Jamm, fríður er flokkurinn, en...!

..þarna eru ekki margir sem í mínum huga koma virkilega til greina,góður slatti til dæmis tengdur eða hefur verið í flokkum og farið í prófkjör eins og Gísli T, Hjörleifur H. og Ragnar Jör. Minn kæri Fésvinur og rúmlega það, hann Fúsi Arnþórs, getur heldur ekki þvegið af sér stimpil framsóknar, nema ef hann gæti gerst alvöruþenkjandi?!
Það veit ég þó um einn umsækjanda, að í fljótu bragði og án mjög ábyrgrar skoðunnar á öðrum, hefur án minnsta vafa, yfirburða- og fjölþætta þekkingu svo leitun er að öðru eins!
Hvort hann fær hins vegar "Djobbið" er annar handleggur, ekki sjálfgefið að þeir bestu séu alltaf útvaldir, þannig að ég læt vera að nefna umsækjandann!

53 sækja um stöðu bæjarstjóra

Til hamingju Akureyri!

Hér sannast meir og meir,
sem meitlað væri í leir
hve mikils máttar
og meiriháttar
Gott er að heita...GEIR!

Farnist svo nafna og öðrum fulltrúum L-listans sem allra best í komandi verkefnum og við stjórnun bæjarins!

Geir forseti bæjarstjórnar

"Hve glöð er vor (Framsóknar)æska...og gáfuleg!?"

Núna ég aftur og enn,
allur í skinninu brenn
af íllkvittniskæti,
kann mér ei læti
Slík fífl eru framsóknarmenn!

Mótmæla ásökunum þingmanns

Ólöf Nordal: "Rannsóknarskýrsla alþingis er að ÞVÆLAST TÍMABUNDIÐ FYRIR?!"

Mér er nú eins og þáttarstjórnandin myndi eflaust orða það "andskotans sama um hvað hann sjálfur muni kanski kjósa eftir viku í Reykjavík"
Það er hans einkamál og skiptir þar engu hver hann er í mínum augum!
En það voru þessi orð í fyrirsögninni að ofan úr munni frú Nordal sem fyrst og síðast vöktu athygli mína og fólk ætti að taka rækilega eftir, því þarna sýnir einn þingfulltrúi D nákvæmlega það sem honum í raun og veru býr í brjósti, fellir grímuna og sýnir sitt rétta andlit.
Andlit þess sem ekki skammast sín í raun, en bölvar í hljóði og skammast yfir "klaufaskapnum" sem flokkurinn hefur "orðið fyrir" eða ætti ég að segja "tæknilegu mistökunum?!"

Hvet alla til að skoða þáttin er hann verður tilbúin á netinu, eða endursýndur aftur á stöðinni, en þessi orð lét konan falla í kjölfar vangavelta Ingva Hrafns um vonda stöðu D víða um land, viku fyrir sveitastjórnarkosningarnar.

Ingvi Hrafn á bandi Jóns Gnarr

Fagrar og gáfaðar mæðgur!

Verð nú að játa að lítt vissi ég um þetta pólitíska brölt Bryndísar og Önnu, en hitt veit ég upp á hár, að mikill er missir af þeim fyrir alla, fallegar, gáfaðar og glæsilegar sem þær eru!
Og þess má geta, að ég hef verið svo heppin að kyssa þær báðar!

Draga sig til baka

Villandi og ílla dulbúin hlutdrægni!

Það er hún svo sannarlega þessi vonda fyrirsögn!
Hið rétta er auðvitað að RÚMUR HELMINGUR ER Á MÓTI því að kosið yrði!
En þetta og fleira í takt við leiðindin og pólitíska loddaraskapin í kringum atkvæðagreiðsluna í gær.

Mesta rugl og rangindi dagsins í því sambandi þó sú fullyrðing, að með sínu nei í gær væru kjósendur þar með að segja að ríkisstjórnin ætti að vðikja.
Innihaldslítið og ódýrt bull þeirra sem í raun bera þjóðarhag lítt fyrir brjósti, en standa vilja frekar í ömurlegum drulluslag einvherjum pólitískum sérhagsmunum/flokkslegum til góða!

Helmingur þjóðar vill kjósa um nýja samninga

..en halda mætti að Steingrímur væri sjálfur í henni?!

Ekki stendur frekar en venjulega á furðulegum viðbrögðum formanns B að hinu minnsta tilefni!
Það skilja allir sem skilja vilja, að það er ekki einhver föðurlandsást eða rík réttlætiskennd sem stjórnar gerðum hjá stjórnarandstöðunni, heldur hrein og klár tækifærismennska og lýðskrum. Í orði hafa þessir flokkar viljað ná betri lausn og samningum við Breta og Hollendinga og fengu í sáttaskyni m.a. sinn fulltrúa í nýju sáttanefndinni, en þótt það hafi allan tíman legið fyrir að nú gæti fengist betri lausn og öllu sanngjarnari hafa þessir flokkar með sinn fulltrúa beinlínis unnnið gegn því þó það sé himinhrópandi að þjóðaratkvæðagreiðslan væri óþörf við slíka lendingu. En það má ekki heyrast og þessi marklausa atkvæðagreiðsla skal fara fram því það hentar þessum flokkum í núinu á hinum pólitíska vígvelli, en er alls óvíst að skili nokkru fyrir þjóðarhag, verði henni jafnvel til skaða?!

„Tek þetta ekki til mín“

Mikið var og svo niðurstöðu takk!

Nú samninganefndin loks situr á fundi,
seinna ei vænna fyrir já okkur.
Hætt er því sínu helvítis dundi,
er heimtuðu Framsókn- og sjálfstæðisflokkur!

Meira andskotans annars lýðskrumið hjá þessum tveimur flokkum eins og fyrri dagin, sem og pólitíski loddaraskapurinn varðandi að þykjast vilja semja og setja sinn fulltrúa í það, en gera svo flest til að skemma fyrir að samið verði!

Sitja á fundi í London

Endurtekin vandræðagangur VG á Akureyri!

Fyrir bæjarstjórnarkosningarnar á Akureyri 2006, var skipulega unnið gegn þáverandi forystumanni VG í bænum, Valgerði Bjarnadóttur og Baldvin H. flugvallarvert með meiru komið að með öllum brögðum.
Nú endurtók sagan sig, Baldvin komið frá og Andrea sett inn í staðin!
En sem kunnugt er af fregnum fyrr í dag, hefur þetta nú dregið dilk á eftir sér og formaður VG á Akureyri m.a. sagt af sér vegna þess að gamalkunnugur kraftur, Jón Erlendsson, er settur inn á listan.
Afskaplega vandræðalegt já, en það sem vekur þó enn og aftur athygli er að fráfarandi formaðurinn telur fleira upp en þetta sem ástæðu afsagnar sinnar úr embætti og úr flokknum líka, nefnilega að meirihluti þingflokksins skuli hafa samþykkt tillöguna að sækja um aðild að ESB!

Maður spyr sig bara aftur og enn þegar þetta er lesið, er það virkilega skoðun og meining flokksmanna margra í VG, að samninga geri þeir eða sáttmála, sem þeir í raun vilja ekki og ætla ekki að standa við?
Aðildarumsóknin var einn af stærri liðum ríkisstjórnarsáttmálans, hví var þessi formaður VG hér í bæ ekki löngu farin fyrst þetta er ein meginástæðan fyrir því að hann gengur nú úr flokknum?

Furðuleg og í raun óskiljanleg afstaða!

Baldvin tekur ekki sæti á lista VG

Riðið á RUGLSVEGUM!

Skaupið var skemmtilegt í gær, já ansi gott og með hvössum broddi á köflum!
En það liggur við að skrattanum í manni sjálfum sé jafnvel enn meir skemmt, um stundarsakir að minnsta kosti eftir lesningu sem þessi meðfylgjandi Moggaskrif eru!
En, þetta er samt ekkert grín, heldur þvert á móti háalvarlegt mál, sem fyrr en varir vekur með manni neikvæð viðbrögð í kjölfar "Skrattaskemmtunarinnar!"

Ég satt best að segja trúði vart mínum eigin eyrum er ég heyrði þetta fréttaspjall sem hér er vitnað til í gær.
Hann Bigga, Birgi Guðmundsson, þekki ég nefnilega þokkalega frá endurreisnar- og raunar lokaárum Dags og hef ekkert haft nema gott um hann að segja og alltaf lagt við hlustir er hann hefur miðlað af sinni ágætu þekkingu á íslenskri pólitík. Ekki vantar það nú, en þessi útlegging hans og svo þessi makalausi fréttatilbúnaður hérna af atkvæðagreiðslunni í fyrradag, er með því já vitlausasta og afkárlegra sem ég hef heyrt lengi!

Þetta er nefnilega ekkert sem menn lesa neitt út úr eða er eitthvað flókið frekar en óteljandi önnur mál á alþingi og það alveg burséð frá þyngd þess og mikilvægi.
Atkvæði féllu einfaldlega 33-30 rétt eins og tölur geta hljómað í handboltaleik og það skiptir bara nákvæmlega ENGU máli hvað fólk segir um leið og það greiðir atkvæði, hvernig það gerir það er bæði upphaf og endir aðgerðarinnar og sagan segir okkur og kennir, að það skiptir heldur nákkvæmlega engu máli þótt sú atkvæðagreiðsla fer fram gegn betri vitund eða sannfæringu viðkomandi!

Og þetta á nú BG, þrautreyndur blaðamaðurinn og nú stjórnmálafræðingurinn að vita, en lætur samt þessa dellu út úr sér, sem svo Moggin hérna setur fram sem bara hreina "staðreynd" að meirihluti hafi í raun verið fyrir þjóðaratkvæðagreiðslu og sé, eins og fyrirsögnin er skrifuð!

hossakaup, tækifærissmennska, atkvæðagreiðsla eftir flokkslínum og svo framvegis og svo framvegis er, hefur og verður alltaf fylgifiskur stjórnmála í meira og minna mæli og hafi menn þóst sjá það í þessari atkvæðagreiðslu á þennan vegin, þ.e. að Ögmundur Jónasson og Lilja Mósesdóttir, hafi greitt atkvæði gegn tillögu péturs Blöndals um þjóðaratkvæði gegn betri vitund og samvisku, þannig að lesa megi þetta rugl út úr atkvæðagreiðslunni, þá velti ég því fyrir mér hvort Biggi hafi ekki fylgst með allri atkvæðagreiðslunni og hvað aðrir sögðu við hana er þeir gerðu grein fyrir atkvæðum sínum?
Því þar mátti nefnilega heyra að minnsta kosti ÞRJÁ D liða sem studdu annars tillöguna taka það skýrt og skorinort fram að í raun væru þeir ekkert meðmæltir þjóðaratkvæði alla jafna, en...!
Bíddu,mætti því ekki á nákvæmlega já sama hátt "lesa" út úr þeirra atkvæðagreiðslu, að þeir væru í raun Á MÓTI því sem þeir þó greiddu atkvæði með?!
Auðvitað og augljóslega, en í þessari dæmalausu Icesavefirringu sem gengið hefur yfir, detta menn í svona dellupytti og það jafnvel þótt menn séu hinir bestu að andlegu atgervi og alla jafna vel marktækir!

Um þessa tillögu Péturs vil ég annars segja að hún er með verra lýðskrumi og hræsni sem ég man eftir!
Formaðurinn í D liðinu reynir þó að koma því inn nú að þetta hafi nú bara verið í anda nýrra tíma hjá flokknum og stefnu hans, en sannleikurinn er nú sá að sennilega hefur engin flokkur verið tregari til viðleitni í þessa hátt og mér er nú enn minnistætt er einvherjar hugmyndir voru uppi á landsþingi um rafrænar atkvæðagreiðslur í þágu opnara og beinskeyttara lýðræðis, voru þær troðnar niður með menn á borð við Halldór Blöndal fremsta í flokki!
Lýðræðisástin í flokknum þeim er því fyrst og fremst í tækifærisorði, en ekki á borði!
BG er ekki í þeirri "álmu" svo ég viti í pólitík, en í honum er sterkt "Framsóknargen" mamma hans áslaug Brynjólfsdóttir mikil maddama í þeim flokki eitt sinn og fræðslustjóri í Reykjavík, svo það gæti skýrt eitthvað, þessi pæling ansi nærri dellunni margri sem komið hefur frá þeim flokki og formanni hans á sl. vikum og mánuðum!

Að lokum held ég svo að gamli stjórnmálafræðiprófessorinn Ólafur Ragnar, muni seinnt taka mark á svona pælingum, hvað fólki kann annars að þykja um hann og segja þessa dagana. Hann einfaldlega allt of skynsamur til að gera slíkt.

Meirihluti fyrir þjóðaratkvæði