Þættir um Karþago, ekki missa af þeim!

SEm gamall bókaormur fram eftir aldri og fíkill í fróðleik af öllu tagi, var Rómarveldið til forna sem og Grikkja m.a. sem vakti áhuga.
SVjónvarpið hefur löngum líka verið ötullt við að sýna efni sem tengist þessum tíma og öðrum og nú í kvöld verður fyrri þáttur af tveimur um borgríkið Karþagó, sem Rómverjar stóðu lengi í stappi við, tekin til sýningar.
Þeir sem áhuga hafa á mannkynssögunni og bara af þáttum sem slíkum, ég tala nú ekki um breskættuðum eins og þessir eru, ættu ekki að láta þá framhjá sér fara og það þótt komið sé hásumar og sjónvarpsgláp ætti að vera í lágmarki!
Annars minnist ég þess alltaf með brosi á vör, að í hinum hágöfugu bókmenntum um Ástrík GAllvaska, var Kato, rómverska sagnamanninum mikla með meiru, gert hátt undir höfði og þá hinni frægu setningu sem hann ku alltaf hafa endað sínar frómu ræður á og var eitthvað á þessa leið:

"Auk þess legg ég til að Karþagó verði lögð í eyði"!
Jamm, bækurnar um Ástrík og félaga í Gaulverjabæ úr smiðju Gossini og Urderzo, eru og voru endalaus skemmtun. Barátta þeirra lon og don við rómverja, hefur reynst bæði börnum og fullorðnum mikil skemmtilesning í áratugi!

Athugasemdir

[Lára Hanna Einarsdóttir, 30.6.2008 kl. 14:10]

Ég á allan Asterix á frummálinu, frönsku, sem ég kann ágætlega. Eins og oft vill verða glatast alltaf svolítill húmor í þýðingum og mér finnst ensku og íslensku útgáfurnar ekki ná almennilega upprunalegu meiningunum, sérstaklega þegar verið er að leika sér með tungumálið. Engu að síður eru bækurnar bráðskemmtilegar á þeim tungum og þýðendur hafa unnið þrekvirki með því að endursegja og staðfæra og halda uppi húmor þótt hann sé ög öðruvísi en sá upprunalegi.

Takk fyrir að benda á þennan þátt í kvöld - ég hef áhuga og ætla að reyna að muna eftir þessum þáttum!

[Magnús Geir Guðmundsson, 30.6.2008 kl. 14:41]

Ekkert að þakka Lára mín Hanna, en þér er ekki fisjað saman heyri ég, í frönskunni líka, ekki bara í "Sápuóperuammriskunni" haha!

En gæti jú trúað að þetta sé já almennt svona, erfitt sé að ná kímni oft á tíðum í þýðingum úr upprunamalinuj!

[arnar valgeirsson, 30.6.2008 kl. 17:24]

já, ástríkur er snilld og ég safnaði bókunum lengi vel. eitthvað hefur þó grisjast úr bunkanum, því miður.

eflaust hefur einhver húmor tapast við þýðinguna, en samt sem áður var hún snilldarlega unnin og ég hlæ enn að honum beinlíniss....

súperdúd.

[Magnús Geir Guðmundsson, 30.6.2008 kl. 17:47]

En við almúgin vitum auðvitað ekki hvað tapaðist, bara snillistúlkan Lára Hanna og aðrir sérfræðingar sem lesa frummálið sem vita hvað um er að ræða.

Átti ásamt bræðrum flestar af Ástríksbókunum, en eins og gengur hafa þær eitthvað farið á flakk í tímans rás og sjálfsagt skemmst eða glatast.

[Magnús Geir Guðmundsson, 1.7.2008 kl. 00:04]

Já, svona getur þetta verið, komst einvhern tíman í danska útgáfu minnir mig, en fannst hún ekkert á við þá íslensku.

En það segir kannski meir um dönskukunnáttu mína en húmroinn!?

[Einar Bragi Bragason., 1.7.2008 kl. 01:29]

Seyðfirðingar eru Gallar Íslands

[Magnús Geir Guðmundsson, 1.7.2008 kl. 12:41]

Þú segir ekki Saxi minn haha! Og þú ert hinnn seyðfirski Ástríkur þá, eða hvað?