Bráðfyndið!

Ekki gekk þessum finna eins vel og landa hans Ilonen í golfinu í dag, en þetta er nú samt ansi spaugilegt!

Grönholm víst gramur er nú,
já grautfúll, það er mín trú.
Fyrir árans óheppni,
úr næstum féll keppni

hann óvart kíkti á kú!?

Kýr truflaði Grönholm við aksturinn

Flott hjá Finnanum!

Ekki á hverjum degi sem Finni vinnur stórmót í golfi!
Annars man ég það eitt sérstaklega um þennan dreng, að honum svipar heilmikið í útliti til annars góðs golfara, Sigga Palla, Sigurpáls Geirs SVeinssonar!

Ilonen fagnaði sigri - Kaymer fór illa að ráði sínu

Margur er knár þótt hann sé smár!

Gildir aldeilis um þennan stráktitt, stendur vart út út hnefa, en STENDUR sig aldeilis í Noregi!

Veigar skoraði tvívegis í 4:2-sigri Stabæk

Eins dauði er annars brauð!

Úrslit þessara tveggja leikja geta orðið örlagarík fyrir öll þessi félög. Loksinsloksins unnu Þórsarar, hafa ekki gert í allavega sl. 8 leikjum held ég. Á móti sogaðist KA aftur og enn dýpra niður í fallbaráttuna með þessu stórtapi. Og eins og segir í fréttinni, urðu þessi úrslit mjög afgerandi hvað varðaði Fjarðabyggð og Fjölni í baráttunni um að komast upp í efstu deild!
En mikið og kaldhæðnislega á orðatiltækið hér að ofan vel við um Akureyrarfélögin, um leið og það er alveg með ólíkindum að þau skuli vera í þessari afleitu og ömurlegu aðstöðu!

Fjölnismenn náðu sex stiga forskoti á Fjarðabyggð

Ekki er á allt kosið!

Óli Kristjáns var fyrr á tíð skemmtilegur og sókndjarfur vinstri bakvörður hjá FH og örugglega einn sá hávaxnasti í faginu!
SEm þjálfari bæði hér og í Dannmörku hefur honum líka vegnað ágætlega og hér orðar hann hlutina skemmtilega!

Ekki segist Óli H.,
óskadráttinn sinn nú fá.
Fjölni eða Fylki já,
frekar vildi "lenda á"!

Enginn óskadráttur en fínn samt

Kynlíf á fótboltaleik!

Pistill á síðu félaga vors, Jens Guð, Kynlíf í sjálfrennireiðum frá í gær, rifjar upp gamla minningu frá fyrr tíð, sem sannar að "Náttúran" lætur ekki að sér hæða og krefst jafnvel að henni sé sinnt og það í votta viðurvist undir berum himni!
Það átti sér semsagt stað á Íþróttavellinum á Akureyri fyrir allavega um 20 árum, að "Leikfimi líkamamlegrar ástar" átti sér stað meðan ef ég man rétt á leik Þórs og Þróttar frá Neskaupstað stóð!
og það sem meira er, ég varð óafvitandi vitni af upphafinu, sem þó virtist bara vera saklaus ærsl ungs manns í ungri stúlku. Ég kannaðist nefnilega við hana og mitt í hláturskviðum hennar er stráksi var að því er sýndist í stríðni að kitla hana, kallaði hún á mig og bað mig að "Taka hann af sér"!
Ei sinnti ég því, enda leikurinn byrjaður og hann áhugaverðari en einhver ærslalæti í krökkum!
En þegar leik lauk og áhorfendur tóku að streyma úr stúkunni og út af vellinum, sáu menn óvænta sýn, parið í "fullum gangi" í grasbrekkunnji!
SAklausi leikurinn orðin að fúlustu alvöru!
Eitthvað sögðu blöð frá þessari "ástarglímu" í brekkunni, en engum sögum fer af að parið hafi ekki í friði fengið að ljúka sér af!?

Þetta á að snúast um að spila fótbolta, ekki satt?

ER nú að verða leiður á þessum endalausu fréttum/ekki fréttum af drengnum! Íslenskir fjölmiðlar eiga ekki að vera endalaust að eltast við þessa "Sport Spunalækna" sérstaklega þessa í Englandi. Staðreyndirnar eru þessar, hann er meiddur, getur ekki æft, þannig að meðan svo er gerist ekki neitt! En þegar hann nær sér og vonandi sem fyrst, þá skýrist það hvort í raun og veru það sé vilji hans og Arnórs pabba, sem líka er umboðsmaður hans, að þreyja Þorran á Spáni upp á von og óvon, sitja á bekknum og spila kannski nokkrar mínútur stundum, eða söðla um! Ekki endilega sala. Setjum svo að Eiður nái sér fljótlega, en ákveði að best sé að færa sig um set, þá þarf það ekki endilega að þýða sölu frá Barcelona. Allavega kæmi mér ekki á óvart þótt Eggert Magnússon hafi hugleitt þann möguleika, að semja einfaldlega um það við spænska liðið að fá samlanda sinn AÐ LÁNI, í það minnsta fyrsta kastið og sjá svo til hvernig mál þróuðust! Það gæti alveg orðið besta lausnin fyrir alla, í það minnsta fyrsta kastið og ef Eiður vill enn reyna að sanna sig hjá Barcelona, en sér ekki betri möguleika nú en að fara til Englands? Þetta snýst jú um að fá að spila og eins og fyrr sagði, er kannski ekki mjög spennandi að sitja á bekknum í óvissu um hvort hann fái að spila nema kannski fáar mínútur,eða e.t.v. ekki einu sinni komast á tréverkið!

Eiður Smári: Hef ekki hafnað neinum tilboðum

VAlsstúlkur rokka!

Enn einnn glæsiárangurinn á sviði kvennaboltans, fyrirfram var talið að þetta gæti farið á hvorn vegin sem væri.
Til lukku Valsstúlkur!

Valskonur í 16-liða úrslit eftir stórsigur á KÍ

Rétt missti af enn einu metinu!

til viðbótar fréttinni, þá má segja frá því, að undramaðurinn rétt missti af enn einu metinu sem hann átti kost á, að spila einstakan hring á lægsta skori sögunnar í risamóti!
Og hann átti sannarlega gott tækifæri á metinu, en rétt missti um það bil 5 metra pútt á 18. fyrir fugli!
Virðist fátt geta stöðvað hann þessa dagana, að vinna þetta PGA mót í fjórða skiptið!

Woods lék frábært golf á PGA-meistaramótinu

Snilld Guðjóns!

Hvað er eiginlega hægt að segja um þetta?
Í liðinu eru að stórum hluta bara strákar á barnsaldri auk "gamalla jaxla" á borð við bjarna og Þórð Guðjónssyni, Dean Martin og Kára Stein! Hinir ýmsu "spekingar" voru flestir sammála fyrir mót, að botnbarátta yrði hlutskipti Skagamanna, en svei mér, snilld Guðjóns er enn einu sinni að sanna sig, auk þess auðvitað sem má ekki gleymast, að góð sending kom úr austri í tveimur leikmönnum frá SErbíu!(minnir að þeir komi þaðan!)
Og svo bara þetta að lokum!

N'u er skriður á Skagamönnum,
skora þeir mörkin í hrönnum.
Ei grenja meir, gnístandi tönnum,
Guðjóns synir í bönnum!

Skagamenn, Blikar og Fylkismenn sigruðu