Fjárans fjölmiðlarnir!

Já, allt þetta hafarí er fyrst og fremst þeim að kenna og það svo sem ekki í fyrsta skiptið þegar "skyggja tekur í hinum pólitíska frumskógi"!?

Vilhjálmur ei voða glaður er,
því "vondu fjölmiðlarnir" álit rýra.
Hérna aumur karlinn kveinkar sér,
kann það varla góðri lukku að stýra!

Vilhjálmur: Hamrað á því sem mér kemur verst

ER það!?

Ég veit nú ekki alveg!

Haldlítil hljóma þín rök,
Heldur já finnst mér þau slök.
Og eigi vel valin,
verður þú talin
Dómari í sjálfs þíns sök!

Vilhjálmur: Hef axlað ábyrgð

Lengi getur vont versnað!

Ójá, ekki er nú laust við það, þegar menn eru einu sinni flæktir í netið, festast menn bara betur og betur í því þeim mun meir sem menn brjótast um til að losna!
Svo virðist allavega staðan vera með forsprakka D listans í borginni, sem svo aftur eykur á vanda flokksins alls.
En hverjar lyktirnar verða ætla ég ekkert að spá um, en segi bara!

Villi er í vondum málum,
vafasöm er staða hans.
Bröltandi á brautum hálum,
burt frá vegi sannnleikans!

„REI - ætlar Sjálfstæðisflokkurinn ekki að axla ábyrgð?“

Klúður í aðsígi!?

EF einkum og sér í lagi það gengur eftir, að Hr. Odama vinnur sigur í stærsta og mikilvægasta ríkinu, Kaliforníu, að ekki sé talað um að hann hafi líka betur í New york, þá þarf vart að spyrja að leikslokum, Demokratar missi af þessu einstaka tækifæri að bjóða fram konu í fyrsta sinn sem fulltrúa til þessa valdamesta embættis heims og ætti já svo sannarlega mikla möguleika á því og virkar sömuleiðis til þess hæf!
Klúður er já orði sem manni finnst við eiga ef svona fer og vekur mann þá að líkindum líka enn og aftur til umhugsunar um þetta alsherjar ruglkosningakerfi sem er viðhaft bæði í forkosningum og hinum aðal og er ekki fyrir venjulegan mann að skilja til hlýtar, að Odama gæti þess vegna náð góðum meirihluta kjörmanna er svo útnefna futtrúan á flokksþinginu, þótt ekki sé meirihluti kjósenda þar á bakvið.
Það væri nefnilega svo spennandi að sjá það gerast að kona berðist og myndi hugsanlega sigra þetta risastríð sem kjörið um forseta Bandaríkjanna óneitanlega er á sinn hátt!
Það er nefnilega enn nokkuð útbreiddur misskilningur bæði hér á landi og svo auðvitað í hinum misupplýstu Bandaríkjum sjálfum, að útnefning Odama og hugsanlegt forsetakjör í kjölfarið, marki ekki síður tímamót, hann yrði þá "fyrsti svarti maðurinn" í þeirri stöðu.
En Odama á bara ekkert meir samleið með svörtum ameríkönum frekar en hvítum, ef eitthvað er meir með hvítum!
Hann er jú kynblendingur, sem ekkert hafði af föður sínum að segja, er alfarið alin upp hjá velmegunarfjölskyldu sinnar hvítu móður svo hans hvíti angi er að öllu leiti sterkari í hans lífi.
En honum hefur nú í baráttunni tekist mjög vel upp að samsvara sig svarta anganum, því verður ekki á móti mælt og þar sem blökkumenn eru stór eða stærri ópur kjósenda hefur hann vinninginn!
En eins og alltaf, þá spyrjum vi að leikslokum á þessum "Ofurþriðjudegi" sem fyrst og siðast virðist spennandi hjá krötunum, hjá Republíkunum virðist stofnun "Öldungaráðs" vera í aðsígi! (svona að hætti Kínverja lengi vel!?)

Ætla Kratar í kjörsins skálum,
að klúðra sínum málum?
Já, vaða í villu,
velja ei "Hillu"
En treysta "svart-hnítum" sálum!?

Obama leiðir í Kaliforníu

Klúbbur í klípu!

Já, klúbbsstarfsemi D í borginni er vissulega í klípu og skildi engan undra!
Leiðtogin er úr fjarlægð séð ekki traustur og óvissa ríkir bæði hjá kjósendum D sem öðrum hvernig tekið verður á málum hans ef og þegar sá dagur rennur upp að samningur þessa nýja meirihluta verði efndur og enn og aftur verði skipt um "Stjórann"!
N'u meirihlutin nýji er ekki orðin margra daga gamall þegar einn helsti forkólfur D, gísli Marteinn, er farin að tala þvert á eitt aðalgrundvallarmálefnið í meirihlutasamningnum við Ólaf F., "Flugvöllur haggistei" með því að stefna beri á 20000 manna byggð í Vatnsmýri!
Er nokkuð skrýtið að menn hrukki ennið, allavega með svona byrjun og hafandi í huga allt sem á undan er gengið?
Líklega ekki!
DAgur fyrrverandi borgarstjóri kinkar hins vegar að sjálfsögðu kolli yfir tillögu G.M.! Hann hafði á sínum 100 dögum náð satt best að segja ótrúlega mikilli sátt um sig og því kemur ekki á óvart nú að fylgi S rjúki upp, borgarbúar vildu greinilega hafa hann og hitt liðið áfram, enda líka vel að merkja, meirihluti kjósenda á bakvið þennan nú svonefnda "nýja Tjarnarkvartett"! (sá eini sanni hins vegar sönghópurinn úr Eyjafirðinum)
Annars má þetta segja um Dr. Dag!

Hvorki er reikull né ragur,
en refsskák teflir víst hagur.
Virðist og dugmikill Dagur,
drengur góður og fagur!?

Fundað í Valhöll

"Að láta verkin tala"!

Já mikil óskö, meiri áhersla á umhverfis- og húsafriðunarmál, en sem frægt varð hafði nú blessaður karlinn hann Villi nú samt svo mikin áhuga einmitt á vþí tvennu og það leynt og ljóst!
bið ég nú bara háttvirta íbúa Reykjavíkur að rifja upp glæsta frammistöðu hans varðandi húsbruna í Austurstræti, að ég tali nú ekki um aðferðarfræði hans við að útrýma rónagreyjum úr sömu götu og væntanlega nágreni með "Bjórkælisbanninu mikla"!
Þá var hann nú sjálfur Borgarstjóri vel að merkja og "gladdi" eigin flokksmenn ekki síst með þessum skörungsskap í húsafriðunar- og umhverfismálum!
En með REIruglinu öllu aman ttoppaði hann þó þau afrek sem kunnugt er, sem þó hann og aðrir Sjálfstæðismenn keppast nú við að gleyma,eða hvað?
Allavega í takt við nýja borgarstjóran og ferska, á að snúa vörn í sókn og...
"Láta verkin tala"!
Það tókst Vilhjálmi meira að segja að endurtaka þrisvar í örstuttu útvarpsviðtali í fréttum í dag og er þó ekki eins og að hann hafi nú ekki gert slíkt fyrr!?
Annars hef ég tillögur varðandi húsa- og umhverfismálin, sem hikstalaust verði samþykktar strax og þá ekki hvað síst til að auka trúverðugleika nýja og ferska borgarstjórans og hins síglaða og framkvæmdaglaða nýja formanns Borgarráðs.

Að flugvöllurinn verði friðaður til að minnsta kosti 100 ára!
Að rónar verði einfaldlega BANNAÐIR í Austurstræti!

Áhersla á umhverfis- og húsverndarmál

Svonasvonasvona Vilhjálmur!

Jæja, þá er lokið "Skemmtiþætti Óla Skans og Villa Vill" í ráðhúsinu, þar sem fjöldi manns lét sig ekki vanta bæði innan dyra og utan, enda annars eins atburður í sögu borgarinnar allavega, vart verið betur auglýstur í seinni tíð!
Jamm, mikið fjör og mikið gaman, hávaði og læti bara sem á góðum leik væri, en á þessum mikla tímamótadegi er Villi karlinn er aftur komin við stjórnvölin (að vísu núna "bara" sem næsthæstráðandi í bili a.m.k.) er hann ekkert glaður, nei finnst bara hryggilegt að "krakkaskarinn" hafi haft svona hátt og púað!
Hann hefði greinilega betur heyrt í hinni skörulegu og skýrmæltu Stebbu Skara, sem einu sinni var varaþingmaður D, en var svo reyndar felld með stæl af ungu strákunum í prófkjöri!
Hún færði nefnilega í spjalli við Moggan (og sjá má hér að neðan í fréttum mbl.is) að þessi hávaðalæti hafi nú ekkert verið svo merkileg, eiginlega bara ekkert að merka þau og engin ástæða til að tala um of um þau! Svona sé bara unga kynslóin, hafi hátt og láti ekki að stjórn, þ.e.a.s. sú er fylgir öllum öðrum að málum en D! Sagðist hún viss um að helmingurinn hefði verið úr eim góða flokki þarna í salnum og það hefði auðvitað hagað sér vel og bara klappað á "réttum stöðum"!
En blessaður karlinn villi heyrði ekki í henni og er því bara hryggur á sjálfan "hátíðisdaginn"!
Og ekki bara út af þessu, heldur er hann í öngum sínum hve hinn glæsilegi nyji borgarstjóri hans er grátt leikin, allir séu svo vondir við hann og það ekki bara í dag, fullt af vondu fólki sé að níðat á honum á blogginu!
Í aðra röndina finnst mér gaman að heyra að Vilhjálmur að því er virðist, fylgist svo vel með í þessum "vonda heimi", ekki bara vegna þess hve hann er umsvifamikill og önnum kafin maður að ég hefði haldið, heldur vegna þess ekki síður að kappinn er komin mjög nærri eftirlaunaaldrinum og ég þekki bara sárafáa sem eru á þeim aldri og liggja í blogginu!?
En ég þekki heldur ekki marga yfir höfuð!

Vilhjálmur Þ: Hryggilegt

Barátta í járnum!

Mjög góð grein hjá Bjarna þó ekki sé hún löng né orðmörg!
ÁHersluþungin í þessari frétt og fyrirsögnin er hins vegar aðfinnsluverður, meginumfjöllun greinarinnar er a benda á að við höldum nokkuð vel sjó ennþá eða allavega fram til ársins 2004, hvað varðar áfengisvarnarmál.Notar jú vissulega orði meinlausari neysla eftir tilkomu bjórsins vegna þess að tíðni sjúkdóma skorpulifur og Lifrarbólgu C í samspili með alkahólisma almennt og fylgifiskum hans, (glæpa m.a.) hafi ekki aukist í samræmi við mun meiri neyslu, en sé þó svipað hlutfall.
Það má reyndar alveg vera ósammála því mati Bjarna að drykkjan sé endilega meinlausari þótt afleiðingum aukinnar neyslu hafi ekki fylgt meiri afleiðingar, því lögleiðing bjórsins átti jú beinlínis af helstu boðberum að BÆTA ástandið og mynda með tímanum eitthvað sem kallað var og kallað er enn "Drykkjumenning"!? Það hefur nú svo sannarlega ekki gerst enn, tæpum tuttugu árum eftir lögleiðingu bjórsins og vel gæti svo verið að tölur sl. þriggja ára sem vantar hér sýni verra ástand ekki hvað síst er varðar lögbrot í tengslum við áfengisneyslu og aðrar afleiðingar er ný þekking hefur leitt í ljós.
Nú, en eins og fleira skynsamt fólk með þekkinguna að leiðarljósi, er Bjarni svo að vara við að rugga bátnum, ástandið er viðkvæmt og það jákvæða sem lesa megi úr áðurnefndum upplýsingum geti verið í hættu ef svo færi að lögum um áfengissölu yrði breytt!
Á það er nú áherslan í grein hans mest auk þess að draga fram sem besta heildarmynd af ástandinu nú (aftur þó ekki nær en til 2004) sem þó eins og kunnugt er, misvitrir fulltrúar þjóðarinnar á alþingi vilja nú breyta til að treysta atkvæðin sín væntanlega og í þágu einvhers þokukennds frelsishjals, sem er þó ekki annað en hjóm eitt þegar grant er skoðað!

Drykkjusiðir Íslendinga orðnir meinlausari

Fall varð já fararheill!

Já, þetta kom þægilega á óvart þegar ég opnaði fyrir útvarpið í morgun kl. 6!
Allar skoðanakannanir bentu til annars, sigurs hins "Hvítsvarta" Odama, en eftir nýjustu greiningu á forvalinu, þá virðast konur hafa komið Hillary til bjargar auk þess sem Bill karlinn var á svæðinu og virðist hafa gert sitt!
Ég og fleiri er viljum sjá konu berjast um forsetaembættið og helst verða forseti, glöddumst lítt yfir fyrsta rófkjörinu í Iowa, en höfðum já í huga líkt og með bill þarna fyrir um 16 árum, að vonandi yrði "Fall bara fararheill"!
Svo virðist já nú eftir þetta ævintýralega forval í New Hampshire, en bara´ttan er auðvitað bara rétt að byrja.
Líkt og eftir Iowa, þá gildir nú að sigra stríðið, ein orusta til eða frá sem tapast skitpir ekki sköpum.
En þetta blæs Hillary og hennar fólki nýjum baráttuanda í brjóst, til að sigra þetta "innanhússtríð" hjá Demókrötum fyrst, en svo auðvitað hið stóra stríð, um lyklavöldin í Hvíta húsinu!
New Hampshire "nett hún tók",
núna á skýi ég svíf!
Já, Hillary Clinton er klók,
kannski á sér níu líf!?

Clinton vann í New Hampshire

"Skyggnið er gott..."!

Já, nú koma mér í hug fleyg og fyndin orð J'ons Múla heitins Árnasonar í morgunútvarpi forðum er hann var að þeirrar tíðar sið að lýsa veðurútlitinu!
"Skyggnið er gott svo langt sem það nær"!
Með öðrum orðum, þessi tíðindi, að Heimavarnarráðuneyti Bandaríkjanna segist harma þessa meðferð á ungu íslensku konunni, Erlu Ósk, þökk sé staðföstum og hörðum viðbrögðum okkar ágæta utanríkisráðherra og sendiherrans á Íslandi, eru góð já svo langt sem þau ná!
Ýmsum mikilvægum spurningum er nefnilega ósvarað.
Hefur Erla Ósk fengið afsökunarbeiðni persónulega, t.d. með bréfi frá Heimabvarnarráðuneytinu eða sendiherranum?
Eða var hún boðuð í ráðuneytið hér áður en Ingibjörg gaf þetta út til fjölmiðla?
Fær hún skaða sinn á einhvern hátt bættan, til dæmis með að fá ferðina endurgreidda?
Eða munu amerísku yfirvöldin gera eitthvað áþreifanlegt fyrir hana til að sína yðrun í verki!?
Fróðlegt yrði að fá að vita þetta!
Að auki verður svo sömuleiðis fróðlegt í meira lagi að sjá hvort þetta meinta tækifæri sem nefnt er í bréfinu til INgibjargar Sólrúnar, að endurskoða meðferðina á erlendum ferðamönnum á borð við Erlu Ósk, verði nýtt, en séu ekki bara innantóm orð við ákveðið erfiðleikatækifæri!?

Ánægjulegar lyktir á máli Erlu Óskar