birst, gefur mér tilefni til að velta vöngum og pæla í því!
Það eru og hafa ekki verið góðir kostir fyrir stjórnvöld í öllu þessu leiðindamáli og alveg ómögulegt er að koma auga á hví þessi leynd á leynd ofan á eða hefði átt að koma sér vel fyrir þau!
En tækifærismennska og lýðskrum lætur auðvitað ekki að sér hæða nú frekar en fyrri daginn!

Segja stjórnvöld leyna Icesave-gögnum

Ætli Logi hafi svo flutt "Stórfréttina"?

Sá að sá ljúfi drengur og duglegi golfari var að lesa fréttirnar í kvöld á stöðinni, en missti af byrjuninni svo ég veit ekki svarið við þessari "mikilvægu" spurningu!
En fyrirsögnin er fyndin, hljómar eins og á íþróttafrétt, með íllkvittni mætti því spyrja líka hvað flokkurinn hafi þurft að borga fyrir fljóðið föngulega?
ÉG get annars bara giskað svona til gamans!

Fengur telst hún fullgildur,
fríð og gáfuð mær.
Keypt til "Sjalla" Svanhildur,
svona á "millur" tvær?!

Hver veit nema hún bara lesi þetta sjálf og komi með svarið?

Svanhildur til Sjálfstæðisflokks

"Sósíal-Feminismi" að taka yfir hjá Sjallakellum!?

Ja, mér þykir allavega nokkuð svo týra hvað þessa samþykkt þeirra varðar. Hingað til hefur það verið einstaklingurinn ekki kynið hæfileikar hans og atgervi, sem málið hefur snúist um í orði kveðnu allavega hjá þessum "Borgaraflokki Íslands", sem svo auðvitað hefur lengst af hefur þýtt að karlar með sínu kappi og fjármagni, hafa verið nær einráðir og allsráðandi í flokknum. Sjálfstæðismenn hafa svo almennt farið hörðum gagnrýnisorðum um tilraunir og aðferðir annara flokka í þessa átt, fléttulistar og fleira varðandi prófkjör ekki fengið góða umsögn, hvað þá hin annars réttlætanlega "jákvæða mismunun" í þágu kvenna svo karlaveldinu hefur nokkuð verið ógnað sem betur fer, til dæmis í Noregi.

Flokkurinn er auðvitað í vondum ma´lum, minni á þingi en nokkru sinni í sögunni, svo eitthvað þarf að gera og kannski er þetta angi til þess og kvinnurnar skynja?
á hins vegar eftir að sjá, að þetta gangi átakalaust í gegn, þótt flokkurinn hafi auðvitað smátt og smátt viðurkennt sjálfsagt réttlæti í ýmsu, sem auðvitað er ekkert annað en sósíalismi, tilvist leikskóla til dæmis og önnur samfélagsverkefni á opinbera vísu, þá eiga margir Sjallakallarnir örugglega eftir að reka upp ramakveinið vegna þessa og mótmæla, það er næsta víst!

En kvinnurnar í D sjá þarna já líka ástæðu til að fagna framistöðu þingflokksins varðandi Icesaveniðurstöðuna. Gott ef hægt er að gleðjast yfir litlu, en manni skilst nú að óánægjan með hjásetu þingmannanna flestra (utan tveggja "hetja" minnir mig) hafi vakið meiri viðbrögð á hinn vegin og valdið úrsögnum þrjóðernisíhaldsmanna í hrönnum? En afleiðingar til eða frá með þetta örgumleiðamál allt saman, á þó enn eftir að koma í ljós í mun stærra og mikilvægara samhengi en snertir D flokkin einan og sér!

Vill jöfn kynjahlutföll á framboðslistum

Simmi!

Fátt hefur nú meir verið rætt eða frekar verið milli tanna lýðsins sl. daga, en "Sjóið hans "Simma" og það bara skyggt á Icesave ef eitthvað er!
En sem jafnan fyrr hef ég nú efast og ekki látið berast með straumnum í hans "Hvítvínskneifefnum"!raunar haft þetta um málið að segja:

Þótt myndskeið mikið nú trekki,
marga held ég að blekki.
Svo mikið Simman ég þekki,
að "Svartur á hvítu" var ekki!

En samt munu segja víst já!

Þetta er auðvitað bara lymskusnautt lýðsskrum þessara herramanna, legg til að þeim verði boðin ís reglulega til kælingar!
Sjálfir, eða öllu heldur annar þeirra er á myndinni er, hefði kinnroðalaust skrifað undir annan og enn verri samning ef örlögin hefðu ekki tekið í taumana og önnur ríkisstjórn tekið við í vetur.

Þessu nú eigi gefum við gaum,
gaspri með lýðskrumsins keim.
Hræsni er bara, helvíti aum,
í herrunum báðum tveim!

Gegn hagsmunum Íslands