EM, 8 liða úrslit, leikur 1. Fjörugur og í framlengingu!?

Þessar fregnir hafa eflaust lyft þungu fargi af Þjóðverjum, enda marksæknasti maður Þjóðverja í keppninni og einn sá allra mikilvægasti auk Michael Ballac Spái hörkuleik og fjöri og já, að þetta geti vísast endað í framlengingu, en þó ekki vítaspyrnukeppni! Og snillingurinn Ronaldo gæti orðið örlagavaldurinn hér, sá er mun gera gæfumininn!? Spá: Portúgal - Þýskaland 2-1 (eftir framlengingu)

Þjóðverjar í undanúrslit eftir 3:2-sigur

19. júní - Til hamingju með daginn!

Já, innilega til hamingju með daginn íslensku konur og karlar líka!
Í skugga neiðkvæðni og verra efnahagsástands, er aldrei mikilvægara en að treysta böndin sem best milli kynjanna og þá er tækifæri um leið til að efla og auka jafnrétti!
Eitthvað hefur það jú mjakast í rétta átt og konur örlítið verið að öðlast meiri völd og áhrif í okkar litla samfélagi, en betur má ef duga skal, eins og þar stendur, auk þess sem endalaust virðist þurfa að hlúa að og gæta þess sem þó hefur áunnist, svo það gangi ekki til baka!
Þáttaka kvenna í nefndum og ráðum og almenn í stjórnmálabaráttunni, góð dæmi um það.
Afnám úreltra sjónarmiða um ákveðin hlutverk milli kynjanna líka langtímabarátta og þar þarf líka hið vökula auga sífelt að vera á verði, t.d. þegar viðleitni til að flokka störf í kvenna og karla gerir enn og aftur vart við sig að nauðsynjalausu!
En maður hættir auðvitað ekki að vona að þetta batni og að einn góðan veðurdag gætum við séð baráttunni í stærstum dráttum lokið, til að mynda hvað varðar launamismun þó um sömu störf og vinnutíma sé að ræða.
Finnst eiginlega alltaf hálf hallærislegt að þurfa að nefna þetta, ætti í raun og veru ekki að fyrirfinnast né viðgangast.
Punktur og basta!

Í tilefni dagsins mega svo eftirfarandi hendingar fylgja með, settar á blað fyrir margt löngu, en eiga ekki svo ílla við held ég um Fjallkonurnar fríðu!

Lít ég þér í lotningu,
ljúfust allra meyja.
Fyrir dýrðardrottningu,
djúpt skal höfuð beygja!

Vigdís og bleikir steinar

EM, D riðill, Svíar áfram. Spánverjar mæta veikara liði Ítalíu.

Hljómar auðvitað brattur hann Pirlo og vissulega er það rétt hjá honum að maður kemur í manns stað. En fjarvera hans og Gattuso held ég líka, verður þó án efa til að veikja ítalska liðið töluvert í leiknum gegn Spánverjum í 8 liða úrslitunum!
Hins vegar kæmi ekkert sérstaklega á óvart ef þeim ítölsku tækist samt að slá hina spænsku út, sagan segir okkur jú að þeir eru oft andskotanum seigari "Stígvélalandsbúarnir"!
En Spánverjarnir hafa einfaldlega verið betri í keppninni og eiga meir skilið að fara lengra. Um það verður aftur á móti ekki spurt er á hólmin verður komið, sanngirni í fótbolta og íþróttum almennt vart eða ekki til!
Held annars í dag, að þeir spænsku leiki sama leik og bæði Hollendingar og Króatar hafa gert, vinni Grikkina og fari þar með í 8 liða úrslitin með fullt hús stiga. Allar líkur líka á að vinir mínir í Liverpool, Peppe Reina, Alvaro Ardeloa og Sabi Alonso leiki, svo sigur á að vinnast.
Spennan er hins vegar öll í leik Svía og rússa, þar sem hinum fyrrnefndu dugir jafntefli. Oft hættulegt að hafa það í undirmeðvitundinni, að jafntefli dugi, lið oft orðið værukær og tapað. Held þó að Larson, Ibrahimovic og félagar falli ekki í þá gryfju og nái allavega jafntefli ef þá ekki sigri, gegn annars ágætu rússnesku liði, en reynslulitlu.
Það yrðu allavega meiriháttar tíðindi ef Svíarnir klúðruðu þessu.
8 liða úrslitin ættu því að líta svona út ef þetta gengur eftir.

Portúgal - Þýskaland
Króatía - Tyrkland
Spánn - Ítalía
Holland - Svíþjóð?

Bíð nú aðeins með að spá í þessa leiki.

Pirlo sér ekki eftir neinu

Þórarinn Borgarskáld!

Þórarinn skáld hér brosir já breitt,
Borgin sér hvatningu hafi nú veitt.
Sem aldrei fyrr nú skuli hann heitt,
hamra sitt fræga ELDJÁRNIÐ beitt!

En þurfti garpurinn nokkuð á þessu að halda? ER eða hefur örugglega verið á listamannalaunum og almennt notið velvildar og hylli landsmanna. En hvað veit ég, þetta er allavega heiður sem mörgum þykir mikill og ekki skemma nú krónurnar nei sem fylgja fyrir!
Hitt er svo annað, Moggamenn, Þórarinn er ÚTNEFNDUR Borgarlistamaður, ekki tilnefndur!

Þórarinn Eldjárn tilnefndur borgarlistamaður

EM, C riðill, Ítalir að fara á taugum?

Það er nú engu líkara en svo sé, en kannski er þetta ekki síður og þá bara frekar sálfræðihernaður, sem alltaf kemur upp við slíkar aðstæður sem eru í þessum frábæra C riðli, réttnefndum DAUÐARIÐLI!
Og nú sverfur sannarlega til sta´ls, Ítalir og Frakkar berjast upp á von og óvon að komast áfram og það svo fremi að rúmenar vinni ekki Hollendinga.
Öfugt við það sem ég átti von á og var ekki einn um, unnu nú Króatar Pólverja í gær og það þótt þeir telfldu fram nánast nýju liði frá fyrri leikjunum tveimur!
Ég ætla því að spá því, að þetta ráðist hjá Ítölum eða Frökkum sjálfum, rúmenar nái þó jafntefli kannski, en önnur hvor þjóðin vinni hin leikinn!
Og ég vil trúa því að það verði....?
...FRAKKAR!
Þjóðverjarnir hirtu svo annað sætið í B riðlinum í gær, sem þýðir einfaldlega þrátt fyrir misjafnt gengi, að þeir eru sannarlega enn kandidatar að sigra eftir allt saman!
En bara góða skemmtun í kvöld, góðir hálsar!

Norræn svikamylla gegn Ítölum?

EM, B riðill. Já, NAKIN nágrannabarátta!

Austurríkismenn eygja já smá möguleika á að komast áfram og það gæti gerst ef þeir vinna stóru grannana þýsku og pólverjar tapi eða vinni ekki stóran sigur á Króatíu.
Og víst verður þetta hrein og bein barátta hjá þeim, en kannski ekki alveg eins "berstrípuð" eða "fögur" og hjá kvennþjóðinni!
En ég á nú ekki von á öðru en Þjóðverjarnir taki sig á eftir tapið slæma gegn Króötunum og sigri!
Bilic og hans lærisveinar taka það eflaust nokkuð rólega gegn Pólverjunum þeir síðarnefndu sigra, en jafnteflið örlagaríka gegn Austurríki gerir það að verkum að þeir sitja eftir.
Spáði rétt í gær með SViss og Portúgal, heimamenn kvöddu þar keppnina með sæmd, en úrslitin hjá tékkum og tyrkjum eru bara með hreinum ólíkindum, klaufaskapur makalaust hjá tékkunum!
En þetta er nú einu sinni það sem gerir leikin svo skemmtilegan og víst er að þessi keppni hefur verið ansi fjörug hingað til í það heila og fótboltaáhugamenn notið hennar vel!

Austurrískar kynbombur lögðu þýskar

Megi "Rokkurinn" vinna "Tígurinn"!

Reyndar ekki mjög miklar líkur á því fyrirfram, það þarf víst ekki að segja nokkrum manni sem á annað borð fylgist eitthvað með golfinu, en þó ekki væri nema til að slá á alla dýrkunina á Woods, einkum og sér í lagi auðvitað í Bandaríkjunum, væri nú einakar skemmtilegt ef þessi glaðværi náungi með "ítalska mafíunafnið" ynni goðið!
EF svo færi, byrjuðu auðvitað afsakanir um hnéð á tiger og allt það, en það hefur nú samt ekki truflað hann meir en þetta, að hann mun leika þetta 18 holu umspil í dag, sem nánast allir spá að hann vinni!
Sjálfur var ég hins vegar súrastur að Vestwood skildi ekki ná í umspilið líka, virkilega gaman að sjá hann aftur á svo glugi.

Rocco hlakkar til að takast á við Tiger

Of seint að byrgja brunnin...

Eins og framvindan varð í leiknum, var það bara of seint að ná upp þessum 8 marka mun á lokakafla leiksins og því situr eftir hvernig í fjáranum menn fóru að því að tapa með slíkum mun í útileiknum!?
Þegar pólverjar unnu okkur í umspilsleiknum á þeirra heimavelli, var stemmingin engu minni en í Makedoníu og pólska liðið er mun sterkara lið, ekki spurning, svo þetta er alveg voðalegt að upplifa þessa staðreynd núna að komast ekki á HM næsta vetur!
já, bara andskoti fúlt svo það sé orðað tæpitungulaust!

Ísland kemst ekki á HM

EM, A riðill. Formsatriði annars vegar, fjör hins vegar!

Já, leikurinn enda formsatriði fyrir Portúgalana, en fyrir Sviss snýst þetta nú um heiðurinn, að kveðja sómasamlega eftir vonbrigðin að komast ekki áfram, tvö töp!
Væri bara gaman ef gestgjöfunum tækist að vinna og ég vona það og trúi að það gerist.
Líf og fjör, barátta fram á síðustu mínútu verður hins vegar upp á teningnum í hinum leiknum milli tékka og Tyrkja!
trúi bara ekki öðru en Tékkarnir hristi af sér sliðruorðið og sýni sitt rétta andlit.
Ef þeir ná því, er aldrei að vita nema þeir vaxi enn frekar og séu líklegir til afreka í 8 liða úrslitunum!

Portúgalar hvíla menn

Hafðist með herkjum!

Já, það fór sem mig grunaði í aðra röndina, þó ég vonaði að svo yrði ekki, að SVíarnir urðu Spánverjum erfiðir, en þetta hafðist á lokamínútunni! SVíar því eðlilega svekktir eftir góða og skipulagða baráttu, en betra liðið vann, það er nú engin spurning! Meistaraheppni kannski? Veit ekki, en það verður nú að viðurkennast að betri leik þurfa Spánverjarnir að sýna ef þeir ætla alla leið. Og Torres komin á blað, gott mál!
Missir Puyol snemma af velli setti greinilega strik í reikningin og væri nú afar slæmt ef þessi leiðtogi væri ílla meiddur! En þetta er engin dauðadómur fyrir Svíana, eru enn sterkir kandidatar fyrir 8 liða úrslitin og ég geri ráð fyrir að þeir spili að líkindum úrslitaleik við rússana um það sæti.

David Villa tryggði Spánverjum sigur