ER bara til háborinnar skammar!

Í sjálfu sér ekki mikið um þetta að segja meira, nema að þessar útskýringar eru hreint og klárt yfirklór og til skammar!
Áfengi og íþróttir fara bara ekki saman, ekki frekar en áfengi og akstur.
Það getur vel verið að auglýsingarnar á Rás tvö sleppi fyrir horn, séu innan lagarammans, en sjónvarpsauglýsingarnar margendurgerðu þar sem örlítill ferningur og þá helst í einhverju horninu er settur inn með orðinu "léttöl" eru hins vegar ílla dulbúnar bjórauglýsingar fyrir vöru sem er að öllu leiti eins, undir sama vöruheiti og umbúðum og "léttölið"!
Dómar hafa allavega tvívegis fallið í seinni tíð gegn slíkum auglýsingum held ég örugglega, en hvernig sem þetta velkist, verður kært eða ekki og þá dæmt ólöglegt eða ekki, þá er þetta í öllu falli siðlaust að spyrða svona kinnroðalaust saman áfengisdrykkju við í þessu tilfelli EM í fótbolta!
Í einu helsta vígi fótboltans, Englandi, hafa menn einmitt verið að reyna að skera meir í sundur þessi efni, opnunartími kráa takmarkaður kringum leiki o.s.frv. en hérna virðast menn vegna erfiðs rekstrar m.a. ekki víla fyrir sér að sækja tekjur og það nánast með öllum ráðum!?
En sem ég sagði, er þetta endurtekið efni með sjónvarpið, hefur lengi viðgengist með Meistaradeildina hjá 365 miðlum og reyndar man ég eftir enn verri dæmum af þeim bæ, bjór jafnvel gefin í beinni útsendingu í föstum íþróttaþætti á einni útvarpsstöðinni og það af nú nýráðnum íþróttafréttamanni lágvöxnum til RÚV!
Endurtek bara, að mitt í gleðinni yfir boltanum var þetta og er til skammar!

„Enginn vafi“ á lögmætinu

Athugasemdir

[Jenný Anna Baldursdóttir, 1.7.2008 kl. 13:37]

Algjörlega ótækt að RÚV auglýsi áfengi.  Siðlaust.

Ekki eins og maður geti sagt upp áskrift til að mótmæla.

En ég var að senda þér meil.  Og kærar þakkir fyrir sendinguna.

[Bubbi J. (IP-tala skráð) 1.7.2008 kl. 17:28]

Ég er hlynntur áfengisauglýsingum í sjónvarpinu frekar en fótbolta.

[Magnús Geir Guðmundsson, 1.7.2008 kl. 17:45]

Takk fyrir það Jenný, málið afgreitt!

En hver er ekki skriðin fram úr skel og aftur farin að gjamma sem gamall hundur, nema minn gamli Bubbi bjórþambari!

Komin úr fríi sællegur og brúnn vænti ég!?

[Karma (IP-tala skráð) 1.7.2008 kl. 19:13]

Þessi fornaldarlög eru bara til skammar, algjörlega tilgangslaus

[Steingrímur Helgason, 1.7.2008 kl. 21:30]

"Auk þess legg ég til að 'RÚV' verði lagt í eyði ...."

[Magnús Geir Guðmundsson, 1.7.2008 kl. 21:56]

Hvað þú Karma átt nánar við, þarnast skýringar, eru lögin óþörf og vond vegna þess hve hægt er að fara í kringum þau, eða óþörf og gagnslaus vegna þess að engin þörf er að banna áfengisauglýsingar?

Hehe, ekki að spyrja að kímninni í þér, félagi Steingrímur! En RÚV á auðvitað að standa, en á þá að fá þær tekjur sem fyrirtækinu var lofað.

[arnar valgeirsson, 1.7.2008 kl. 23:55]

þakka súlur og "kiðlinga".... verður gluggað í við og við. engin hætta á öðru.

það á ekki að þurfa að auglýsa góðan bjór!!!! en sammála þér samt.

[Magnús Geir Guðmundsson, 2.7.2008 kl. 15:19]

Ekkert að þakka. En bjórpunkturinn nei ekki alveg út í bláin hjá þér fyrir þá sem vilja og vita á annað borð!