Kemur nú vart til greina.

Nema þá kannski helst í skiptum fyrir hann sjálfan í staðin!?
Annars er þetta ekki ný ósk hjá hinum unga og frábæra Fabrekas, þeir Alonso miklir vinir minnir mig og gott ef ekki herbergisfélagar er spænska landsliðið kemur saman!?
Væri raunar rugl einu orði sagt, að færa einum af helstu keppinautunum Alonso, hann lék sem fleiri mjög vel í vetur og ég sé enga ástæðu fyrir LFC að selja hann.

Fabregas vill fá Alonso til Arsenal

Óraunhæft á flesta kanta!

Það finnst mér nú, fyrir það fyrsta að trúa því í alvöru ef marka má þessi orð, að geta unnið alla titlana á Englandi, ekki einu sinni "Fergie" blessaður, taldi það nú raunhæft aðspurður fyrir sl. tímabil, ef ég man rétt. (eða á því yfirstandandi)
og að vinna svo Meistaradeildina til viðbótar?
Svolítið ofurraunsæislegt verð ég að segja.
Tel raunar að mjög erfitt sé að spá um sigurvegara næsta árs, en til dæmis bara með afturkomu hans nú fyrrum liðs, AC Milan til leiks í henni eftir árs fjarveru og lið á borð við Liverpool, MU, Barcelona og jafnvel Arsenal, muni áfram verða mjög sterk og jafnvel sterkari en í ár, (áreiðanlega í tilfelli Arsenal) þá held ég að mjög erfitt verði fyrir Chelsea að bæta sinn besta árangur hingað til, komast í úrslitin 2008 gegn Mu, en tapa þar síðan svo sorglega sem raun bar vitni! (ótrúlegri óheppni fyrirliðans John Terry í vítakeppninni þar sem hann hrasaði í skotinu sem ella hefði orðið öruggt mark, en fór í stöngina!)
En liðið mun áfram auðvitað fara langt og gæti alveg unnið fleiri en einn titil á heimavígstöðvunum, ekki skal dregin fjöður yfir það, en þó stór og mikil markmið séu auðvitað sjálfsögð, þá verður að fylgja þeim eitthvert raunsæi.
Held svo annars fyrir næsta tímabil í Englandi, að lið á borð við Aston Villa, Everton og Tottenham einkum og sér í lagi, geti vart annað en bætt sig, svo keppnin verður hörkuspennandi sem aldrei fyrr næsta vetur. peningar eru að vísu ekki miklir hjá hinu Liverpoolliðinu, en samt, topp 8 er áreiðanlega áfram merkmið á Goodison. Og mikið saknaði liðið Phil Jakielda í vörninni gegn Chelsea fyrir viku, munaði svo sannarlega um minna í hans tilfelli. Held ég að þessi leikmaður sé tvímælalaust einn af þeim althygliverðari frá vetrinum af bresku bergi.(enda vann hann sig inn í enska landsliðið)
Man. City verða líklega mesta spurningarmerkið,alveg ómögulegt að segja hvort liðið nær betri árangri, en ekki skortir mannskapin að búa til lið sem gæti allavega farið að berjast um Meistaradeildarsæti, þarf bara að hrista hann mun betur saman og þá spurningin hvort Mark hughes er rétti maðurinn til þess!?
"Vinaliðin mín" Stoke og Sunderland heldu bæði sætum sínum, Stoke raunar mjög óvænt, en sannarlega með slíkum glæsibrag að engan óraði held ég fyrir.Sunderland bjargaði sér á síðustu stundu og nú lítur út fyrir að bjartari tímar gætu verið framundan, Steve Bruce komin í brúna og verður mjög spennandi að sjá hvort hann gerir betur en gamli félagin hans hjá Mu, Roy Keene, gerði. RK byrjaði raunar mjög vel, en undan honum fjaraði svo sem kunnugt er fyrr á nýliðnu tímabili. Félagið með þeim stöndugari í deildinni, ætti því að geta fest sig aftur betur í sessi meðal þeirra bestu.

Ancelotti ætlar að vinna Meistaradeildina

Þá væri nú farið að fjúka í flest skjólin!

Víst er nú virkileg sút,
og víða í búunum hart.
En þurrkist senn þoskurinn út,
þá fyrst verður ástandið SVART!

Ætla samt rétt að vona að svo gerist ekki, menn bregðist rétt við, eða bara sem betra væri, að þetta reyndist ekki rétt!?

Sjáum til.

Telur þorskstofninn í hættu

Hvers vegna hið ómögulega gat ekki orðið hugsanlegt - Nokkrar meginástæður!

Strax eftir að ljóst varð að MU færi í úrslitin, ærði ég dálítið óstöðugan sem stundum fyrr og hélt því blákalt fram að nánast engu máli mundi skipta hvort liðið mætti Chelsea eða Barcelona, gegn hinu fyrrnefnda væru möguleikarnir kannski 10%, en gegn hinu síðarnefnda nákvæmlega 0.0 eða ENGIR!

Nú svo fyrir nokkru og hér má sjá aðeins neðar á síðunni, ærði ég óstöðugan aftur, en kannski örlítið meir, með því m.a. að rifja upp hinn makalausa heppnissigur MU á Nou Camp fyrir áratug, jafnframt því að nefna nokkrar ástæður já, sem HUGSANLEGA gætu breytt hinu ÓMÖGULEGA í veruleika, sigur fyrir MU!
En sem betur fer, að ég tali nú ekki um hvernig leikurinn varð svo í kvöld, gerðist slíkt ekki, enda getur auðvitað hið ómögulega ekki gerst, liggur það ekki í eðli málsins!?

Afskaplega auðveldur, sanngjarn og SANNFÆRANDI sigur Barcelona, svo einfalt er nú það!

En nokkrar ástæður voru fyri því að ég leyfði mér að vera svo djarfur að halda þessu fram og raska þannig ró ansi margra óstöðugra sála, er létu svo sitt ekki eftir liggja við að skamma "Boðbera hinna válegu tíðinda"!

-Tveir fyrrum Arsenalmenn væru í liði Katalóníuhersins, Henry og Silvinio, báðir þrautreyndir og þekktu lítt til minnimáttarkenndar sem háir svo mörgumsem spilað hafa við MU í ensku deildinni og oftast tapað,vissu hvað þyrfti til sigurs.
Henry svo auðvitað oft leikið MU varnir grátt og skorað hátt í tíu mörk gegn félaginu.
-Auk hans Messi Cavi og Etaoo, að ekki sé nú talað um Inijesta, væru einfaldlega of margir leiknari en miðju- og varnarmenn MU, spilaði stóra rullu og það sannaðist líka rækilega í kvöld.
-Carlos Puyol fyrirliði yrði með, sem ekki var á móti Chelsea, hann er jafn mikilvægur Barcelona og t.d. Maldini var AC MILAN.
-Að sú staðreynd að herramaðurinn hugljúfi, Sir Bob Paisley, hafði afrekað að vinna Evrópukeppni meistaraliða þvívegis, það gæti ekki gerst með hinn oft á tíðum hrokafulla AF að jafna það! (og það þótt ofursnjall hann sé!)

En langlanglangveigamesta átæðan fyrir því að útilokað væri að MU ynni titilin í þriðja sinn í kvöld og sú sem raunar ein og sér nægði til að ég fullyrti um að MU gæti ekki unnið, var auðvitað og að sjálfsögðu....

....BORGIN, VÖLLURINN, RÓM!!!

Og hvers vegna, jú á þessum velli sigraði Liverpool tvívegis í þessari keppni og það í seinna tilvikunu sjálft heimaliðið AS Roma 1984 auk þess svo síðar að hafa unnið glæsta sigra í sömu keppni á báðum liðum borgarinnar, ASR og Lazio!

Kæru aðdáendur Manchester United, þið hljótið að skilja þetta, ykkur var aldrei ætlað að sigra í leiknum.

Það var einfaldlega útilokað!

Leitt í sjálfu sér svo fyrir okkur Íslendinga, að Eiður Smári fékk ekki tækifæri að spila, en eins og með úrslitin verða menn að horfast í augu við sannleikan í hans efnum, hann var og er bara ekki nógu góður líkt og MU í þetta skiptið, en hamingjuóskir fær hann auðvitað samt sem Evrópumeistari!

Að lokum er það svo bara þannig MU aðdáendur, að "Þú getur ekki alltaf fengið það sem þú vilt"
og engu máli skiptir þar hversu góður þú telur þig vera!

Barcelona Evrópumeistari

Hvað gera Geiri og Gunnar nú?

Kemur kannski nokkuð á óvart að Ragnheiður Ríkharðs sé þarna, held hún hafi ekki verið með fyrr, en man það ekki.
En Garparnir í Kópavogi, Bæjarstjórinn og Geiri Gullputtarekandi og örugglega fleiri, hugsa nú áreiðanlega sitt við þessi tíðindi.

Hvað Geiri og Gunnar Ingi,
gramir við þessu segi.
Margt, en kannski svo kingi,
kokhreysti sinni og þegi?

Vilja banna nektarsýningar

Hvernig hið "Ómögulega" gæti orðið hugsanlegt!?

Ég hélt því blákalt fram fyrir nokkru er jóst var að annað hvort Barcelona eða Chelsea færu í úrslitin, að þar með væri nokk svo klárt hverjir myndu þar með hampa meistaradeildarbikarnum, annað hvort þeirra liða! Og í tilfelli Eiðs og félaga taldi ég möguleika MU einfaldlega vera 0,0,
ENGA!
En eins og þar stendur og já alveg sérstaklega með MU, þá verða ólíkindi stundum að engu, einhverra hluta vegna og hið ómögulega verður allt í einu ekki svo lengur, heldur lýgileg mótsögn!
Sigur MU fyrir tíu árum á Bæjurum er sannleikstákn um það.
Þeir alrauðu frá Munchen voru einfaldlega miklu betra liðið mestallan leikin og "Super" mario Basler skoraði gott mark fyrir þá nokk fljótlega minnir mig. Ótrúlegt klúður í allavega tvígang varð til þess að munurinn jókst ekki, en svo þekkja fótboltaunnendur hvernig síðustu mínúturnar þróuðust sem lygasaga. Tvö mörk til sigur með nánast augnabliksmillibili frá minnir mig Trinidadbúa (og gott ef ekki Tobacobúa líka?) annars vegar og Norsarabarnsfési hins vegar tryggði að bikarinn fór í öfuga átt en til stóð!?

Með þetta í huga, þá er já hugsanlegt að sagan geti endurtekið sig með samblandi af þessum ótrúlega einbeitingarskorti og klaufagang sem Bæjarar gerðu sig auðvitað öðrum þræði seka um þarna fyrir tíu árum (og gott ef ekki var einmitt á heimavelli Barcelona, Nou Camp?)
En líkurnar hljóta að minnka ef þessir tveir snillingar verða með og í góðu formi.
Alveg gildir það sérstaklega um Henry auðvitað, en fáir hafa fíflað Mu varnir eins yndislega og hann með Arsenal í sannarlega ófáum tilvikum og skorað mörg glæsimörkin!
Eitt eftirminnilegasta markið hans gegn Mu er þó tvímælalaust er hann tók landa sinn Fabian Bartes svo svakalega í bólinu í leik á Highbury, er sá fyrrnenfdi var einu sinni sem oftar að sýna stæla með boltan í teignum, að það fyndnara hefur vart sést né meir niðurlægandi!
En hann Eddi stóri í markinu hjá Mu núna, myndi nú ekki gera slíkar fimleikaæfingar ogallra síst í slíkum leik sem þessum, en kannski missir hann boltan fyrir tærnar á Henry eða Etoo eftir eitt af sínum frægu misheppnuðu úthlaupum, hver veit?
En skárra væri nú ef þessir tveir yrðu já með, ella væru einir fimm byrjunarliðsmenn B ekki með, alveg nóg að gefa Mu í forgjöf að þrjá af fjórum varnarmönnunum muni vanta!

Henry og Iniesta klárir í slaginn gegn United

Þóra enn sú besta!?

Sigurður Ragnar kvennalandsliðsþjálfari hefur um skeið átt við það "jákvæða vandamál" að stríða að þurfa að gera upp á milli margra mjög góðra markvarða í stöðurnar tvær í landsliðinu. En með fullri virðingu fyrir til dæmis þeim Söndru og Maríu B. þá held ég að Þóra, þegar hún er líkt og núna, í sínu besta formi og einbeitir sér að boltanum, enn líkast til þeirra best og fremst, auk þess auðvitað að vera ótvírætt reyndust.
Ég man enn eftir sögulegu jafntefli Íslands við Bandarísku stöllur þeirra fyrir nokkrum árum ytra, er þær síðarnefndu voru allavega Olympíumeistarar ef ekki heimsmeistarar líka!?
Leikurinn endaði minnir mig 0-0 og var frammistaða Þóru slík, að Kanarnir voru orðlausir á eftir!
Því ekki spurning, að verði þóra áfram í þessu formi fram að útrslitakeppni EM í Finnlandi í sumar, þá verði hún í markinu og gæti leikið stórt hlutverk í hugsanlegum góðum árangri!
Um leið kemur svo upp í manni enn og aftur eftirsjá mikil í systur hennar Ásthildi, en endir hennar ferils var eitt af fleiri leiðum dæmum þar sem okkar bestu fótboltakonur hafa hætt allt of snemma! (sú afbragðssnalla Rakel Ögmundsdóttir kemur líka upp í hugan í þessu sambandi)

Þóra B. í toppformi með Kolbotn

Gummi og Simmi slógu í gegn, Sigmundur agalegur!

Jamm, þeir Sigmundur ERnir og Guðmundur Steingríms stóðu einna helst upp úr hjá mér, fluttu einna hressustu ræðurnar og skemmtilegustu óháð innihaldi þeirra beinlínis. (og kannski ekki skrýtið að þeir hafi "Staðið upp úr" haha, báðir yfir 1.90 á hæð)
En ég botna enn hvorki upp né niður í hvers vegna Guðmundur skipti yfir í B, næ því bara ekki!
STelpur á borð við Kötu og Liljuna ágætar og þær Margrét og Birgitta úr Borgarahreifingunni eiga eftir að standa sig vel heyrðist mér. Veit hins vegar ekki alveg með B dömuna Vigdísi. Hinnn nýji formaður þess sama flokks var reyndar einnig viss senuþjófur, kom og hóf sína ræðu með slíkum yfirsnúningi að mynti mig á bilað segulband sem óvart hefði farið allt of hratt í gang! Og ræðan hjá honum var bara alveg agaleg!
Ný formaður D fór líka snemma í hágírinn, hef alltaf meir og meir á tilfinningunni, að hann sé kannski ekki alveg á réttri hillu þarna!? "Gömluhjúin" heillög Jóhanna og Steingrímur sigldu þetta á reynslunni, karlinn þó orðin nokkuð spakari sem sá er valdið nú hefur, en alltaf með góða tækni og málfar í besta lagi!
Þetta er svona það helsta, en ég hafði meir gaman af þessu núna en í mörg ár!

Átta jómfrúrræður í kvöld

GAman, en er ekki All Out Of Luck, samt miklu betra lag!?

Án þess að ætla að vera mjög leiðinlegur á gleðistund, þá verð ég nú að segja það, að SElmadísin var með einhvern vegin miklu meira "kjöt á beinunum" þarna í Jerusalem fyrir tíu árum, þetta lag mun varla lifa eins vel og All Out Of Luck!?

En eins og þar stendur,
TIL HAMINGJU ÍSLAND og auðvitað alveg sérstaklega með að hafa EKKI UNNIÐ!

Ísland í 2. sæti í Moskvu

Brattur!

Evrópu vill ekki sjá,
aðeins heima standa.
Í kjaftinum er Kristinn H.,
"Kjölfastur" að vanda!

En eftir langan tíma, er eflaust erfitt að sætta sig við að geta ekki þanið sig áfram innan veggja alþingis, eftirsjá hefur risið í hinum stórvaxna Krisni við þessi skrif og orðin því orðið nokkuð reiðilegri þess vegna!?
Hversu góð svo tillagan er eða eða slæm, er svo annar handleggur.

Segir þingsályktunartillögu fádæma rugl