Sigur með brögðum og tímabundið toppsæti!

Sú staðreynd að leikmenn Wigan stóðu sig geysivel í fyrri hálfleik, en lyppjuðust svo niður í seinni hálfleik eins og aumustu slitti, á sér kræfar skýringar!
Glaðir og reifir en um leið svolítið svekktir að hafa ekki skorað í fyrri hálfleik, hlupu þeir til búningsklefa síns og voru staðránir í að gera í það minnsta jafn vel í þeim síðari.
En hvað haldið þið!
Ekki aðeins höfðu starfsmenn United meðan á fyrri hálfleik stóð, bónað gólfið hálfu meir en ella, þannig að þrír leikmanna Wigan urðu fyrir tognun er þeir komu á ferðinni inn í klegan í leikhléinu, heldur varð sá fjórði að spila með sorg í hjarta í þeim seinni, er kærastan Í ALVÖRU (ekkert Irelandhneyksli á ferð!) gerðist svo heimsk að hringja á þessum "Ókristilega tíma" og segjast fara í fóstureyðingu ef hann kvæntist henni ekki strax!
Og ekki nóg með það, heldur voru þrjár starfsstúlkur vallarins látnar spígspora fram og aftur fyrir utan dyr búningsklefans hjá Wigan, íklæddar flegnum bolum, stuttpilsum og undir þeim nærbuxnalausar!
Stjóri Wigan gerði örvæntingafulla tilraun til að stoppa þetta, kvartaði við dómarann, en hann sagðist bara ekki geta stoppað að "Fegurð lífsins" nyti sín!?
Niðurbrotnir og haltir snéru því leikmenn Wigan aftur út á völl og með hugan að auki við ALLT ANNAÐ EN BOLTA ÚR LEÐRI!
Og úrslitin eru ljós og verður víst ekki breytt, en svona óþverrabrögðum geta Man. UTD sem betur fer bara beitt heima, svo toppsætið verður nú skammvin sæla!
Ásama tíma á morgun eða aðeins seinna verður allt breytt!

Manchester United efst eftir stórsigur á Wigan

Andríki!?

Nú er já daufur í dálkin,
draumum hef kastað á glæ.
Ég, aumasti Asnakjálkin,
í Akureyrarbæ!

Ömurleiki afreksíþróttanna!

Hávaxin og glæsileg hún Marion, ekki vantaði það nei og margir hrifust af hennii líkt og vo mörgum álíka afreksíþróttamönnum!
En allt bara vaðandi í þessari dópdrullu og það ekki bara í frjálsíþróttunum, aflraunum, hjólreiðum, skíðum og hver veit hvað!
Jones vann sín helstu afrek í spretthlaupunum, 100 og 200 m. en líka í langstökki. 100 ´metrarnir alltaf mest heillandi greinin af þessum og í þeim man maður mest eftir henni.
Hamingjan má svo vita hvað þeir bestu í dag eru að "snæða", en svona neysla áreiðanlega enn á fullu!
Og svona með nettu kæruleysi:

Mærin Marion Jones,
margt sér vann til tjóns.
Hundrað metrana hljóp,
hámandi í sig dóp!

Marion Jones viðurkennir lyfjanotkun

Munið þið eftir Bjarna?

Þetta er nú allt hið leiðnlegasta mál og kannski ekki allt sem sýnist, án þess að maður geti þó fullyrt neitt um það!
En óneitanlega læðist að manni sá grunur, að yfirvöld hafi ekkert á móti því að sjónarmið beggja stríðsaðila komi fram, en það eigi bara ekki að vera opinbert!
Látum það hins vegar liggja á milli hluta.
En munið þið annars eftir honum Bjarna Vestmann?
Það geri ég, þótt örugglega séu komin um 10 ár frá því ég sá hann síðast. Hann var nefnilega orðin eða á góðri leið allavega að verða "sjónvarpsstjarna" hjá RÚV, starfaði minnir mig bæði á fréttastofu útvarps og svo Sjónvarpinu, þar sem hann var bæði fréttamaður og þáttastjórnandi. VAr til dæmis minnir mig annar tveggja stjórnenda af gríðarlöngum og flottum 30 ára afmælisþætti Sjónvarpsins, flottur og myndarlegur maður hann bjarni, ekki svo ólík "týpa" og Haukur Hólm á STöð 2, nema hvað framsögn Bjarna var mun betri!

Hitti fulltrúa tamílsku Tígranna án heimildar

Slappir!

Já, í einu orði sagt!

Liverpool - Marsille 0-1

Góður sigur hjá Chelsea og Celtic en óvænt tap hjá Liverpool

Þannig hljóðar þó máltækið ekki!

En gott að sjá, að embætti neytenda virki og neytendur sja´lfir séu duglegir að fá hann í lið með sér, þegar þeir telja sig órétti beitta eða á sér svindlað!

Þögn er ekki sama og samþykki

Björn spyr og spyr!

Með því að spyrja sig spurninga gegnum tíðina og leita svara við þeim, hefur mannskepnan í gegnum tíðina öðlast nýja þekkingu og/eða bætt við þá þekkingu sem fyrir var. Og þannig er það enn þann dag í dag.
Okkar ágæti dómsmálaráðherra er einn af þeim sem spyr mikið og pælir. til dæmis datt honum í hug í sumar, að spyrja hvort ekki væri bara best að "selja sjoppuna" RÚV, eða allavega rás tvö! Ekki ný spurning, en í ljósi allra látanna um fjölmiðla á sl. árum, tókst Birni að æra einhverja "óstöðuga"!
Nú spyr hann enn og aftur í svipuðum dúr og sjálfsagt ekki öllum til gleði, um framtíðarrekstur á fangelsum!
Hvað skildi það svo verða næst, sem þekkingarleit ráðherrans beinist að?
Lögreglunnar?
Stjórnarráðsins?
Alþingis sjálfs?
Spyr sá sem ekki veit!

Spurning hvort einkaaðilar eigi að koma að rekstri fangelsa

Steingrímur gefst ekki¨upp!

Ég hef líkt og margur annar landsmaður, haft dálæti á Steingrími Jóhanni Sigfússyni!
Fáir fara í fötin hans hvað andríki og ákafa varðar í ræðum og hvort sem menn eru sammála honum eða ekki, velkist engin í vafa um að hann meinar það sem hann segir og segir það sem hann meinar!
Og ekki gefst hann upp þrátt fyrir enn ein kosningavonbrigðin í vor, eða öllu heldur, góð úrslit fyrir hans flokk, sem dugðu þó ekki til að fleyta honum í ríkisstjórn.Hann heldur áfram að berjast og benda á veilur og veikleika í hagstjórn og fleiru, alveg burtséð frá því hversu mikin árangur það ber í að opna augu valdhafanna. Ákaflega virðingarvert, auk þess auðvitað að þetta er jú hlutverk þeirra sem í stjórnarandstöðu eru.
Gangi honum og hans fólki bara vel í því hlutverki, sem og öðrum þar, að veita hið nauðsynlega aðhald.
Sömuleiðis vonar maður svo á hinn bóginn að stjórnarflokkunum vegni vel að sigla þjóðarskútunni, ekki veitir nú af ef harna fer brátt á dalnum!
Og svo bara þetta:

Steingrímur sterklegum róm,
stöðugt eykur sinn hljóm.
Ólmast með kjafti og klóm,
krafsandi út í tóm!

Steingrímur J: Hagstjórn í molum og áætlanagerð úti í hafsauga

Mikill og góður metnaður, en...?

Ég hef lengi haft gott álit á Ingibjörgu Sólrúnu, myndarkona!
Og trúi henni alveg hérna um metnaðarfulla nýja stjórn með góð áform, en spyr samt.

Hennar er jú mikill metnaður,
maður skildi hiklaust ætla það.
En hvort hún teljist "Gæfugetnaður",
Geiri hérna spyr sig núna að!

Ríkisstjórnin með mikinn metnað og afl til umbóta

Þjóðþrifastarf!

Ástæða til að óska samtökunum til hamingju með 30 árin!
Baráttan gegn bremsinu og öðrum vímugjöfum verið hörð og ekki alltaf gaman að heyra forkólfinn til margra ára, Þórarinn Tyrfings, láta dæluna ganga um bágan fjárhag, en ég held nú að fæstir efist um að starfið þarna hafi ekki skilað sér, þótt þessi slagur virðist samt endalaus!
Bakkusar þar böli sinna,
betur verður tæpast gert.
Þrjátíu ára þrotlaus vinna,
þakkar sannarlega vert!

En eins og fram kemur, er baráttan nú ekki síður gegn öðrum vímuefnum auk brennivínsins!

„Erum í miðjum örvandi vímuefnafaraldri“