Og Hitabylgjan "lét bara ekki sjá sig"!

Það var minnir mig á miðvikudag eða fimmtudag sem Veðurstofan boðaði já hitabylgju, um og yfir 25 gráður, sem fyrst átti að koma yfir landið norðan og austanvert síðdegis á föstudeginum.
En aldrei kom hún, allavega ekki hér nyrðra og bara norðanátt að mestu ríkjandi með þó sól á köflum auk þokkalegs hita.
En svo bara þoka og aftur þoka sem svo hefur dreifst já víða um land.
Ekki alveg ánægður með VÍ vegna þessa, en reyni að fyrirgefa henni, eins og ég reyni yfirleitt að fyrirgefa flestum "syndir þeirra"!

N'u þokufjandi þekur víða land,
þannig varla flýgur nokkur maður.
Og Hitabylgjan, hún sigldi bara í strand,
svo hafgolu að bráð varð þessi staður!

En eitthvað hefur núna rofað til, fligið kannski komið "á flug" og hver veit nema hitabylgja komi fyrr eða síðar!?

Þoka hamlar innanlandsflugi

Athugasemdir

[Jenný Anna Baldursdóttir, 7.7.2008 kl. 16:09]

Og hér í Reykjavík sást ekki í heiðan himininn alla helgina.  En núna skín gula fíflið eins og aldrei fyrr.

[Magnús Geir Guðmundsson, 7.7.2008 kl. 20:05]

hehe Jenný, "Það" hefur bara verið í fýlu, vill ekki láta kalla sig fífl!?

[Ásthildur Cesil Þórðardóttir, 7.7.2008 kl. 20:32]

Halló hún var hér, 24°+ á Suðureyri svipað hér á Ísafirði, og enginn talaði um það, af því að góða veðrið er algjört tabú ef það er hér á Vestfjörðum. 

[Magnús Geir Guðmundsson, 7.7.2008 kl. 20:38]

Elsku Cesil mín, þetta vissi ég nú ekki og heyrði þvert á móti talað um þoku hjá þér vestra líka! En 25+ átti þetta nú samt að verða og það víða á landinu, ekki skal ég þó neitt taka af vestfirðingum þó það hafi ekki gengið eftir.