Smekkleysa!

Jamm og þá er ég ekki að tala um hið ágæta útgáfufyrirtæki með meiru, heldur þessi vinnubrögð og afskaplega kléna útskýringu á þessu sem hér má lesa að hálfu hlutaðeigandi!
Því trúir ekki nokkur heilvita maður, að viðkomandi hafi ekki vitað hvað þeir voru að gjöra, en eins og í frægri farsimaauglýsingu frá sl. ári reyna menn auðvitað og það fullkomlega meðvitað, að ganga eins langt og þeir geta í auglýsingaskyni!
Múnurinn núna er hins vegar sá, að hér fara menn yfir strikið, en Jón gnarr dansaði á línunni!
SVo er löglegt að auglýsa farsíma, en ekki bjór!
Eitthvað á þessa leið hafa menn sjálfsagt lagt þetta niður fyrir sér!

Vel skal hampa vorum bjór,
vegna tímamóta.
Landvættina legg'í flór
og lögin "óvart" brjóta!

Ölglaðar landvættir í auglýsingu

Athugasemdir

[Ásthildur Cesil Þórðardóttir, 2.3.2008 kl. 13:19]

Ég verð að segja Magnús minn, að það svíður mig ekkert þó menn grínist með landvættina og þjóðfánan.  Ég er ef til vill ekki nægilega þjóðernissinnuð.  En allt sem heitir einkennisbúningar, eða tákn sem eiga að merkja stöðu og staðsetningu, er eitthvað sem mér hugnast ekki.  Til dæmis þegar ég horfi á fáránlega búninga katólskra presta og páfa, þar sem hégómaskapurinn birtist í sinni skærustu mynd.  Það sem skiptir máli er í hjartanu á okkur, en ekki ytra pelli og purpura.

[Magnús Geir Guðmundsson, 2.3.2008 kl. 16:22]

Mín væna Ásthildur Cesil, kærar þakkir fyrir innlitið!

Ég hef nú ekki heldur neinar heitar tilfinningar sem slíkar gagnvart landvættunum, er allt of mikill æringi og prakkari til þess. En þetta snýst ekki um grín í þessu tilfelli, heldur að menn virði lög og séu ekki að hampa áfengi með svona grófum hætti.

[Bubbi J. (IP-tala skráð) 2.3.2008 kl. 22:15]

Ég hafði húmor fyrir báðum þessum auglýsingum, og mér finnst allt í lagi að láta reyna á heimskuleg lög, hvort þau standist.

[Birnuson, 3.3.2008 kl. 11:46]

Sammála Bubba J. Óþörf lög eru heimskuleg lög, og þessi lög eru sannarlega óþörf.

[Brynja skordal, 4.3.2008 kl. 08:05]

já gott að hafa húmorin á réttum stað

[Magnús Geir Guðmundsson, 4.3.2008 kl. 12:04]

Burtséð frá kímnigáfu hvers og eins og hvað sé fyndið, þá virðist á herramönnunum tveimur hér að ofan að skilja, að allt í lagi sé að brjóta lög bara ef þeim sjálfum finnst þau heimskuleg? Mjög athyglisvert sjónarmðið verð ég að segja, hvort sem þeir eiga bæði við bannið um áfengisauglýsingar eða um notkunina á skjaldarmerkinu! Sem ég sagði, þá má alveg hugsa þetta með Landvættina sem slíka, en hvað sé svona fyndið við að gera þá að drykkjufígúrum í þágu bjórframleiðanda, get ég ómögulega skynjað.