Nú eru erfiðir tímar!

Nei, því mótmælir ekki nokkur maðður og þar með talið hjá Kjartani Gunnarsyni fv. framkvæmdastjóra flokksins sem í kosningum hefur listabókstafin D!
Mér hefur af þeirri viðkynningu sem fjölmiðlar hafa getað gefið, aldrei fallið K.G. í geð né hugnast sú staða sem hann var í lengi vel og var örugglega einstök, að sitja báðum megin borðsins eins og það heitir, var samtímis framkvæmdastjóri stærsta flokksins og sem slíkur ynnsti koppur í búri stjórnunar landsins, en líka fastsetin við kjötkatlana, sem formaður bankastjórnar Landsbankans lengi!
Ekki veit ég hvað hann hefur ætlast til á þessum fundi, að orð hans næðu ekki út fyrir veggi hans, nema hvað að eins og stundum áður og sem nú í öllum þessum fjármálahörmungum, tekur vanhugsunin völdin af mönnum svo viðbrögðin verða röng og oftar en ekki afdrifarík.
Hafi einhver fundarmanna sem borið hafa ræðu K.G. í fjölmiðlana í dag, ekki beinlínis logið um innihald hennar, þá stenst þessi eftiráathugasend einfaldlega ekki.
Davíð Oddson, hann og engin annar hefur haft uppi þessi stóryrði sem K.G. á að hafa borið af sér í dag og því er bara ekki hægt að túlka þessi orð öðruvísi.
En það skal ítrekað, nú eru erfiðir tímar, þar með talið hjá K.G. sem segist m.a. hafa tapað fjárhagslegri aleigu sinni undanfarna daga, en eigi á móti ungan son sem hann hafi eignast nýlega og byggi nú að því.
Hver dæmir annars fyrir sig, en í ríkjandi ástandi ráða menn orðið lítið við framvinduna og breyta heldur ekki rétt í smáu sem stóru.

Ekki gagnrýni á Davíð

Hugumstóri herinn!

Blessaður hjálpræðisherinn,
í hjörtu mannanna fer inn.
Von til að veita,
er vansælir leita
Þangað hann birtuna ber inn!

Á öllum tímum, þessum þrenginga sem öðrum bjartari, eru alltaf einvhjir sem verða undir í lífinu, eiga erfitt uppdráttar að einhverjum mismunandi ástæðum.
Því er starf Hjálpræðisherrsins og fleiri slíkra gríðarlega þakkarvert og bráðnauðsynlegt, þó auðvitað vildum við að svo væri ekki einn góðan veðurdag.
Óska herrnum alls hins besta er hann flytur í sitt nýja húsnæði þarna í hjalteyrargötunni, eftir að hafa verið nú síðast í ekki of aðgengilegu húsnæði að Hvannavöllum.

Hjálpræðisherinn stækkar við sig

Lítil baráttukveðja!

(Fátt er svo með öllu íllt...!)

Þótt vonleysið vaxa nú hljóti,
veröld í óvissu fljóti
þá bölmóði berjast á móti,
ber með kjafti og klóm.
Því íllt gerir aðeins já verra,
svo eflist "Myrkursins herra"
EF baráttuþrekið mun þverra
þú hverfur í kreppunnar tóm!

En við erum auðvitað misjafnlega sett og í stakk búin, sumir að missa eða búnir að missa vinnuna, en eiga þó sinn umsamda/lögbundna uppsagnarfrest. Aðrir skulda mikið og eiga auk þess lítið eða ekkert sparifé, þeir eru auðvitað einna verst settir tala nú ekki um ef þeir líka hafa misst vinnuna eða sjá fram á það, en aðrir eiga auðvitað sparnað eða og skuldlitlar eða lausar fasteignir og geta tekist á við sinn samdrátt.
Aðstæður fólks já allavega í þessum umbrotum, en samt gildir að gefast ekki upp fyrr en í fulla hnefana, því eins og þar stendur, "Að ekki þýðir að gefast upp þótt móti blási" og sungið var nokkurn vegin þannig um árið!
Boðskap ríkisstjórnar fáum við svo að heyra í kvöld, hvað hún hyggst gera frekar til að sporna við ástandinu, annað en að gera hin mjög svo umdeildu kaup á Glitni.
Hvað sem fólki finnst annars um þau og stjórnina sjalfa, þá hefur sjaldnar eða aldrei verið meiri ástæða til að leggja eyrun við en nú!

Kaupa fleiri og ódýrari hluti

FF - Táp og fjör og frískir menn!

Veit svo sem ekki hvort Magga hin myndarlega hafi rétt fyrir sér, en svo mikið veit ég að FF og hans tilvera í íslenskum stjórnmálum er mikið sjónarspil, sem m.a. glöggt má fylgjast með hér á netinu, þar sem margir af hans liðsmönnum eru bloggarar og ansi hreint já "hressir og frjálslegir í fasi" oft á tíðum!
Og svei mér ef ég er ekki bloggvinur góðs hluta þeirra, bæði þeirra sem eru framarlega í flokksstarfinu og annara sem eru yfirlýstir stuðningsmenn! og svo skemmtilega vill til að stelpurnar eru þarna í svipuðu hlutfalli og stra´kskammirnar, þó vissulega séu þær aftur á móti miklu minna áberandi í hinu daglega tali um völd og áhrif innandyra. Það er auðvitað ekki nógu gott, minnir að hún SMS, Sigurlín margrét Sigurðardóttir sé eina kvinnan sem komið hafi við sögu flokksins á þingi, en mér getur þó skjátlast eða skort minni um það.
Nema hvað, þessar væringar nú vekja auðvitað athygli pólitískra áhugamanna, þ.e. annars vegar að ýmsir í flokknum vilji nú breytingar á forystunni, að Sigurjón hinn snaggaralegi og oft á tíðum skemmtilegi fv. þingmaður, verði nýr formaður og svo hins vegar að setja eigi reynsluboltan og gömlu handboltasleggjuna Kristinn H. af sem formann þingflokksins og setja "nýaflsmanninn" Jon M. inn í staðin!
Opinskáar umræður hafa farið fram og menn ekki vílað fyrir sér að rífast hressilega um þetta fyrir opnum tjöldum. Kristinn segir þetta hvortveggja vera aðför að formanninum og Margrét segist hérna taka undir það. Augljóslega er fyrra atriðið viljayfirlýsing um breytingar, segir sig sjálft, en veit hins vegar ekki alveg um hitt, að ef Jon yrði nýr þingflokksformaður, þá verði það endilega skilið sem aðför að blessuðumkarlinum Guðjóni A.!?
Mér finnst þetta meir snúa að Krisni sjálfum, þó J'on og sskósveinar hans úr aflinu á borð við hávaðaseggin Eirík S. hafi örugglega áform um meiri áhrif, til þess eru menn jú í pólitík, til þess að hafa áhrif og öðlast völd, innan flokka sem utan.
Eins og Kristinn talaði í gær, ætlaði að sjá frekar hverju fram vindur o.s.frv. þó hann segði reyndar nei svo við að hann væri e.t.v. á útleið, þá er ég í ljósi reynslunnar með hann, alveg eins viss um að hann hefur hugsað þetta lengra, er jafnvel búin að undirbúa sig eitthvað fyrir það þegar og ef hann myndi hætta og ganga úr flokknum!
Einhverjar ráðstafanir til dæmis innan vinnustaðarins, alþingis, gæti hann til að mynda verið þess vegna búin að gera, sem nauðsynlegar eru held ég, spjalla við helstu starfsmenn þingsins m.a. Held nefnilega ef hann hætti í FF, yrði settur af með látum sem þingflokksformaður, að hann myndi ekki til dæmis þekkjast góða boðið hans Össurar frænda um að ganga í S, heldur sitja út kjörtímabilið sem óháður þingmaður!
Þetta eru nú auðvitað svona mest bara mínar vangaveltur, en eftir að hafa lengi fylgst með stjórnmálunum og Krisni þar með, kæmi mér ekki nei á óvart að þetta gæti orðið niðurstaðan!
En hvað annars þessu öllu líður, þá held ég aftur á móti að ef FF ætlar til lengri framtíðar að vaxa og dafna sem alvöru stjórnmálaafl, þá verði konur að koma mun sterkar og meir áberandi inn í forystu hans.
Það er hygg ég nú alveg á hreinu og veit sem er að þær eru nokkrar þarna úti sem gætu svarað því, en enn sem komið er eru það karlarnir sem eiga sviðið meira og minna.

Margrét: Nýtt afl meðal Frjálslynda

"Dýr yrði haukdal allur"!

7 millur takk eða svo úr vösum okkar vesalings skattborgaranna er niðurstaðan af tíu ára brasi vegna "500-kallsins"!
Og víst að koma eða komin kreppa!?

Enenen!

Í dag hann glaður sig gretti,
svo geislaði hrukkótt smetti
Sárasaklaus,
sérvitringshaus
Haukdal í hæstarétti!

Eggert: Ánægður og þakklátur

Skammgóður vermir!?

Nú er það já gott og blessað út af fyrir sig ef hin góða stétt ljósmæðra hefur náð þessum árangri með einaðri staðfestu, í stórum dráttum því sem þær stefndu að, en eins og ég hef til dæmis örlítið reifað hér og þar eftir að hafa hugsað um þetta blákalt, þá kann þetta einungis að verða skammgóður vermir!
Eins og árferðið er allavega og ekki sýnist ætla að lagast, þá mun verðbólga klípa jafnt og þétt í þessa kjarabót eða aukningu líkt og víst þegar hefur gerst hjá mörgum öðrum stéttum sem samið hafa á sl. mánuðum.
EF svo færi að ný þjóðarsátt yrði gerð, þá er líka fyrirsjáanlegt að ljósmæðurnar yrðu að sjá á bak þessari bót að meira eða minna leiti.
Það sem svo mér finnst öllu verra að virðist strax ætla að gerast og ég velti jafnframt upp, er að vart hefur blekið á þessari miðlunartillögu þornað, en ein önnur stétt í heilbrigðisgeiranum (ljótt og leiðinlegt orð, en nota það hérna eitt skipti í undantekningartilfelli) eða talsmenn þeirrar stéttar, læknar, lýsa því yfir og lesa má hér neðar í fréttunum, að þeir muni ekki sætta sig við minna en ljósmæðurnar eru líkast til að fá ef þær samþykkja þessa miðlunartillögu!
Auðvitað finnst manni stundum gott og aman að vera pínu vitur og sannspár, en ekki þó sérstaklega í þessu tilfelli.
Þetta lítur bara því miður nei ekki vel út ef fram heldur sem horfir, en með einarða baráttu og samstöðu þeirra ljósmæðra sem í hlut hafa átt (ekki allar ljós´mæður í landinu sem áttu í þessari deilu, t.d. ekki á Akureyri) má óska til hamingju!

Ljósmæður fá allt að 21% hækkun

Tillaga dagsins!

Ja, nema kannski fyrir utan miðlunartillöguna hans Ásmundar eða kannski þessa að gera Tomma Gumm hærra undir höfði í borginni, þið vitið borgaralega borgarskáldinu sem orti fullt af fallegum ljóðum um hana!
En það væri nú aldeilis komin tími á að náða Gretti karlinn og vonum seinna, aldirnar hlaðast upp frá hans tíð, en berserkurinn ekki fengið verðskuldaða uppreisn æru, sem þó sumir hafa fengið "billega", eins og við segjum stundum hérna í "danska bænum" fyrir norðan!
Ef ekki Ólafur Ragnar, þá bara handhafa forsetavaldsins í "jobbið", ekki spurning!

Sniðugir nú valdsmenn væru,
ef vildu létt með bros á smetti.
Loksins veita uppreisn æru,
öldum saman dauðum Gretti!?

Drífa bara íðessu!

Vilja að Grettir verði náðaður

Aldrei að vægja né víkja!

Þeir sem fylgst hafa með Gunnari I. Birgissyni bæjarstjóra í Kópó, vita auðvitað að þar fer grjótharður baráttuhundur, sem að hætti gamalla boxara, gefst aldrei upp fyrr en í fulla hnefana, veður bara áfram, vægir ei né víkur!Í seinni tíð hefur þó nokkuð gefið á bátin hjá karli og hann verið viðkvæmari og svolítið valtari ´sinni baráttu samanber í þessu dæmalausa máli með nektarstaðarflandrið, rimmu við Reyni Trausta o.s.frv.
Í þessu virðist svo taugatitringur frekar vera að gera vart við sig með meiru.

Gunnar Birgis blessaður,
bara nú er stressaður.
Í meira lagi "Messaður",
móður já og pressaður!

„Blautir kossar bæjarstjóra“

Óþarfi að bera blak af menntamálaráðherra!

DV er í sjálfu sér bara að enduróma það sem fólk tók að velta fyrir sér eftir seinni för Þorgerðar á OL í ágúst, hvort hún færi ekki líka á OL fatlaðra fyrst nærvera hennar var svona sérstaklega nauðsynleg á úrslitaleiknum og það einmitt vegna þess að hún væri jú ÍþrÓTTAMÁLARÁÐHERRA! Þannig var nú helst rökstuðningurinn fyrir skyndiákvörðun hennar að fara aftur og réttlæting þeirra sem töldu sig svo eftir á þurfa að verja þessa ákvörðun.
Engin nema ráðherran sjálfur tók þessa ákvörðun svo vitað sé, ekki kallaði HSÍ á hana aftur eða Íþrótta- og Olympíusambandið, ekki ríkisstjórnin né kom áskorun frá þjóðinni!
Ráðherran fór því aftur fyrst og síðast vegna þess að HANA LANGAÐI SJÁLFA og því er alveg ástæðulaust fyrir Íþróttasamband fatlaðra að bera blak af henni.
Auðvitað ekkert nema gott um það að segja, að samstarf sambandsins við ráðherran sé gott sem slíkt, annað væri nú, en í mínum huga kemur það þessari gagnrýni sem slíkri ekkert við eða mjög lítið allavega.Að öðru leiti veit ég ekkert hvað stóð í DV nema það sem fram kemur hér, getur vel verið að eitthvað þar sé ekki rétt eða sanngjarnt, en þessi ábending sem fyrst kom bara frá almennum borgurum um hvort menntamálaráðherran og jafnframt ráðherra íþróttamála, ætti þá ekki líka að fara á OL fatlaðra, er fyllilega réttlætanleg og rökstudd í ljósi breytni ráðherrans og sannfæringar um að ekkert rangt var að fara aftur út þótt engin væri nauðsyn á því.
Hins vegar er ég mjög sáttur og glaður með það að J'ohanna Sigurðardóttir félagsmálaráðherra skildi svara kalli og fara út, eins og mér þótti alveg við hæfi að menntamálaráðherran færi út í hið fyrra skipti!

Einum ráðherra var boðið til Peking

Áfram veginn...hikk!

Ekki beinlínis upplíffgandi tíðindi, í ljósi þess m.a. að t.d. yfirvöldin í Reykjavík hafa verið í miklu rugli með slík mál, sem aldrei skildi verið hafa!
SVo eru í ofanálag háttvirtir þingmenn með Sigurð Kára í broddi fylkingar eflaust með hið "mikla þjóðþrifafrumvarp" enn í kollinum að koma bæði bjórnum og léttvíninu frá ÁTVR, sem eflaust myndi bæta ástandið eða hitt þó heldur!
Inn í þetta í netfréttinni hérna vantar hlutfall léttvínsins, en samkvæmt tölum fyrri ára þá eru bjór og léttvín samtals um og yfir 90% af heildarsölunni í lítrum allavega talið.
Hef margpredikað það, að engin rök sem halda í raun og sannn, réttlæta slíka breytingu í mínum huga og auka svo sannarlega ekki frelsi, að færa söluna í hendur matvörukaupmanna. Það væri að hella olíu á eld neyslubálsins, sem svo sannarlega logar nú þegar glatt!
Auðvitað segja þessar heildarsölutölur ekki alla söguna um neysluna, hlutfall þeirra sem drekka sé t.d. að aukast mikið t.d. en aukningin þýðir samt að herða þurfi róðurinn í forvarna og öðrum aðgerðum til að sporna við aukningunni.

ÁTVR hefur selt áfengi fyrir 11,3 milljarða