Raddir í garðinum!

Bók með þessum titli skrifaði einmitt einn af "Thorsurunum", hann frændi minn Thor Villhjálmsson fyrir nokkrum árum og átti þá áreiðanlega við þennan nú mjög svo umtalaða garð við hús móðurafa hans Thors Jensen, eða það held ég. bókin sú arna fjallaði þó hygg ég ekki svo mikið um garðin eða móðurgarðinn yfir höfuð, heldur miklu frekar um föðurhelmingin og þeirra arfleið austur á Brettingsstöðum á Flateyjardal, þaðan sem faðir skáldsins, Guðmundur Vilhjálmsson átti ættir að rekja (og þaðan sem ég sauðurinn á líka að sækja mínar rætur í móðurættina)
Æ, þetta er annars enn eitt bölvaða vandræðamálið í Reykjavík og staðfestir sýnist mér veikleikan og jafnvægisleysið sem ríkir með stjórnarliðið þar.Eina skoðun hafa menn í dag, en aðra á morgun með þetta og hvað eigi að ákveða, svipað og með þetta hörmulega REIdæmi allt saman! Fyrir ekki of mörgum árum urðu þáverandi minnihlutasitjarar alveg æfir og margur borgarbúin sömuleiðis, er úthluta átti núverandi vatnsbaróninum, en þáverandi plötukaupmanninum með meiru, Jóni Ólafssyni reit í Laugardalnum. Allt varð já vitlaust og verja skildi þennan græna reit dalsins með oddi og egg í almenningshagsmunaskyni eins og það hét. Peningakallinn átti ekki að fá slíka fyrirgreiðslu fyrir meintan stuðning við þáverandi meirihluta, eins og þáverandi minnihluti bollalagði m.a. um!
Ekki veit ég hvort þetta er nú alveg sambærilegt við málið nú, garðin fagra við Fríkirkjuveg 11, en svona úr fjarlægð er einhver samhljómur. Legg samt engan dóm á þetta og nú sem í fyrra tilfellinu, hafa báðir sjálfsagt eitthvað til síns máls.
Bara hið besta mál annars að stofna svona hollvinaklúbb, öllum líka frjálst að gera það.

Stofna hollvinasamtök Hallargarðar

Athugasemdir

[Steingrímur Helgason, 19.4.2008 kl. 00:02]

Þetta er einhver sú hlutlausasta færsla um frétt sem að ég hef séð á bloggi ?

Hver dó & af hverju var þín skoðun jörðuð með ?

[Lára Hanna Einarsdóttir, 19.4.2008 kl. 00:20]

Mér finnst nú bara algjör skandall að selja þetta hús! Það er leitun að fallegri húsum með þessum yndislega garði í kring og þetta á hiklaust að vera áfram í eigu íbúa Reykjavíkur. Ég efast ekkert um að hægt væri að finna því verðugt verkefni í framtíðinni.

[Magnús Geir Guðmundsson, 19.4.2008 kl. 02:17]

SVonasvona Hauganeshágöfgi, slappaðu af!

Þetta bara hugrenningatengslahrip sem fregnin vakti, fór að spá í gamla karlinn Thor og bókina, en get alveg tekið undir með Láru ljúfu, að vont ef húsið yrði selt með sínum mikla garði og aðgangur eftir það takmarkaður.

Takk fyrir elskurnar mínar!