Ómerkilegt bréf!

Mér er spurn, hvar voru eiginlega þessir tólfmenningar þegar sáttmáli núverandi ríkistjórnar var smíðaður og svo ljóst var að þessi yrði niðurstaðan, að þessi þingsályktunartillaga um aðildarviðræður, sem svo lagt yrði í hendur þjóðarinnar þegar samkomulag lægi á borðinu? Alveg stórfurðulegt finnst mér að þetta fólk sem og annað er á móti þessu er í VG, skuli hafa samþykkt aðild flokksins að stjórninni, fyrst svo hart væri á þessa samþykkt lagt og hún að því er virðist ófrávíkjanleg! Það er gömul saga og ný, að flokkar ná aldrei fram öllum sínum málum í samstarfi og stundum verða menn að víkja frá eigin stefnumálum í þágu samstarfsins. Þetta hefur semsagt verið ljóst frá upphafi og því þykir mér það heldur ómaklegt í garð Steingrímks að hans eigin flokksmenn komi nú og ætli að setja honum afarkosti með slíkum hætti sem þetta bréf virðist vera og einhverri meintri aðvörun um eitthvað sem þó hefur legið í augum uppi frá byrjun stjórnarinnar. Annars er ég þeirrar skoðunar, að þetta mál allt með tvöfalda atkvæðagreiðslu sé orðið í senn lýðskrumstæki og farsi. Skoðanakönnun á vegum Heimssýnar, félagsskapar í anstöðu við Evrópusamvinnnu, sem Gallup framkvæmdi, á til dæmis að vera stór sannleikur um að stærstur hluti landsmanna vilji þessa meðferð, en á öllu virðist sem stundum áður hefur nú gerst, að spurningin sem notuð var hafi verið vægast sagt tvíræð, eða hvort viðkomandi væri hlynntur atkvæðagreiðslu að aðildarumsókn, en ekki hvort vilji væri fyrir tvöfaldri atkvæðagreiðslu fyrir og eftir samningsgerðina!
Mér finnst því vafasamt að meir en þrír af hverjum fjórum sem svöruðu Heimsýnarvilja í hag, séu í raun að hafna einni afgreiðslu eftir upplýsta og vandaða kynningu á samningi er lægi þá á borðinu.

Steingrímur „ómerkingur orða sinna“

"Vatn á myllu kölska"!

Nú fíflaher og flokkur glópa,
farin er á ný að hrópa.
"Komi aftur kóngur vor,
kappsfullur með allt sitt þor
Svo bölvuninni burtu megi sópa"

Skorað á Davíð á Facebook

Meistarans Hólmdísarhugarvíl!

Ein af mínum fallegustu og heittelskuðustu bloggvinkonum hjúkkan Hólmdís þingeyska, hefur nú boðað brottför sína af landinu á morgun
Mér finnst það bara helvíti skítt þegar svo háttar, að svo glæsilegar meyjar sem hún geri slíkt, þó ég reyni auðvitað að skilja ástæðurnar um leið. Það breytir hins vegar ekki því að maður verður dapur og fer ekkert dult með það, sem sannaðist á mér í nótt eftir að hafa lesið brottfarartilkynninguna hennar!

Nú í barm sinn gumi grætur,
gengdarlaust í skjóli nætur.
Íslland vart þess bíður bætur,
er burtu hverfa fagrar dætur!

En svo í aðeins reiðari tón!

Nú bölva sem brjálað naut,
blæðandi hjartans er þraut.
Senn Hólmdís er horfin á braut,
í helvítis "Baunanna" skaut!

Rosagott hjá honum, en samt verð ég að nöldra aðeins, því..

...að hlaupagikkurinn sló ekki hinum ref fyrir rass, leiðinda málvilla það! Hins vegar Sló hann Powell VIÐ á hlaupabrautinni, eða SKAUT honum ref fyrir rass! Annars er lífið bara dásamlegt og nóttin yndisleg í heimsins fallegasta bænum!

Tyson Gay náði besta tíma ársins

Skrum!

Jamm, í einu orði sagt, er hjartanlega sammála gömlu leikgyðjunni Liz Taylor!
Kaninn gerir fátt verra ef nokkuð, en að setja slíkt innihaldsleysi á svið þar sem slepjan er hreint yfirþyrmandi!
Alveg burséð frá hversu merkilegur eða ekki tónlistarmaðurinn MJ var, snillingur eða ekki, ofmetin eða ekki, ömurlegur aumingi haldin barnagirnd eða ekki, þetta er meira en fullmikið af hinu góða!

Þúsundir fésbókarfærslna á mínútu um kónginn

Ég hjá Jóni Val!

Hvað er betra á fögru sumarkveldi, nú eða um dag þegar lítið er að gera eða lundin ei svo létt, en að skella sér inn á bloggið hjá guðfræðingnum kjaftgleiða Jóni Val Jenssyni og gleyma sér þar smá stund, ég bara spyr!?
Það geri ég stundum, eins og fyrr hefur komið fram og víla ekki fyrir mér að svetta einhverju blaðri eða bögukorni í athugasendum, mér til mikillar ánægju og skapsbótar oft á tíðum! Skiptir mig engu þótt andsvörin séu oft út í hött og heldur óbilgjörn sem tíðum hjá kappanum, virkar sjálfsagt álíka á mig líkt og vatni sé skvett á gæs!
Jóni Val líkar ekki mjög önnur sjónarmið en sín eigin varðandi Icesave og sendi mér þessa alveg ágætu sendingu um margt í fjórum línum.

Icesavesnatar ýlfra hátt,
aumka breska vini.
Að mýkja þá er mikið brátt,
Magga Guðmundssyni.

Auðvitað ekki sammála innihaldinu, en afar ánægður með sjálfan mig, setti ég þetta í snarhasti á blað sem andsvar.

Tilfinning er tær og góð,
talsvert stoltur er.
Kveðskapar að kveikja glóð,
í KJAFTASKINUM þér!

Nú svo var hann sem oftar með frjálsa túlkun á orðum annara, sem ég leyfði mér að gera athugasend við. Ekki féll karli það alls kostar frekar en fyrri daginn og orðaði það þannig, að Magnús "þessi" væri lítt marktækur.
Launaði ég fyrir mig svona.

Mælir svo Magnús ÞESSI,
af munni hógværa bæn.
Að dável drottin þig blessi
og dæmi Syndugi-Jón!

Skemmst er frá því að segja, að þögn brast á, sem gerist nú ekki á hverjum degi á þeim bænum!

Hér er eitthvað málum blandið!?

Eða það finnst mér. Allavega urðu stökk síðast þegar ég vissi, ekki ógild sem slík þótt meðvindur á meðan þau væru framkvæmd reyndust yfir mörkum. Ef hins vegar væri um metárangur fengist hann ekki staðfestur vegna þessa of mikla meðvinds, en stökkið gilti sem einangraður árangur í keppni!
Ógilding teljist svo aftur á móti og langoftast þegar keppandi sígur lengra í uppstökinu en sem nemur plankanum sem stokkið er af eða keppandin fer út fyrir gryfjuna, dettur, eða gerir stökkið vísvitandi ógilt sjálfur!
Þetta hef ég nú haldið hingað til að gilti enn, æfði nú frjálsar um hríð fyrir óralöngu!

Jóhanna bætti sig og setti nýtt mótsmet

Mistök eða meistaraskref!?

Ian Rush er nú slíkur herramaður, að hann myndi aldrei segja neitt annað en þetta um Owen. En það er hins vegar hundrað prósent öruggt sem ég sit hér, að hann hugsar annað og ýmislegt fleira og það gera nú Liverpoolaðdáendur sannarlega um allan heim flestir líka!
persónulega er mér alveg sama, en held að líkurnar séu nokkuð jafnar á að hann spjari sig og ekki,það er að segja ef honum tekst að halda sér heilum!á því virðast hins vegar minni líkur en hitt ef marka má mörg sl. árin, þar sem meiðsli á meiðsli ofan hafa hrjáð drenginn.En þó hann sleppi við þau og já standi sig, þá er nú samt ekkert sem segir að hann muni spila reglulega, samkeppnin þarna mikil enn og það þótt tveir ágætir hafi horfið á braut frá MU sem kunnugt er.

Michael Owen er allavega á seinni árum, eini uppaldi leikmaður LFC sem svo síðar hefur farið yfir til MU.
Paul Ince kom jú vissulega öfugu leiðina, en hann var ekki uppalin hjá MU, var keyptur þangað frá West Ham.
Eina samlíkingin sem ég get nefnt að nokkru allavega, er að Danny Dupree komst í akademíuna hjá MU, en var hafnað. Síðar gerði hann samning við Liverpool og náði þar í einhverjum örfáum tilvikum alla leið í aðalliðið!
En ekki til langframa og hann seldur til Newcastle eftir nokkur ár.

Ian Rush: Owen mun gera það gott hjá United

Allir að fagna með EIKANUM!

Já, allir sem vettlingi geta valdið,ljúfur og góður drengur hann Eiríkur, sem ég kynntist fyrst fyrir rúmum tuttugu árum, prúður og algjörlega laus við stjörnustæla!
Á meir en skilið að fólk hópist nú og fagni með honum á þessum tímamótum og það þótt það sumhvert hafi fengið um tíma ofnæmi fyrir sumum lögum sem hann hefur sungið og einmitt á borð við Gaggó Vest hans Gunna Þórðar!

Rokkað í hálfa öld

"Skömmustulistinn" minn og MJ!

Minn gamli félagi hann Bubbi, (bubbinn.bloggar.is) birti um daginn fróðlegan lista úr tímaritinu fræga Rolling Stone, yfir sveitir sem margur hefur dáðst af í laumi að sögn, en ekki farið of hátt með.Kallast þetta á útlenskunni "Guilty Pleasure", sem ég kalla bara "skömmustu" svona stutt og laggott.
Datt svo bara í hug að gleðja strákin og senda honum svona lista, með ýmsum flytjendum og lögum er mér fannst eiga við og komu upp í hugan að þessu tilefni.
Michael Jackson var einmitt eitt nafnið, eins og lesa má hér að neðan, en vart hafði ég sent Bubba listan og hann birt, en garmurinn snéri upp tánum! Kenni mér þó ekki um, en þetta var ansi örlagaríkt að rifja þetta upp með hann og fleiri, eða þannig!
Annars er fréttaflutningurinn nú eftir dauða hans og viðbrögðin víða, t.d. hér á blogginu, alveg yfirgengileg og ofurviðkvæm, svo hálfa af því hálfa væri nóg!Lítið hins vegar við því að segja og fólk verður bara að fá að haga sér kjánalega ef það vill!

Þegar ég hugsa til baka er ég á efri efri barnsárum, ef svo má taka til orða og síðan unglingsárum, var að mótast í mikin harðrokkara er hlustaði mest á Heep, Purple, Zeppelin og síðan Slade, Black SAbbath og Iron maiden o.s.frv. koma furðulega mörg lög jafnframt upp í hugan, sem gripu mann líka, en hreinlega DAUÐASYND hefði verið að láta vinina vita af!
Hérna koma nokkur, ekki þó í neinni sérstakri tímaröð, man árin heldur ekki svo glöggt eða útgáfuár laganna.

Tina Charles - I Love To Love.
-Man vel enn þann dag í dag, er einn bræðra minna kom með plötuna með þessu lagi og byrjaði að spila daginn út og inn! Bölvað diskó auðvitað, en viðurkenni nú, að ekki aðeins fékk maður þetta lag á heilan, heldur fannst sveininum unga söngkonan svo sæt!

Dr. Hook - Sylvia's Mother.
-Hef aldrei skilið það, en þetta helv. væmnislag lét mig bara ekki í friði mitt í rokk og bárujárnsupplifunum,eins og flest lögin hérna allt eldri bræðrum að kenna að þetta gerðist!

ABBA - hellingur af lögum, t.d. Fernando, Vúlli vú, Arrival, Money, Money, Money..o.s.frv.
- Hygg að margir hafi sömu sögu að segja,maður mátti ALLS EKKI viðurkenna að þetta annars fína popp ætti möguleika upp á pallborðið, þvert á móti var það mikill "töffaraskapur" að blóta þessu "Væluskjóðupoppi" En, ég laumaðist svo líka á myndina þarna um árið, hundleiðinleg reyndar, nema hvað eins og með tinu, stelpurnar voru svo sætar!

Human League - Don't You Want Me Baby.
-maður gat í orði þolað þetta á unglingaböllunum, en maður lifandi, þetta var eitt allramesta draslið! og raunar finnst mér þetta frekar þunnur músíkþrettándi í dag, en þetta lag og nokkur önnur sitja samt enn í huganum.

Judy Garland - Somewhere Over the Rainbow.
-Held að hefði einvher félaganna vitað að undir þessu lagi felldi ég tár harðjaxlinn, gjörsamlega heillaður ef ég slysaðist til að heyra þetta, þá hefði ég líkast til orðið fyrir alvöru einelti!
En mörg orð þarf ekki að hafa um þetta, með sígildari lagaperlum amerisku söngvamyndanna, úr Galdrakarlinum í Oz!

Þú & ÉG - Í Reykjavíkurborg.
-Svipað og með tinu Charles, fékk þetta diskó Gunna Þórðar bara á heilan, skil ekki hvers vegna enn í dag auk þess að verða skotin í Helgu Möller! (urðu annars ekki flestir stráklingar það á þessum árum?)

10cc - svipað og með ABBA, fullt af lögum sem urðu vinsæl, (flest þó af plötunni þarna með kafaranum framan á með drukknuðu stelpuna í fanginu, man ekki nafnið bubbi og man laganöfnin reyndar fæst líka nema á hinu frábæra Wall Street Shuffle, sem var þó ekki á þessari plötu held ég!)

Foreigner - I've Been Waiting For A Girl LIke You.
- Já, ehem, þetta annars ofurvinsæla lag gerði mann alveg grænan á endanum, stundum spilað hundrað sinnum, en var svona á jaðrinum að mátti viðurkenna hrifningu á eða að manni þætti söngvarinn "Raddmjói" flottur. Þó þótti í það heila ekki svo hallærislegt að hrífast af hljómsveitinni.

Roxy Music - Dance Away.
-Man hversu leiðinleg og asnaleg þessi sveit þótti, en þetta lag tók mig með trompi, bræðradæmi, en held ég hafi ekki heyrt lagið fyrst fyrr en nokkru eftir að það kom fyrst út.

Jóhann G. - Don't Try To Fool Me.
-Eitt af flottustu íslensku popplögunum frá upphafi, frábært lag, en það fór nú ansi hljótt um hrifninguna á unglingsárunum og hún mátti ekki vitnast.

BA Robertson - Flight 19
-Skoski háðfuglinn þótt nú bara hálfvitalegur minnir mig í félagahópnum, en þetta lag og fleiri heilluðu mig nú og platan þessi auk annarar á eftir ef ég man rétt.

Michael Jackson - Billie Jean & Beat It
-þarf nokkuð að útskýra þetta frekar, nema hvað að menn gáfu sjéns vegna Stevie VAi og síðar Steve Stevens, enenen, að sýna MJ sjálfum einhverja aðdáun, tja, það þótti bara vont mál! (og þykir nú reyndar enn!)

Lík Jacksons flutt til Neverland