Jákvætt!

Já, út af fyrir sig jákvætt og segir manni að samkynhneigðir karlar allavega hérlendir sem og aðrir sem leita ævintýra hjá ónefndum kvennastarfstéttum á vissum stöðum í útlandinu eða bara eru kærulausir um hvernig þeir "sletta úr klaufunum", eru fáir eða heppnir þá eftir atvikum hvað varðar sárasóttina. En margt fleira að varast eins og fram kemur, m.a. lekandafjáran auk svo auðvitað HIV smits. Nei, aldrei of varlega farið í náttúrunnar- og nautnaglímutökunum! Áður fyrr tengdi maður slíka sjúkdóma fyrst og siðast við sjóara og slíka ferðalanga er keyptu sér glaðning á þá tíðum ferðum til erlendra hafna að selja fisk. En nú er öldin önnur og enngin maður með mönnum, eða svo gott sem, sem ekki hefur ferðast út og suður um allar heimsins trissur! Þeim mun meiri ástæða því til að "passa pinnan" og "sitt dýra skaut"! En svona mun þetta já hafa gerst allavega forðum daga.
EFtir heita nautnanótt,
napurt oft er gengið.
Margur hefur sárasótt,
í "Sæluhúsum" fengið!

Engir greindust með sárasótt á síðasta ári

Athugasemdir

[Jenný Anna Baldursdóttir, 17.4.2008 kl. 18:51]

Ég hélt í alvörunni að sárasótt (syfilis er það ekki?) væri fortíðarvandi.

Nú er ég hissa.  Svo langt frá lífinu í "sælunni".

[Magnús Geir Guðmundsson, 17.4.2008 kl. 20:14]

Já mín kæra Jenný og svo var nú einnig með mig, hafði ekki leitt hugan lengi að kynsjúkdómum yfir höfuð, en fréttin fékk mig til að rifja upp tal um þetta frá fyrri tíð!

[Steingrímur Helgason, 17.4.2008 kl. 20:32]

Merkilegt að þið félagar, þú & Jensinn, farið að rifja upp kynsjúkdóma ýmsa, sinn á hvoru bloggeríi sínu.  Það hvort að  þarna eru einhver sammæli um, eða bara andleg tenging ykkar á milli er eiginlega spurníng sem að átti aldrei að vera spurð, enda svars ekkert endilega krafist.

Góð er samt þín vísa, enda þér von & vísa að..

[Magnús Geir Guðmundsson, 17.4.2008 kl. 21:24]

Hehe létt og löðurmannlegt að svara, andleg eða hugræn tengsl ekki spurning á milli okkar garmanna og það ekki í fyrsta skiptið!En hans er efalaust meir krassandi, engin vafi og það þó eg eigi hafi lesið!

Þakka svo hólið til handa vísuhraflinu!

[Jens Guð, 19.4.2008 kl. 01:13]

  Ég fékk nú bara vesældalega flatlús fyrir nokkrum árum. Og slátraði henni með vökva sem ég keypti í apóteki.  Og þótti hálf leiðinlegt að ráðast þannig að þessum vinalegu kvikindum. 

[Magnús Geir Guðmundsson, 19.4.2008 kl. 02:30]

Hehehe félagi Jens, alltaf ertu sama gamla góða náttúrubarnið, saklaust og sáttfúst við allt þó á móti blási!