Þessi niðurstaða þýðir, að varla þarf að spila úrslitaleikinn!?

Enenen, ekki misskilja þessa fyrirsögn, MU unnu jú góðan sigur nú, litaðan að vísu af endemisklaufaskap og einbeitingarskorti Arsenaldrengja. En þessi úrslit þýða, að næstu Evrópumeistarar verða anna hvort Barcelona eða Chelsea!
Að vísu ætti MU kannski svona 10% sjéns í þá bláu eins og þeir eru sterkir núna, en varla meira en kannski 3% í "El Barca" eins og þeir leika hvað best og sýndu t.d. svo stórkostlega á móti Real Madrid um sl. helgi!
Þannig er það bara eins og það lítur út blákalt metið í dag!
Og ef það hefði verið LFC sem MU ætti að mæta, þá væru möguleikarnir einfaldlega 0,0% og undir það hljóta allir góðir og sanngjarnir fótboltamenn að taka af skilningi og raunsæi!?

En aumingja Arsene, hann hefur greinilega aldrei heyrt orðatiltækið góða, að "Fæst orð hafi minnsta ábyrgð" karlgreyið, fullyrti að hans menn myndu leika stórkostlega og sigra!

ÆÆÆ, ég get ekki sagt annað og vorkennt honum í aðra röndina!

Man Utd. í úrslitaleikinn eftir 3:1 sigur á Arsenal

Athugasemdir

[Hjalti (IP-tala skráð) 5.5.2009 kl. 21:00]

hahahahaahahahahahahahaahahahahaahahaha! Þetta er með fyndari færslum sem ég hef lesið! Takk fyrir góðan húmor þó ég skynji smá biturleika í honum :D

Greyið Arsenalmenn! Eigið mína samúð að vera með svona ungt og óreynt lið.

[Þórður Helgi Þórðarson, 5.5.2009 kl. 21:02]

Ekki svaravert, tapsári Liverpool drengur. Nokkuð ljóst að Ars nær í jafn marga titla og Liver....

[Jóhann (IP-tala skráð) 5.5.2009 kl. 21:09]

vá ....... er ekki bara spurning um að snúa sér að einhverjum af hinum hlutunum sem þú ert áhugamaður um þar sem það er nokk klárt að  fótboltavitið vefst ekkert allt of mikið fyrir þér ..... ;)

[Magnús Geir Guðmundsson, 5.5.2009 kl. 21:12]

Takk fyrir það Hjalti og haltu endilega áfram að hlægja, alltaf gaman að geta skemmt fólki! En, engin biturð, ekki fylgismaður Skyttanna, þó ég beri hlýhug til þeirra.

En Doddi litli minn kæri, hvað varð um húmorinn hjá þér!? Við sjáum nú til með titlanna, "Þetta er ekki búið fyrr en það er búið" og það segir hinn geðþekki leikmaður MU, Paul Scholes enda líka!

[Magnús Geir Guðmundsson, 5.5.2009 kl. 21:13]

hvað segir þú Jóhann,viltu nammi væni?

[Þórður Helgi Þórðarson, 5.5.2009 kl. 21:52]

Mér fannst nú bara ágætis húmor í þessu hjá mér....Það hreyfir alltaf skemmtilega við Liverpool mönnum þegar maður talar um titla, eitthvað sem þið eigið ekki að venjast síðustu árin.. áratugina

[Hjörtur Herbertsson, 5.5.2009 kl. 21:53]

Það hlýtur að vera  e.h. púki í lyklaborðinu hjá þér Magnús. Ég er viss um að þú meintir að þeir bláu ættu ekki nema 10% séns í MU, og Barca 3%, en maður verður að fyrirgefa þér þetta fyrst að lyklaborðið er svona skondið hjá þér.

[Jóhann (IP-tala skráð) 5.5.2009 kl. 21:58]

éttu þitt nammi sjálfur góði, ég er saddur

[Aðalsteinn Jóhannes Halldórsson (IP-tala skráð) 5.5.2009 kl. 22:18]

Merkilegt að þú sért að bauna á Wenger með að "fæst orð beri minnsta ábyrgð" og skrifir þennan pistil um leið, eins arfavitlaust og hann er!

Það verða fjórir tiltlar hjá mínum mönnum þetta tímabilið! Engin spurning! Enda besta lið allra tíma og með besta stjóra allra tíma.

[Ólafur Gíslason, 5.5.2009 kl. 22:26]

Hehe.  Merkilegt að segja að Júnæted séu lélegir eftir að hafa  rústað sterku liði Arsenal.  Eins og það sé einhver mælikvarði að vinna Real Madrid?  Þeir töpuðu jú í Meistaradeildinni fyrir liðinu frá Everton, hvað heitir það nú aftur?

[Magnús Geir Guðmundsson, 5.5.2009 kl. 22:55]

Ekki málið Doddi litli, en ekki stemmir nú að titlaleysi hafi hrjáð LFC síðustu ár og áratugi, nema hvað sá enski hefur ekki komið í hús nei í um tvo áratugi.

Hvað þá um kaffi J. minn? Þú ert alltof æstur eitthvað og með derring!

[Magnús Geir Guðmundsson, 5.5.2009 kl. 23:00]

Ólafur minn, létt í þér og það er bara fínt, en ég sagði nú alls ekki að MU hefðu verið lélegir, menn eiga að lesa vandlega þegar MEISTARINN ritar sinn eðaltexta!

[Magnús Geir Guðmundsson, 5.5.2009 kl. 23:03]

Takktakk hjörtur minn, þú sýnir réttsýni og góðsemi og hver veit nema að svona 4% líkur séu á að þú hafir bara rétt fyrir þér, sem er nú allnokkuð!?

[Magnús Geir Guðmundsson, 5.5.2009 kl. 23:11]

Alli þó, minn góði bróðir í ÞYNGSLAROKKSTRÚ, mátt nú ekki fyllast augnaofbirtu og svífa værukær á vængjum ofurraunsæis!

SVo var ég ekkert að bauna neitt á kallinn, bara staðreynd að hann hafði uppi þessa stóru yfirlýsingu fyrir leikin, en strákarnir hans stóðu bara ekki undir því. N'u, ef þú lest nú litlu sætu færsluna mína aftur í ró og næði, þá muntu líka sjá, að ég er í raun ekki að fullyrða neitt sem ég get ekki staðið við, ekki þannig séð!

Bestu kveðjur austur í víkina góðu!

[Jóhann (IP-tala skráð) 5.5.2009 kl. 23:29]

er ekki æstur minn kæri, finnst þessi færsla þín bara arfavitlaus og bera lítinn vott um vit á knattspyrnu. kallaðu það að vera með derring ef þú vilt.

[Magnús Geir Guðmundsson, 5.5.2009 kl. 23:39]

Æ, gerðu mér nú greiða Jóhann minn, útskýrðu betur hvað þú átt við, já og segðu mér hvernig þetta hefði átt að hljóma með viti!?

[Brattur, 5.5.2009 kl. 23:44]

Ég er feginn að það verða annað hvort Chelsea eða Barcelona sem mæta United í úrslitum en ekki Fulham... United tekur úrslitaleikinn örugglega hvort liðið sem það verður... enda United besta lið sem ég hef séð spila...

[Magnús Geir Guðmundsson, 6.5.2009 kl. 00:18]

Þú hefur þá ekki séð mikið fleiri lið spila Brattur minn!?

[Jóhann (IP-tala skráð) 6.5.2009 kl. 10:25]

ef þú þarf frekari útskýringu þá á ég við þessa fullyrðingu þína að MU eigi í besta falli 10% möguleika á að vinna úrslitaleikinn, og kallar þetta svo "blákalt mat". Þú ert reyndar svolítið fyndinn ef maður spáir í það ....

[Magnús Geir Guðmundsson, 6.5.2009 kl. 18:23]

Já Jóhann, ert að koma til, en ættir samt að spara stóru orðin, hvað sem þér þó finnst um skrif einhvers, þá áttu ekki að draga ályktanir um persónu hans út frá þeim. Ég var þó í aðra röndina að fistak eftir slíkum viðbrögðum sem þínum.

[Magnús Geir Guðmundsson, 6.5.2009 kl. 18:26]

Fiska eftir, átti að standa þarna.