Flest orkar tvímælis þá gert er!

Sem ég var í rólegheitum að ryksuga fyrr í dag (já stelpur, ég er einn af þessum "sjáldgæfu hvítu hröfnum og eftirsóknarverðu sem gera það með glöðu geði) raulandi eitt af svona á að giska eitt af fimmhundruð vinsælustu rokklögunum mínum, Ridin' On The Wind með Judas Priest, fór ég um leið að hugsa djúpt og í fullkomnu samræmi við lagið, um handboltaævintýrið okkar og allt hafaríið fyrir og eftir og á meðan það stóð!
Til dæmis um þetta sem elsku drengurinn hann Ingvar er að nöldra um hjá sér.

http://ingvarvalgeirs.blog.is/blog/ingvarvalgeirs/entry/625409/

Þetta er nú svona svolítið gömul tugga þarna á ferð, um að "menn eigi nú að borga fyrir áhugam´l sín sjálfir" og svo í athugasendum frá honum sjálfum og skoðanabróður til dæmis að "fé sem sett er í slíkt sé mest frá þeim sem vildu að peningarnir færu í annað" og "að það jafngilti nær þjófnaði þegar peningum með þessum hætti væri úthlutað" að setja þessar fimmtíu millur í HSÍ í tilefni að silfrinu í Kína!
og nú þegar harnaði í ári og vissulega væru stéttir eins og Lögreglan og Ljósmæður óánægðar m.a. með sín kjör, þá væri þetta enn frekar ekki forsvaranlegt.
Það er auðvitað sjónarmið sem á rétt á sér, að gera þurfi vel við þessar stéttir og fleiri sem leika lykilhlutverk í samfélaginu okkar. En að spyrða þessa fjárveitingu á stund þjóðarfagnaðar við það, finnst mér nú ekki alveg við hæfi.
Um svo einstakan viðburð er að ræða, að mér finnst þessi peningur þótt fimmtíu milljónir ekki nema sjálfsagður viðurkenningarvottur fyrir hönd þjóðarinnar. En auðvitað geta einstakir þegnar líka sett í púkkið til viðbótar og það hafa þeir gert, sem og stórir styrktaraðilar landsliðsins, m.a. Kaupþing.
Þessa stjórnarviðurkenningu til HSÍ er ekkert hægt að eyrnamerkja sem einvherja "Hoppýstyrkingu" og jafnvel þó svo væri, þá væri það í mínum huga allt í lagi, ríkið stendur hvort sem er í slíkum fjárveitingum út og suður og við það margt gera engir athugasendir.
Það er líka staðreynd, sem menn verða nú að horfast í augu við, að afskaplega erfitt eða nær ómögulegt er að reka menningar- lista- og íþróttastarfsemi án aðkomu hins opinbera, það viðurkenna held ég flestir nema kannski helst hægriharðlínuhausar!?
Væri ekki alveg eins lag, að hætta þeirri stefnu að borga fólki fyrir að eiga börnin sín? Það stundar nú margur maðurinn og konan að búa til börn, en er ekkert sem skildar til þess, en er þó gert til ánægju- og hamingjuauka. En hví að borga fólki bætur fyrir það og af væntanlega mínum sköttum, sem ég vildi miklu frekar að færu í annað!?
En eins og segir í fyrirsögninni, þá orkar auðvitað flest (ef ekki bara næstum allt?) tvímælis þá gert er, ekki bannað að gagnrýna þessa fjárveitingu frekar en aðrar, en svolítið finnst mér samt fyndið að á sama tíma og menn vilja gagnrýna þetta, þegja menn þunnu hljóði yfir meintu bruðli Íþróttamálaráðherrans upp á 5 eða 6 millur samtals í eigin þágu, maka og ráðuneytisstjóra, í formi tveggja ferða til Kína!
Ingvar minn elskulegi virtist ekki einu sinni kannast við þessar millur er ég minntist á þær hjá honum!?
Látum nú vera að hún hafi farið í hið fyrra skipti, en að geysast út aftur og það eins og venjulega þegar hún hefur gert slíkt áður, bara til að sjá handboltaliðið tapa!Það hefur nefnilega svo ég man, na´nast undantekningarlaust verið raunin er hún hefur spókað sig með Kristjáni sínum á fremsta bekk, að liðið hefur tapað í slíkum stórleikjum!
Nú, svo gæti ég bætt við frekari vangaveltum og leiðindum þeim sem sérstaklega nokkrar konur hafa verið með á blogginu um hana Dorrit forsetafrú, leyft sér til dæmis að líkja henni saman við ógæfusnótina Paris Hilton (sem t.d. hefur orðið uppvís að mikilli vímuefnaneyslu og lögbrotum) og kallað hana athyglissjúka án minstu ábyrgðar fyrir að láta tilfinningar sýnar og gleði í ljós á handboltaleikjunum m.a., en nenni því varla meir, nema hvað að það er þeim til skammar í sumum tilfellum.
Enda virðist líka svo vera, að fjarvera hennar á heimkomuhátíinni í gær vakti mikla athygli og var frúarinnar sárt saknað!
Kannski kom hún ekki með til Íslands eða eitthvað, veit ekki, en eins og svo herleigheitin komu fyrir, þá var þetta svona og svona held ég og má já alveg deila um, sem og þetta Fálkaorðudæmi,s sem ég sjálfur veit ekki alveg hvort er í raun svo mikils virði.En nenni heldur ekki að röfla mikið meir um það, skiptir mig heldur ekki svo miklu.
Að lokum vil ég þó að eitt komi skýrt fram að gefnu tilefni.
Mikið var víst um kossa sumra kvenna þar og þótti skilst mér sumum allavega nóg um.
ÉG hefði samt ekkert á móti því að fá einn vænan hjá þórunni Svinbjarnar og það miklu frekar en frá öðrum tveimur ónefndum sem lögðu sig víst mikið fram við þetta þarna á sviðinu.
Af hverju?
Það kemur ykkur ekkert við!

Beðið eftir strákunum okkar

Sem ég sagði, sýnd veiði en ekki gefin!

Bara ánægður með þetta þrátt fyrir allt erfiðið, sigur er sigur og það á móti mjög góðu belgisku liði!
Og til framtíðar litið,mjög skemmtilegur endir á framlengdum leik, Kuyt skorar sigurmarkið í sínum 100 leik, sem jafnframt er hans áttunda í Meistaradeildinni.
Liverpoolliðið er eiginlega ekki komið í gang ennþá, en hefur samt sigrað í þremur af fyrstu fjórum leikjum tímabilsins og gert eitt jafntefli.
Þetta vonum vér að haldist, sigrarnir verði áfram að minnsta kosti 75% um leið og getan og krafturinn muni aukast.
Vonbrigðin það sem af er, eru helst að Robbie Keene hinum dýra Íra ætlar að ganga ílla að brjóta ísinn og skora sitt fyrsta mark. Það kemur sjálfsagt og það fyrr en seinna.

Kuyt bjargaði Liverpool á örlagastundu

Bara svona smá pæling!?

Ást nú tjáði Ásdís Rán,
yngismeyjan sú bjarta.
SVo lifi eiginmaður án,
afbrýðisemi í hjarta!?

Ásdís Rán tjáir eiginmanni sínum ást sína

Svo slakt..

...var lið Portsmouth, að mínir menn hér í heimabænum, Þór, hefðu líka unnið 0-1!
Og Hermann bara á bekknum, hlýtur þá að vera orðin ansi slappur!?

Fletcher tryggði United sigur á Fratton Park

Táraflóð!

Gefa blóm er gömul venja,
glöð þá jafnan dama verður.
Þarna fór því fyrst að grenja,
fyrir alvöru hún Gerður!

Fallegt já eins og það kom fyrir, en ykkur að segjaþá hefði ég nú frekar haft þetta öfugt, gefið frúnni vöndin, nema kannski svona eina "út fyrir bæin", eins og þar stendur!

Ólafur gaf Þorgerði blómvöndinn

Svona fór um sjóferð þá. - SILFUR!!!

ÆÆÆjá, það gerðist sem ég óttaðist mest, að ná þessum stórmerka áfanga að komast í úrslitaleikin á Olympíuleikunum, yrði mönnum hreinlega um megn, gleðin svo yfirþyrmandi, að menn náðu ekki að ná jafnvægi aftur á þeim tíma sem leið á milli leikjanna.
Ótrúlegt að sjá já drengina svona sem annars hafa unnið þetta stórglæsilega afrek,gjörsamlega bensínlausa er á hómin var komið í dag! Minnir því miður á leikin við Svía í undanúrslitunum á EM í Svíþjóð 2002, því miður!
Sorglegt að þetta skuli þurfa að enda svona, en eins og Stormskerið og Stebbi Hilmars sungu um árið, "Horfðu á björtu hliðarnar, heimurinn hann gæti verið verri...", silfur er jú alltaf silfur þrátt fyrir þessi dapurlegu endalok!
En svo ég nöldri samt,, mitt í að brosa líka gegnum tárin, þá fékk ég frekar leiðinlega tilfinningu fyrir leikin þegar enn einn gangin var farið í að ræða við Íþróttamálaráðherran Þorgerði. Og ekki alveg að ósekju, því alltaf þegar hún tranar sér fram eða henni er tranað fram, þá fara leikar á verri veg!

En landsmenn, árangurinn er samt frábær og honum skulum við fagna með reisn!
Á sólbjörtum síðsumarsmorgni í ágúst, hrópum vér því að lokum bara:

LIFI SILFURLIÐIÐ!!!!

Ísland í 2. sæti á ÓL

Já, þetta snýst um að skora fleiri mörk en andstæðingurinn, HVERNIG og HVENÆR sem er!

Fyrirsögnin segir nú flest um fínan sigur minna manna í dag á "Boro", skrítið jöfnunarmark annars vegar, en svo eitt af flottari gerðinni hins vegar á lokasekúndunum! Afskaplega sæll með þetta í ljósi þess að dómaragreyið átti ekki sinn besta dag, sem gerist með þá ágætu menn líkt og einstaka leikmenn eða lið í heild. Gummi Ben hinn góðlátlegi vildi allavega meina í lýsingunni sinni, að tvívegis hafi hann átt að dæma vítaspyrnur til handa þeim Rauðu, svo þetta var kannski bara sanngjarnt þrátt fyrir falllega markið hans Mito frá Egyptalandi og að hann og félagar hafi átt góðan leik. Nú veit ég að til dæmis margur Man. Utd. sá virkilega RAUTT er Gerrard smellti honum inn þarna í restina og sjálfsagt sumir í Chelsea líka, en þetta viljum við "Púlararnir" sjá sem mest í vetur og trúm að verði langoftast, að okkar menn skori meir en andstæðingurinn, hvernig og já hvenær sem er!
Annars er sigur SToke á Aston Villa mér líka sérlega gleðilegur, nú gleðst minn gamli félagi hann J'oi innilega!
Og úrslitin hjá Sunderland eru auðvitað flott líka, sýna að góður leikur þeirra við Liverpool fyrir viku, þar sem úrslitin hefðu alveg getað orðið jafntefli, var engin tilviljun!

Gerrard tryggði Liverpool sigur

Jájájájájájájá!!!!

Nú renna bara tárin í stríðum straumum....
En tilfinning mín reyndist ekki vera út í bláin.

STÆRSTA STUND ÍSLENSKRAR FLOKKAÍÞRÓTTASÖGU ER STAÐREYND!!!

Íslendingar í úrslitaleikinn

Við Þorum, Viljum Ætlum og Getum!

Við skulum sannarlega vænta að franska stórskyttan fái "ósk" sína uppfyllta, Íslendingar leiki við Frakka um Olympíugullið!
Er reyndar ekkert viss um að þar verði endilega Frakkar sem komist í úrslitaleikin, Króatar sýndu gegn Dönum, að þeir eru fjári seigir og þeir eru jú ríkjandi Olympíumeistarar!
Ég er orðin það gamall, að ég man vel eftir bæði OL '92 og svo auðvitað EM í Svíþjóð tíu árum síðar er við komumst í undanúrslit líka. Þá voru jú vissulega væntingar og spenna um að komast lengra, en einvhern vegin var samt eitthvað í loftinu sem sagði manni að það myndi ekki takast. Ofurbjartsýni vantaði þó ekki hjá sumum. Nú hins vegar finnst mér þetta öðruvísi. Ekki bara vegna þess að keppnin er svo langt í burtu, heldur er tilfinningin bara betri einvhern vegin og það virkilega raunhæft að vona og gera kröfur um að sigra Spán! Þeir eru ekki með betra lið en Danir, Pólverjar eða Þjóðverjar, þetta snýst bara um formið og stemmninguna milli okkar og þessara þjóða hvernig fer og það sýna úrslitin glögglega hjá þessum þjóðum og fleiri sem eru á svipuðu styrkleikaróli, rússum t.d. og Kóreumönnum!
En eins og í öllum leikjunum á undan, þá getum við auðvitað líka hæglega tapað, en með sama leik og mestalla þessa keppni og sanngjarnri dómgæslu getum við sem best brotið Spánverjana á bak aftur og sigrað sannfærandi!
Svo er alveg nóg núna fyrir þá að hampa EM titlinum í fótbolta!

ÁFRAM ÍSLAND!!!

Fernandes reiknar með spænskum sigri

Að því tilefni vil ég segja!

Hanna Birna há og mjó,
hefur fangað augnablikið.
Segist fær í flestan sjó,
fráleitt hafa nokkurn svikið.
Samt er mörgum um og ó,
ekki treysta henni mikið.
Muna þegar drambið dróg,
dömu tíðum yfir strikið!

Annars má bara óska D til hamingju með að hafa gert konu öðru sinni í sögu flokksins að borgarstjóra, eða valið sér konu sem oddvita, sem tekur svo við embættinu, eins og hér um ræðir. En líkt og í hið fyrra skipti, kemur það hins vegar ekki til að góðu né með eðlilegum hætti og það er bara ekki til eftirbreyttni!

Lyklaskipti í Ráðhúsinu