Asnaspark!

http://visir.is/article/20081110/FRETTIR01/652092427/-1

SEint mun ég vorkenna Framsóknarflokknum eða fólki innan hans vébanda, þótt þar sé vissulega margt gott fólk eins og í öllum flokkum.
En það liggur nú samt við núna í tilfelli hins nýja þingmanss frá sl. kosningum, Bjarna Harðarsonar,sem hér á í hlut og fyrir hrikalegan klaufaskap er nú því búin að gera sig að athlægi fyrir opnum tjöldum!
Vísir.is og fréttastofa Ríkisútvarpsins fóru ekki að eftirábeiðni hans að fjalla ekki um þessa atlögu að Valgerði Sverris úr launsátri, en einhverra hluta vegna gerir mbl.is það hins vegar og hefur ekki þegar þetta er skrifað sagt neitt frá skrifum Bjarna og tölvupóstinum á milli hans og aðstoðarmannsins, sem málið snýst um!
En þetta kemur hins vegar ekkert svo mjög á óvart, sem fylginautur Guðna Ágústsonar inn á þing í Suðurkjördæmi, er Bjarni lítt dulin og traustur stuðningsmaður sjónarmiða formannsins, sem m.a. hafa verið mjög í andstöðu við margt er Valgerður hefur predikað, t.d. varðandi Evrópusambandið.Neistað hefur á köflum milli Guðna og Valgerðar og þessi gjörningur Bjarna bara augljós vottur um eindregin og hatröm átök um völdin í flokknum! Og vart mun þetta í heild verða honum til tekna, þótt Valgerður personulega uppskeri kannski samúð og betri vígstöðu í valdabröltinu!? Þó með fyrirvara sagt, því sannarlega á hún stóran þátt sem fv. viðskipta- og bankaráðherra í hinni vafasömu einkavæðingu og svo að ekki skildi betur á málum haldið við að smíða leikreglur fjármálalífinu til handa!

Baggalútur Bjarni H,
bara vildi hrekkja ""Smá".
Í "Lómatjarnarlagði" á,
litla rassin sparka já!

Athugasemdir

[Hólmdís Hjartardóttir, 11.11.2008 kl. 00:53]

Var ekki all satt og rétt í þessu bréfi?

[Lilja Guðrún Þorvaldsdóttir, 11.11.2008 kl. 00:56]

Góð vísa, hjá þér. - Mikið eru þetta lúaleg vinnubrögð, hjá Bjarna Harðar og hans félögum. - Ég hélt að Framsóknarmenn hefðu hætt þessum lúaleguvinnubrögðum eftir að þeir komu Birni Inga burt úr flokknum með heilu hnífaparasettin í bakinu. - En auðvitað eru þeir samir við sig, af barnaskap hélt ég að Bjarni Harðar hefði komist á þing vegna getu og góðrar vinnu, en nú sé ég að mér skjátlast hrapalega.

[Magnús Geir Guðmundsson, 11.11.2008 kl. 01:19]

Blessuð Lilja mín Guðrún, "Músagildrumeyja", gaman að sjá þig!

En svona er nú pólitíkin,hún fer bara ekki vel með marga. En Frammararnir virðast nei ekki ná vopnum sínum né að finna friðarflöt á starfsemi sinni og stefnu! TAkk kærlega svo fyrir hrósið!

Getur nú meir en vel verið Hólmdís mín góða, en hvernig Bjarni hélt á þessu er nú það sem fyrst og fremst vekur athygli!

[Lára Hanna Einarsdóttir, 11.11.2008 kl. 03:26]

Jújú, Mogginn sagði líka frá þessu og það í tvígang með tíu mínútna millibili - þótt seinna væri en hinir.

Sjá hér og hér.

[Eva Benjamínsdóttir, 11.11.2008 kl. 13:01]

Tek ofan fína Parísarhattin, svo sátt er ég við afsögn Bjarna Harðar. Hann á að vera skemmtikraftur, hehehehe. Ekki það að ég hafi vit á pólitíkinni heldur tel ég manninn vera heiðarlegan þrátt fyrir allt. Hann sýnir fordæmi og segir af sér. Mættu fleiri fara að hugsa sinn gang. Hann hlýtur að vera góður skákmaður.

[Magnús Geir Guðmundsson, 11.11.2008 kl. 16:16]

Takk Lára Hanna, þannig var bara að ég dróg það dálítið að klára þetta, var löngu byrjaður að skrifa þetta áður en mbl.is kom svo með sínar fregnir, en hitt og þetta bara truflaði og svo gáði ég ekkert að hvort þeir hefðu tekið við ´sér þegar ég vistaði svo færsluna.

En þakka þér fyrir hugulsemina og hlekkina, sómakella!

Æ ég veit ekki Eva mín hvort hann á skilið að tekið sé ofan fyrir honum vegna afsagnarinnar í morgun, finnst það hins vegar meir umhugsunarvert að þingmenn í sama flokki skulu yðka slík vinnubrögð sem þessi. Og tíðkaðst þetta t.d. í B flokknum?

[Eva Benjamínsdóttir, 12.11.2008 kl. 19:14]

Ég veit ekkert hvað tíðkast í B flokknum, er hann ekki steindauður? en hvort sem bréfið lak óvart út eða ekki, þá fengum við allavega að lesa um vinnubrögðin og að mér læðist sá grunur að Bjarna hafi verið nóg boðið, án þess að ég viti það. Þetta er sýnishorn af því hvað ég treysti pólitíkusum mikið eða hitt þó heldur Það má öll Ríkisstjórnin segja af sér og ég tek ofan ef ég er með hattinn, annars klappa ég af miklum fögnuði.

[Magnús Geir Guðmundsson, 12.11.2008 kl. 22:58]

Þú ert bara í ört stækkandi hópi landsmanna sem ekki treystir valdamönnum Eva mín! En veit ekki svosem frekar en þú hvað BH er eða var að hugsa, nema að ljóst var að hann hugðist vega að Valgerði úr launsátri með hjálp síns aðstoðarmanns. En þetta tilheyrir nú fortíðinni og var auk þess fyrst og síðast mál Framsóknarmanna.

Mikið held ég að þú sért sæt með hattin!