Stendur stutt við.

SVo er að sjá með þennan nafna minn, hefur komið víða við á örstuttum tíma og af öllum sólarmerkjum að dæma gæti allt eins orðið svo líka nú, en auðvitað getur þetta hangið í þessi tæpu tvö ár sem eftir eru af kjörtímabilinu.
Nema hvað, manni þessi er einn af þeim sem samkjaftaði og gerir kannski enn með Ingva Hrafni á hans þingi, get lýst honum svona án mikillar ábyrgðar!

Í sjónvarpinu sýnist stór,
sjálfsagt ekki tregur.
En mér finnst þessi Magnús Þór,
merkikertislegur!

Og það hefur reyndar gilt um margan annan og stjórnandan sjálfan þar með talin, sem þó má eiga það öfugt við gestina flestalla, að vera oftar en ekki skemmtilegur samt í öllu kjaftæðinu!

Magnús Þór aðstoðarmaður borgarstjóra

Í sannleika sagt?

Það er vandlifað í þessum heimi stóra og jafnvel enn vandasamara í hinum pólitíska heimi, það hefur nú villi karlinn aldeilis fengið á reyna á sínum síðustu tímum!
En svona leggjum við nú bara út frá þessu máli!

Villi þekktist vinarboðið,
veiðitúr á besta stað.
Fá sér vildi fisk í soðið,
flestir hljóta að skilja það!

Eða hvað!?

Vilhjálmur Þ.: Ekkert annað en vinarboð

S T Ó R K O S T L E G T!!!!!

Ég vissivissivissi það hhahaahaha,
MIÐI VAR MÖGULEIKI!!!

Hreint yndislegt að fylgjast með þessum frábæra leik, sem svo sannarlega varð spennandi nú í seinni hálfleik, en strákarnir létu aldeilis ekki deigan síga og við fögnum nú ærlega, en BARA Í STUTTA STUND, jöfnun á okkar besta árangri frá því á OL í Barcelona 1992!
Nú er svo bara eftir þessi fagnaðarlæti, að safna kröftum og gera enn betur, sigrast á annað hvort Spánverjum eða Kóreumönnum sem spila á eftir og fara í úrslitin, eigum alveg jafn mikla möguleika á vþí eins og að sigra pólverjana!Vonum það besta.
Til hamingjuhamingju ÍSLAND!!!

Ísland í undanúrslit á ÓL

Mikið meira hef ég nú ekki um málið að segja annað en..!

Ólafur já ætlar sér,
áfram sviðsljósið að fanga.
Þær fregnir núna flytur hér,
að frjálslynd sé hann AFTURGANGA!

Hún Kolla bloggvinkona var að heimta vísu heima hjá sér að ég sá áðan og lét hana bara fá þetta, sem byrjaði að bræðast í mér í dag er ég heyrði í Ólafi F., sem núna er semsagt aftur orðin Ólafur FFF!

Og auðvitað fær Frjálslyndi flokkurinn bara hamingjuóskir í tilefni dagsins!

Ólafur F. til liðs við Frjálslynda flokkinn

Við getum náð lengra - "Miði er möguleiki"!

Já, þá er það komið á hreint, Pólverjarnir verða andstæðingarnir í 8 liða úrslitunum!
Okkur hefur ekki gengið vel gegn þeim í síðustu stórleikjum, töpuðum m.a. fyrir þeim síðast í sérstöku undankeppninni ffyrir Ol fyrr í sumar í Póllandi, þar sem við sigruðum hins vegar Svía í eftirminnilegum leik og tryggðum okkur þátttökuréttin!
En nú verður ekkert "elsku mamma" og við getum, já GETUM hæglega sigrað þá nú! Bara engin spurning ef menn spila af þeirri hörku og baráttugleði sem náðst hefur eiginlega í öllum leikjunum, líka í nótt þrátt fyrir að þessi leikur við Egyptana hafi líkast til verið sá slakasti af leikjunum fimm í riðlakeppnini!
Held að Guðmundur og strákarnir hugsi þetta svona líka, nú verði almennilega tekið á pólverjunum og þeim helst sýnt rækilega í tvo heimana, nóg komið að tveimur eða þremur töpum í röð í alvöru leikjum!
Hef í dag trú á að við getum endurtekið leikin frá Barcelona 1992 og...!?

Íslendingar mæta Pólverjum í 8-liða úrslitum

Ég er bara ekki svo afleitur spámaður, stundum allavega!

Get já bara klappað sjálfum mér létt á öxlina núna, svosem ekki fyrir heildarniðurstöðuna á þessum létta leik mínum að spá fyrir um úrslitin í fyrstu umferðinni, en hitti glettilega rétt bæði á úrslit og tölur í tveimur leikjanna, Sunderland - Liverpool og Man Utd. - newcastle United! Spáði já 0-1 fyrir Liverpool og sagði að Keene eða Torres gætu ráði úrslitum, sem sannarlega gekk eftir og 1-1 spáði ég mörgum til undrunar sem úrslitum á Old Trafford og m.a. bloggvinur minn KKristinn Halldór, grjótharður MU maður, sagði að hlyti að vera "Óskhyggja" hjá mér haha! En annað kom nú á daginn, bara raunsæ spá og mega meistararnir bara vera ánægðir með stígið!
Annars 6 leikir af 10 réttir, þar að fóru leikir dagsins allir sem ég spáði.
Frammistaða Hull sérstaklega, Blackburn og Middlesbro kom á óvart, að liðin skildu sigra, en að sama skapi varð ég fyrir vonbrigðum með SToke, hélt þeir gætu tekið stig af Bolton. Hins vegar gleðjast auðvitað allir með austfirðingnum Grétari RAfni, markið hans fyrir bolton svo glæsilegt!
Annars lofar fyrsta umferðin góðu, þetta verður ugglaust mikil barátta í vetur. Chelsea virkar strax gríðarlega sterkt og virðist vera að ná upp sama dampi og þegar Moreno var við stjórnvölinn. En Liverpool, Mu, Arsenal og Tottenham þrátt fyrir tapið, verða á toppnum líka og sja´lfsagt fleiri!

Manchester United og Newcastle skildu jöfn, 1:1

Leiðindi, þreyta, vanþóknun!

Held að þessi þrjú orð að ofan geti sagt mikið um hvernig borgarbúum líður varðandi stjórnmálaástandið undanfarið og það endurspeglist vel í þessari könnun.
Einn viðsnúning sem mig grunar að um sé að ræða varðandi svona kannanir, við ég þó nefna. Áberandi munur er á þeim sem annars vegar gefa álit á nýja meirihlutanum, yfir 80% sýnist mér og á stuðningi við flokkana hins vegar, eða aðeins rúmlega 50% sem það gera. Stuðningsmenn D hafa alltaf þótt gefa sig rækilega upp á meðan miklu meir hefur verið um færslur á milli hinna flokkanna og kjósendur þeirra verið óákveðnir og ekki gefið sig upp, t.d. er það frægt með kjósendur B.
En nú held ég semsagt að stór hluti þeirra sem eru óákveðnir í þessari könnun og verða það að líkindum eitthvað áfram í könnunum er eiga eftir að birtast, séu að stórum hluta fólk sem alla jafna hefur kosið eða stutt D!
Ef til vill eitthvað sem stjórnmálafræðingar eiga eftir að skoða betur og greina.
Mikið lifandis ósköp er þetta þó skiljanlegt, ég tala nú ekki um þegar orðagjálfrið upphefst að nýju með þessum fjórða meirihluta um "Heilindi og traust, ánægju og nú verði aldeilis unnið í þágu borgarbúa" o.s.frv. o.s.frv....!
Reykvikingar hafa þegar kjörtímabilið er hálfnað, nefnilega upplifað þetta allt þveröfugt, svo ekki er skrítið að staðan í skoðanakinnun sé slík!

26,2% segjast styðja nýjan meirihluta

Fjör og frískir menn!?

Ístykkishólmi "Danskir dagar",
draga að sér margan landan.
Eins og hálfviti sér hagar,
haugfullur að "göfga andan"!

Mikill erill í Stykkishólmi

Að gera jafntefli er bara YNDISLEGT!

Úhúhú, rosalega spennandi en Snorri STeinn hafði taugarnar í þetta og jafnaði!
STórkostlegt og enn og aftur er litla Ísland að standa sig í handboltanum, komnir í átt liða úrslit OL!
En mikið rosalega eru þessir leikir alltaf erfiðir við DAni og magnþrugnir,eiginlega ekki við hæfi ungra barna eða taugaveiklaðara!
En nú masserum við bara áfram og gerum okkar besta í framhaldinu, viljum auðvitað vinna Egypta, en nú er það ekki nauðsynlegt fyrir framhaldið.Og þó, fyrir sjálfstraustið sem nú er aftur endurheimt er auðvitað gott að sigra áfram.

TIL HAMINGJU ÍSLAND!!!

Jafntefli gegn Danmörku

Enn byrjar sá enski að rúlla!

Mitt í Olympíugleðinni í Kína, er já hið ómissandi Bretlandseyjaboltaball að hefjast og menn og konur gleðjast víða!Samt finnst manni vart liðin nema stuttur tími frá lokum síðasta tímabils, en fyrirbærið Nútíminn líður bara hraðar og hraðar! Bregð aðeins að þessu tilefni á smá leik hér fyri neðan og spái svona nett kæruleysislega í leikina tíu. Engin djúphugsuð speki þarna á ferðinni, en samt nokkuð rökréttar spár held ég! Arsenal - WBA -Fyrsti leikur tímabilsins í hádeginu á morgun. Held að þetta gæti orðið svolítið strögl hjá liðsmönnum Vengers, vantar marga af fastamönnunum og það er alltaf mikill baráttuhugur í nýliðum í fyrsta leik. Segir líka svo hugur um, að Scott Carson verði í stuði í markinu, en Arsenal hefur þetta þó með herkjum, Spá: 2-1 Bolton - Stoke Veit að vinur minn Jói í Svíþjóð er að tapa sér af spenningi, hefur fylgt Stoke gegnum þykkt og þunnt í meir en þrjátíu ár!Bolton var í miklu vandræðastandi lengst af í fyrra, skiptu um sjtóra, Samme Lee og björguðu sér fyrir rest. Tímabilið verður Stoke örugglega erfitt, en ætla þó að vona að þeir byrji bærilega. Spá: 1-1. Everton - Blackburn Engin annar en paul Ince stjórnar nú Blackburn og þar hafa nokkrar breytingar átt sér stað, m.a. Friedel markvörður farin til Villa. Everton með Mois verður örugglega áfram á Evrópusætaslóðum í vetur, en held samt að þar verði ekki um Meistaradeildina að ræða. Spá: 1-0 Hull – Fulham Fulham bjargaði sér með ævintýralegum hætti frá falli í vor og ég gæti alveg trúað að þeir standi sig áfram á þessu tímabili. Andi Johnson komin m.a. og verði hann í stuði með liðinu er það til alls víst. Hull, það gamalgróna “Fiskiþorp” komst öllum að óvörum upp í vor og hefur sankað að sér fullt af leikmönnum. Veturinn verður samt erfiður og ásamt Stoke frekar en WBA, óttast ég að þeir verði þaulsetnir í fallsætunum í allan vetur. Spá: 1-2 Middlesbro - Tottenham “Tottararnir hafa verið á mikilli siglingu í undirbúningsleikjum sínum og ég held svei mér að liðið verði í baráttu um Meistaradeildarsæti! Keene að vísu farin til minna manna í Liverpool og Berbatov sagður á leiðinni til Man. Utd, en það er engin hörgull á sóknarmönnum hjá Spurs og Darren Bent hefur m.a. blómstrað í æfingaleikjunum. Boro er dálítið erfitt að sjá út, en ég held þó að liðið sigli lygnan sjó í vetur, verði jafnvel á Evrópðusætaslóðum, eða í baráttu um þau. Spá: 1-3 West Ham - Wigan Ýmislegt að gerast hjá liði Björgólfs í London og áfram einhver meiðsli, en samt á liðið að geta staðið sig og rúmlega það með hinn snjalla Curbisley við stjórnvölinn. Vigan var í bölvuðu basli lengst af í fyrra og svo verður held ég áfram í vetur, liðið verður líklegast í neðri hlutanum. Spá: 3-1 Sunderland - Liverpool Á sama tíma fyrir ári var ég mjög bjartsýnn fyrir hönd minna manna frá Bítlaborginni og það hefur ekkert breyst núna og skiptir engu þótt liðið hafi verið slakt í Belgí fyrr í vikunni. En að sigra strákana hans Roy Keene sem stóðu sig mjög vel í fyrra,eru reynslunni því ríkari nú og hafa auk þess styrkst hygg ég, verður hins vegar ekkert auðvelt svona í upphafsleik móts, öfugt við leik liðana á Stadium og Light í fyrra þegar Liverpool vann mjög auðveldlega 0-2 að viðstöddum þeim harða aðdáanda Sunderland, vini mínum og frænda Gústa og bróður hans Axel. Verður kannski heppnissigur þar sem Torres eða Keene gera gæfumuninn!? Spá: 0-1 Chelsea - portsmouth Chelsea verða áfram mjög sterkir í vetur með Skolari við stýrið, en á ekki von á Hermanni og félögum í Portsmouth eins fengsælum í ár. Spá: 2-0 Aston Vill - Man City Villa tóku FH í bakaríið og virðast koma nokkuð sterkir til leiks. Hef þó horn í síðu þeirra núna út af Barryruglinu,liðið verður þó líklega á slóðum 8 til 12, jafnvel aðeins ofar, í vetur. Allt of mikil leiðindi nú í kringum City, sem tapið íUEFA-keppninni í vikunni bar glöggt vitni um og þetta gæti bara orðið mjög erfiður vetur eftir góða frammistöðu í fyrra undir stjórn Sven-Göran Ericson! Spá: 3-0 Manchester United - Newcastle United Og loks eru það meistararnir gegn liði Kevins Keegan, sem að sjálfsögðu vill ekki missa James Milner, hinn mjög svo upprennandi miðjumann sinn, sem villa er að falast eftir. Eftir að Keegan tók við og náði eftir töluverða byrjunarörðugleika að rétta skútuna við, held ég að Newcastle verði í góðum málum í vetur, á topp tíu. Gæti alveg trúað að þeir tækju stig af United á sunnudaginn, þó heimamenn séu auðvitað sigurstranglegri og hefðu nokkuð svona sanngjarnt unnið portsmouth fyrir viku í leiknum um Samfélagsskjöldinn! Spá: 1-1

Milner fer hvergi segir Keegan