Villandi og ílla dulbúin hlutdrægni!

Það er hún svo sannarlega þessi vonda fyrirsögn!
Hið rétta er auðvitað að RÚMUR HELMINGUR ER Á MÓTI því að kosið yrði!
En þetta og fleira í takt við leiðindin og pólitíska loddaraskapin í kringum atkvæðagreiðsluna í gær.

Mesta rugl og rangindi dagsins í því sambandi þó sú fullyrðing, að með sínu nei í gær væru kjósendur þar með að segja að ríkisstjórnin ætti að vðikja.
Innihaldslítið og ódýrt bull þeirra sem í raun bera þjóðarhag lítt fyrir brjósti, en standa vilja frekar í ömurlegum drulluslag einvherjum pólitískum sérhagsmunum/flokkslegum til góða!


mbl.is Helmingur þjóðar vill kjósa um nýja samninga
Tilkynna um óviðeigandi tengingu við frétt

..en halda mætti að Steingrímur væri sjálfur í henni?!

Ekki stendur frekar en venjulega á furðulegum viðbrögðum formanns B að hinu minnsta tilefni!
Það skilja allir sem skilja vilja, að það er ekki einhver föðurlandsást eða rík réttlætiskennd sem stjórnar gerðum hjá stjórnarandstöðunni, heldur hrein og klár tækifærismennska og lýðskrum. Í orði hafa þessir flokkar viljað ná betri lausn og samningum við Breta og Hollendinga og fengu í sáttaskyni m.a. sinn fulltrúa í nýju sáttanefndinni, en þótt það hafi allan tíman legið fyrir að nú gæti fengist betri lausn og öllu sanngjarnari hafa þessir flokkar með sinn fulltrúa beinlínis unnnið gegn því þó það sé himinhrópandi að þjóðaratkvæðagreiðslan væri óþörf við slíka lendingu. En það má ekki heyrast og þessi marklausa atkvæðagreiðsla skal fara fram því það hentar þessum flokkum í núinu á hinum pólitíska vígvelli, en er alls óvíst að skili nokkru fyrir þjóðarhag, verði henni jafnvel til skaða?!

mbl.is „Tek þetta ekki til mín“
Tilkynna um óviðeigandi tengingu við frétt

Mikið var og svo niðurstöðu takk!


Nú samninganefndin loks situr á fundi,
seinna ei vænna fyrir já okkur.
Hætt er því sínu helvítis dundi,
er heimtuðu Framsókn- og sjálfstæðisflokkur!

Meira andskotans annars lýðskrumið hjá þessum tveimur flokkum eins og fyrri dagin, sem og pólitíski loddaraskapurinn varðandi að þykjast vilja semja og setja sinn fulltrúa í það, en gera svo flest til að skemma fyrir að samið verði!


mbl.is Sitja á fundi í London
Tilkynna um óviðeigandi tengingu við frétt

"Lítið já og Litríkt"

Fegurðarsamkeppnin um Ungfrú reykjavík um liðna helgi hefur aldeilis vakið umtal sem kunnugt er og þá fyrir djörf og efnislítil undirföt sem keppendur voru í á sérstöku myndbandi.
Ein góð vinkona min sagði þetta einfaldlega bara "ljósblátt" svo mér varð að orði:

Í myndbandinu Svala sá,
sínar stöllur ófáar,
spranga næstum engu á,
eiginlega "Ljósbláar?!"


Þróunaraðstoð og þorlítill dómari!

Ótrúlegt að Vidic hin vandræðalegi hengi áfram inn á eftir brotið og vítaspyrnudómin í upphafi, en þeirri staðreynd og að "litlu strákarnir frá Lifrarpolli" gátu fimlega skorað, færði MU þennan vafasama sigur!
Finn til með Villaaðdáendum!

Torres aftur með LFC og sýndi mikilvægi sitt þó vart sé meir en hálfnaður í að ná fyrri styrk!


mbl.is Rooney hetja United - Torres tryggði Liverpool sigur
Tilkynna um óviðeigandi tengingu við frétt

Jájá, í sviðsljósið með þig Siv!

Nú geta menn reyndar velt fyrir sér hvað orðið "sviðsljós" merkir nákvæmlega í tilfelli frú Siv hérna, en ég pæli ekki of djúpt í því og segi bara:

Frábær hugmynd finnst það mér,
feykilega græðum.
Í sviðsljósinu sæti hér,
Siv á "Evuklæðum!?"


mbl.is Eigum að nýta sviðsljósið
Tilkynna um óviðeigandi tengingu við frétt

Vantar ekki fleira í þetta...?

Finnst listin ekki tæmandi.
Væri ekki til dæmis lag hjá "Nýja Íslandi" að til dæmis:

-Banna alla flokka nema (Borgara)hreyfinguna?
-Leggja niður Veðurstofuna, en lögleiða GOTT VEÐUR?
-Stofna "Bílflautusveit Íslands" með föstu framlagi af fjárlögum?
-BAnna dónaskap, en lögleiða kurteisi? (og þá auðvitað sérstaklega með lögregluna í huga, fólk lúti til dæmis alltaf höfði og þakki Geir Jóni fyrir unnin störf í hvert skitpi sem hann birtist!)
-Öllum sem heita nöfnum á borð við Jóhannes, Jón Ásgeir, Karl, Lýður, Sigurjón, svo ekki sé nú minnst á STEINGRÍMUR, verði harðbannað að eiga nokkurn skapaðan hlut?
-Guð, Mammon, Kölski o.s.frv. verði bannorð í tungunni?

Og þannig mætti áfram telja og gæti ég það í allan dag!


mbl.is Nýtt Ísland vill loka sendiráðum og lífeyrissjóðum
Tilkynna um óviðeigandi tengingu við frétt

Eins og kjúklingar í barnshöndum!

Jamm, eftir góða framistöðu í Mílanó fyrr í vikunni, þ.e.a.s. í seinni hálfleik, snérist dæmið aldeilis við á Gooodison í dag, meðlimir úr barna- og unglingadeildinni hjá Everton kláruðu þetta með stæl!
Annars virðist ómældum kröftum hjá MU vera eytt í að blaðra um hver sé ekki að fara, séu svo til í slagin, en eru það svo alls ekki samanber "Júggalúggan" Vidic og óánægðu kelluna hans!
mbl.is Everton lagði Manchester United
Tilkynna um óviðeigandi tengingu við frétt

hjartnæmt á Hollywoodvísu!

Ætli megi ekki orða þetta bara svona:

Tiger á táranna vísu,
telst vilja bæta sitt ráð.
Þó enn er í kynferðiskrísu
og komi vart aftur í bráð?!


mbl.is Enn óljóst hvenær Tiger snýr aftur
Tilkynna um óviðeigandi tengingu við frétt

Endurtekin vandræðagangur VG á Akureyri!

Fyrir bæjarstjórnarkosningarnar á Akureyri 2006, var skipulega unnið gegn þáverandi forystumanni VG í bænum, Valgerði Bjarnadóttur og Baldvin H. flugvallarvert með meiru komið að með öllum brögðum.
Nú endurtók sagan sig, Baldvin komið frá og Andrea sett inn í staðin!
En sem kunnugt er af fregnum fyrr í dag, hefur þetta nú dregið dilk á eftir sér og formaður VG á Akureyri m.a. sagt af sér vegna þess að gamalkunnugur kraftur, Jón Erlendsson, er settur inn á listan.
Afskaplega vandræðalegt já, en það sem vekur þó enn og aftur athygli er að fráfarandi formaðurinn telur fleira upp en þetta sem ástæðu afsagnar sinnar úr embætti og úr flokknum líka, nefnilega að meirihluti þingflokksins skuli hafa samþykkt tillöguna að sækja um aðild að ESB!

Maður spyr sig bara aftur og enn þegar þetta er lesið, er það virkilega skoðun og meining flokksmanna margra í VG, að samninga geri þeir eða sáttmála, sem þeir í raun vilja ekki og ætla ekki að standa við?
Aðildarumsóknin var einn af stærri liðum ríkisstjórnarsáttmálans, hví var þessi formaður VG hér í bæ ekki löngu farin fyrst þetta er ein meginástæðan fyrir því að hann gengur nú úr flokknum?

Furðuleg og í raun óskiljanleg afstaða!


mbl.is Baldvin tekur ekki sæti á lista VG
Tilkynna um óviðeigandi tengingu við frétt

« Fyrri síða | Næsta síða »

Um bloggið

Pælt um heima og geima

Höfundur

Magnús Geir Guðmundsson
Magnús Geir Guðmundsson
Áhugamaður um flesta hluti.

Nýjustu myndir

  • wmftcs
  • mgg
  • ...mg2_251805
  • ...mg2_251804
  • ...mg2

Heimsóknir

Flettingar

  • Í dag (30.1.): 0
  • Sl. sólarhring:
  • Sl. viku: 6
  • Frá upphafi: 0

Annað

  • Innlit í dag: 0
  • Innlit sl. viku: 4
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband