Mitt gamla og góða aprílgabb!

Áður fyrr á árunum þegar ég kúldraðist við að halda úti Poppsíðu dagblaðsins stórmerka Dags/Dags-Tímans, brá ég allavega einu sinni á leik við lesendur í því augnamiði að láta þá hressilega "hlaupa 1. apríl"!
Og hvað haldið þið'?
Það tókst líka svona dável!
Poppsíðan var jafnan í Helgarblaðinu, sem dagsett var hvern laugardag, en oftast þó dreift á föstudagseftirmiðdögum eða kvöldum.
Snemma á ferli mínum minnir mig, kom 1. apríl upp á laugardegi og því ekki úr vegi að leggja hausin í bleyti og sjá hvað kæmi út úr því.
Man ekki árið nákvæmlega og nenni ekki að finna það út, en þetta var ekki löngu eftir eða mörgum árum frá því að Hrafn nokkur Gunnlaugsson hafði meira og minna átt þátt í að koma hinum ráma en mjög merka skáldi og tónlistarmanni frá Kanada, Leonard Cohen, hingað til lands til tónleikahalds!
Mun Hrafn m.a. hafa sagt frá því, að hann hitti að mig minnir umboðsmann Cohens í gufubaði, þar sem svo eitt hafi leitt að öðru, mjög heppilegt væri einmitt að komast í tæri við slíka menn á svoleiðis vettvangi, í góðu tómi og þægilegu.

Þetta var me´r semsagt minnistæt og því bjó ég bara til nýja sögu í svipuðum dúr um Hrafn og að nú væri tilfellið hvorki meira né minna en ROLLING STENES sem væru á leið til landsins!
Og sveimérsveimér þá, alla vikuna á eftir nanast var ég í að leiðrétta um leið og afsaka þessi skrif og það sem fyndnara var, fólk vildi sumt bara ekki trúa því að ég þessi "merkilegi popppælari" væri með svona aprílgabb um slíkt og þvíumlíkt hahaha!
"Hvar er hægt að kaupa miða"? spurðu til dæmis æstar afgreiðslufreyjur í Bókabúð Jónasar "sálugu" mig mörgum dögum síðar, m.a. hin yndislega Bryndís Þórhallsdóttir síðar hjúkka og útvarpskona!
Jamm, ansi hreint skemmtileg minning um þrælvel heppnað aprílgabb!

Athugasemdir

[Lára Hanna Einarsdóttir, 1.4.2008 kl. 17:37]

Nú loga bloggheimar í aprílgöbbum og engu hægt að trúa... 

[Magnús Geir Guðmundsson, 1.4.2008 kl. 19:46]

Elsku Lára Hanna mín, því get ég TRÚAÐ hahaha!

En Ringulreiðin í reykjavík, hún er ekkert gabb!

[Magnús Geir Guðmundsson, 1.4.2008 kl. 23:24]

Takktakk, min danske dreng og ven!

[Einar Bragi Bragason., 2.4.2008 kl. 12:39]

góður

[Magnús Geir Guðmundsson, 2.4.2008 kl. 15:20]

Hehe, já, heldur ekki svo slæmur!

[Ásthildur Cesil Þórðardóttir, 2.4.2008 kl. 23:19]

Hahahaha prakkari varstu Magnús minn.

[Jens Guð, 3.4.2008 kl. 00:54]

  Maggi er öflugur prakkari.

[Magnús Geir Guðmundsson, 3.4.2008 kl. 15:53]

Þakka vestfjarðagyðjunni og hinum mikla skagfirskættaða hugsuði hrósið, mikill heiður að nefnast prakkari!

[Helga Guðrún Eiríksdóttir, 4.4.2008 kl. 00:20]

Prankster .. en nú segja mér leynilegar heimildir að ekki sé óhugsandi að ný Stones plata verði mögulega veruleiki fyrr en árið rennur í aldanna skaut...